One More Hotpot 來一鍋 (Closed)

今天過海同朋友聚舊，大家正好都想食火鍋，他介紹我到銅鑼灣的”來一鍋”海鮮火鍋。位置近堅拿道西天橋，餐廳上樓，樓下有海報廣告，睇落都幾吸引，餐廳幾大，環境舒適，坐得舒適。店員為我們介紹餐廳的海鮮火鍋套餐，任食2小時30分鐘，價錢每位 $368，新張期內，晚市全時段更有85折優惠。海鮮火鍋套餐會包括海鮮火鍋拼盤和手工火鍋拼盤，另外還有多款無限追加的火鍋配料，非常豐富，餐廳任飲汽水，醬料自由配搭。鍋底：在十款鍋底中我們選了花膠螺頭雞鍋(濃湯)，湯底清甜，雞件大塊嫩滑，花膠螺頭滋潤，還有大量紅棗，補氣養血。肉類(每兩位送一碟)今天我們2位，我們選擇了安格斯prime grade牛頸脊肥牛片，牛頸脊牛味濃郁，入口嫩滑。主菜：包括有17種不同款式，海鮮當中有扇貝、青口、鮑魚、大蝦、蠔、珍珠蚌、象拔蚌、即炸響鈴和即炸魚皮。海鮮新鮮，款式多，整體都十分不錯；魚皮下鍋口感變腍了吸滿湯汁更正；響鈴比平時見到的更大上不少，都幾巨型。丸餃類有手工豬肉釀鮮冬菇、手工墨魚釀豆卜、手工墨魚丸、手工豬肉丸、、手工獅城魚尾雲吞、手工韭菜餃和手工羊城水餃，比較特別的是手工流心牛肉芝士丸，外面很少機會食到。吃到這裏都快飽了

今個星期天氣突然轉凍，今晚朋友提議試間火鍋新店，在銅鑼灣堅拿道西的”來一鍋”一嚐海鮮火鍋。來到餐廳裝潢簡約地方寬敞，環境舒適。餐廳大廳的卡位，最多可坐6位，4-8人；還有其他有4人6人和8人枱；包房設最低消費，最大的一間可坐12-15人；另外两間小的包房可以打通，每間可坐9-12人。餐廳的海鮮火鍋套餐任食2.5小時，價錢每位 $368，晚市全時段更有85折優惠； 逢星期一至四晚上9點後入座7折。每1至6位數量送一個鍋底，每7至9位送兩個鍋底10位以上送三個鍋底；鴛鴦鍋底價$6810款鍋底當中我們選了花膠螺頭雞鍋(濃湯)今日我們有4位，所以每樣有一碟手切安格斯Prime Grade牛頸脊肥牛片和西班牙黑豚肉，紋路平均色澤亮麗，有質素，肉味香濃。主菜(位上)海鮮按每位上的，有殼扇貝、有殼青口、有殼鮑魚、大蝦、有殼蠔、珍珠蚌和象拔蚌；其他還有即炸響鈴、即炸魚皮；丸餃類有手工豬肉釀鮮冬菇、手工墨魚釀豆卜、手工墨魚丸手工豬肉丸、手工流心牛肉芝士丸、手工獅城魚尾雲吞、手工韭菜餃和手工羊城水餃，款式多樣。火鍋配菜食那麼多肉和海鮮要點些蕃薯苗、豆苗和牛奶公司豆腐平衡一下。火鍋配料我們還加了鵝腸、花枝片

環境裝修新淨，坐得舒服任食套餐首先有自家製的火鍋料啲丸細細粒，易入口，足料。自家製響鈴好大條，重好脆口，響鈴迷必試！之後重有再以人頭計算的海鮮。海鮮新鮮好大隻: 有鮑魚，蠔，北寄貝，帆立貝。海鮮控表示滿足。牛肉份量，厚度同脂肪比例剛好！飲品有好多選擇，有啲係外面少見款式。例如韓國嘅可樂同圖下嘅菊花茶，烏龍茶。我比較中意後面兩款，唔會太甜，又解渴。最後原來重有個心太軟！唔好睇佢細細舊，一切開，暖暖啲朱古力慢慢流岀嚟😍表皮整得香濃🌞好味道☺️整體都係好食☺️中意麻辣，海鮮嘅人會愛上☺️😉

今日和朋友往銅鑼灣來一鍋打邊爐聚舊,我們點了$368任食火鍋,我們點了喇沙海鮮鍋, 冇錯?是喇沙海鮮鍋, 聽人說「打邊爐最重要是湯底」?為了引證這句說話,所以我們就點了喇沙海鮮湯底,試試湯底是否在打邊爐如此重要。(我個人是可以淺嚐少許辣,但不可吃得太辣!)。侍應在落單後很快就把熱辣辣的喇沙海鮮湯底放在爐頭上。喇沙海鮮湯底用料十足,材料有豆卜,鮮蝦、蜆和魷魚等淆製而成,湯底味道香濃,食落不會感覺太辣, 喇沙海鮮湯底很適合用來打邊爐, 豆卜吸收了喇沙湯底精華, 落很暖胃；蝦,蜆和魷魚食落新鮮彈牙,十分醒胃。侍應之後把我們之前落單的打邊爐配料陸陸續續放在枱上,我們點了肥牛片,脆鯇腩、蟹棒、蟹籽丸、午餐肉和豆苗等。肥牛片切得薄薄,肉質鮮甜有肉味, 味道香濃可口；脆鯇腩食落肉質鮮甜,個人認為如骨少一點會好些；蟹棒好大條,賣相一流, 食落爽口；蟹籽丸食落彈牙,蟹籽味道少少甜,食落惹味；午餐肉大大塊,食落有油花好好味；最後豆苗新鮮爽口,食落不會有渣,能中和肥膩。這裡除了食物很有水準外, 飲品也很有特色, 有台灣的菊花茶, 無糖烏龍茶、芒果汁和仙草茶等, 我試了台灣的菊花茶和無糖烏龍茶,菊花茶甜度適中

朋友介紹來到one more打邊爐作為年三十晚團年dinner首先揀湯底，花膠螺頭雞鍋，一來到當然首先試下d湯。非常清甜，隻雞好大隻，花膠爽口。主菜方面，令我最impressed的是海鮮！非常多種類，有扇貝 青口 蠔 鮑魚 象拔蚌等。我覺得最好味係扇貝同鮑魚，扇具勁大隻！！鮑魚彈牙！真係食完個海鮮盤都飽左三分一。另外，主菜既餃子我都覺得好好食！其他火鍋配料配料就係任點，種類齊全。員工有禮貌，會介紹食物，找不到挑剔的地方

新年最後一日假期，同屋企人黎到銅鑼灣行街，係openrice見到呢間來一鍋零負評好奇心驅使左我地黎試下行去枱既途中見到呢度有包廂！ 感覺私隱度高又舒適同屋企人食唔洗自己比當然唔會慳叫左海鮮火鍋套餐，每位$368，當日去到發現有85折優惠，連埋加一等等每位都只係350幾蚊呢個套餐算係半任食既火鍋，手工丸、牛頸脊同海鮮等唔係任食嘅，其他火鍋配料就可以。每位收醬汁錢$10湯底揀左椰子雞湯，好足料又唔油膩既湯底，椰子味香濃，裏面既雞件意外地滑，確實不俗！前菜有兩款，麻辣木耳同手拍青瓜，兩款都好開胃唔係任食嘅手打丸分別有豬肉丸、芝士牛丸同埋墨魚丸，仲有墨魚釀豆卜，芝士牛丸入邊有流心嘅芝士，幾特別，豬肉丸亦都幾香，最鍾意係呢兩款同樣唔係任食嘅雲吞同水餃十分高質，絕對稱得上皮薄餡靚，最鐘意有木耳個款餃同韮菜餃冬菇釀豬肉亦都唔錯。每兩位可以揀一碟唔係任食嘅肉，有西班牙黑豚肉同埋安格斯牛頸脊揀，我哋四位就剛好可以每款各一碟。兩款肉當中，我同屋企人都更加鍾意牛頸脊，牛味濃郁！！海鮮當然係我哋今晚嘅重點啦！！有成七款海鮮咁多，有鮑魚、象拔蚌、扇貝等等，每款都好新鮮，但係呢一個海鮮拼盤已經覺得值回票價我同屋企

昨晚星期五第一次去呢度，見佢門外張貼價錢吸引，營業時間到凌晨兩點，於是試一試，當時晚上10點25分，入到去坐低睇menu加叫嘢，10點35分落哂單叫咗個雞煲，當時得4分1場客，仲要大部分客都已打邊爐尾聲，但個雞煲要11點25分先到，都唔緊要，慢工出細貨，去到12點40分話last order,我哋落埋單，隨即有個職員攞張單話結賬及攞埋last order啲嘢食後，就有個男職員喺12點49分行埋嚟同我哋講今日提早收，12點50分要收舖，要我哋即刻走，究竟有無搞錯，last order 嘅嘢食都未食，就趕客，提早收由頭到尾無人講過，12點49分俾一分鐘我哋叫我哋走，原因我哋走咗可提早收，極度後悔一試，就算嘢食幾好食都無用！客觀啲講，嘢食係好食！

同男朋友去食拾拾下平日關係去到唔洗等位。呢度任食兩小時半，叫左$368的套餐，我們好食得辣叫左湖南香辣牛坑腩。一上台香味四溢，牛坑好入味又淋，正！之後開始上主菜，係計位上。有手打墨魚丸，豬肉丸，食過手打的真係返唔到轉頭，好彈牙。手打雲吞，水餃，皮夠薄。海鮮拼盤有7款，好新鮮，鮑魚好大隻呀值得一提呢度的炸魚皮相當好食，大件又夠脆又好夠魚味！而即炸響鈴好長身，灼一灼吸哂湯底的精華👍有46款的火鍋配料任點任食，汽水任點任點，仲有成20幾款選擇，真係抵最後甜點係心大軟，流心朱古力，相當好食😁

去得任食,真係唔會停,4個人由頭食到落尾無停過,真心超值地方幾CAFE FEEL ,多人少人都無問題,因為同一個價錢以藍色為主題,好少女feel 自選湯底為花膠螺頭藥膳雞鍋,花膠size小一點,但都夠味每2位有一碟手切安格斯牛,好少任食牛都咁靚雪花好平均,睇落十分新鮮,無血水無雪味魚皮好脆皇帝菜我的最愛,前後食左3轉每人指定一份的手工丸類有牛丸,豬肉丸,墨丸,豆卜,冬菇,細細粒,容易食海鮮拼盤連鮑魚都有,size雖小,但堅新鮮,所以好鮮甜,彈牙仲有珍珠蚌、象拔蚌、大蝦、貴妃蚌和扇貝呢個拼盤真係高成本,超值之選!食落份量都唔少,好飽好飽,之後再一人送一件心太軟,質量比甜品鋪好,細細件美中不足只欠一球雪糕伴碟朱古力醬慢慢流出,美味~以任食黎講,質素份量都十分稱職~

團年的確係食中菜比較有氣氛，但一年到尾咁多節慶，食來食去都嗰幾款都難免有啲悶。搵到呢間高級少少嘅任食海鮮火鍋，每人$368再八五折，除落同街坊酒樓圍餐唔差得遠，但食材用料明顯性價比高好多。一入到嚟見到咁精緻典雅嘅裝修真係估唔到係火鍋店。店內有唔少靛藍色嘅闊梳化卡位，四個人嚟食坐得舒舒服服。海鮮火鍋同$288藥膳火鍋嘅分別係咩?就係呢盤打卡一流嘅海鮮！一人一隻扇貝、青口、鮑魚、蠔、珍珠蚌、象拔蚌同大蝦。樣樣都又大隻又新鮮。呢度比起酒樓好嘅就係服務，店員會教你每樣海鮮最好灼幾耐同點樣起肉，見到客人戴口罩更加主動提供熱水熱茶。手打肉丸同餃子冇過多嘅調味，食到肉嘅原味。即使唔點任食海鮮都好滿足(當然，加少少錢都係海鮮鍋抵啲啦~)而任點區都唔係得啲肉丸，一啲比較貴嘅食材，例如花膠、脆鯇腩、羊肉、牛骨髓、豆苗都可以任點。店員會將火鍋料放喺枱旁車仔，全餐飯我哋都唔洗勞動，可以一直同屋企人傾計同食嘢。最後仲有心太軟做甜品，為呢餐完美作結。

Tonight arrived at the party of friends, in the cold weather, hot pot is the best choice. We met at Causeway Bay and then went to "One Piece" next to "Gooseneck Bridge." Because time is still early, immediately after the seat, and then of course look at the menu.There are two options: Hot Pot Set and Seafood Hot Pot Set. We have called Seafood Hot Pot Set. Soup is a flower pot and Pepper Pork Duck Pot. Soon food will arrive.Beef is the highest level of Prime beef in the United States. The pork i

hotpot 飯腳向來要任食先到,今次試一試呢個任食one more 裝潢比較輕鬆年青前菜加醬料有木耳同青瓜响鈴半個手臂咁長長過隻碟好多~每人指定有五款,豬肉釀烏冬,墨魚釀豆卜,流心芝士牛肉丸,手工豬肉丸同墨魚丸海鮮拼盤,有鮑魚,蠔,鮑珍珠蚌、象拔蚌、大蝦、貴妃蚌和扇貝超底食,海鮮都有7款,平時散叫價錢都唔只除左手工丸,海鮮,仲有牛肉,唔係用平價牛肉,脂肪勁少,色澤偏紅,唔會暗啞食完指定食物都飽到上心口,再點左幾個菜,好新鮮!飲品都無限量再飲咁低食,食多幾次都無壞,哈哈~~

打工仔真係唔易做。朋友嘅老闆搞春茗，搞到佢左搵右搵不停搵啲價錢公道但望落又唔失禮嘅餐館。今日我都係嚟陪佢試試菜。朋友特登早啲嚟，為嘅就係趁人少少捉住經理巡場。睇嚟我真係見識少，原來任食火鍋都有得book包廂。同酒樓差不多，低消三千幾，大概就係坐滿一圍十二個，都係收返任食價$368 (海鮮)。經理仲話可以早到打麻雀。但唔係限時2.5hr咩?呢啲我就唔關心喇，反正我嚟就係黐餐架啫~因為叫咗海鮮餐，所以揀咗比較保守嘅花膠螺頭雞湯底，廢事辣湯底蓋過海鮮鮮味。未上海鮮先上手打肉丸同水餃。有豆卜、牛丸、豬肉丸、墨丸。水餃就有三款。豆卜上面都係釀手打魚滑，吸晒湯汁超好味。跟住就係最令人期待嘅海．鮮．喇！大大隻厚肉連殼鮑魚灼5分鐘就食得~好鮮甜~打邊爐當然唔少得牛同豬啦~呢兩碟係每兩人一份，分別係西班牙黑豚肉同prime grade肥牛。菜類連豆苗、西洋菜都有。放喺碗入面好似盤栽咁靚，好優雅呀~配料放到afternoon tea咁，都係嗰句：好優雅。開頭見到menu嘅響鈴係以位計覺得好奇怪，上咗碟就知點解。筷子咁長，係成塊腐皮卷成。不過都係炸魚皮正啲，厚身啲大塊啲，魚味都濃啲。飯後甜品係心太軟。流心成

天氣好凍，真係好啱好啱打邊爐，所以有空檔就約朋友打個邊爐！呢個368任食邊爐好正，坐得又舒服，料足，正！我地嗌左個四川麻辣野菌湯底，嗌左小辣，我覺得唔算好辣，如果中意食辣的朋友，我suggest 中辣or以上！不過佢個湯係惹味的，天氣凍，嗌麻辣火鍋真係好開心😂佢個肥牛真係好靚，切得好薄，塊塊都一樣，而且d雪花好靚，6完真係好好味，我好中意牛肉，覺得佢好正，好新鮮，完全唔係hea!!佢d火鍋料整得好有心機，樣樣都好靚。佢個巨型炸響鈴好正，好surprised!炸魚皮又係大大塊，新鮮即炸，非常正！海鮮拼盤有扇貝，蠔，象拔蚌，鮑魚，蝦。好多好豐富。另外仲嗌左好多唔同食物，例如腸，芝士丸，牛肉，花膠，等等，款款都新鮮好食！最後有個甜品心太軟，好味，估唔到佢個心太軟真係流心，而且好食！

天氣凍凍地，成日都想打邊爐。今晚去咗銅鑼灣來一鍋食火鍋。一入到去覺得環境好靚，好少打邊爐環境咁優雅，除了有卡位，還有私人包房（最低消費三千五百，就可以包房打邊爐）真係好適合一班朋友敍舊同慶祝生日。套餐有每位288，同每位368，分別在於後者包海鮮。新張仲有85折，好扺食。我地點咗任食火鍋368套餐，非常豐富。湯底點咗花膠螺頭雞鍋，湯底有大大片花膠、螺頭同雞，好滋保。手切安格斯肥牛片，色澤鮮明手工拼盤有很多種類，特別喜歡墨魚丸、釀冬菇、釀豆卜。響鈴卷同炸魚皮即叫即炸，香脆可口。另外海鮮拼盤非常新鮮，有扇貝、蠔、大蝦、珍珠蚌、象拔蚌、鮑魚等，非常滿足。任食配料款式很多，試咗花枝片、花膠、脆鯇片，樣樣都好好味。飲品都係任飲，另外還有限時供應嘅飲品。最後每人一客朱古力心太軟，好滿足。