1+1 吧 (Closed)

之前試過book都book唔到，今次就同frd黎試下運氣walk－in準時2:30到等位入座！！！今次既主題係抹茶🍵同蜂蜜🐝上次錯過左紫薯同朱古力今次就廢事自己再次dum心口後悔終於就到時間黎啦！種類都算幾多，賣相都幾好！當然要每樣都試試啦！法式蜂蜜多士食落幾香，覺得同自己整既都有得揮抹茶心太軟都幾香濃，食一個夠皮抹茶馬卡龍一般般，同出面馬卡龍犯左一樣既問題！太甜！抹茶本身既味道唔出抹茶芝士蛋糕🍰抵讚👍，十分creamy，唔執輸要出去拎多幾件！蜂蜜天使👼蛋糕既糕體做得超水準，甜度適中！食到完全停唔到！友人最愛可以自製格仔餅，食落幾香。。但我都係鍾意食多幾球haagendaz仲有茶🍵同咖啡☕️任飲！唔使驚濟！性價比都算高架啦！＄78食酒店buffet wor！幾時再轉主題啊！好想食芝士同朱古力主題啊！！

早成個月先bk到，但來到即刻失望今次主題係綠茶蜂蜜。食完一round已經飽晒，食物選擇冇想像中多，質素都好麻麻。綠茶macaroon，奶凍，心太軟，cheese cake都好一般。求其係旺角一間甜品鋪都比呢度好食。最失望係個窩夫，自助式，放完粉漿之後等幾分鐘，唔脆飲品亦都得茶咖啡熱水。應有既野都有，但係唔會比到驚喜你。

預定左三星期嘅甜品buffet，滿心歡喜留定肚戰鬥格去食，點知食得俾想像中少。法式蜂蜜吐司幾好食，但一件已經好膩，抹茶心太軟一般款式唔算多，仲有雪糕(Haagen-daz)，但無影到，不過一樣咸點都無，自問已經係甜品精，但係都食得唔多，不過價錢係酒店食buffet都可以接受。

預早半個月先book到，真巴閉！不過抹茶同蜜糖都係我既至愛，都要等！當日好準時2點半就到左等入座。甜品款式品多，一眼睇哂，咁梗係樣樣都拎d試下啦！馬卡龍期望好大，但食落都幾失望。抹茶味欠奉，中間好硬，咬好耐先吞到，甜度太高，不過杏味頗濃。抹茶芝士蛋糕唔錯，質感幼滑，惟抹茶味無乜。反而蜜糖天使蛋糕做得出色，蛋糕十分鬆軟，而家奶油好香，同蜜糖味好夾，食左好幾件。相信此甜品buffet另一大賣點就係自製格仔餅，係幾過癮幾好玩，不過食落好淋，完全唔脆，味道正常，花生醬煉奶砂一定無死！同場仲有哈記雪糕伴住食，味道唔行，有我最愛既焦糖脆餅味雪糕，食幾球都抵番哂！繼續作戰！焦糖燉蛋失望，建議唔好食慳番個肚，焦糖面唔脆，蛋唔滑偏實。柚子芝士蛋糕個人認為麻麻，感覺上唔太夾。綠茶紅豆慕斯蛋糕反而帶黎驚喜，入口好和諧，但比較大件唔會再食。同場有任飲既茶同咖啡，都是熱飲。總括黎講，性價比高，質素唔差，但始終甜品好膩，食完第一round已經投降，如果有一兩樣咸點中和下會好d!

今晚同朋友出左11點幾去飲野坐低叫左杯我最愛既apple cider當蘋果汁咁飲飲飲下肚餓 打算叫個Fish & Chips食但係揮左幾分鐘手 都無待應行過來 不過當肚餓既時候 係一定要叫到野食為止 無論揮幾耐都好 都要繼續終於叫到個Fish & Chips 食落口香脆可口 而且炸魚唔會落得太多粉魚肉唔會入口即散 口感好好 唔覺得油食完魚可以慢慢食粗薯條 同朋友一齊傾計真心推介大家試下 佢係繼我係英國以外國家食過最好既Fish & ChipsFish & Chips配啤酒 完美配搭 必食

今日特登去沙田食抹茶甜品tea buffet,款式雖然唔算多，但好啱我同阿b回味!馬卡龍：都幾好味，但係食唔出有抹茶味…蜂蜜天使蛋糕:呢個好正，cream同蜂蜜味好夾!抹茶心太軟:如果鍾意食香濃抹茶，e個好啱食，抹茶味超濃!抹茶紅豆奶凍:外表白色睇落完全唔似抹茶甜品，食落有淡淡的抹茶香味，口感幼滑，非常喜歡!其他仲有蜂蜜柚子芝士蛋糕、石板街朱古力慕絲、紅莓蛋糕、焦糖燉蛋等……都好好味，環境舒適，服務員都好nice,特別係門口接待員好細心，有特別要求都好積極幫忙好抵讚

主題以紫薯及朱古力為甜品buffet, 正合口味, 平日只是$78, 好抵。 雖是平日, 但仍需book 位, 由於早一星期前已致電預約也full booking, 唯有walk in 吧。主題中的紫薯甜品有: 紫薯撻, 紫薯芒果拿破倫, 紫薯waffle紫薯蓉是由真紫薯提鍊出來, 口感實在, 微甜, 吃完會有跑肚感, 且有陣陣紫薯香。 撻皮焗得香脆, waffle 是由紫薯粉製造, 且是軟綿綿的, 加上大量紫薯蓉, 增加紫薯之味。 紅桑子72度特濃朱古力蛋糕:蛋糕其實就是brownie, 有香濃的可可味, 中間夾著紅桑子餡, 有一甜一酸的感覺, 好味, 值得再吃。 蜜橘52度牛奶朱古力慕絲: 朱古力很香, 慕絲很滑, 甜度適中, 帶點點酸的橘味, 很特別。 除了有桌上之甜品, 還有定時推出之特別推介, 店員會響鍾示意各位排隊輪候, 如火焰雪山及炸芝士蛋糕。 火餡雪山:廚師在你面前即時淋火已相當吸引, 入口有濃烈的rum酒味, 有回味之酒香, 配上温呢拿雪糕, 在一冷一熱之酒香刺激下, 十分醒神。 炸芝士蛋糕: 外皮炸得脆口, 內裏包着芝士蛋糕。 有日式和美式之分, 日式就是軟

$78甜品自助餐(需加一服務費)，在酒店內享用，真的好吸引，今次主題係紫薯甜品推介的紫薯窩夫，每一件即焗(需排隊等)外表好吸引，自助式加煉奶，糖，花生醬，朱古力碎，紫薯蓉，可惜紫薯比較淡味(無原有的甜味)味道有點淡<靠加煉奶，增加甜味>有其他蛋糕，不過味道普通，反而朱古力系列，朱古力蛋糕味道香濃心太軟(味道ok)一定要等新鲜焗起，放耐左d朱古力流心'(會凝固)只推出一次的火焰雪山外表吸引，只可惜等職員切開，再排隊，(每人限取一小件)oh 😑……雪糕和蛋白已溶為一體,味道係ok ,可惜雪糕熔得好快，切的時候又變左型，扣分的甜品炸芝士蛋糕,，比較特別，外面炸得脆，內裡芝士味濃芥末白朱古力(好特別，有驚喜)甜品味道一般，但價錢平，環境舒服(值得一試)

78蚊都算抵食，可惜去個日唔知人多定點，D甜品一上好快就比人清空哂，幾次都係咁，好可惜冇得樣樣試哂，大家都好似搶咁樣，如果可以上快d or 多d就好啦環境都唔錯，甜品種類都幾多，都幾推薦係附近行街既人食，可以甜品當埋正餐（真係超飽）個人覺得呢間d甜品唔錯，好多都唔會太甜。d杯裝既甜品都好好味，圖中透明色個杯酸酸甜甜，真係幾正。仲有藍莓芝士蛋糕，心太軟個d，都真係唔錯，可以一試，出面賣一舊都十幾蚊，呢到抵食好多另外仲有係法式燉蛋，好滑，但可惜上面既焦糖唔脆，但都幾好味

同幾個朋友行街咁啱經過一田見到有人走嚟介紹$78任食酒店甜品自助餐，心諗酒店嚟講都幾抵食喎，就算去starbucks都唔止呢個价錢啦！於是個派傳單員就帶咗我哋落去！一落到就見到有我最喜歡食即焗朱古力心太軟，朱古力心太軟食落去好流心而且不太甜，仲有燉蛋同綠茶白朱古力蛋糕，又可以自己整紫薯窩夫，仲有藍莓芝士蛋糕和朱古力泡夫，仲有各款杯仔甜品，而且仲有咖啡茶任飲！食食下一半又有意外驚喜，中段時間又推出一個紫薯火焰雪山，即場表演點火即切嚟派，雪山帶有略帶少少酒味和紫薯味，咬落去裏面夾住蛋糕和雪糕，感覺超正好味，雖然今次食唔晒所有甜品，决定下次會再約朋友過嚟食！

網上見到帝都酒店推出甜品自助餐，個人一向都對甜品無抗拒，而且只係$78,就唸住試下，於是就約朋友一齊去品嘗。話明甜品自助餐當然就全部都係甜品，大約有8-9款cake，包括有blue cheese cake，chocolate cake，另外有葡達，心太軟，窩芙。我重點推介係窩芙，外脆內軟，配合其他配料簡直一流，另外心太軟都好吸引，因為係即焗的，廚師一推出就有好多人爭，熱烘烘夠哂滋味。總括來講都唔算太失望，呢個價錢已經物有所值，環境舒服，時間夠哂充足，值得一試!!

Follow by my friend's recommedation, royal park hotel lobby lounge have a new promotion which is dessert buffet. With my memory, I was try the tea buffet with hundred something dollars year ago. Ok. Just call my friend to try as we live in Shatin. we have arrived there a week ago, so surprise that it is not a normal dessert as I know the price is extremly cheap, just $78 dollars. It contains 10 something cake, some cup dessert, warm chocolate cake, waffle, sweet potato tart, cream buree,especial

超平既甜品餐啊！之前間中有幫襯過，咁岩行過一田有人派緊傳單，順手拎黎睇下，話$78 甜品任食！抱住價錢平既心態黎朝下聖啦！😆😆😆款式話多唔多，話少唔少咁啦！聽員工介紹，話岩岩先轉左新既甜品，主打係朱古力同紫薯！見到枱上面有唔同度數既朱古力甜品，真係食指大動啊！😊😊有紫薯撻，千層酥，紫薯窩夫，綠茶白朱古力蛋糕，歌劇蛋糕（其實唔知係咩），朱古力泡夫，藍莓芝士蛋糕，即焗心太軟（正啊，但係我最多只能食兩個，😂😂因為都幾甜），仲有林林總總既杯仔甜品！講下d 甜品，可能我細食，我都係食左7至8成既甜品！佢地件件都唔算大件，個口大d都可以成件放入口！紫薯方面甜品唔算太多，有紫薯撻，紫薯窩夫同紫薯千層酥！味道唔錯，但紫薯味唔算濃郁！係啊！中段時間會推一個紫薯既火焰雪山，會即場點火即場切黎派，但要排隊拎，員工話數量有限，所以兩個人一件，可能當日客唔多啦，我見到佢地都會有淨！講返個雪山先，酒味會係底部個蛋糕“索”左，酒味會較濃，雪糕就有少少紫薯味！唔算好突出，但勝在有件雪糕食下！😆😆😆😆其他甜品，本人較為喜愛心太軟同綠茶蛋糕，心太軟味道濃郁，尤其係即焗，仲任食，正啊！PS 雖然任食，但我都食唔多！綠茶蛋糕

行開街有個派傳單既人走埋黎介紹帝都酒店甜品自助餐,佢話$78任食,仲有咖啡茶任飲,我諗..係酒店食件餅都幾十蚊,就同朋友去食,個派傅單員仲帶埋我落去!(可以佢有comission,haha!)落到去見到有好多蛋糕,仲有葡tart,同蘋果批,同埋又有waffel自己整,跟住個部長話有即焗梳乎里,等左10分鐘佢攞俾我地,係橙酒味,確係有驚喜,一口葡tart同蘋果批熱辣辣,仲有我最愛既意大利奶凍,係芝麻味既又幾過隱,最後食左件blue berry Cheese Cake同綠茶紅色Cake就飽左@.@除左平之外,我覺得堅好味!雖然試唔晒所有甜品,但都覺得超底!

近年似乎多了酒店餐廳在星期天推出Sunday Brunch，想起來，能在放假天遲少少起身，早午餐一次過慢慢食，未嘗不是一個好選擇。今次跟幾個家庭一齊來渡過一過悠然的假日，在沙田帝都酒店內1+1Bar，一嚐西班牙菜作主題的Sunday Brunch。整個Spanish Brunch收費是成人$328、小童$228，任飲果汁(芒果、蘋果及西瓜)及汽水加($58)，任飲果汁、汽水及Sangria加($88)另加$168便享半打即開生蠔，在星期天不用上班的日子，可以來一份生蠔，讓蠔味在口腔內慢慢徘徊的感覺真好，就算沒有香檳，也可以呷一口Sangria相伴，還是個有趣的選擇。Appetizers西班牙蕃茄凍湯酸度適中，小小的一杯，份量剛剛好。鮮果沙律有火龍果、鮮橙、西瓜及藍莓，有酸有甜，來清清味蕾。蟹肉甜粟沙律及鮮茄蝦及藍青口沙律，都是清甜又新鮮。香辣薯仔沙律是兩位囝囝至愛，吃落又真的香口，辣度連小朋友都接受得了。雜錦凍肉配巴馬火腿及莎娜美腸、西班牙茄汁沙甸魚沙律、香草車厘茄水牛芝士沙律及煙刁草三文魚各自試了少許，還是留多點空間給主菜吧。至於希臘橄欖沙律興趣不大。其實頭盤或是Tapas，根本無須