一條腸粉 (Closed)

聽講旺角開咗間潮州食店，就入去試一試，啲嘢食同我之前係第二間潮式餐廳食嘢有啲類似，應該係正宗嘅潮州餐廳！價錢OK，豐儉由人，飽肚有特色撈飯，亦都有自由配搭嘅潮州腸粉，仲有各種特色小食。招牌潮式腸粉$20連生菜，加$6豬潤，加$8牛肉，加$10鮮蝦潮州布拉腸都幾香滑，而且可以自由配搭不同配料在表面，如果同朋友一齊share大家鍾意唔同口味可以加返相關嘅肉類。海豐小米$28有少少似魚皮餃，表皮就有水晶包嘅質感，整體鹹香十足很好吃。手打牛肉丸（湯）$ 36真係非常彈牙！絕對食得出係手打嘅煙韌質感，師傅亦都好細心咁手帶的過程中挑走晒啲筋。汕尾馬皎魚丸（煎）$ 36呢個冇牛丸咁大啦，不過都好爽口，而且表面金黃，吃起來魚香十足。朝式獅子頭（炸）$ 28獅子頭切左一片片，感覺裏面有好多唔同嘅材料，口感有咸香幾有特色。巨型手打魚蛋（炸）$28本身真係傻更更以為一大粒魚蛋，原來係超級巨型嘅魚蛋切開一片片，但係同樣保留原本嘅彈性同香氣。手工捻面猴（湯） $ 36呢個裏面個份有少少似河粉，但係佢個質感比較硬正，有少少似手工刀削麵之類。而且裏面有冬菇同肉粒等等，都幾香架！就好似中式粉面咁，不過有一個特定嘅配搭

位於旺角道的「一條腸粉」，係一間主打潮州腸粉的食店。店舖內燈光明亮，感覺乾淨企理，晚市惠顧的客人都幾多海豐扁實其實佢係福建一帶的特色小食，外貌像雲吞，但其實同雲吞有唔同。內餡係用槌敲打而成，將肉餡打磨至黏爛，再包上薄薄的麵粉皮，入口鮮嫩香甜手打牛肉丸湯有六粒牛丸，質地比較結實爽彈，濃郁牛肉味！面上加左大量蔥花更加滋味海豐小米小米其實即係薯粉餃，內餡以大地魚同豬肉為主，調味恰當，滿有肉香！小米皮薄軟糯半透明，外皮好Q彈，好有嚼勁，第一次食就一試愛上啦招牌潮式腸粉店舖主打潮州抽屜式腸粉，可以自選配料，我就揀左生菜、雞蛋、粟米同叉燒。腸粉本身帶有純米香，好滑溜！餡料份量好充足，令到腸粉充滿叉燒豬肉的鹹甜香味，配上適量醬油，口感同味道都好豐富呢

平時都係係旺角道到搭巴士 早排經過見到開左間腸粉店 今日行完街 突然搭車前就去「一條腸粉」到醫醫肚先店舖好光猛 好多字 原來係解釋返餐牌上既野食係咩後 因為這裡唔止係腸粉 重有好多汕尾菜食先先一人點左一碟腸粉 這裡唔係布拉腸 而係潮式皺皮腸粉 自選配料 同男友都不約而同選左豬潤 另外再分別加左雞蛋🥚蠔仔 蝦🦐另外再點左個海豐小米 牆上都有介紹是什麼東東 就係薯粉包既小餃子啦 再點左個牛肉餅。先先係牛肉餅 潮州既牛肉向來出色 這個都不例外 爽口之餘牛肉濃 而上湯就淡淡的 有微微既菜味 但這樣配下很好食 最後湯也是渴光光的然後2個腸粉都到了 即叫即做 新鮮熱辣辣 雞蛋🥚認為係必點 佢令到賣相加曬分 潮洲腸粉同平時布拉腸好唔同 冇咁滑 但就比較實 加埋咁多配料 係另一種感覺 最後係海豐小米 這個我都幾鐘意 我覺得魚味好出 外皮口感好好 下次要再食！而且在旺角可搵到這些又好味 又平 又唔洗食好耐又飽肚既 我覺得開係這個位真係幾好 下次等巴士前肚餓又可以食下啦

前陣子在深水埗試過一間櫃桶皺皮腸粉，然後就發現香港到處都開了這類腸粉店，今天經過旺角見呢間又係主打腸粉，一時口痕就走左入去食。下單是採用膠板寫配料，去收銀處比左錢再等食，幾環保，抵讚。這間的腸粉都會附有生菜芽菜蔥花，如不喜歡可以下單時剔唔要，另外配料就要額外加錢。今日想食素，不想加肉就加了冬菇。等了幾分鐘，腸粉到，看上去材料豐富賣相幾好，但食落，味道怪怪地，怪的點不知是來自冬菇定醬汁，總之唔多啱我口味。坐坐下在廚房內的店員走了出來磨米。即磨即用的米漿，夠新鮮，可惜調味不行。

近排興食即拉腸粉，今日經過旺角道有一間叫一條腸粉個名幾特別，望多一下原來唔只得腸粉仲有其他潮汕美食又有飯又有湯幾正。腸粉有好多配料可以自己選擇。腸粉加左粟米，菜脯，豬潤，牛肉，蠔仔，腸粉好滑溜好香米漿，又十分足料仲配上秒製醬汁更加美味。手打馬駮魚丸炸到好香口，魚丸又好彈牙爽口。蘿蔔秘製牛腩撈飯，牛腩好入味又夠淋腩汁又正唔會太咸。手打牛肉餅牛肉餅好彈牙爽口又有肉汁，牛味濃郁。扁實個餡好大個又多肉皮又不會太厚湯底又幾好味。潮式獅子頭撈飯，已切開一塊塊方便咬又幾香口又啖啖肉。

我不喜歡寫太多字，但一條腸粉竟然可以令我第一次在Openrice寫食評，今晚睇完戲，諗住搵宵夜食， 見到一條腸粉就諗住去試下，點知係最錯嘅選擇， 入到舖頭見到個菜單，唔知菜名係食咩，咁正常都問職員，職員就話牆上寫曬自己睇，咩服務態度呀，都算！睇完就點餐，點了一碟玉米雞蛋腸粉，腸粉唔係簿皮，腸粉和玉米是完全分開，好像玉米就蓋到腸粉上。海豐小米，感覺皮厚，但口感不錯。 汕尾菜茶，是有小米，臘腸，瘦肉，花生及菜的湯，湯底完全唔熱，所有配料都各自有各自味道，但放在同一碗的湯底，食唔出有何特別之處外，還完全唔覺得好食。手工捻面猴是很多配料的刀削麵，湯底也完全唔熱，刀削麵刀工極差，而且麵切得非常厚，一點也不好食，隔離枱點了炸的食物，出來不是炸是煎的，結果被退回後，就取消了。從來沒有試過一間這麼伏的食店，絕對不會再有下次。

1️⃣招牌潮式腸粉 (自選配料)，我地叫左-生菜芽菜葱菜脯粒雞蛋牛肉腸-生菜雞蛋菜脯粒牛腩腸正宗潮州腸粉，非常足料🥰😍店入邊有專門磨腸粉嘅機，相信啲粉漿都係自己整嘅！好有心嘅小店啊！😚😚😚2️⃣蒸海豐小米呢個小米極度推介🥰🥰外面層皮係用薯粉整架，好煙韌，餡似魚皮餃嘅魚肉😚3️⃣蓮藕醬香豬手撈飯 配紫菜蛋花湯豬手飯鹹香濃味，好似有南乳醬味，中規中矩4️⃣手打牛肉餅湯牛肉餅比牛丸更加有牛肉鮮味，正😚5️⃣汕尾菜茶湯😋好特別嘅味道，我係香港都係第一次見有呢種湯！我嘅朋友試過呢種湯，佢話幾正宗！湯嘅配料有好多，花生、魷魚🦑同菜，仲有不知名嘅米，幾好味！6️⃣椰子汁

下就同小氣鬼睇完醫生後經開旺角咁岩見到呢間主打潮汕野食既舖頭於是就入去試試佢menu夠特別用螢光筆落單更改都好方便我地落左3樣野，本身想再嗌多個小米點知賣曬唯有下次再試汕尾菜茶（湯）本身以為真係茶葉沖既茶但原來係豬骨湯湯加大量蔬菜對於我呢個草食性黎講真係超正大量唔同既蔬菜🥬炒米 香菇 臘腸 豬肉 魷魚🦑粉絲 花生 撈埋一齊湯底鮮甜 清清地 唔會太油膩一啖落去唔驚肥😂罪惡感即刻無曬招牌潮式腸粉（生菜🥬+冬菇+雞絲）腸粉夠軟夠滑食落啖啖米香豉油不會死鹹 但個人認為就落少左因為食到後尾都無乜豉油鳥😂（我諗再叫店員比都無問題既）😂上面寫雞絲但黎到我諗係雞粒食落口感都算滑香菇東坡肉撈飯送到時都仲滋滋作響 超香東坡肉燜得好軟 食落入口即溶有瘦肉加豬皮豬油一起 送飯一流因為我地唔想浪費d汁😂我地將成個飯撈埋落個東坡肉度超級滿足

生菜豬潤雞蛋腸 -早前睇有blogger去過呢間食店食石磨腸粉 又好讚就即管去試下!!一入到去門口就見到部石磨 米漿緩緩滴落個大桶到 每份腸都可以揀一款免費配料<生菜/芽菜/葱> 之後再加錢揀其他配料 今次就揀豬潤腸粉好滑又薄 仲好煙韌 見到係大塊既雞蛋 非蛋碎！豬潤都係原片感落 生菜切條 整體食落好有口感又香 相比酒樓個啲真係食到真材實料😏海豐小米(蒸) -細細粒好似魚皮餃 外皮係用薯粉黎做 口感彈牙好煙韌 裏面既肉餡係用大地魚做 一啖一粒 第一啖食落去感覺好彈牙既魚皮餃😂手工捻面猴(小) -面猴既面片係隨手捻 所以每塊都會見到有大有細 厚薄亦都吾一樣 加入蝦米 蕃茄 冬菇魷魚一齊煮好香-

呢間餐廳個名就係幾特別，主打食潮式腸粉， 仲有我好少食過嘅汕尾菜食，所以就一定要黎試試~第一樣就食潮式腸粉配蠔仔 呢度嘅腸粉係皺皮嘅，唔似平時飲菜果隻， 所以唔係好多地方可以食到嫁! 佢地係特登整到皺皮， 令到你食腸粉嘅時候更有層次感， 今次加蠔仔，個口味幾特別呢~呢一樣係海豐小米，係用薯粉做嘅魚餃， 味道有點似魚皮餃，特點係個餡用上大地魚打成， 加上薯粉皮煙韌彈牙，一口食一粒，不知不覺就食左半打。海豐扁看似雲吞，餡料以瘦肉打成， 味道唔錯呢~~潮汕手工捻面猴 主打以手工製，所以特別彈牙可口， 配上海鮮，頗清新的。另一個是汕尾菜茶， 有點像泡飯， 配上豬骨湯同幾款清菜配料， 感覺清新又健康。總括而言，呢間店性價比幾高， 而且好有中國南方海洋氣息， 大家不坊來試試。

這陣子來花園街行街好像已成為習慣，不過，吃茶記吃得有點膩，就到附近逛逛，看看有什麼特色小店可以開餐。就在旺角道發現有一間叫「 一條腸粉」，店名名字非常有趣，憑意思也可以猜到，這裏主打潮州腸粉。餐牌上招牌潮式腸粉的選擇非常多，$20包括了生菜、芽菜及蒽等基本選配，另外，隨多個喜好，加錢搭配其他配料。招牌腸粉 我點了招牌腸粉，再多配了菜脯粒、鮮蝦及蠔仔等配料，腸粉的入口非常滑捊捊，吃時就像吃著河粉一樣，而生菜、芽菜及菜脯粒非常爽口，一軟一爽，口感豐富，而蝦粒彈牙，蠔仔肥美，令整個味道變得鮮甜。海豐小米 個人非常推介這個海豐小米，它的造型有點像魚皮餃，外層煙韌Q彈，內裏包著肉碎得配料，細嚼時帶有滿滿的肉香油潤感，甘香美味。手打牛肉丸 手丸是手打的，所以口感份外爽彈，帶有濃郁牛肉香味。豬油渣撈飯 豬油渣撈飯配紫菜蛋花湯，雖然豬油渣份量不多，不過味道香口惹味，配上醬油後，滋味十足，而紫菜蛋花湯的味道不錯，味道不會過鹹，個人認為挺鮮味。蓮藕醬香豬手撈飯 蓮藕醬香豬手撈飯同樣是配上紫菜蛋花湯，豬手煮得非常入味，帶有濃郁的南乳香味，豬皮口感煙韌，膠原感十足，吃後不會覺得肥膩。椰子汁以跟餐價點

自從喺內地做嘢食過皺皮腸粉，成日都會念念不忘嗰種味道，依家香港陸續都有呢隻腸粉食，而旺角都新開左一間，而且營業時間好長，想食都好方便！餐廳個名好搞笑，叫一條粉腸，唔係，一條腸粉先岩，除咗腸粉之外， 仲有汕尾小食大概七點半去到餐廳，都差唔多坐滿，好彩都唔使等位潮式腸粉$20起，包左生菜，芽菜及蔥，可以因應自己嘅口味而家配其他配料腸粉嘅粉漿真係鮮磨，見到店員將浸好嘅米放入磨機我哋叫咗兩款腸粉，一款係加咗生菜，蔥，雞蛋同菜甫另一款加咗生菜，蔥，冬菇，臘腸同蝦仁試咗兩款腸粉之後，個人覺得雞蛋，冬菇，同菜甫係最佳嘅配搭，腸粉都幾滑，加埋甜甜地嘅豉油，味道唔錯起初淨係睇餐牌唔知道咩叫海豐扁實，不過好彩餐廳牆身既poster 有介紹，係類似雲吞嘅一種小食，唔同之處係在於個餡料，會用鎚仔打爛啲瘦肉，同埋嗰外皮好滑，個餡料的確好香，湯底亦做得唔錯，媽咪差唔多食晒成碗手打牛肉丸味道都唔錯，牛肉味香濃，而且好彈牙另外都叫咗餐廳令一樣出名嘅菜式，就係呢個醬香豬手撈飯，豬手炆得好腍，醬汁應該係用南乳為主，好香，用嚟撈飯真係幾好食撈飯都會配紫菜蛋花湯，清清地味道幾好， 如果熱啲就更加好最後就係豬油渣撈飯，豬油渣脆

每次離開旺角 男友送我去巴士站搭車都會經過呢間鋪今次行完街後決定黎試一試招牌潮式腸粉 (免費選配生菜🥬, 芽菜同蔥)由於我唔多鍾意葱 所以呢碟腸粉走左葱米香味配蠔仔加蛋 有層次感之外, 仲帶點鮮味手工捻面猴(大)隨手捻製的面猴, 入口嫩滑, 加埋蕃茄🍅蛋🍳魷魚乾🦑, 蝦米乾🦐冬菇等配料豐富海豐扁實 睇落好似雲吞 但比雲吞更薄皮肉餡既瘦肉較綿海豐小米餃一碟有8小粒 餃皮用左薯粉整成 有彈性肉餡用左豬肉加魚粉 帶鮮味手打牛肉餅 好爽口彈牙尖椒黃燜雞撈飯手打牛肉丸 腍得黎又帶爽口

旺角行街行得多，食黎食去都係個幾間茶記，前幾日比我發現左一間專食潮式腸粉，或者大家都叫做皺皮腸粉嘅專門店，店名係幾得意嘅，寫住被刪去嘅一條粉腸，隔離再寫住一條腸粉，就一於黎食下睇下係咪唔係粉腸啦呢種落單方式幾好幾環保，抹一抹就可以再用過，唔會浪費左紙張黎到潮式腸粉嘅專門店又點可以唔試下佢地嘅招牌菜式呢! 所以我地一人叫左個，可以根據自己喜愛嘅口味黎整不過我發現朋友個個加左菜脯粒係更加好食食完個腸粉墊下肚，我地就叫左個撈飯食，真係好抵食，52蚊就有埋個餸，飯，同埋紫菜雞蛋湯好有種溫馨嘅家常便飯嘅媽媽味道個牛丸好彈牙好有牛肉嘅鮮甜味，咬落唔粉，真材實料，好好食本身唔知豐實係咩，望一望身邊牆上嘅介紹，就知佢係雲吞，真係好鮮甜

腸粉食得多，自己自由配搭配料既腸粉，都係第一次食。晚飯時間，店內都冇乜人。腸粉$20起標，包葱，牙菜同生菜，另加配料，逐樣計。叫左個雞蛋，菜脯腸，$28。 同一個豬潤腸試下，$26。雞蛋菜脯腸都幾好味，但就冇咩驚喜，腸粉唔係話特別滑。而豬潤腸就真係失望，唔好食，可以不吃。另外叫左個牛肉餅湯試試，$36。其實即係牛丸切片，一碗得幾片，雖然幾彈牙，幾香，但咁既價錢，真係幾貴囉。成$30碟腸粉，食完都冇咩飽腹感，真係幾貴囉。除左可以自選配料外，真係冇咩賣點啦。