一條腸粉 (Closed)

深宵旺角肚仔餓，搵間開24嘅鋪頭醫下肚。記得喺大陸食潮州櫃桶腸粉都要10幾蚊，呢度$20左右有得食，即係同寶寶衝入嚟～叫咗潮式腸粉加芽菜同豬潤（+$4），由於夜晚小人所以等左五分鐘就有得食～🖐🏻腸粉雖然有皺皮，但腸粉皮未夠薄，其餘材料鋪面或喺底，要小心翼翼咁夾🤣豉油偏淡，唔重口味👌🏻重點：佢哋嘅豬潤真係不得了：好大塊，冇腥味，仲幾彈牙，真心正正正！😍至於後面嘅一條條油條，其實係條狀既蔥油餅，雖然冇乜蔥粒，但蔥味仍夠，會想keep住食🤗我同寶寶覺得呢啲咁大路嘅嘢其實好難煮得難食🤔，因為喺香港好難有正宗嘅潮式腸粉做比較～當消夜嘅小食就唔錯啦🤤🤤-招牌潮式腸粉加豬膶 | $24蔥香小油條 | $16

旺角新開的一間潮洲菜，地理位置很方便，就在旺角的中心地帶，岩曬遊客黎試下腸粉既味道！呢到既腸粉都係用抽屜式既櫃整出黎，比較濕潤軟滑，不過個人口味我較喜歡乾爽一點的口感，如果有多個選擇就完美了！而出街食多數好heavy同熱氣，偶然食下腸粉健康啲自選腸粉，有好多唔同既配料，比較推薦既係朋友食既帝王蟹柳，而且要同大家講，一定要加個蛋，同埋要另叫店員比辣椒醬，因為辣椒醬用蒜頭炒既，所以幾香～啫啫腸粉煲都幾吸引，真係好潮州，因為上面既配菜都係菜茶既料黎～另外小食方面，可以試下牙籤炸雞，外面沾左早餐既脆脆，所以炸得好香～配上港人最愛的泰式辣醬，大家不妨一試！一邊食一邊好多人叫潮州菜既名品「菜茶」，下次黎一定要試下～

禮拜日旺角道天橋聚集了人來人往的行人和遠走他鄉的菲律賓姐姐，從天橋向下望，就見到個好搶眼嘅招牌，佢就係一條X腸粉行落天橋再認真睇吓知道係間潮式小館，而潮州菜係我鐘意嘅嘢，試新嘢嘅心態促使我行入呢間小店。餐牌唔複雜，就以下呢個牌面，簡單明了。我和朋友各自點咗一份潮式腸粉，仲有手打馬鮫魚丸，菜茶，海豐小米，扁實。呢個就係汕尾菜茶，原屬節日食品，亦有“添丁”之意。現成為某些潮汕餐館一味特色菜，由7種以上青菜，各种肉丁，蝦丁，菇粒，魷魚粒組成，再加上白雪雪的炒米及滾盪豬骨湯形成一道色，香，味俱全的菜式。呢個就係潮式腸粉加強版，除咗軟滑腸粉外，仲加啖啖好味嘅帝皇蟹柳及蠔仔。扁實，亦即係雲吞，潮式嘅餡係冇蝦㗎，記住吖。跟住就係我點嘅富豪級腸粉，内有栗米，菜脯同埋我喜歡嘅彈牙，鮮甜蟶子王。『海豐小米』别名薯粉餃，亦即係用薯粉包嘅餃子，餡就係由豬肉及大地魚组成，所以吃落有啖啖魚香味係汕尾，海豐地區代表性小食之一。

係女人街血拚完，肚仔餓到咕咕聲，認住轉出先達附近睇下有咩食，就見到間新開餐廳。鋪頭名仲好搞鬼，叫一條腸粉當然要叫返腸粉返啦，可以係餐單到自選配料，好有彈性，但如果有推薦配搭就更好招牌潮式腸粉，有玉米 ，冬菇，蝦米同鮮蝦蝦呢樣野就無人厭多既腸粉同食開既好唔同，唔係捲埋，已係好似炒埋一齊咁，但又估佢唔到地滑喎，加左冬菇同蝦米就提升左香味，食落就發覺應該要加埋菜圃除左腸粉仲叫左個小食同飯海豐扁實望落似係用左粉果皮包餃子咁，但皮就再實啲，肉涵更香啲，食落幾濃味蓮藕醬香豬手撈飯，呢個好正正豬手又稔，又多，個醬餸飯一流，好香好惹味，係街都好少見有呢個醬蓮藕乾淨又爽口仲有天地一號飲，爽哂

我家既公公婆婆係正宗海豐人所以由細到大都食慣汕尾既家鄉菜自從佢地走左之後一直都掛住個個味道有日經過呢間標榜食汕尾小食嘅餐廳即管入去試試佢嘅真偽店主好有心 怕香港人唔知道汕尾有啲咩食佢係鋪頭裡面寫左部分小食詳細介紹客人唔需要睇完個餐牌都唔知嗰樣係咩黎嘅嗰日係午飯時間 所以我哋兩個人叫咗好多嘢食但佢樣樣野都唔算太貴都幾抵食呢個係海豐小米 類似粉果咁但係入面剩係得豬肉嘅啫 配埋佢嘅醬油膏非常之夾 好食菜茶係我兒時最愛佢係由唔同嘅蔬菜同埋魷魚乾臘腸花生等等一齊整嘅 非常之香亦都好正宗同埋佢最正既係冇咗我最怕嘅芹菜 個日幾想嗌多一碗encore而呢個就係佢招牌嘅米腸呢個反而唔太合我口味 因為我比較鍾意廣東嘅腸粉香啲同埋實淨啲 呢個略嫌有啲太淋不過都可以一試 可能你會喜歡呢講到潮州 點會唔識佢嘅潮州手打牛丸啦唔使講 冇得頂而呢個牙籤雞呢 都好食好香口配埋泰式辣醬 正呀其實我仲有好多嘢想食㗎因為每一樣野都好好食 好有家鄉嘅味道好有童年嘅回憶下次我一定會帶我阿媽再黎

/手打牛肉丸 💰36 7⃣️點5⃣️分新鮮手法牛肉丸爽口彈牙，厚度十足，食落去牛肉味香濃而且滲透你整個口腔。牛肉丸浸泡在清湯中，眼似簡單而且平凡，但係你真係估佢唔到原來入面咁新鮮香濃。/招牌潮式腸粉 💰20 7⃣️分對比港式既腸粉，佢更注重係腸粉本身個粉漿味道同埋醬汁既調配。同埋你可以選擇任意既配料例如生菜，雞蛋，牛肉，叉燒等，打造出屬於你既味道。小編就選左玉米同菜脯粒，健康得黎又好爽口，同軟化既腸粉一齊食個口感好豐富。/牙籤雞 💰28 7⃣️分一口牙籤雞雖然真係唔會好大粒，但係勝在個量好多，同朋友share食都得。佢地個雞肉外層金黃酥脆，啱曬仲意食香口野既朋友仔。而且佢仲有d酸辣醬畀你沾落隻雞度食，口感更加豐富。/蘿蔔秘牛腩飯 💰52 6⃣️分蘿蔔新鮮可口，唔會話好腍又唔會太生，啱啱好。而牛腩個質感都啱啱好，一d都唔韌。唯獨是蘿蔔同牛腩個味唔夠濃郁，所以小編覺得依個菜式稍微有點遜色。

近排好興食潮州皺皮腸粉 咁岩今日同同事做完GYM 就去左呢間一條粉腸食晚餐 MENU得一張 不過其實睇名係唔知咩黎 好在舖頭都有介紹幾款特式野 我地就試左一份皺皮腸粉 一個捻面猴 同埋一個汕尾菜茶啦豆漿賣晒 估唔到津路都係加$12 抵飲呀每樣食物都係即叫即整 皺皮腸粉好快就有得食 睇個樣都覺得幾吸引 腸粉都幾滑 配埋D菜脯/粟米粒口感更加豐富 而個醬汁都唔算太咸 好好食!汕尾菜茶應該係好傳統既野 入面好多料 有臘腸/魷魚/肉粒/蝦米等等, 配埋米通咁食, 食落好似泡飯咁, 值得一試最後就係捻面猴啦 因為係手工即整 所以都等左一段時間 食落其實食似刀削麵 所以好煙韌 我地都覺得呢個比起汕尾菜茶更加好食!

有次經過見到這間食店的裝潢幾有趣，於是有天就來試試，一入門口就會見到石磨機，米漿每日新鮮即磨！這裡食潮式食物，價錢都親民。潮式腸粉是用櫃桶式鋼盤將米漿及配料蒸好，然後鏟起粉皮，將之扭成麻花狀，跟港式布拉腸粉好不同。招牌潮式腸粉 $20生菜雞蛋 $4叉燒 $8重米香，有煙韌感，醬汁比一般豉油淡，有生菜、蔥增加香味，整體味道不錯。蓮藕醬香豬手撈飯 $52有美味紫菜蛋花湯，豬手份量夠多，啖啖肉。汕尾馬鮫魚丸 $36魚丸好彈牙、香口。海豐小米 $28外皮煙韌，內裡似是魚肉餡料，味道也不錯。

去貴店買外賣，好自然地問要等幾耐，男同事不滿咁答15分鐘，okay fine，我話我係門口等，點知過左17-18分鐘我問下有未，原來有，放左係收銀，甘我講我係門口等做乜？仲要我問先比我？仲要個醬汁兜真係好唔掂，郁一郁就甩蓋，漏到成身都係，而家成身痴笠笠，真係想掉左去就算，未試過買野食買到喊。買外賣只不過係因為收工想番屋企食個野放鬆下啫，點知食到想喊🤷🏼‍♀️

同朋友喺旺角睇完戲之後就嚟咗呢度食腸粉做下午茶。呢度除咗有腸粉供應之外，仲有唔少特色潮汕食物，食物選擇頗多潮式腸粉好似櫃桶腸粉咁，但係呢度嘅配料就可以交俾食客自由配搭最穩陣嘅配搭就係雞蛋豬肉生菜腸粉，蛋香同腸粉嘅米香配合得好好，加上生菜爽口，亦有豬肉嘅鮮味，好正！未試過食腸粉配搭海鮮，今次就試試新意思，叫咗個蠔仔蟶子芽菜腸粉，材料新鮮，配搭都幾新穎😂呢個手打牛肉餅十分推介，有牛味好重，而且仲好彈牙一開始唔知道咩係捻面猴，所以就嗌咗個試吓。原來係將麵團整成一片片，再配合埋有冬菇蝦米整成嘅湯，幾有風味馬鮫魚丸好彈牙，魚味比一般魚蛋清甜巨型魚蛋切片上，炸得好酥脆，味道另有一陣胡椒香海豐小米好似係細粒版嘅潮州粉果，餡料就有肉碎蝦米等呢間小店仲好有善心，值得大家去支持一下💪🏻

放期又走到旺角蒲頭，三點三的時間毫無頭緒吃什麼。離遠見到一條腸粉這個招牌，新開的店，就直接決定試佢。 在人來人往的旺角道，它可以說是不起眼，然而食過潮式腸，就知道腸粉的美味。   坐低在牌上自助點餐，然後俾錢再等食物。腸粉因爲用自家石磨製，所以製作需時。   想試菜茶好耐，竟然這裏有，所以二話不說來了一碗過口癮。小小的一碗，有滿滿的菜、花生、蝦米、肉粒和脆米。  巨型手打魚蛋真係好巨，好香魚味而入口彈牙。但上枱時已切成片，看不到實物的巨型。 獅子頭也好食，混入了冬菇、蝦米、魷魚等在內，口感豐富。 到了招牌的腸粉，我的蝦米豬肉腸很足料，黃黃綠綠的鋪滿了一碟。腸粉有米香，雞蛋、蝦米、豬肉、生菜令腸粉食落更有層次。      牛肉腸也如是，滿滿的牛肉碎在腸粉中。 飲品方面我地點左椰子汁，這個椰樹牌椰子汁一點都不陌生，因為返大陸成日飲。 最後叫多個特色小食，海豐扁實，煙韌的外皮包著豬肉餡，點蠔汁食。 成個lunch的配搭感覺好健康，比起食薯條飲汔水，更鍾意這種中式的味道。難怪最近潮式腸粉店越開越多了。

旺角覓食，意外見到搞笑店名「一條腸粉」，就入去睇下咩料先！😜-🔸手打馬鮫魚丸用心驚喜之作！每粒魚丸都係手打 係特別彈牙㗎🥰另外馬鮫魚味香濃唔腥 每粒外皮好香脆真係忍唔住食多兩粒 😂 推薦！❤🔸 手打牛肉餅好食！每塊牛肉餅厚度十足😍都係手打嘅關係 口感特別Q彈足料厚實 牛味香濃 配上清湯煮簡單得來用心！👍🏼🔸潮式腸粉嚟到梗係要試吓招牌香滑腸粉啦😛自家製腸粉皺皮 客人可以自選配料今次就揀咗蠔仔 雞蛋 同生菜嘅配搭感覺幾新鮮😂 香滑腸粉配上肥美嘅蠔鮮味十足 咁樣咁滿足地食腸粉都係第一次！🔸尖椒黃炆雞撈飯一鍋香噴噴嘅黃炆雞派頭十足😂炆雞肉嘅肉質驚喜地嫩滑 每塊雞肉油脂均勻 肉質保持軟身充滿肉汁唔會硬及鞋身 連醬汁一齊食真係可以食多幾碗飯👏

腸粉向來都是香港人最愛的美食之一，尤其是那些即叫即拉的腸粉，白滑而泛油光，上桌時仍熱辣辣，是早茶必備的點心，不過講到近期最流行的腸粉則非潮式皺皮腸粉莫屬。早前見朋友到訪了旺角這間「一條腸粉」，見啲腸粉造型很特別，皺摺有層次，賣相吸引，已經很想一試，可惜近排太多約會，實在騰不出時間，趁這晚有點空，就立即坐言起行。餐廳位於旺角道 26號地下，由我公司搭巴士過來，剛好就在門口落車，位置對我來說，真的非常方便。拉開趟門而入，店內地方不大，幾乎一眼望曬。牆上寫滿了腸粉的由來、分類同多款餐廳嘅主打菜式，而門口就擺放了一座石磨機。聽說米漿是每日新鮮即磨，腸粉即叫即蒸，證明佢地係真材實料！餐牌很簡單，分成底面兩頁，原來除了主打的招牌潮式腸粉外，店內還有不少地道汕尾小食、原創特色撈飯和飲品等供應。潮式腸粉可以自由揀選配料，每碟只是由 $20 起，已免費配上生菜、芽菜及玉米，另外亦可因應個人喜好，+$4 配雞蛋/冬菇/菜脯粒；+$6 配豬肉/豬潤/蝦米；+$8 配牛肉/臘腸/叉燒；+$10 配鮮蝦/蠔仔/牛腩粒；+$20 配帝皇蟹柳/安格斯牛肉； +$30 配原隻元貝/原隻蟶子王，選擇非常豐富。我哋點咗兩

今晩和寶寶來到位於旺角的潮式餐廳，餐廳主打小吃，地道風味。價錢便宜，食物的選擇也很多。招牌潮式腸粉 ($20) 是全天候供應。可以免費選配生菜、芽菜或粟米。而我加了雞蛋 （+4）和叉燒 （+8），令腸粉更有層次。這種潮式腸粉跟普通港式腸粉不一樣，因為這是石磨腸粉，樣子竟是皺皮的，反而更有米香。這裡還有不少地道汕尾小食，在香港的餐廳確實少見。汕尾茶菜 （$42）名字有趣，原來是湯來的。用了7種以上的青菜和肉丁、蠟腸蝦丁等，上面撒上炒米花生，倒入豬骨湯，味道豐富清新。牙籤雞 （$28）是小米粒和雞一起脆炸，一口一塊，配上酸辣醬更惹味。還點了王老吉 （$10）呢～

今日同朋友係旺角行街 經過見到依一間 — 一條X腸粉 比個名吸引左 於是決定入去試一試招牌潮式腸粉菜脯粒 原隻聖子王腸粉皮薄細滑 灑上大量菜脯粒味道有特色 唔錯唔錯仲有一整條大大隻既聖子王招牌潮式腸粉芽菜 冬菇 帝皇蟹棒依款一上枱已經好搶眼帝皇蟹棒好大條 仲要係兩大條架芽菜同冬菇份量都多 滿滿滋味蘿蔔秘制牛腩撈飯蘿蔔夠入味 牛腩好香撈汁濃濃帶少少辣 配飯最搭仲附送紫菜蛋花湯 淡淡地味道清新牙籤雞炸皮薄而且脆熱辣辣 雞肉嫩滑 灑上辣粉帶點微辣 好味道 附有泰式辣醬可以點海豐小米（蒸）蒸餃 外皮QQ彈牙 肉餡濃濃好味道附上蠔油 個人覺得唔洗點都得天地一號啫係蘋果醋 酸酸甜甜好開胃