1仔冰室 (Closed)

💛1仔冰室附近隨便食極黃冰室-其實呢間成日會食(˶‾᷄ ⁻̫ ‾᷅˵)始終都係屋企樓下睇嚟佢愈嚟愈黃😂成間店都pepe檯面仲有文宣又乾淨💕每一台都有酒精搓手液食緊野個時仲見到伙記們互介紹連豬😂相反出面條街仲勁多廢老撐國安法...-📌沙薑雞飯🐥（💰52）雞皮Juicy💕下次叫佢地比多D沙薑先🤤.📌中式菠蘿牛柳🐮（💰52）酸酸甜甜好開胃(˶‾᷄ ⁻̫ ‾᷅˵)超多肉重牛味💕.以上配中湯-伙記們都超好禮貌又有耐心💕足料到爆✨又多飯🤤抵食又黃🤤

黃圈要做大，唔係單靠貼文宣星期日去1仔食個lunch, 坐低張檯有水有包碎，叫個哥哥仔抹下檯，佢就拎塊布求其打2個圈.... 我哋為有再自己抹，抹完成張紙巾係黃色...落完單隔離檯坐低又係要自己抹檯😓不如放疊紙巾，加支清潔劑係檯，加多句疫情關係人手不足請自行抹檯好過啦上菜成碟飯亨落張檯度，以為自己去錯左澳牛食物就ok, 豚肉生薑燒飯個汁堅正，滑蛋叉燒都唔錯，不過咸左少少Overall 黎講唔介意無服務既都可以一試

《香港紅磡 1仔冰室》紅磡黃店 第一時間就會諗起1仔黃得黎 食物質素都唔錯 員工個個都好nice 服務態度好好！1仔出名暗然銷魂飯，姐係叉燒飯，不過今次冇試到。今次試咗佢嘅茄汁豬扒煎蛋飯，1仔豬扒一向都出色，無添加鬆玉劑，全部豬扒即叫即煎。所以上台仲係熱辣辣！不過個人覺得咸左小小。個煎蛋亦係另一個重點，仲有蛋黃汁流出，配埋個飯真係超正！

This is a good restaurant. The staff are nice and fast. Hygiene very nice. The most important is that it’s a yellow shop with good quality of food.

聽屋企人講附近開左間新黃店，想著今日放假落街去幫襯下先。一去到入門量體溫，個哥哥仔幫我同我老公量體溫量係完全無望下幾多度！！！之後入去明明有個卡位有位，都要逼我地同2個啊叔搭臺（中型圓台），果兩個啊叔好明顯都係唔識搭臺一起坐，姐要3組陌生人搭臺😱重點係無膠板隔住！之後我問可唔可以坐果張空台，佢話得，不過都會安排其他人同我地搭臺😥😓😓😓最後我當然係無食直接走啦其實如果係咁...唔使臺與臺之間隔一張空台啦😓....試過咁多間黃店，第一次遇到咁奇怪又無禮貌的鋪頭。好失望

上兩個星期第一次買下午茶，外賣自取等咗半個鐘先有，仲要係再追問先有。遲過我落單嘅都有得拎，有乜理由要等半個鐘，你估你係高級餐廳？有無搞錯？！店舖先得一半人客，但見到職員同廚師都有足夠人手，出嘢食有冇咁慢？琴日再俾多次機會電話落單叫下午茶，個職員喺電話話15分鐘有得拎，結果又超過半個鐘！離譜到一個點！仲要西多士同雞翼加飲品都唔係好熱，離晒大譜！唔好以為打正黃店旗號就咩都得。建議大家諗清楚係咪要等半個鐘食茶餐廳食物

因應疫情唔係所有枱都可以坐所以黎食飯都要早啲嚟攞位好彩都唔係等左好耐5分鐘內可以入座👉🏼吉列魚柳芝士撈公仔麵睇張相唔覺得咁大份午餐但原來黎到塊魚柳超級大連平時係黑洞嘅我都食唔晒，芝士做到拉斯嘅效果撈落啲魚柳到好夾，而且公仔麵唔會煮到好淋都仲係有煙煙韌韌嘅感覺👉🏼火腿奄列多士火腿奄列個蛋煎到好滑，包住啲火腿中間仲有蛋汁，而多士上到嚟仲係熱辣辣脆卜卜，連平時唔食多士嘅我都成舊食晒。以為中午喺紅磡食個常餐$58有啲貴，原來塊魚柳大到根本食唔晒真係超級抵食，下次會再嚟試吓其他菜式。

今日星期日休息一下去幫襯黃店慳妹成日嫌貴唔捨得食 偶然出街食就算啦😂今次去食1仔冰室叫左個招牌慢煮豚+黯然銷魂飯 $68，凍飲+$3個叉燒都幾瘦下～唔夠香口可能係因為慢煮，認真我係鐘情敏華既，可惜有得再幫襯。個蛋雖然唔係太陽蛋，但係荷包蛋微燶邊，還可以，個甜豉油汁都幾甜，可能少左份油香，面頭有少少蔥油中和返但唔會搶左個味，層次黎講都同敏華一樣，上層流蛋汁+蔥油，中層白飯，底層甜豉油汁。中上貨色，如果比分都係敏華好食過佢。我唔知係咪叫錯左 人地原來仲有一款就咁黯然銷魂飯 $48 ，下次再試。茶餐菠蘿油配雞扒炒蛋$37，菠蘿油當然唔係新出爐就扣分，唉，塊牛油🧈係夠既，雞扒塊皮可以再煎香脆一點就冇咁油膩，炒蛋就真係算吧啦～我唔岩食d全熟既炒蛋，尤其是如果唔用奶去炒既全熟蛋係一d都唔滑。服務方面，有待改善一下，咁既時候應該更注重衛生，我入到店告知要搭枱，我表示唔想，願意等候二人枱，之後冇人理過我，我仲係門口等，點知另外2個男人入去就話唔洗等位，咁係咪即係有枱？唔洗通知我？咁我係門口等乜嘢？坐低後到點餐，都冇店員抹枱直至我叫佢🤷🏻‍♀️Poster,文宣無處不在。黃店要支持，但都希望keep返個

不能多過4人的聚會，這間1仔冰室都冷清不少，入內即有位坐，點了個慢煮豚+黯然銷魂飯，賣相出色，叉燒好味，份量足，令人好開胃，加杯熱飲埋單要$68，冰室價錢來講略貴了點，但質素就可以一試啊！

住紅磡同事試過好食，就帶我地一眾同事去一試究竟，餐廳大大間唔難搵，我地lunch時間去到都唔洗點等就入座，有大卡位，空間相對闊落，坐得舒服😌，第一次嚟當然要試招牌嘢先：我地分別點咗：1仔黯然銷魂飯、1仔蔥油雞扒飯及1仔蔥油豬扒飯...豬扒飯忘記影相，們次先講另外兩款：茶仔嚟講，價錢合理又坐得舒服，以後相信好快會成為我地公司公司的慣性食堂另外店內亦有小量精品及酒精搓手液賣，價錢唔貴，有需要亦可自行購買

昨日打算同個老死番Polyu hea下...又係呢句，做野前梗係醫飽個肚先。今次就去左黃埔個頭搵野食...個頭好多鋪頭都冇開，下下行見到呢間1仔冰室個名咁有趣，就入左去試下...食野個時5:30pm左右，人不算多...坐低後就拿拿臨睇menu我自己本身好鍾意食叉蛋飯，當然叫左個黯然銷魂飯....我個frd都係個飯都幾大兜，汁多，蛋同叉燒又夠...成個外觀都好正....試一試佢，雖然算不是畢生難忘，但個蛋有少少焦香，叉燒就正正常常...總括而言，$48食個咁大份量既飯係幾抵食，料又足....係差再個叉燒比較瘦，口感差少少。

今日去左黃埔到探朋感覺，跟住佢帶左我黎食依一間幾出名既茶餐廳。鋪店面積算大，但係午餐時段都會有好多人黎排隊。入面環境乾凈，上餐仲好快手。最後我叫左一個叉燒炒蛋飯，真係超好食飯！值得推介！

見佢係黃店一於試下，叫左朋友介紹既三重芝士撈丁，嘩d 芝士汁好好味，雞扒亦外脆內嫩多汁，炒蛋好香滑，成個特餐都好出色，一定要encore！（不過冷氣太勁d 野凍得超快，d芝士如果唔食快d就變左一舊野😂）

要令黃色經濟圈得以持續發展，除了知名的「龍門冰室」外，也要分散投資幫襯其他冰室。所以，今晚我和友人就到紅磡「1仔冰室」開飯。冰室門前貼有反送中文宣，店內亦設有連儂聖誕樹，掛滿食客的訴求，很黃！朋友推介下，我們同樣點了55元的1仔特餐，包深海炸魚柳三重芝士撈丁、火腿牛乳炒蛋和牛油多士，加3元配凍檸檬茶，很抵吃！深海炸魚柳三重芝士撈丁的芝士味香濃，但麵只是普通即食麵，略乾身，並非出前一丁麵質。炸魚柳大大塊，夠香口！火腿牛乳炒蛋的炒蛋厚身而且非常滑溜，必吃之選！牛油多士只是一般茶餐廳貨色，沒太大特別。唯一須改善的是，冰室的冷氣過大，食物很容易變凍。

#tastytommy良心食店 (曾經同鄺保賢本土派議員派飯比區內有需要人士 低調支持紅土家等本土組織 拒播tvb💛)龍冰條龍長到食唔到 紅冰又紅到唔食得 宜家終於多左間好就腳既冰室上榜: 1冰!!!(好cap🤪) 雖然成間冰室裝修都好tiffany blue 但佢實際上一d都唔藍架!牛乳滑蛋叉燒飯 $52滑蛋幾嫩滑😍 同埋特別厚身 蛋香牛乳香一般 甜豉油同蔥花撈飯幾好食 叉燒有6 7大片 絕對唔係薄切切 每件都有肥瘦 瘦肉唔乾柴但可以淋少少同入味d就更好 整體都可以一戰 但係份量真係好細!🥺吉豬芝士撈丁配牛乳滑蛋多士 $48芝士汁唔多 亦唔算特別濃郁 炸豬扒切得好似有d hea 但食落都正常不過呢個set非常豐富 因為仲有炒蛋火腿多士 抵食得多 好fatfat!😈黑椒雞扒飯 $45雞扒少juicy 成碟飯味道你想像得到~講多個秘密你知 呢度既師傅係2018年攞過國際同香港金茶王雙冠軍!(食果陣都未知 飲左凍奶茶試唔真🙈)