1仔冰室 (Closed)

平日晚上約了朋友晚飯相聚，方便朋友放工，就腳選在黃埔這間一仔冰室。黃埔越來越多人，就算平日晚市原來都好旺場。我地叫左三碟餸，首先椒鹽九肚魚外脆內軟，好味到停不了口，據聞呢度食材新鮮，每日街市直送。另外點了季節限定的蒸蝦籠仔飯，蒸飯裡有鮮蝦味，非常香甜又暖胃。平時晚飯唔食飯的我，都食晒成煲。最慘係朋友兩人食，兩個女人仔食唔到好多野，叫了兩樣嘢都只可以再加碟薑汁菜心。明明仲有好多菜式想試，可惜眼闊肚窄。下次一定要叫埋屋企人黎，人多d可以食多幾樣餸。

晚上跟朋友約在黃埔附近吃晚飯，誤打誤撞入了這間叫「1仔冰室」的吃飯，因為見它的裝修都不錯，以藍色為主，環境又乾淨、座位空間又比一般冰室大，所以決定一試。當晚跟友人叫了3款食物：1.籠仔荷葉蒸斑片飯🐟$74這個籠仔荷葉飯非常好味，斑片香滑，魚香及魚汁均滲透在飯粒內，而且飯粒是粒粒分明，不會糊口的，又有荷葉香，以$74的價格來說，性價比高，是用心製作之品。2.日式海鮮炒烏東$62相對田日式海鮮炒烏東給我的驚喜不太大，味道跟一般好吃的茶餐廳大同小異，可是亮點是比一般餐廳的用料多，蝦及鮮帶子還滿多的說☺️3.土魷銀魚仔蒸肉餅$72肉餅蒸得剛剛好不會太老，配上土魷銀魚咸咸香香的，可為配飯之選。是個很有住家風味的菜式。整體上這家冰室的菜式都滿不錯，籠仔飯做得最為出色，吃得出他們都是用料新鮮，用心製作的👍可以跟朋友們到去🤗

黃埔食肆甚多，連去個m記都人多到不得了，剛好看到這家有位置就跟朋友衝了進去叫了小炒跟炒粉麵之類的應該是新裝修，特別別緻我先來說我最欣賞的是乾炒牛河呢！那個鑊氣感是跟大排檔差不多調味適中，牛又嫩嫩的，一碟我們幾個人很快就沒了炒飯一粒粒的我個人比較重口味，味道有點不夠(對我來說)咕嚕肉，也是很巧功夫的一道肉很脆嫩，酸酸甜甜很開胃雞真的不得了，上海菜膽雞感覺就是一隻走地雞肉質充滿運動量又雞又魚，真是大魚大肉囉桂花魚我家裡也好久沒吃了嫩嫩的魚肉，滑嘟嘟，鮮味我要了奶茶紅豆冰，我覺得比較特別男友要了普通的hahah...最後我還是喜歡普通的那款芥蘭是爽脆的不知道是不是還不是時候有一點點苦豬手愛好者的我那會不試一下鹹豬手呢！骨膠很重，不過皮可以再脆一點荷葉蒸海蝦飯荷葉夾攻了海蝦，整個飯超好吃，味道都滲透了整個飯中一個人我覺得我可以吃下一整碟！

❣️大胃倩推介 平靚正港式茶記 1仔冰室❣️做咗阿媽之後都有好一段日子冇同朋友仔聚會喇🙆🏻‍♀️上星期終於有機會同哥哥一齊出嚟鬆一鬆🥰約咗三五知己一齊出嚟食餐好嘅💗做咗阿媽之後最鍾意揀啲自己整唔到嘅餐廳去食😝其實我自己廚藝麻麻好多嘢都唔識整🤣🤣最終我哋揀咗呢間平靚正喺紅磡嘅1仔冰室🌟黃埔地鐵站行過嚟都唔使5分鐘😍同哥哥行過嚟都完全冇扭計🙌🏻🙌🏻我哋一人揀咗一個餸🥰再加埋哥哥叫個甜品（中式甜品都係甜品）大家都包住走😝🌟平靚正推介🌟💁🏻‍♀️菠蘿咕嚕肉顏色鮮豔未放上枱哥哥已經好興奮 酸酸甜甜 開胃惹味 哥哥仲食多幾啖飯添💁🏻‍♀️荷葉蒸海蝦飯色香味全 荷葉散發淡淡清香 並且消暑利濕 海蝦肉質鬆鮮甜軟 米飯粒粒分明，再用蛋白炒過 真係齒頰留香💁🏻‍♀️香脆炸乳鴿乳鴿肉嫩鮮美，帶點野味 肉質軟嫩多汁，加上少少淮鹽提升乳鴿肉香 食咗一啖真係返唔到轉頭💁🏻‍♀️蒜蓉炒白菜仔爆香蒜粒加上鮮嫩白菜仔 一啲都唔怕寡 哥哥仲食咗好多添💁🏻‍♀️薑汁炒芥蘭芥蘭獨特甘香，配上香辣老薑，味道相當合拍 朋友們瞬間蒸發咗呢碟菜💁🏻‍♀️冬菜蒸桂花魚桂花魚肉質鮮嫩幼滑 冬菜蒸魚，鮮香惹味，大人細路都啱食 食多啲魚仲皮膚靚靚添💁🏻‍♀️

今日去黃埔探朋友, 順道一齊去紅磡嘅呢間1仔冰室食晚飯. 星期日嘅6:15pm, 餐廳已經半滿. 可見呢間新餐廳喺呢一區都已經有一班捧場客. 職員有禮, 亦好主動介紹當日嘅是日晚餐. 加分!!!我哋三人叫咗三個小菜跟白飯及餐飲. 韮王叉燒炒蛋非常出色. 炒蛋嘅生熟程度控制得剛剛好. 順滑得嚟又唔會太油. Perfect! 啫啫馬拉盞通菜煲雖然略有些少普通,  不過勝在夠大碟, 足夠我哋三人分享! 最後就係桂花蜜雞中翼. 雞翼夠大隻. 炸到脆一脆非常香口惹味. 再配上一層清甜嘅桂花蜜, 正到下次一定要encore! ! ! 三個人食咗二佰幾蚊. 雖然唔係特別平, 不過有咁嘅食物水準份量嘅一個新裝修冰室, 絕對係物超所值! ! ! 

上星期5去紅磡搵朋友食LUNCH, 係佢公司附近見到一間裝修得幾靚,好光猛的餐廳,餐廳名叫1仔冰室, 覺得餐廳名幾特別,就決定去試下味..餐廳環境好大, 位與位之間好寬落, 坐得好舒服, 真係值得一讚, 無左傳統茶餐廳好逼,好污糟感覺, 餐具擺得好好..好整齊, 好乾淨, 食起上來都放心D..XO醬炒飯賣相一流,又香用料又多款, 真係絕不欺場, 大家睇圖就知道, 真心好食, 值得推介再來..兩杯特飲..幾有特色, 飲落都唔錯..不過個人覺得偏甜左少少, 套餐只需要加7蚊, 好抵飲.再來金磚四角西多(,有四種醬可以擇,我地擇左里面係朱古力, 一上桌, 擺碟已經好靚..加上熱辣辣, 真係好好味,味又唔會太甜..真係估唔到冰室都做可以整到咁好味的甜點,  fd同我都覺得好驚喜,hkd 32真心唔貴!其實已經好飽..不過又想試下個招牌介紹的吞拿魚厚多士, 一切開多士.,好多吞拿魚醬加埋芝士..wow...YUMMY,正啊..總括黍講, 價錢好合理, 食物水平高又好味,坐得舒服,環境又好, 真心推薦! 期待下次再幫親..

有感好耐無同班行家聚一聚，update 下市場最新狀況，尋晚ad hoc call 飯局，大家分佈港九新界，最好就搵個中心點方便大家。尖咀好多餐廳唔坐得耐，又貴夾唔飽。Search 到紅磡有間新開冰室就決定試下約呢度，話晒東西鐵總站，又係巴士總站。夜走都有的士，最0岩第2日要返工又想聚下呻下嘅飯聚。天氣麻麻，我就懶行，紅磡火車站$24蚊的士去到門口，方便又affordable。可能我早啦，一入去無咩人就揀咗張大枱，都幾光猛同乾淨。要讚一讚厠所幾衛生，不過就窄咗少少。我地一行6人，個個志在吹水，所以都無點太多嘢。因為早，好好彩食到佢地龍蝦鮑魚蒸飯，D 飯蛋白炒底，好有心機，上面鮑魚用陳皮蒸，龍蝦就加咗大量蒜蓉，D 鮮味落晒D飯度，好惹味！男士要啤一啤，所以就點咗好送酒嘅椒鹽鮮魷。外脆內軟，唔老，火喉控制得好好。少少辣係幾開胃。呢間冰室肉餅都幾多款，好少冰室咁多選擇，我地就點咗潮式的，食得出手刴，好家常，感覺好屋企(可惜掛住食無影)。我地都另外加多兩碟菜，好夠鑊氣。

小炒皇有蝦乾蝦米蝦肉蜆肉蒜芯魷魚腰果蘑菇菜脯韭菜，十分足料，鹹鮮味好出蜜椒雞翼外面有蜜糖黑椒，又甜又辣又香口，炸得皮脆肉嫩荷葉籠仔鮮蝦蒸飯既蝦係鮮蝦，蝦汁落晒d 飯， 蒜蓉唔會太多搶曬啲未，簡單但美味薑汁炒芥蘭 炒菜炒得好嫩，無渣整體十分不錯，材料新鮮，地方企理

夜晚行過紅磡必嘉街被一間冰室既門口一句粉紅螢光句子「我是一個吃貨」吸引，睇裝修幾新正，仲幾有潮感。一坐低，就聽到有個職員話咩蒸飯剩一，我即刻問咩飯咁早7點幾就賣剩一個咁巴閉。原來係龍蝦鮑魚籠仔蒸飯是也！就係咁，我地就成為今晚最後一個食到呢個蒸飯既人。個龍蝦🦞拑好輕易就拆到成件拑肉出黎，加分！而個飯用荷葉蒸到岩岩好，每啖飯都有荷葉香加龍蝦上既蒜香仲有鮑魚上既陳皮香，好食到直豎拇指！嚴重建議2-3人分食，真係好大籠呢！而最令我驚為天人竟然係我本以為最平平無奇既吞蛋厚多士！佢既流心蛋加秘製醬吞拿魚既結合，連同芝士厚多士一齊焗！唔放入口你都估唔到咁夾咁正！口感極豐富，真心空肚最少可以掃2碟！直接列入我既直豎拇指系列！雞翼控要留意喇！呢間冰室既桂花蜜雞翼，絕對係人生食物。隻隻都好肥大，桂花蜜既甜香係上聯既話，雞翼既脆香就係下聯，雙方既口感互相呼應！小菜方面都係水準之作，黑松露蝦仁炒蛋，香就梗嫁啦，無諗過佢既蝦仁咁爽彈，一碟仲有好多粒添。而乳鴿仔都係即叫即燒，最重要係無咩油，食完都無咩罪惡感！終於講到甜品喇！呢度招牌甜品係「金磚四角」，簡單黎講就係4件迷你夾心西多仔！仲有4隻味擇，花生，果占，咖咉

知道紅磡開咗1仔冰室，今晚唔煮飯，咁一於去試下啦。位置係黃埔Benz showroom附近，撘地鐵去黃埔站B出口，步行五分鐘左右到，好易揾。地方新淨光猛，卡位出奇地闊落，坐得好舒服。龍蝦鮑魚籠仔蒸飯，必須一日前打電話預訂。龍蝦好鮮甜多汁，鮑魚好爽口，配果皮蒸好香，個飯底係蛋白炒飯，索曬海鮮汁同蒜蓉，夠味到一滴豉油都唔洗落，真係好正，會有下次👍🏻沙薑雞例牌係半隻，雞皮唔肥夠瘦，但肉滑，沙薑汁夠濃，灑上芝麻好香，即刻叫多碗白飯😂三色肉餅有驚喜！蝦餅+墨魚餅+肉餅係以慢火煎，所以製作需時。香口彈牙有肉汁，冇半油炸個D咁又乾又熱氣。叫咗士多啤梨乳酸特飲，消暑透心涼！用Maison Jar上，好大杯😆

尋日下午工作關係約人開會路過黃埔，有點餓，見開咗新嘢，就入去食d嘢。好耐冇食西多，見有款金磚四國幾吸引，好多少西多士分開幾舊。送到嚟嗰一見到就心花怒放!,做人呢，唔能夠成日嗱口嗱面嘅。工作時蛇一蛇來一客極邪惡嘅西多士，真係從心笑出嚟！😂😂😂 睇住d小件牛油鬆化真係好治癒呀！一切開係㗎吔夾心，好少茶記有咁特別嘅選擇，又難得加埋糖漿都唔係太甜。由於佢用上厚切來做，一客真係好頂肚，結果夜晚都無食飯。三個字，大! 滿! 足!

剛出完十幾日trip返香港,極度掛住茶記, 一落機就去咗呢間冰室食番個菠蘿包先。呢個包好特別,入面係咸牛炒蛋+芝士, 濃味得嚟又唔會太咸, 係泰國十幾日係完全食唔到呢個香港味, 再加埋杯奶茶就回哂魂,其實好少寫食評,通常遇到好差嘅餐廳先會寫>< 但今次可能唔係香港太耐,一返嚟盲食到屋企味,覺得好精神,又繼續努力工作了!

今日放假去咗黃埔搵食，發現咗一間新開嘅冰室，有我最愛嘅多士，為食的我梗係要試一試！先講環境，裝修幾特色，牆上面的圖案有心思，用嚟打卡呃like就最好不過😝，餐廳亦好光猛，坐喺入面都覺得好舒服。至於食物，叫咗兩款多士，分別叫左流心吞拿魚多士同埋黑松露炒蛋多士，一次過滿足我嘅多士癮。呢個流心蛋呑拿魚多士不得了，一切開蛋汁就湧出嚟，加埋入面嘅芝士同沙律醬，原來有幾夾，真係極力推介。呢個黑松露炒旦多士，黑松露味道很香，炒蛋亦都滑嫩，加埋塊多士一齊食口感真係幾好，值得試埋。兩款多士我都覺得性價比高，我係一定會再返嚟試埋其他嘢