大阪日本料理 (Changed Hand) New Restaurant

朋友跟我以往都係大阪舊舖（亞士厘道）常客，關舖後都有點失落。當知道佢哋原來喺尖東重開（最近先知）即使疫情下都想去回味一下。一入去兩位服務員態度已一般，落單時問下關於個丼裏面有乜嘢又講得唔清唔楚，最後當然係錯咗啦！問佢攞張餐巾佢會俾d欠左佢嘅眼神你（咁啱冇帶吖嘛！唔係都唔想問佢攞！）。最後問個lunch set 有冇咖啡佢只答你咖啡加十蚊，咁咪問多句除咗咖啡仲有乜囉，佢又悔氣地答其他飲品！我自問都係一個有禮貌的人，全程都唔該前唔該後，都唔知我係客定佢！食物水準係ok嘅，不過依家仲係咁嘅服務態度，幾好食都係假！真的再見了大阪！👋🏻👋🏻

因為起附近番工，lunch都成日過黎食，但今日食完之後真係冇下次話說一入門口，個waitress叫我坐bar枱，我問佢：乜入面冇位咩？佢黑晒面咁帶我入去入面內廳，然後佢同事就同佢講：你應該答佢冇位丫嘛我坐低冇耐，諗住除低口罩飲杯茶，個waitress好似訓導主任咁嘅口敏叫我帶番口罩我問佢拎tissue, 佢用隻碟放住d tissue擲落我枱面我叫佢加茶，佢第一次扮聽唔到，我地再叫多次，佢好悔气咁話：等等啦期間有幾個客人入座，佢地唔識廣東話，咁就亂咁行入去坐，個waitress呼喝佢地，話自己今日得兩個人做樓面，行唔到咁遠招呼佢地，叫佢地坐番出黎大佬，我黎食餐飯，你個lunch都唔係平，仲要受你地d staff气，真係好嬲d野幾好食都係假啦

烹飪班同學話我知呢間日本料理就係之前喺尖沙咀亞士厘道做咗30幾年的大阪日本料理了，佢邀請我今日一齊食午餐預祝我的生日，我哋都點左三色御膳料理套餐，即是有三道菜，每一道菜都有幾個選擇可以揀一樣。我點左：第一道菜魚生（這個正常做得不錯）第二道菜鰻魚飯（鰻魚好味但係啲白飯太削了，應該係煮飯的水比例多咗啲）第三道菜天婦羅（有兩件天婦羅，一件係哈，第二件係番薯，個除將唔太差但係亦都不出色）湯蕎麥面（因為疫情期間經常在家中煮烏冬所以今日叫了蕎麥湯麵，但係原來日本堅魚湯配埋蕎麥面唔係好夾的）之後加$10叫了一杯非常好飲的咖啡，店員不肯透露是什麼牌子，只是說是即磨咖啡，對於我這些咖啡精來說真的不錯。朋友點了：第一道菜魚生（佢都覺得好）第二道菜所以吞拿魚蔥花有味飯（吞拿魚顏色有啲暗啞，上面有少少海膽，個有味飯都唔錯）第三道菜牛肉烏冬（同學話呢個好食，啲烏冬面好彈牙）原本我想坐耐啲傾吓計，但係餐廳的冷氣或者應該說是鮮風不夠大，吸住個口罩唔自在所以傾咗一陣就返屋企了！這裏的日本茶葉味道不錯，免費添飲，由服務員斟的。每個餐$158，加埋咖啡$168，+1之後每人$185。相信食物質素只是短期不及之前，因為人客

大阪日本料理搬咗嚟富豪九龍酒店之後就冇再嚟過啦，今日見有時間就專程去試吓啦 首先講吓個服務態度先，事關之前有多人都話呢間既態度就麻麻地既 甚至差添，今次去到好似轉咗侍應 服務都唔錯既網燒牛扒定食 $15x牛肉扒成熟左右，肉質都軟熟 但又不至於入口即溶 味道方面重牛味 份量剛剛好夠前菜，麵豉湯同蜜瓜就正常發揮啦 冇乜特別如果你問我咁樣收$15x既 就覺得有啲貴啦地點又唔係好就腳，如果經過又唔知食乜好都可以入去試一吓既

今日友人建議去九龍富豪酒店內的日本料理午膳。酒店大堂冷清得像久沒人入住。餐廳12:00 營業，人客不算太多，幸好午市食飯時間陸續增添客人。我倆分別了點了三色御膳$158及鐡板燒 - 花$268。大家上菜時間不一，好似各有各食。友人對三色御膳還覺滿意，獨愛套餐內的海膽呑拿魚蓉飯。整個套餐份量不少，也算抵食！而我點的鐡板燒便真的一般般，因為不是在面前煮食，上菜時間也不認真。先上炒雜菜與炒飯，後上鐡板燒物，感覺是大雜會。店員是禮貌的，可能早前客人少了，生疏了？！送錯單，埋單忘記發回信用卡！😅希望熱身後，快快回歸正軌！😵

自從搬離亞士厘道就未再幫襯，難得今日早放再回味一下。午市抵食套餐依然仲有，今日我地食左三色御膳+北海道蟹餐盒。三色御膳首先上左牛肉烏冬，牛肉唔會煮得太熟，由廚房送到出黎剛好，因為湯底夠熱。碎吞拿魚飯+廚師發板壽司一次過上左呢兩樣。碎吞拿魚飯上面有一大片海膽，感覺絕不單調。廚師發板有5件不同壽司，生既壽司我無食到，老公評語不過不失。而我覺得值得一讚其中一件火灸左口魚邊(應該係)入口即溶(呢件我有食)。北海道蟹餐盒如果有去過日本大阪果間好出名食蟹既餐廳，相信對呢個餐盒就唔會陌生。食完當去左轉日本，不過當然對蟹腳一定無日本咁大條，不過香港食到呢個質素先係百多元, ok啦～環境新店地方好寛闊，保留日本風。服務想特別一讚店員服務十分好。我同老公比原定訂枱時間遲左半個鐘，即使快到下午休市時間，店員依然有禮服務。小妹不常寫食評，不過服務好+價格相宜既餐廳在香港確實不多，會再幫襯支持。

今晚想食日本野，聽聞呢間餐廳係日本人黎香港都會黎食嘅，所以就試下。起初我地想食壽司，要求安排坐sushi bar，叫左以下嘅壽司同刺身。 七貫壽司味道不過不失，蝦都係鮮甜嘅。後來我地叫左牛肉鍋，佢嘅服務都好好，幫我地轉左個位先上呢個鍋。呢個真係值得食。牛肉有肉味，再加上滑滑嘅蛋汁真係好味，要加埋d配料金菇、芋絲、豆腐、京蔥等等好正！呢份就係牛肉，肥瘦適中，入口好軟滑，真係可以食幾多塊都無問題！加上蛋汁一齊食，正！最後仲附送甜品，抹茶雪糕，有濃濃嘅茶味，可惜雪太耐，太冰，減左少少分。

大阪搬咗之後第一次去食仲係好好味老字號，不過新店舖位置有小小偏裝修完好靚連個門口都忍唔住要影下Lunch set同以前差不多。價錢都無點變化，一樣同以前咁多選擇海膽滿泄大拖羅，超肥美帶子，池魚，左口魚邊金目鯛，好新鮮燒過嘅拖羅，魚油勁香，入口即融好正嘅9件夀司仲有埋辣豬肉烏冬，食完真係捧住個肚北海道海鮮丼，足料，鮮味有拖羅蓉，蟹膏，三文魚籽，仲有蟹鉗海膽溫泉蛋所有配搭都一流啊裝修完環境好好位置寬敞，坐得舒服

臨近聖誕, 一家人諗住搵個特別啲嘅地方食餐好~因為屋企人鍾意食日本嘢, 我就諗起大阪~知道佢近來搬咗新舖, 專程去試試!新鋪少咗以前嗰種懷舊嘅味道, 不過環境都舒服嘅~印象中舊舖最impress我嘅係啲staff服務態度好好, 搬咗過嚟呢樣就仍然keep到~我哋一家大細食咗唔少嘢但實在影唔切相想特別介紹吓小朋友嘅最愛：餃子玉子燒炸雞其實仲有牛肉烏冬, 未影得切相已經被分晒~我嘅最愛當然係刺身!!! 重點係舊舊都厚切, 大滿足!送飯推介：燒銀雪魚燒沙甸魚都係第一次食, 好肥美~甜品都好有驚喜：榛子味雪糕真係不得了, 一定要試~柚子雪芭都好有特色!

和朋友晚飯，大家都愛日本菜，我們知道這家居酒屋最近搬了到新鋪，便打算一試。它位於一家酒店內，位置隱蔽一點，多了一份寧靜，裝修有日式風味，地方算寬敞。食物選擇眾多，包括燒物、剌身、火鍋和飯麵等，大家點了以下食物:串燒三點有大蔥雞肉、雞翼、豚肉露筍串和茄子。每一款都燒得夠火喉，大蔥雞肉仍很有肉汁，茄子鮮甜，但豚肉露筍串略為乾身。大阪燒很傳統的造法，麵粉加上豚肉和椰菜，變成厚厚的燒餅，淋上燒汁和沙律醬，令我們垂涎三尺，亦有飽肚感。牛肉炒野菜野菜顏色繽紛，賣相令人吸引，有椰菜、紅蘿蔔絲和芽菜等，炒得軟腍，仍保持鮮嫰和多汁。加了牛肉片，爽口煙韌。梅子茶漬飯一個簡單清新的主食，日本米飯浸在清茶中，加了梅子在上面，暖暖的，有益健康亦清腸胃。牛肉熱湯蕎麦麵熱湯溫度極高，陣陣香氣隨輕煙飄進鼻腔，先喝一口熱湯，清澈而甜美。牛肉約7-8成熟，浸在熱湯一會，牛肉已變色變成熟透，肉質細嫰而無渣，牛肉味道濃。蕎麦麵幼身，爽口彈牙。這裡的食物不錯，侍應主要是中年婦人，服務一般，與居酒屋的環境和氣氛格格不入。

離開時全餐廳的侍應和鐵板燒師傅都跟我說再見，殷勤程度更勝老店。可能未夠七點時間尚早，可能社會動盪夜市淡靜，也可能新開日本餐廳吸人流，那刻全餐廳只有我一個客人，猶如包場一樣。當然， 有幾張桌子已留位，可能只是時辰尚早。這次吃了天富羅蕎麥麵，兩件炸蝦加兩塊炸茄子。不油不膩的炸物，香脆得不得了。蝦肉又新鮮彈牙。新店維持綠色作主色，配上富士山的牆上裝飾，裝潢雅致。不過，全新裝修卻失去老店的質感，再沒有從七八十年代走過來的感覺。

與好友相約午餐，想起好久未去的大阪壽司，一搜才發現原來從亞士厘道老舖搬到尖東富豪酒店了。新店環境很舒服，我個人覺得新店更勝舊店👍。 午市套餐餐牌也添了新意，選擇頗多。我們點了北海道海鮮丼、及北海道蟹弁当。魚生保持一貫水準新鲜美味，壽司飯底軟硬及黏糯適中，屬高水準壽司飯; 蟹套餐更是精緻又味美，只是朋友說烏冬有點硬，希望此點日後也能改善。餐後甜品我選了芝麻雪糕，朋友選了+20元的手工即磨加啡，也非常美味。😋很高興老店保持了以往的好又加了新意，而且午餐性價比相當高，更要一讚各位服務員態度很好，很滿意的一頓。😋😊👍