OURS 喫茶店 (Closed)

果兩個女員工黑口黑面己經算，當d客人乞衣咁，十問九唔答，就算答都悔氣到爆，好似d客欠左佢咁，由其問佢走甜之類問題更加係串到爆，d客鬼知你杯野走甜唔洗通知你咩，d野飲ok嘅但d員工真係差差差！冇必要都唔會幫襯呢間！試過冇人排隊時買咖啡，個女員工話要等10 分鐘喎，知唔知咩原因？原來係因為佢幫d cake入緊底帽，沖完咖啡再整又唔會死，等你都唔咪問題，係d語氣問題，等到你就等等唔到你就走咁款，黑晒面，咁唔想做就唔好做啦，發洩起d客度，想投訴都冇門，唯有特登開openrice上來俾差評，你話幾差先令到d客咁做！！！！！！！

試了一個藍莓芝士撻，味道不錯。Cream cheese 質地軟滑，芝味合格。餅底不會太鬆散，但也不要期待鬆脆香濃。整體而言，好有hand-made 家政堂做嘅芝士蛋糕感覺，可以一試，也可不試。BTW, 店員態度真係一流 哈哈

d包係好食，咖啡係好飲，同埋價錢合理，但個店員好似失戀咁，做野又慢，態度超差，講嘢又晦氣，串串貢咁，如果做生意咁既服務態度真係唔得！有咁嘅店員(唔知係咪老闆)，真係趕客，d野幾好食都係假⋯

星期六行過買杯咖啡，見到今日麵包做快閃買一送一，問多句阿姐係咪所有味道都係一送一，阿姐已經好唔禮貌咁講淨係今日做優惠，我都知咩叫快閃，我識字，答非所問，見個袋無生產日期同食用期限，問多句，又黑住面話啲包日日返，最好即日食晒，我知就唔駛問啦！疫情對大少食店一定有好大嘅影響，所以好多時都會支持小店，平日買早餐都趕客咁，落單等一個都同我講要等好耐喎，其實5分鐘已經有得攞，睇食評post至知，原來hea 做慣性趕客，真心講係打工，做得唔開心咪轉個份，如果間店係自己就珍惜每一個行埋嚟嘅客，行埋嚟幫襯都要睇嚟黑面，何苦呢！人生苦短，無謂要人要己都咁辛苦。

平時買開另一間嘅早餐都喺同一個商場入面，而呢間就喺正商場門口，成日都見有幾個人喺門口等早餐，好奇心驅使下今日就買嚟食吓。間鋪面唔大只做外賣，買完通常都係企喺商場走廊等取餐。間鋪早餐主要賣吐司牛角酥嘅，openrice 都有餐牌就唔詳細介紹喇，我揀咗吞拿魚雞蛋吐司同紫薯鮮奶$22。叫完就出哂事，呢一刻嘅我終於明點解長期都企咗幾個人喺門口.....我足足等咗15分鐘先攞到個餐！我本身揀買三文治都係諗住貪佢快靚正，你做呢區都係打工仔生意多，速度真係好重要囉！😕❤️ 吞拿魚雞蛋吐司 & 紫薯鮮奶 $22至於個吞拿魚雞蛋吐司，佢個包好厚，所以都夠飽。我叫嘅時候就無哂普通包，換咗個甜嘅包，成件事好唔夾😩紫薯鮮奶紫薯味偏淡😶好食度： ⭐️✨ (1.5/5)餐廳推薦度：⭐️✨ (1.5/5)鰂魚涌區有幾間買早餐嘅店舖，呢間一定唔係我首選囉！

星期六下午13:30經過想買杯咖啡，門口明明寫住開7:30到18:00，又開晒閘做生意咁。我見入面有個員工食梗飯，咪問佢想order杯咖啡。佢都幾串話: 食梗飯呀咁我就問佢幾時可以落得單我再番黎佢碌大眼好串話： 啱啱食咋之前睇食評話d員工態度差，我領教喇，即走唔駛旨意幫襯，你慢慢食啦😡

檸檬慕斯夠酸夠香，cream cheese香軟輕柔，配上富焦糖香的消化餅底，勁好味！一件才賣$30，性價比高，優質過唔少名氣餅店出品！食飽飯都食得落一整件👍如果多人食，可以買一整個，$160。

其實呢間鋪頭無論係裝橫，食物類型同價錢都好ok！只係衰在個員工！兩個打工仔，唔係自己生意，唔會諗點樣可以做得個流程smooth啲，只會慢慢做，個個客都係趕住返工，你急佢唔急，試過一次，下次你仲會唔會再幫襯？仲有個位女員工... 真係好多聲氣，不停話自己做唔切，發放啲負能量，你一邊企響度等，就一邊接收佢啲負能量... 如果呢間舖頭可以請返兩個有positive vibes，願意快手快腳做野嘅員工，我估呢間舖頭會賺多好多！

幾次行過想食兩位店員都忙緊冇招呼，今日早左出門決定一試。點知企系度好耐都系冇人落單，後面有多兩個人等緊，嗌店員但佢地見到唔出聲冇講野，態度傲慢。終於等到佢地忙完，叫了牛油果雞胸麥吐司套餐，$22，系價錢十分優惠，不過嗌完都系繼續等，店員十分慢條斯裡，慢動作。收到食物後，分量足夠做早餐，賣相都很不錯，吐司厚厚的很吸引。點知一食大失所望，麵包是室溫，冇烘過，十分驚訝店員整咁耐只系將三樣野夾埋。落單時店員(或老板)有禮貌地解釋佢地忙緊。好喇，只可以話我不是呢間野的 target customer 。

星期六10點去排DHL, 攞咗個籌之後要等2個鐘，見肚餓想去食個早餐，轉角見到呢間take away 舖有厚切小吐司食，一份吐司加杯咖啡只需$20，我就決定試吓。我點了牛油果火雞肉片麥包，一杯cappuccino, 加大加$3。佢地吐司款式多，還有黑松露炒蛋、火腿芝士、吞拿魚雞蛋（$19單點，$20連咖啡）、照燒雞扒、沙爹牛肉芝士魚柳（$22單點，$32連加啡）。吐司烘熱後好鬆軟，再加上牛油果蓉連火雞肉片，十分夾！咖啡用上Lavazza，多奶咗，正常咖啡一杯。成個餐既CP值真的很高！當我係旁邊立食期間，舖頭接好多外賣送餐單，證明幾受歡迎。太古坊附近返工可以一試！

菠蘿油控出沒😈 日式菠蘿油 (芝士）+ 牛油果奶套餐Rating: 7/10HK$ 36日式菠蘿油 (抹茶）Rating: 8/10HK$ 22今日出去買lunch嘅時候發現公司附近有間賣日式菠蘿油, 好吸引就同同事一齊買咗嚟食。首先講吓牛油果奶，老實講呢個一般般因為係屋企都可以自己做到：將牛油果蓉加入鮮奶就已經係，唔同一般係街度飲嘅牛油果Smoothie，唔太建議買來飲。菠蘿油係新鮮整出嚟，雖然我哋食嗰時已經凍咗少少，但都feel到佢冰火嘅效果。菠蘿包好鬆脆，質感非常唔錯。芝士味我個人覺得第一啖食落去芝士味唔出，但同事就話食到cream cheese味。相反抹茶味就係我哋兩個一致覺得非常唔錯嘅，佢連個菠蘿包都係抹茶皮，濃濃嘅抹茶cream，入口即溶正！

之前用咗Openrice嘅外賣自取優惠，真係好抵，就有一杯咖啡同一個菠蘿油，佢個菠蘿油幾有特色，係一個菠蘿包，裏面有一個綠茶嘅牛油，綠茶味都有D嘅，又唔算非常油膩，女士應該都鍾意，而且個菠蘿包面脆脆地，都幾好食架，唯一係個size比較細，大概係普通菠蘿包嘅一半份量啦，杯咖啡都唔錯嘅，咖啡味幾龍，我就覺得偏苦咗啲，所以自己都要加啲牛奶，女士來講，朝頭早當早餐都足夠，整體味道一般，可以一試，希望個小店可以研發多啲新產品，咁又可以再去食啦。

喺鰂魚涌港鐵站附近有間專賣「日式菠蘿包」嘅小店喫茶店。真係上班一族外賣早餐嘅好地方。餐牌見到喺由北海道忌廉 X 北海道煉乳製作而成嘅日式菠蘿油，確喺好吸引😍正價喺$22 個日式菠蘿油，連8oz 熱飲就$36。而菠蘿油有5款味道可以選擇: 芝士，朱古力，草莓，抹茶同原味。實物同餐牌一樣咁靚，好吸引今次用手機上網落訂單，除咗方便，仲有優惠，只需$18。另外第一次幫襯外賣自賣仲可以減$10，只需$8，就可以食到個咁嘅早餐，我諗唔到可以喺邊度搵到由8:47am 落單，9:01am 有得取，放便快捷真係無睇錯，用埋優惠碼只需8蚊如消費滿$50，輸入優惠碼又減$20抵抵抵。日式芝士菠蘿油，芝士味香濃，菠蘿包面又脆，加埋杯美式咖啡，食完後成個人都醒神晒，好味

呢個日式菠蘿油用咗北海道忌廉和北海道煉乳整成 食之前職員會將菠蘿包放入焗爐焗一陣 然後將由雪櫃拎岀黎嘅奶油夾入熱辣辣嘅菠蘿包 冰火交融 感覺好似食緊雪糕包咁 值得一試呀👍🏻//OURS 喫茶店 kissa-ten📍鰂魚涌 Quarry Bay//☕️ 芝士蛋咖啡 Cheese Egg Coffee (8oz) $32: 用了芝士蛋做奶蓋 很香cheese味 或者你可以攪拌後飲 感覺有啲似tiramisu𠻹 好特別🧀//🍵 日式菠蘿油 (抹茶) Pineapple Danish with Matcha Cream $22: 又香又濃抹茶味😋//🍓 日式菠蘿油 (草莓) Pineapple Danish with Strawberry Cream $22: 帶有酸酸甜甜嘅草莓cream😆//🥐 牛油果火雞牛角包 Avocado and Turkey Croissant $28: 牛角包好鬆軟🥑

Pineapple bun is definitely one of the most famous and adored local food in Hong Kong. I particularly like those with a thick piece of butter in it. Ours Kissa-Ten has definitely upped the pineapple bun game by giving it a Japanese touch. Other than making pineapple bun like croissant sandwich with stuffings that are familiar to local, Ours Kissa-Ten also offer Buttered Pineapple Buns which has a piece of ice cream “butter”!I got a green tea one to try. The crust of pineapple bun was so crunchy