栢檔極品海南雞飯

Open Now

Now Closed

我向來都幾鐘意海南雞飯，但郁下都成6、7 十蚊，重要未必好食。今日難得去九龍灣搵朋友，當然要試試「栢當去骨海南雞」啦。價錢相當實惠，單點海南雞飯都只不過係$47， 加多少少就有1 人套餐，多杯野飲同埋菜，都係$60，算係相當抵食架啦。雖然稱唔上係好好食，但算係合格啦。油飯有鷄油香味，夠味得嚟唔會太油，已經好過唔少餐廳d 油飯淡而無味。海南雞份量唔算好多，但足夠一人食。鷄肉都算幾滑，食到有鷄味，另外d 醬汁都唔錯，整體ok。

今日收工去淘大附近買野，見到呢間門口有人排隊，走過去八卦下，原來係「海南雞飯專門店」，睇下個menu先，價錢都幾親民喎！唔駛等好耐，好快就有位，雖然係海南雞飯專門店，不過見隔離枱既豬手飯好似唔錯，所以最後都係㨂左豬手飯一人餐，配油菜同飲品都係$6x, 唔貴。但啱啱食完tea, 所以只係散叫左碟「鹵水元碲飯」$47。元碲燜得好林，多汁，d 皮唔肥，入哂味，肉質嫩，唔會一夾就散，送飯唔錯！下次試下海南雞飯先。

忽然興起想食海南雞飯，就黎到呢間餐廳。海南雞飯索價$48，配以三款醬汁，包括黑豉油，薑蔥同辣醬。三款醬汁各有千秋，黑豉油令雞肉更香甜，撈飯一流，係我最愛既一款醬汁。而辣醬帶點微酸，辣度唔高，酸酸辣辣夠曬開胃。而薑蔥就比較失色，味道較淡，冇乜特別。雞肉口感嫩滑，雞皮好正，加埋醬汁味道一流～海南雞可以選擇配油飯或白飯。我胃口細叫左油飯(少飯)，飯粒呈淡黃色，唔夠粒粒分明，會痴埋一舊。而且味道方面較淡，欠調味 ，冇乜油香。不過雞肉幾滿意，加返分！

一路都好仲意食海南雞飯 所以會周圍試睇下邊到好味同埋見到哩間周不時都有人係入面食諗住試下 但哩間真係 個日食既係海南雞既黃飯個飯未煮熟 米仲生既雞又冇乜味 同埋份量好少 感覺餐具都比較油

同朋友打完波，食個消夜，口淡淡，想吃些重口味食物，行經栢檔海南鷄飯專門店，行入去，有小店風情feel, 內不大，有快吃快完事之感，叫肉骨茶飯，勢估不到竟然sold out...一下子打亂陣腳，好！就叫你們的招牌菜---海南鷄飯。主菜: 起骨鷄肉，獨欠鷄翼，有髀肉，肉質ok,但沒鷄味服務: 基本招待，合格醬汁: 有三款，薑蓉最掂，另外兩醬負責做配角而已環境: 有快餐店特色，方便快捷黃油飯: 飯感偏硬，有嚼頭，有黃油味，颇ok，仍記掛馬來西亞的海南鷄飯，黃油飯搓成飯團，可作參考！

淘大太多野食。。。。。諗唔到食咩好。。 最後揀左海南雞飯， 不過我無食海南雞，食左圓蹄。。 阿媽就食海南雞飯。。一個餐有湯，有餸，有菜，有飯（仲可以揀油飯定白飯）我地都揀左油飯，唔太特別，又硬左少少。。 我覺得個圓蹄鹹左少少，不過個汁用黎送飯都幾好味，肉又唔un。。湯都有料，有蘿蔔。。 雖然海南雞唔係我叫，不過我都食左一件雞，其實都唔錯，起碼都滑。。3個醬料中，甜豉油就麻麻地。。其實呢個價錢算係咁，有咁多野食，又唔係細份，味道都唔係難食。。

行開九龍灣見到有好多人排呢間野就跟人排下一見到個menu就已經決定要食海南雞飯同個朋友黎食就諗住試多樣野就叫埋佢嘅肉骨茶咁就完全有星馬風味極品海南雞一人套餐個雞好多脂肪 好肥膩個醬又唔算好食 完全唔吸引真係有啲失望唯一可取嘅係個油飯 都有雞油香肉骨茶真係唔會再試因為好似食緊普通嘅老火湯唔可以稱為係肉骨茶不過肉都係幾多雖然好多人排但真係不值一試

因為今日某火鍋店半價 所以專登黎淘大 點知火鍋店超多人 就轉場啦～呢間鋪就喺附近 咁岩望到佢門口寫住呢間店拎過好多獎 所以滿心期待咁入去食 但最後真係十萬個失望一睇d醬就知有幾唔正宗 正宗海南雞飯係用黑油而唔係鼓油 係用薑蓉而唔係薑葱 而且正宗海南雞飯一定要跟一碗清雞湯如果好食嘅 無雞湯 醬料錯都唔緊要 但佢係難食 好難食 個雞又鞋又無味 個飯又係無味嘅 仲要有d煮燶左 d飯又唔平均 望到有d白又d黃咁 而且太濕 食落去有d一pat pat 比白飯難食

栢檔去骨海南雞飯 $47雞肉嫩滑 份量也算多配上油飯 油飯不太油反而香而且有三種醬汁 甜豉油 酸辣醬同薑蔥油 三種各有特色 個人比較喜歡酸辣醬 比較開胃 味道😋👍🏻 價性比高 還會再來 不過還是比較想念新加坡的海南雞飯多一點😛評分: 8/10🌟

住開九龍灣呢頭，放假想食海南雞飯就諗起佢！一入到去就係咁聽到d，阿紅話樓面o林最檔，我心諗咁細間鋪2個做樓面都夠晒數啦，仲要係唔爆囉！跟住我地坐底叫左2個雞飯再叫左2杯利賓納！隔離枱就食完都準備走嫁啦，點知有個阿姐又拎d飯比佢地，亂到7彩呀！Anyway la..跟住過到5分鐘到啦，其實味道都可以ga呢d價錢黎講不過係小d肉啦，飯好夠色但唔夠油味！飯都食完啦但野飲都係未到咁就吹下佢啦，聽到d姐姐問廚房d野飲啦，廚房又叫返出黎話唔夠杯喎，最後過多5分鐘都黎左！問題就黎啦，明明我地叫利賓納，我老公竟然飲到有檸檬核，成件事真係好嘔心！以後都唔會再去呢間野！never never

「10秒食評」招牌海南雞飯：雞滑而且嫩口，大部分去骨，而且三種調味醬：海南雞豉油不咸反甜，很合個人口味；酸甜醬開胃微辣同薑葱油咸而不膩。油飯香唯飯粒水分多，飯粒沒咬口，而且食落去無米香。豬頸肉飯：豬頸肉有炸過，脆口而且香，而且肉質彈牙。嗌豬頸肉飯都會送三種海南雞飯調味醬，配豉油同酸甜非常容易送飯。唯豬頸肉飯都係無米香既白飯。正常價錢，味道幾好。我地係試左佢下午茶，比正常套餐細碗。味道：⭐⭐⭐⭐（雞同豬頸肉都好好食）價錢：⭐⭐⭐（正常價錢）環境：⭐⭐⭐（外觀還好，但櫈有d殘而且見到d貨放角落，茶餐廳感覺）衛生 : ⭐⭐⭐⭐（玻璃望到廚房整野食而且有帶口罩）服務：⭐⭐⭐ （有招呼同推介餐牌上既主食）

係淘大搵嘢食煩惱係太多選擇行行下就見到呢間海南雞飯都幾多人食緊，位唔多，羊群效應就等下，睇下佢係咪真係咁好食兩個人叫咗兩個set，一個海南雞，一個炭燒豬頸肉海南雞份量唔多，啱啱好，雞肉好嫩滑，食落每件都好入味個飯唔係好油個種，但係反而好香，feel到好重雞油香味配埋傳統嘅3種醬汁：甜豉油，酸辣汁同薑蔥油，三個字：冇得彈！另一個係炭燒豬頸肉，反而覺得佢份量較多，可能因為佢係乾身所以食落有啲heavy冇海南雞咁快刷哂雖然炭燒表面係乾身，但係油份十足，調味亦都啱啱好，配埋一碟時菜：白灼蠔油唐生菜，好豐富美味嘅一餐！可以話全部嘢都好好食，會再嚟的！

今天經過淘大揾野，見門面企理，加上門口餐牌有肉骨茶跟飯，二話不說直衝進入, 很快上枱，湯是一大碗，而且很清，再仔細看看，有紀子，南棗，沙參, 肉骨茶的材料為什麼那麼奇怪呢？一口渴下，完全是清保涼味的湯，排骨沒甚麼味道，感覺是在喝清保涼湯, 吃白飯及湯渣。完全跟肉骨茶扯不上任何關係。其後看見其他人都是叫海南雞飯，今次完全中伏了.

我其實食過呢一間淘大分店2，3次。今次食160蚊2人餐。呢個價錢係中價，唔算超抵食。我叫左海南雞，元蹄，餐入面包油菜，兩碗白飯或油飯，飲品或湯。每人都有3小碟（連住）豉油、醋、薑蔥油。我係好唔鍾意食骨嘅人，特別係雞骨，因為好易咬崩啲牙。平時都唔多食雞的我，今次都食左3，4舊。唔好以為佢唔吸引所以我食咁少😂我只係冇特別大愛“雞”呢樣食物。我通常唔連皮食，睇落食落似白切雞。真係真係冇骨！*除非唔小心有骨碎但我今次完全冇食到任何骨。蘸少少薑蔥已經調起晒雞嘅鮮香味。好難得食到香滑冇骨嘅雞，我好鍾意。懶人之選元蹄唔算好肥，如果佢再俾多啲我，我會仲開心😂元蹄夠入味，肉質一咬就好易撕開，皮方面有少少口 。佢碟上附送嘅醬似結身版豉油，好鹹。油菜煮得剛好，唔生亦唔老。加埋蠔油好食過街邊麵檔。而且油菜唔算多油，就算老人家食都冇負擔。我今次係第一次食油飯，初時以為佢會好似菜飯咁多油，但黎到個時，只係有些少油飯，有啲係白飯，食落唔油膩。我腸胃麻麻，多油就好易唔舒服，所以對呢個油飯有好深刻印象，真係好味。湯係足料嘅青紅蘿蔔湯，唔算味精湯，湯底色都似自己煲湯個種，飲完唔會好口渴。座位就略嫌窄，繁忙時間都幾迫，幾

是日晚上，與友人商議小聚該到那裡晚飯好。同是九龍灣區出沒居多的食客，對愈近的地方，認識卻是較淺。是日也想貫徹近來清淡作風，所以挑了這家主打海南雞飯的店子。晚飯時段7點到來，人流不算太多，不過店家也有供應外賣的海南雞，見不時有人前來光顧。是日與友人點了一個2餐（$160），包括海南雞（半隻）、一菜一款、蠔油生菜一碟、湯/飲品、雞油飯/白飯兩碗。點餐以後，約五分鐘多食物便上桌了。半隻海南雞的份量不少，而且大部份的肉已作去骨處理，吃起來非常方便。黃油雞皮厚，皮下脂肪不少，但可輕易與雞肉分離。慢烚雞肉烚得軟滑而不失雞肉質感，吃起來帶肉和鹽的咸鮮味道，非常出色。沾上蔥薑蓉、酸甜辣椒醬和甜豉油各有不同效果，惟蔥薑蓉辛辣味道欠奉。推薦指數：5/5而另一主角雞油飯帶雞湯和乾蔥香味，倒是不覺有雞油那股油膩而香酥的味道。推薦指數：5/5(3款醬料: 雞飯甜豉油，辣椒醬，薑蔥蓉)至於，豬頸肉是烤得香脆，但略嫌太焦，能吃到的地方不多。而且味道淡，意外的有點讓人失望。推薦指數：2/5另一方面，和蠔油生菜也是一般水準。前者味道淡而無肉或蘿蔔的甜味，後者的生菜就是正常爽甜，但蠔油略多，吃起來偏咸。推薦指數：2/5綜