Pan da Cafe

Open Now

Now Closed

今天難得星期日有假期，約了另一半去西貢遊玩, 另一半來之前已用餐，所以她是陪我吃我倆都不熟悉西貢, 行了半小時，行入小巷又穿入大街, 突然眼前出現了一間環境很吸引的cafe "Pan Da Cafe"，我們就決定試這間。餐廳設有露天地方可以用餐, 十分有cafe氣氛，由於假日，所以沒有空枱, 原本我們打算走了，老闆叫我們等候小刻, 有客人結帳，雖然坐室內，但終於可以用餐餐廳有很多關於食物圖畫裝飾，亦有很多懷舊擺設，令我這些年輕人大開眼界另一半不太餓，所以她叫了柸雪糕梳打, 因為太心思思想吃雪糕而我跟餐點了一柸凍咖啡，飲品不過不失我點了千層麵餐, 有跟蒜蓉包餐湯和飲品, 價錢八十幾，在遊客地方都算合理，餐湯比較稀一點, 如有其他選擇更好, 千層麵面有洋蔥，吃起來很特別，本身我已很愛肉醬，這個都值得試，最重要是飽肚能夠在一個靚環境和另一半享受一個靚午餐是非常難得，每間餐廳有各自賣點，相信大家來過這裡會感受得到, 希望下一次和另一半可以發現更多其他靚環境再次回味一番。

黎到西貢除左海鮮係出名之外我都唔期望其他野會好好食但都唔好食到一肚火呀牛仔骨硬到咬唔到都係第一次見飲羅宋湯好似飲緊水alldaybreakfast唔係好食lor煙肉都怪怪地意粉完全無味都唔知間野點解可以開門做生意平時食野都會影相佢依間d野食毫無美感唔影都唔覺得可惜重點野食等左1.5小時隔離枱杯熱咖啡黎到已經變左凍咖啡間野無野快最快就係收錢果一刻1分鐘都唔洗俾個叻佢即係我要求唔高不過都唔好咁過份！！

渦心小店！從來冇寫過食評今次第一次！因為冇諗過寫所冇影相，有乜唔啱請多多見謜！渦心之旅從攞位開始！「唔該三位！」老版回應：「係咪四位！」哦！我唔記得咗手抱個細女！連大女一家四口先真！哈哈！入到去老版問要唔要BB櫈！眼見細女得十個月大應該坐唔到！老版話攞俾我睇睇先！心諗係唔係Ikea嗰張膠櫈呢！"驚喜1"～原來係張日式有餐台嘅BB櫈！因為之前係日本公司見過要二千幾但唔捨得冇買！處理完細女到大女喇！大女話唔坐BB櫈，但佢又細粒坐餐椅又矮仔喎！咁Daddy就諗住搵D cushion墊高佢(呢間cafe好多cushion好似返咗屋企)！但老版又有法寶佢攞咗個專俾小朋友用嘅兒童坐墊，嘩！超正！"驚喜2"點菜時間喇！經老版推介點咗個薄脆Pizza、豬髀骨、焗田螺同埋藍青口！等緊食嘅時候亞女突然大叫：「一樣架！一樣架！」，原來套兒童餐具同屋企嗰套係一樣架！亞女非常雀躍！食得喇！Pizza ok喎！餅底鬆脆，芝士軟滑香濃！不過記得襯熱食，因為有兩塊最後先食但口感差好遠！豬髀骨"正"！入味、鬆化唔嚡，亞女成支揸住嚟食！焗田螺惹味袛食(特價$40半打)！重點係個薯茸！一般落好多牛油勁咸食唔到薯仔味！但呢

一睇餐牌，個心係有啲離一離，估唔到一間小小cafe啲嘢食會咁貴。老闆（好似係）推介是日特價食物同dinner set, 推薦嘅係比較貴嘅選擇。我揀咗厚切西冷牛扒（因為正常西冷扒賣晒），set嘅價錢係$208。前菜：沙律粟米+罐頭菠蘿+西芹+沙律醬嘅組合So-so餐湯：白菌忌廉湯好淡，如水一般，完全唔係我想像中嘅濃濃忌廉湯主菜牛扒出現嘅時候，我係為咗佢嘅擺放方式而驚艷嘅，好有創意。只不過一切落去⋯好韌意粉普通，反而朋友叫嘅香蒜飯有驚喜！餐飲加錢叫咗蜜糖桂花茶，依個幾好飲，加咗蜜糖嘅桂花茶有桂花糕嘅感覺！食物質素與價錢不成正比，冇下次了。

人生第一次寫食評，中哂伏！！呢2樣焗野難食到一個點，西蘭花果d白汁稀到水咁，無芝士味，果個焗白菌又係...其他野無影，已經無哂mood.....個磨菇湯，又係淡到好似水咁，所謂嘅沙律就係粟米加沙律醬，放幾塊三文魚係度就叫煙三文魚沙律，灰左！！！最後個pizza...無特別，上面層芝士完全無芝士味...杯咖啡無咖啡味.....真係無下次

今日同女朋友出西貢, 坐完船環完島, 6點鐘度諗住搵個cafe食少少野, 因為女朋友聽日出trip, 今晚想返去同屋企人食飯一坐低, 老闆好快拎餐單黎, 我地都未睇佢就不斷介紹, 我地攰攰地就話睇下先, 前後唔到5分鐘, 老闆已3次過黎問落單未, 好啦, 順佢意叫個parma ham蜜瓜, 然後好食就再叫多個小食parma ham $88, 我地本身又唔太自在貴少少, 但原來得4件蜜瓜, 不過味道唔錯, 基本上呢個小食點都無得輸啦但食下食下, 我發現老闆望過黎, 初時無留意, 仲以為佢對眼生成咁姐, 但之後先發覺佢係黑我地面, 仲啤實我地我心入面就唔憤氣, 咁大間餐廳, 6點鐘入到黎唔畀人食個小食? 一定要full meal? 唔full就要畀臉色客睇?真係太過份了, 今篇係我第一篇食評, 亦因為我真係太唔滿意呢個店, 亦從未試過畀人咁黑面當我一踏入呢個店時, 係覺得間店幾特別好warm咁, 不過入面係一個客都無最後一句, 大家搵氣受就去呢間食, 而我則永不錄用

同上一位評論家感覺大致相同，一開始同男朋友覺得餐廳看起來溫馨，所以入左呢個伏！ 可能人手不足，每樣野都要等勁耐，但老闆無咁大個頭唔應該戴咁大頂帽，要客等成50分鐘先有野食⋯仲要野食並不上盛⋯ 呢個所謂pizza...實物好細好薄，似pastry多過似pizza...$138連強制性服務費，一d都唔值⋯再黎就係呢個豬脾骨蒜香意粉⋯ 豬脾很普通貨式，意粉得幾啖⋯講真⋯意粉又唔係貴⋯$2xx得幾啖⋯情何以堪？ 後來上黎睇其他人既食評先知咁多人都中伏⋯仲由2013年已經係咁⋯3年黎都無進步過⋯真心覺得老闆並無尊重過客人，只懂賺錢⋯ 重有最深刻係男友口渴一開始已經想餐飲先上，問了3次男老闆也說好。但過了一個半小時終於黎齊野，食完再問餐飲有未⋯呢個時候老闆就話：「 我地餐飲上晒餐後先上架。」 咁點解第一次問佢佢又唔咁講⋯真係毫無service可言，但又強收你10%服務費⋯咁就$359⋯真係嬲嬲地。

慢、劣、貴，中伏首選，令我不得不開account寫食評。慢：乜都慢；劣：無質素可言，比業餘還業餘；貴：就份量同質素而言根本唔值，仲要收服務費。每次嚟西貢食，貴就預咗，但至少唔會唔滿意同唔飽肚，所以從來都唔睇食評就去食。是晚情人節都唔例外，見呢間裝修别緻，餐牌同其他餐廳差唔多，於是無睇食評就入咗去坐。坐低，睇完餐牌，叫咗幾次，等咗幾分鐘，老闆先得閒落單，算。叫咗兩個餐，千層面同pizza(煙三文魚、吞拿魚、蘑菇、意大利肉腸)，各$138，跟住就開始咗「慢長」嘅等待。先講食物，再講點解等咁耐。首先上咗個沙津，粟米+菠蘿，拎上手已經知係罐頭產品，不過不失，但都等咗成十分鐘先有。跟住上咗餐湯同餐包，其實唔差，但都係嗰句，要等好耐先有。隔咗都唔知幾耐，終於上主菜，pizza整體還可以接受，但用料真係唔值$138，煙三文魚細粒又少；吞拿魚係罐頭的；蘑菇同肉腸都係咁上下啦。至於千層面真係好業餘，細碟之餘唔足料，層次感又欠奉，一點誠意同心機都無，只係求其交差了事。其實等嘅時候，都留意到人手不足，一家三個人，有個仲要係細路女，serve成十枱客，根本就無效率可言，由落單到煮到上菜到埋單到執枱到洗碗都係兩

之前已經黎過，因為裝修特別，好適合同朋友黎食野傾計，所以再黎一次。今次個餐牌變左做正常set果d餐牌，雖然選擇無咁彈性，不過簡單方便左好多👍🏻我同朋友叫左pizza同豬脾餐，再share黎食～店主上菜時已經自動拎埋碟俾我地share~真係貼心～個set有前菜丶湯丶主菜丶甜品！真係好豐富！男士應該都會夠飽！不過可能因為係西貢，真係難免有蚊同烏蠅...如果可以避免就最好。不過我好鐘意呢間cafe，所以下次同姊妹或拍拖都會再黎呢度！

連加一, 是日消費93蚊, 這個食物消費和加一服務費實在不太值! 提提老闆，餐廳的menu有點殘舊...拿上手感覺怪怪的, 是時候換一換吧!! 不過值得一讚洗手間分男女亦都算乾淨!!

We were there to stop by for an afternoon tea and because of its appealing interior we decided to give it a try.After we ordered the food, it took like 20-30minutes to get to us. This wasn't a big problem as we wanted a chill afternoon and had nothing planned ahead. But we heard many customers around us not pleased with the waiting time of their dish either.We ordered the escargot, pancakes and a tiramisu.To our surprise, the escargot looked ok from the outside but the escargot was so easily rem

來到西貢，我最想做的就是放空。我特別避開了海鮮餐廳，和一眾人多的地方，在這間餐廳裡坐下來。這一天天氣­沒有很熱，我特別選了個戶外的位置，雖然店內的裝修很美，滿滿的擺設讓人有種很舒服的感覺，而且冷氣看起來­非常舒服，可是座位比較少，我想有時候感受一下大自然的陽光，也是件好事。點了個餐，我就坐在座位上，看起­了書本，慢慢的享受著我的下午。很久沒有這樣一邊吃飯一邊看書，其實是一件很悠閒的事情，可能是因為我愛吃­也愛文字喔。點了一壺花茶，店員細心地配上了蜜糖和冰塊，如果感到味道太甜的話不妨加些冰塊，如果感到不夠濃郁的話即可以加上少少蜜糖作調味。我比較喜歡喝濃味，所以會選擇把茶待久一點才倒出來吃，嗯，蜜糖的甜味加上花茶的微酸，剛剛好，非常適合夏天的氣息。食物擺盤不算太差，味道平平，不算太有驚喜，可是亦不致於失望。不過勝在餐廳有種令人放鬆的感覺，可以慢慢地靜靜地看書，或是和朋友聊天，也算是一種享受。踏進了西貢，一切腳步都會放慢，可能因為我曾經居住在離島的關係，所以蠻適應這些小店「製作需時」的習慣，可是如果你想要趕巴士或趕著去下一個景點，就自己考慮一下吧。要不然，給點耐性，放鬆心情，慢活。

那天天氣很好，我地4個女人就去西貢半月灣暢遊曬下太陽，整個行程都好開心的，本身我地想去一起果醬的，但為時已晚就嘆唔到Tea了，咁啱經過呢間外表幾田園feel 既餐廳，當時大約7點，見有位，望下menu都幾正路，Pizza,pasta,冇死啦，點知........伏已中。首先，Menu 既design, 咩套餐 1A1B1C 咩2A1B1C咩3A2B1C, 考試咩，咁那多combination, 睇完都唔知點叫，咁我地就揀返普通野算。（早知影埋相俾你地解答啦）1。忌廉湯淡到連我姪仔煮既金x忌廉湯都好過佢，就像用麵粉溝水，salt都慳埋，料更不用提啦。2。前菜粟米沙律正常，咁多樣菜算最好的。2。呃視覺效果的焗田螺黎到個樣好正，滿滿的薯蓉係底，即刻夾田螺黎食，味道正常。跟手再拔d薯蓉啦，好彩我唔係好大力，差d鑿爆個碗，原因只係得少少薯蓉伴住田螺。咁＄40 就冇得講啦。3。煙肉蜆肉意粉，呆那咗老闆伸手放底一個恰似家居盛菜有車厘子花花的碟，一pat pat的，算，殼呢，我食開的蜆是有殼架喎，I cant see any 蜆既蹤跡，我想這些蜆兒還未長大吧，這道菜又是冇味的，我想外賣快餐都有誠意過佢

星期六, 下午茶時間玩完水上活動, 之前經過見到PAN DA CAFE好似佈置得幾靚幾有心機, 所以今次無睇食評就 "深入虎穴"了@@由於本人有輕微既 選擇困難証, 雖然係星期六, 但4PM既時候餐廳只坐了一半, 老闆用不著追魂call甘係甘問我地落得單未..... 黎得cafe就係想輕輕鬆鬆慢慢黎, 要快既我去食快餐啦!!好啦, 到我終於諗到食咩啦~ 叫窩夫無窩夫, 叫牛角包無牛角包星期六既4pm就咩都無, 我想像唔到weekday會係咩境況囉呢間餐廳。點完食物，我話要諗諗飲咩， 個目無表情既老闆又走後催我問我寫得未! 你問唔緊要, 如果態度好少少會無甘令人討厭囉。成個service我只係覺得比人催緊,而唔係比人關心我想食d咩!! 呢間餐廳無service可言!講番食物質素:我本來想點  "鮮果窩夫", 鮮果自選一款, 要芒果。佢話我知無窩夫得pancake....但黎到既係一份芒果醬凍pancake 不如你話埋比我知無"鮮果", 甘我就一定會放棄唔叫,而好過黎到甘失望。另一個tea set 本來想點"蛋沙律+煙三文魚"牛角包...無蛋沙律,無牛角包.....結果點了"煙三文魚芝士意

來到西貢，如不想吃海鮮但又想坐得輕輕鬆鬆，Cafe是不錯的選擇。可惜，Pan Da Cafe對本人來說，是一個錯誤的選擇。餐廳的裝修十分溫馨，滿滿的擺設令人感覺很舒適，很有居家感覺，我就被此吸引進去。午餐餐牌如下：先來的鮮菌忌廉湯，味道十分淡，甚至比茶餐廳的忌廉湯還淡鵝肝醬蒜蓉包，配上鵝肝醬味道很好。焗田螺薯蓉田螺味道可以。本以為碟內滿滿薯蓉，原來只有田螺下的位置才有，被那盤子騙了…牛仔骨配香草意粉牛仔骨煎得剛剛好，熟得來不會韌，但牛仔骨上的芡汁實不配襯，那芡汁只有鹹味，就像鹽水加生粉打成的芡汁一樣，而意粉的味道跟那芡汁如出一轍，都就是像一堆用鹽水滾熟的意粉，吃起來只是乾和帶點鹹味的意粉。本來已盡失所望，但跟著到來的蜜糖豬脾骨卻帶來驚喜。甜甜的豬脾骨烤得剛剛好，保留了肉汁，味道一流。而那個香草飯平平無奇，不過不所，總比香草意粉好。最後，甜品是烏龍茶果凍。烏龍茶味略淡，甜味十足，味道中規中矩。總括而言，我對這餐廳的裝修十分欣賞，店主服務態度亦可，唯當多客人時或會有所待慢，但我對餐廳食物質素暫且不敢恭維，畢竟這價錢不應吃到這種食物質素啊。