PARKSIDE@NINA

Open Now

Now Closed

今晚去了亞洲現存最大規模木化石藏品花園-如心園，瀏覽後又到如心廣場「PARKSIDE@NINA」餐廳用餐，餐廳是以木化石為主題，罕有特高樓底，圓拱型天花設計，很有獨特風格的裝潢，牆壁掛有多幅木化石畫展品，店內並有木化石展品，我們也點選特色木化石朱古力餅，無論環境和美食都融入木化石特色，是完美的木化石主題餐廳。我們的晚餐：原隻烤豬手~皮酥脆可口、肉質鹹香軟滑美味，價錢不貴，是值得推介的美食。鹹蛋卡邦尼意粉~卡邦尼意粉就吃得多，加入鹹蛋又是第一次品嘗，除了增加色澤，味道層次也提升不少，可謂中西共融。紅酒糟虎蝦捲意粉~也算是中西共融美食，紅酒糟擁有天然紅色色澤跟獨特的酒香和微酸，淡淡酒香與桃紅色澤與捲意粉連結，啖啖鮮爽甜美虎蝦肉，實為人間佳餚。特色木化石朱古力餅~朱古力餅口感鬆軟滑溜，朱古力味道香濃幼滑。菠蘿椰子綠茶~氣味清香。紫粉紅薯拿鐵~紫粉迷人色澤，紅薯粉糯可口。

今次去咗位於如心廣場嘅PARKSIDE@NINA。餐廳以木化石為生題，採用咗歐陸式教堂設計，餐廳樓底好高，空間感十足，有圓拱型天花設計，開揚走廊空間同埋木座位，而巨型落地玻璃窗，引入自然光線，尤如進入咗入藝術館咁，到處都瀰漫住浪漫氛圍，非常適合打卡。餐廳無論喺裝潢、環境同埋美食都融入咗木化石特色，店內更有華懋集團珍藏嘅木化石展品，旁邊係亞洲現存最大規模木化石藏品花園-如心園，餐廳值得一去品嚐同參觀。水牛芝士番茄薄餅薄餅用上為番茄、水牛芝士同埋羅勒，薄餅芝士味濃郁，表層帶有香軟嘅口感，薄餅以酸種麵包作為餅底，外層口感香脆，內裹帶有韌度同埋濕潤感。原隻香蒜迷迭香烤雞烤雞焗至金黃色澤，外皮酥脆，肉質軟嫩多汁，配上香蒜迷迭香醬汁更惹味，配菜有即炸嘅粗薯條，口感香脆，另外有烤番茄同埋西蘭花，味道清新。特色木化石朱古力蛋糕蛋糕結合主題木化石元素，用上印咗木化石木紋嘅朱古力牌，非常符合主題，表層充滿朱古力碎，配上朱古力蛋糕，口感綿密，朱古力味濃郁，當中忌廉夾心口感幼滑，多種朱古力享受，朱古力控必試。

8月份從網路上知道這間餐廳開張已準備找一個日子過來品嚐，剛好今天在附近戲院看完電影順道去吃。餐廳以木化石為主題，店內有木化石展品，木檯木椅都是用一些廢棄木材製造，很有心思，而餐廳最吸引人之處相信就是那一段高樓底帶有歐陸風格的長廊，高空上一排一排橫型木架串上一波又一波的白色流線天頂，造型十分優美，進來用餐的客人又怎能不在此長廊留影呢。地板用了米色和棕色色調，配上大地色系的主調，進入餐廳用餐就像去了外國一樣，一切都令人看起得舒服。今天我們二人三時來到，看沒有供應下午茶套餐，就選了午市套餐，套餐比散點較化算。午餐有分三道菜148元一位和四道菜168元一位，價位不貴。三道菜和四道菜分別是湯和沙律只選其一或全部要。我們都選三道菜，一位要湯，另一位要沙律，然後各選一不同主菜，這樣可以互換品嚐。是日餐湯：甘荀忌廉湯，上檯時湯碟是暖的，口感濃稠綿密，湯放到咀內很充實，鹹甜適中。沙律：柚子醋大蝦沙律：柚子醋的微酸甜輕輕拌勻整份沙律食材，沙律菜及大蝦都十分清爽，那些車厘茄及南瓜粒鮮味好吃，這個醬汁真是沙律的妙配。主菜：香煎盲槽魚：上檯時也是暖碟，盲槽魚的魚皮及四周的肉煎得香口，微微焦黃而不過度。魚肉口感細

假日同友人到荃灣食飯，主要去間新開的cafe，以木化石為主題，甚有特色，大約12:00去到，唔太多人，但想坐的主要位置已full 。餐廳旁為 NOC Coffee Co.咖啡吧。餐廳面積頗大，樓底高有空間，大地色為主調，四周滿佈乾花的佈置，玻璃窗透入的光線感覺自然柔和，位子寬敞，坐得舒適。化石的展覽，猶如置身博物館。餐牌，星期六都有Lunch Set，都幾好，我們3人，叫了3個Set開心Share。4-course(前菜+湯+主菜+甜品)，$188。Cappuccino，跟餐+$30，可享用NOC Coffee，口感綿密順滑，咖啡味濃。是日餐湯，椰菜花忌廉湯，椰菜花味恰好，口感稠身，味道清甜。柚子醋大蝦沙律，大蝦爽口，沙律菜新鮮，有清新的柚子香氣，味道酸甜醒胃。香煎盲槽魚，魚肉軟滑鮮香，伴上清新微甜的羅勒忌廉汁，味道不俗。法式普羅旺斯烤雞，賣相精緻，外皮脆，雞肉嫩又入味，烤薯仔大件香口。煙三文魚酸種薄餅(+$20)，餅底厚薄適中，口感煙韌，煙三文魚鹹香，食落唔算好膩。Tiramisu，小小的一件，滿足下想食甜品嘅口癮，味道淡唔夠濃郁，普通。食物正常水準，環境取勝，服務態度正常。本身想行

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝑷𝒂𝒓𝒌𝒔𝒊𝒅𝒆@𝑵𝒊𝒏𝒂𝐿𝑜𝑐𝑎𝑡𝑖𝑜𝑛📍: 𝑇𝑠𝑢𝑒𝑛 𝑊𝑎𝑛, 𝐻𝑜𝑛𝑔 𝐾𝑜𝑛𝑔🌿 𝑷𝒂𝒓𝒌𝒔𝒊𝒅𝒆@𝑵𝒊𝒏𝒂✨荃灣隱世教堂風Cafe☕️以「木化石」做主題嘅Cafe🫠一入門口就被弧形展櫃震住😍長廊樓底亦超高👍加上配搭復古馬賽克地磚配乾花吊燈🌟 唔講以為自己去咗歐洲教堂⛪️🤣超打卡📍✨化石拿鐵（Oreo版）☕$58咖啡面鋪滿Oreo碎脆脆🍫仲有塊「化石朱古力餅」🍪飲完仲可以食埋件餅🥸✨木化石朱古力蛋糕🍰$78切開係濃郁朱古力醬瑞士卷😋食落唔係太甜好岩香港人口味👍✨紅酒糟虎蝦卷意粉🍝$168意粉彈牙👍虎蝦味道濃郁😋紅酒糟醬帶微微酒香✨瑞士式薯仔薄餅🥔$138薯仔切到紙咁薄😛煎到脆邊配拉絲芝士🧀邪惡得黎又滿足😎

Parkside@Nina以「木化石」為主題，從裝修到食物都充滿驚喜！一入門口就見到牆上掛住以木化石為靈感嘅藝術掛畫，仲有木化石紋理嘅餐桌同裝飾，成個空間充滿自然同藝術嘅融合。行到近玻璃窗位置，向上一望，教堂式裝修，真係靚到嘩一聲！難怪差唔多每枱客人都喺度打卡📸✨ 1️⃣ **龍蝦泡沫濃湯** 賣相精緻到好似藝術品！濃郁嘅龍蝦湯上面浮住一層輕盈嘅泡沫，湯入面仲藏住一粒粒彈牙嘅鮮蝦肉，鮮味十足！🦞2️⃣ ** 牛油果雞胸凱撒沙律** 呢個沙律玩味十足！用咗脆脆嘅麵粉條代替傳統麵包粒，加埋creamy嘅牛油果🥑同嫩口雞肉，口感由脆到滑，健康得嚟亦有心思！🥗 3️⃣ **招牌牛肉漢堡** 🍔漢堡嘅牛肉 juicy 爆汁，有煙肉🥓生菜🥬蕃茄🍅同車打芝士🧀配埋新鮮炸起嘅薯條🍟熱辣辣脆卜卜，就算食到嘴角都係，都係滋味嘅痕跡！🍹 **飲品推薦**： 最後嗌咗一杯 **荔枝Lemonade**，清新嘅荔枝甜味同檸檬嘅酸爽完美結合，飲完之後成個人refresh晒🍋💕

晚飯來了荃灣這家想來很久的西餐廳，因為它實在太有設計感，這麼特色的裝修和高樓底，香港比較少有。晚市人很多，幸好我們有預先訂位。餐牌選擇不算很多，但每個項目都有招牌。風乾火腿蘑菇pizza即點即烤，上枱新鮮熱辣辣。火腿富咸香，加上粒粒蘑菇和松露香還有溶了的芝士、微脆的餅皮等，簡單香口，一連食了2塊！川辣西瓜沙律好特別的一道菜！西瓜多汁清甜。配上川辣，又毫無違和感，食落好開胃。軟殼蟹香蒜辣椒扁意粉呢個超好食！意粉比較幼身，軟硬適中，香蒜炸得香脆，有點避風塘的影子，撈埋意粉一齊食，香口又辣辣地，會令人食唔停口！特色木化石朱古力餅賣相真係似塊化石，上面的是朱古力脆脆，下面是件厚實的朱古力蛋糕，朱古力味香濃杰身，甜度剛好，朋友大讚。呢間餐廳唔單止裝修靚，連食物出品都令人滿意，鍾意打卡又食野嘅朋友一定要黎！好多人食完飯都一定要喺高樓底下打卡先走！

社交平台見到好多Foodie介紹，見到餐廳環境優美，所以帶屋企人去食。餐廳裝修很用心，玻璃窗透光，空間長又深，感覺在一個教堂內用餐，可惜這個區域的座位需要預訂先可以坐。所以我們就坐在大廳位置，餐枱與餐枱之間都幾迫，可以聽到隔籬枱傾偈內容。聽講餐廳有手工酸種薄餅，用自家石窰爐新鮮製作。決定試下，pizza好dry又無拉絲🥲叫咗天使麵同意大利飯，份量超少。味道只可以講正常發揮，未有達到驚喜效果，大排長龍應該都係為左打卡。另外值得一提，侍應服務態度非常差，一坐低就一副吹你落單的樣子，又走過來提示有用餐時間，剛食完的餐碟馬上收走過程一點都不享受，只想吃完馬上離開。

今天，香港股市大跌，唔見咗好多錢，不如食餐好嘅好過😜呢間餐廳位於如心廣場一期2樓，樓底超高，環境舒適，有很多半圓形的卡seat，是非常適合與朋友敘舊、傾偈的好地方。平日有午市套餐3-course / 4-course, 前菜或及餐湯+主菜一款+甜品，配自選汽水、咖啡或茶。$158/位 或 $178/位。🌸前菜：煙鴨胸蕃茄水牛芝士（食材非常新鮮）🌸 是日餐湯：栗子忌廉湯好濃郁的栗子味，幾特別，好飲。🌸 虎蝦墨魚汁意大利飯意大利飯非常有咬口al dente, 有5隻蝦，不是好大隻那款虎蝦，但好彈牙，墨魚汁味道並不濃郁🌸 烤封門牛柳扒（+$55）牛柳扒配上香草薯角、炒蘑菇配菜，牛柳扒都幾腍，唯也有少少筋🌸 是日甜品：椰絲芝士蛋糕都幾特別，蛋糕佈滿椰絲，唔算膩口主菜還有全日早餐、法式普羅旺斯烤雞、味噌烤比目魚、香腸酸種薄餅（+$25）選擇。手調咖啡需另加$30。

餐廳最大賣點係設計好靚！樓底極高又有落地玻璃引入自然光夠開揚 卡位闊落帶少少北歐簡約風 啱哂拍拖/同閨蜜慢慢傾偈hea足半日 ✧ Fossil Latte (Oreo) ($58) 咖啡面層鋪滿Oreo碎似考古現場😂咖啡奶泡打得綿密企身好似早排興嗰種400次咁夠晒IGable Oreo味香濃但又唔會搶咖啡風頭 飲到底仲有餅碎脆脆驚喜 ✧ 牛肝菌蘑菇湯 ($78) 一上枱菇菌香氣攻鼻 湯身creamy到似飲緊蘑菇醬 飲到粒粒手打菇碎夠真材實料 配埋蒜蓉多士蘸湯食 份量仲要唔細塊暖笠笠飲完成個人即刻醒神 ✧ 風乾火腿蘑菇薄餅 ($158) 薄脆餅底用sourdough做好特別係平時高級西餐嘅餐包味道火腿鹹香夾雜蘑菇鮮味 芝士拉絲效果睇得又食得 邊位焦香脆口似食緊餅乾 兩個人share食份量啱啱好 ✧ 椰棗焦糖布丁 ($78) Topping雪糕好重椰子味下面sticky date pudding係鬆軟嘅椰棗味蛋糕甜度控制得宜唔會漏

最近，和媽媽二人到訪Parkside@NINA，食了一個light dinner，試了他們的水牛芝士蕃茄薄餅、最signature的紅酒糟虎蝦捲意粉和傳統麵包布甸作為甜品。水牛芝士蕃茄薄餅🍕這款薄餅是厚批邊，但烤得恰到好處，邊緣微微焦脆。水牛芝士香氣濃郁與蕃茄新鮮帶有微微酸甜，簡單卻不失美味。紅酒糟虎蝦捲意粉🍝紅酒糟虎蝦捲意粉是一道充滿創意的主菜。意粉口感彈牙，非常適合搭配上紅酒糟的濃郁醬汁，虎蝦新鮮且肉質鮮嫩，紅酒糟的香氣和虎蝦的鮮美，恰到好處。傳統麵包布甸🍮傳統麵包布甸是一道經典的甜品。布甸的口感綿密，甜度適中，帶有濃郁的奶香和麵包的香氣。這道甜品不僅美味，還有著濃濃的懷舊風味，非常適合結尾。裝潢環境🕋Parkside@NINA的裝潢環境非常雅緻且充滿現代感。餐廳內部設計以簡約風格為主，運用了大量的木質元素和柔和的燈光，營造出一種溫馨而舒適的氛圍，而且樓底很高，不會有壓迫感。座位安排寬敞，讓人不會感到擁擠，無論是與朋友聚會還是家庭聚餐，都能提供一舒適的用餐環境。

今日同朋友嚟到位於如心廣場嘅PARKSIDE@NINA餐廳，呢度以木化石為主題，採用咗歐陸式教堂設計，餐廳樓底好高，空間感十足🕍✨。圓拱型天花設計、開揚走廊空間、木座位同巨型落地玻璃窗，引入自然光線，猶如置身藝術館咁，真係到處瀰漫住浪漫氛圍💫🌸，打卡一流📸！今次我哋點咗意式牛肉薄片做前菜🥗，牛肉薄片嫩滑入味，再配上新鮮沙律菜，開胃又健康👍。香茅單骨雞翼配香芒辣汁🍗🍋香脆惹味，香芒辣汁嘅甜酸辣正好中和咗雞翼嘅油膩感，有驚喜😋。主菜我哋揀咗北海道帶子蘆筍意粉🍝✨，帶子大粒新鮮，蘆筍爽脆，口感豐富，甜品我哋試咗特色木化石朱古力蛋糕🍫🎂，蛋糕表層充滿朱古力碎，配上印有木化石木紋嘅朱古力牌，視覺同味覺雙重享受🍫💕。兩杯mocktail分別係Parkside Sangria同Magic Potion🍹✨，兩杯都清爽解渴，適合打卡。

同閨蜜晚飯，要揀一間靜靜地、環境舒適、無限時嘅餐廳。Parkside @Nina 真係滿足晒要求，餐廳樓底頗高，半落地玻璃，採光度適中，長長走廊配上拱形天花裝潢，氣氛滿滿，要打咭先食。是晚很幸運安排半圓梳化坐，空間感十足，兩個人坐超級舒服，枱面可以同時放上三款食物，不急不趕，慢慢食、慢慢傾。沙嗲雞肉串 ＄92放低已經聞到好香，入口好juicy，雞肉嫩滑，配上香濃沙嗲醬，更覺驚喜，胃口即刻撻着咗，一客6串，實在唔夠喉。鹹蛋卡邦尼意粉 ＄138很creamy，意粉入口彈牙，軟硬適中，掛上滿滿的醬汁，與鹹煙肉同吃，味美。如果鹹蛋香味重點應該更正。辣香腸薄餅 ＄138香噴噴芝士撲鼻，薄餅入口超級脆，就像飲食節目一樣，可以用耳聽的，更誇張的是走廊斜對面枱食緊我都聽到（真的沒有誇大）。餅邊脆而不乾，餅底有韌度，配上辣香腸、蕃茄醬、軟芝士，多重口感。三色誘惑＄98整條開邊香蕉夾住士多啤梨、椰子、朱古力味三球雪糕，淋上香濃朱古力醬，再配上焦糖味爆谷和朱古力味煙囪卷，重年回憶啊。服務員態度和藹有禮，整體用餐體驗要給讚。

餐廳的木系裝潢搭配綠植點綴，落地玻璃透入街景燈光，營造出低調溫馨的氛圍，座位寬敞適合聚餐聊天。店員態度親切。今次與友人點了以下菜式：🍕 **薄餅控最愛：瑞士式薯仔薄餅（$138）**  酸種餅底薄脆帶炭烤焦香，馬鈴薯片增添鮮味，馬蘇里拉芝士份量克制，整體清爽不油膩，兩人分享一份剛剛好！  🍗 **重量級主角：原隻香蒜迷迭香烤雞（$198）**  需預留30分鐘烹調，但絕對值得等待！烤雞外皮金黃酥脆，肉質嫩滑多汁，連雞胸部位也不乾柴，附上黑椒醬，蘸醬後風味更升級。  配菜有薯條，車厘茄，西蘭花，紅蘿白，粟米，顏色繽紛的蔬菜，為這道菜式大大加分，都做到均衡飲食的效果👍🍫 **壓軸甜品：特色木化石朱古力餅（$78）**  造型仿照岩石紋理，切開是濃郁黑朱古力慕斯夾脆米粒，苦甜平衡得宜，底層餅碎增添口感，搭配莓果醬解膩，視覺味覺雙重享受！  💰 **消費參考**  高質料理，環境優美，舒適，性價比高！推薦朋友慶生或情侶約會～  

第一次來如心廣場這間高級西餐廳用餐，餐廳環境很有氣派，座位數目超級多，而且座位寬敞很有空間感。我十分欣賞餐廳的設計，樓底極高，設計很有格調，打卡一流，不論吃著美食，還是一邊聊天，身心都十分舒適。環境設計十分了得，除此之外，這裏的食物質素都超級高質。原隻烤雞配薯條，非常滋味。烤雞熱辣辣的，而且烤雞一分為四件，非常方便食用。雞肉嫩，又多肉汁，而且熱辣辣的令人愛不釋手。仲可以淋上秘製醬汁，更加惹味。除此之外仲配上了熱辣辣的粗身薯條，薯條又香又脆，非常美味。仲有一些時蔬，例如西蘭花、蘿蔔、粟米等等，非常鮮甜。風乾火腿蘑菇薄餅，建議及早食用，熱辣辣的薄餅非常可口，超有口感，批底脆卜卜的。而且仲有大量芝士，熱辣辣的芝士處於半溶狀態，不但有拉絲，而且芝士還是流心的，熱辣辣的芝士入口即溶，滋味無窮，忍不着便會多咬幾口。另外薄餅上還有風乾火腿，風乾火腿造型很美，像一朵玫瑰似的，風乾火腿配上芝士薄餅，鹹香香十分惹味。仲有多汁的蘑菇，整個薄餅餡料豐富，滋味濃厚，又脆卜卜，一定要試。餐廳食物非常出色，而且食物份量都不少的。下次來可以再嘗嘗其他美食。