PARKSIDE@NINA

Open Now

Now Closed

非常失望嘅一間餐廳，如心酒店旗下的餐廳，我相信應該唔會有人手不足問題，接待員的回應感覺非常忙，好敷衍了事，等咗好耐都唔會有人理你，香港服務越來越差，就連酒店旗下的餐廳都點解可以咁差？想找侍應問問題，等咗好耐都冇，不建議去的一個地方。食物都只是一般，再加上如此惡劣的服務，非常非常失望，交通方便，但服務真的不能接受，食物都只係一般，沒有太大的吸引力，宣傳睇到佢嘅環境同片係好靚，但去到實地嘅時候，同宣傳片同圖畫不相符。

呢間餐廳係新開，我哋經過見到，感覺呢度應該坐得幾舒服，就入咗嚟。呢度嘅咖啡勁好飲，除咗香濃之外，拉花亦都好靚，不過我覺得最好味嘅嘢都係個sourdough麵包底嘅pizza，覺得比起一般連鎖pizza店嘅Pizza底更加煙靭，感覺係真係手差出嚟。toppings都好豐富，最主要係好多芝士，食得出拉絲嘅感覺，所以配埋呢個麵包底真係好正！

最近成日碌電話都見到呢間Cafe超級宮廷風 超靚星期六即刻捉左男朋友陪我一齊打卡<川辣西瓜沙律>之前都係某餐廳食過, 呢度汁比較少,但西瓜較之前既甜, 同埋擺得好靚,成個禮物盒咁<喇沙泡沫濃湯配蝦片>將喇沙打成泡沫狀, 配上超脆蝦片, 口感勁soft 好似棉花糖咁<風乾火腿蘑菇薄餅>師傅現場搓再即烤, 上到枱熱辣辣, 男朋友都話好食<經典牛肉漢堡>面頭印左餐廳 logo, 牛肉勁juicy 好有肉味呢間餐廳打卡之餘, 野食都幾好食

朋友仲紹知道開左呢間野裝修好靚滿心期待過黎試下等左45mins 終於入到去有得座走廊位心唸好開心啦開頭都好地地好enjoy，d 野食都算係唔錯係去到甜品…食食下竟然見到入面有條毛😳唔係頭髮，係體毛...原本唸住細細聲同個女職員講，低調處理件事，連換新的都已經唔想，因為真係幾噁心女職員都知道咁樣唔ok, 佢都勢色嚴重咁話搵經理黎經理黎到就咁收走，我已經表示覺得咁樣好難受但佢無任何唔好意思或道歉以為佢轉過頭會黎安撫返個客因為本身想低調處理，所以無影到相🥲好後悔無唸過到收錢都佢無處冇理過個客的感受臨走個經理行開左，如果唔係實搵佢我又趕時間咁樣處理店舖入面的事的經理地方幾靚都好，食物就算幾好都好都係呢間店舖的危機原本我仲好想介紹其他朋友黎食依家變成陰影 好矛盾要點樣先會有條體毛係件甜品入面...想像唔到，都唔敢想像🤮🤮🤮離開中途我有試過打電話去呢間店度唸住搵佢地處理返件事唸住佢道歉左我都算但無人聽電話然後我忍唔住打去合作果間NOC人地好快聽電話當然其實唔關NOC事，兩間店只係合作唔同老細聽電話的哥哥仔好好態度咁同我講野佢無介意我嬲得濟亂黎仲安慰返我最後我係17:00-18:00 佢地落場時間再

個個都話要嚟打卡，等我又睇吓佢有咩咁叻先！裝修嘩一聲，喺而家呢個時候，仲有餐廳裝修得咁靚，我最鍾意嘅係有日光進入嚟，個感覺好舒服，冷氣都真係幾夠，最多人打卡嘅位置，就係原拱形嘅走廊，感覺好適合結婚影相。食物我覺得佢嘅CP值ok，揀咗一啲見到別人推介嘅嘢食，例如嗰個辣西瓜前菜，我覺得味道可以再辣少少，不過感覺好清新，我都推介。有一個酒糟手卷麵，仲有大蝦喺上邊，都唔錯，少少Creamy，可以味道再濃啲。Pizza除咗ok 味道之外，佢嘅酸種麵包底，都係我鍾意嘅地方，升糖指數好似話會冇咁快，啱晒我呢啲怕肥嘅人！甜品係木化石樣嘅朱古力蛋糕，幾得意，朱古力味好濃，好食！飲品我幾鍾意NOC嘅黑咖啡，因為減肥中🤣🤣🤣，所以冇乜點試佢嘅嘢飲，但係見到隔籬枱嘅特飲都好似唔錯，都係打卡嘅飲品。我覺得下次可以再嚟試其他嘢食！

作為一間咁靚的餐廳，服務態度真係不敢恭維！首先打去book枱，接線嗰人急住cut我線，我問可唔可以walkin，好唔耐煩話左句「咁你就要6點來」。好啦，去到餐廳六點幾攞位好快就有位，佢話八點交枱。OK呀，到7:40pm時候就提左我地交枱，都無問題，但態度真係可以好小小。到7:45pm就誇張了，直接趕我地走，話有人已經等緊我地張枱？其實我地已經買左單係佢哋未比返張卡我地我地點走？同埋唔係8點交枱？Excuse me？咪仲有15分鐘？？？如果服務質素唔改善，野食都麻麻，相信過左打卡熱度好快就無人去！

仍然須要增肌減脂嘅時間，在荃灣想搵個好地方食All day，又要就其中一個green friend，所以試吓呢度，睇介紹啲片唔錯。餐廳以歐式風格和高樓底設計都幾吸睛，環境優雅，如置身歐洲的咖啡館，可惜今天下大雨，無機會在室外hea。同兩個朋友共享午餐，約咗12點，早咗少少但未夠鐘唔俾入，態度就.....，anyways，無訂位無人等都要撳飛，點解呢？選擇了All Day Breakfast和黑松露意大利飯。All Day Breakfast份量都足，食材還可，但稍嫌煎蛋過熟，若能更加軟嫩將更添美味。黑松露意大利飯則是另一道亮點，黑松露的香氣四溢，不過調味上鹹了許多，建議廚師可以稍微收斂一些鹽的使用。此外，餐廳的服務有待加強，侍應的反應有時顯得不夠熱情。總體來說，在視覺和空間佈置上給人留下深刻印象，食物品質還可，但調味和服務質素若能進一步提升，將會是一個更完美的用餐體驗。

見呢間係新開餐廳,唔少網上既朋友都有講緊, 所以都想黎試下環境好靚, 度度都岩哂打卡, 值得一讚但除左環境之外, 好似樣樣都差D喎安排帶位唔恰當, 已經係開門時間入去, 但員工每帶一個之後都要再用時間考慮, 感覺訓練唔足夠, 最出奇係入邊仲有好多位置但都唔帶位… 仲答客人已經FULL左呢PART令到客人既體驗扣分LUNCH SET 價錢相宜,有3/4 Course, 飲品想加noc既咖啡要加$30 餐湯的碗係熱既, 好驚喜. 但湯是已經放涼了, 好驚嚇喔!!! 剛開門湯就已經涼了加$30 NOC FLAT WHITE份量真係比較少, 唔介意價錢可以高返d, 但想份量多d味道還可以因為食完都唔夠飽… 唔夠滿足感

發現有間新開餐廳在如心廣場一期，便去試一試。很好奇餐廳的名字究竟是NOC還是Parkside@nina，因為他們是在同一個門口。一踏進門口，已經感覺良好；因為侍應很快安排位置。但由於希望坐窗邊卡座，他們亦樂於安排。我和朋友選擇了三道菜的午餐，包括餐湯或沙律，一主菜及甜品；當然有咖啡或茶。主菜我們選擇了全日早餐及Pizza ，沒想過Pizza的份量竟然有這麼多；我們兩人把剩餘的四片薄餅帶回家。甜品是芒果熱情果蛋糕味道很清新。

近期大熱荃灣新開業既超吸睛打卡cafe，超高樓底白色拱門設計，彩光度十足，日光透出直線光源，充滿藝術與美學於一身，仿如去左歐洲小教堂𖤤聽聞成個裝修用咗個8位數字，場內更陳列龔如心收藏嘅木化石藝術品，不過周末人流多，務必訂座先坐到打卡卡位。Parkside@nina 首次與本地咖啡品牌 NOC Coffee 合作，午餐可以加$30升級NOC coffee，好吸引！Set Lunch Menu 3 Course $158 （salad/ soup+main+dessert+drink)4 Course $178 Soup/ salad南瓜湯+三文魚沙律Main辣肉腸芝士酸種pizza +$20用傳統火窰烤製，酸種餅底更天然更易消化，邊烘得好脆口，不過要啲牙力香煎黑胡椒吞拿魚腩 比較特別，但熟左少少同有點咸，薯蓉反而好軟滑Dessert 芒果蛋糕 個人覺得一般，略甜，似buffet slice cake NOC flat white +$30咖啡豆香，但太濃太苦

從來不寫食評都要開個account寫下嚟間餐廳，服務差，上菜慢，待應黑口黑面，落錯單仲要好似係客人的錯，隔離枱的客人也是三催四請都未上食物，食物好一般，剩係裝修靚是不能留住客人的，不會再來了😡

上網睇到道菜式係咁嘅樣，現實係咁既樣，仲要唔好食😑完全冇味環境OK ，食物選擇少，3:00鐘pizza 又話賣哂嘢飲得咖啡，等等部機勁細聲，又要行返岀門口睇🥲🥲🥲🥲🥲🥲🥲🥲勁失望，仲要特登過嚟食，冇下次

𝕝猶如置身歐洲感覺𝕝咖啡店內居然藏了一間樓底甚高的餐廳餐廳的設計很歐陸像教堂也像博物館地板與椅子色系vintage餐廳還展示了龔如心收藏過的木化石而餐廳裡的午餐價錢不算貴3 course連飲品$138餐飲加錢還可以喝到noc 咖啡不過兩個餐的食物都偏淡無味希望餐廳能夠調節一下不要浪費了這麼美的環境𝕠 Tomato & Buffalo Mozzarella𝕠 Daily Soup𝕠 Aglio Olio Linguine with Praw𝕠 Pan-fried Alaskan Red Fish𝕠 Tiramisu

閒日同朋友係荃灣諗住搵下午茶見到喺如心廣場里間新開餐廳，一行三人諗住去試吓，避開午餐人潮， 無訂位14:00入座人流都算OK唔使等位，不過卡位有限，可惜坐唔到餐廳有分三道菜或者四道菜午餐，四道菜係多咗一個頭盤，我哋都唔食得頭盤嘅嘢叫左三個三道菜午餐，西蘭花湯普通，無乜味份量小意粉真心無味仲要唔熱，可以話係難食，絕不推介薄餅ok唔錯，夠脆又係即焗飲品好細杯甜品芒果蛋糕好食但最重要係侍應好無禮貌同黑面一係就玩電話新開張唔算多人都咁嘅態度人均百五蚊一位咁嘅質素態度唔會再試

大家可知什麼是「木化石」？其實可追溯至上新世時期(即260萬至530萬年前的紀元)，樹木被爆發中的火山灰迅速掩埋，在缺氧及濕潤的環境下，植物纖維被矽質礦物所取代，便形成為木化石。木雕像的外觀五花八門，有如木塊，亦有紋理石頭或炭塊。這餐廳可能係香港唯一以木化石為主題嘅餐廳，店內放置多件大小不一的木化石，最喜歡是這件像「凳仔」的化石，坐在上面是否可感受到大自然的靈氣呢？尤如教堂的偏廳，高聳的樓底，在莊嚴嘅氣氛下，立時令大家也安靜下來，相信之後必定會成為打咭熱點！如天氣稍涼，坐在室外更親近大自然，相信也是一種樂趣。餐廳旁邊還有一間VIP房，房內以石頭及木系裝修來佈置，很有中世紀典雅的風格；長長的餐枱旁還放有洗手盤及一些爐具，如想親自表演一下，應該是個不錯的選擇。人未到齊，先叫杯飲品解解喝，這杯尤如富士山外貌的「Fossil Latte (Oreo)」，基底以Latte咖啡為主，加入Oreo餅碎，口感冰凍微甜，帶陣陣朱古力香味，好喝。首先上枱的這味「意式生牛肉薄片」，據友人說，口感軟滑沒帶半點羶味，配上香濃的火箭菜及巴馬臣芝士，開胃又好吃！第二味係「川辣西瓜沙律」，西瓜切成四四方方，外層包裹著