Passion (朗豪坊) (Closed)

都幫襯過幾次，最鍾意食佢個沙律，可選3款或四款既有汁沙律，叫左個四款既$66，揀左咖哩雞通粉，血橙紅菜頭，薯仔，小米沙律四款，紅菜頭唔係大眾口味，多數人都唔咁喜歡佢果陣草青味，但佢既甜甜酸酸既配汁食落都好醒神，令紅菜頭都較易入口。小米沙律呀薯仔呢啲雖然普普通通，佢所用既薯仔配上佢既醬汁出黎既效果都好香，而小米沙律酸酸甜甜咁都好開胃。而咖哩雞通粉既雞唔算鞋口，通粉比較林。另外試左個三文魚菠菜千層麵啦，呢盤野黎到香噴噴，就咁望就無乜野，但內裡呢色水認真麻麻地，切開入面啲菠菜黃晒，好似煮到過左龍，感覺很灰色，當然食落就變左無菠菜味啦，三文魚呢就好少，一粒粒咁夾係啲麵入面咁囉，成盤野係得個鹹芝士味咁囉，呢盤野叫做可以果腹啦下...有待改善，$88就比較貴啦....

之前想食passion會特登去灣仔，直至早排行開朗豪坊先知原來開左間passion，喺food court嗰層。裝修同其他舖都差唔多，以木為主，走casual dining路線。食物種類好多，有意粉、薄餅、沙律、蛋糕、三文治等，價錢以鬼佬輕食黎講唔算貴，三文治都四五十左右。我通常去親都食火腿凱薩沙律，但今日見有啲餓，叫左個火雞意式三文治，店員會問你加唔加熱，記住要加，烘一烘好食好多。野飲點左杯開心果latte，呢杯野真係好好飲，唔太甜，好重開心果香，不過飲完都好漏！試過有次行過買杯外賣，原來得半杯唔夠，可想而知呢杯即場飲都係好細杯

睇戲前，想食小小嘢先。餐廳食物賣相精緻，另人食欲大增。但旺角人流多，餐廳擠迫，若坐半小時至一個鐘之內的快餐feel就ok。沙律可以按個人喜好，任意選擇，而食材也很特別，给人很新鮮健康的感覺。

原本男朋友想食放題，但見到passion嘅沙律好吸引，所以就入左黎試下嗌個4種，分別係地中海小米，蔬菜伊甸園，蕃茄芝士同薯仔青荳，地中海小米好好味入面有啲提子乾，同埋松子，口感好豐富! 仲有少少辣辣地，好正呀!! 除左沙律，仲嗌左個四季pizza，即係有三文魚，蘑菇，莎樂美腸同雞，個pizza 好脆，而且味道唔錯我喜歡個雞肉多啲，唔係太鹹又入味仲加左個粟米忌廉湯($20)，不過鹹少少，最好味都係地中海小米

數下數下，其實賴生都有成年冇同屈小姐食過Passion啦！想當初（大叔mode on)，如果唔係因爲屈小姐既關係，賴生絕對唔會食草，更加唔會食紅菜頭！因為係賴生有認知既時候，已經聽聞紅菜頭係好好好難食兼有怪味既！不過你知啦？追女神果陣心口梗掛住個勇字，屈小姐好鍾意食既野，賴生頂硬頭皮都上啦，點知一食就食足年幾啦！咁岩今日路過朗豪坊，當然要去Passion回味下賴生當初份勇氣同埋紅菜頭既美味！不過唔講唔知，Passion有新搞作，出左個新Pizza好吸引咁，一場黎到梗要試埋啦！位於朗豪坊4樓既Passion，係正Foodcourt 入口，佔盡天時地利人和，加上佢陳設晒各式各樣既包包，沙律，蛋糕，雪糕同意粉既實物，經過果陣真係好容易比佢吸引住個眼球，好容易就連埋個人都吸埋入去！呢間Passion入面其實都幾多位，有3張高既大木枱連高櫈，適合6-8位Friends/Family's gathering ，有普通既4人木枱連靠背椅，適合小型gathering，仲有D 2人座位，岩晒我地呢D情侶/閠蜜既gathering！不過部分位置係靠近繁忙既扶手梯，個個落親黎都會見到你食野同傾計，私隱度就低

/猜猜是什麼味道的miffun⁉️<Passion by Gerard Dubois>❔Miffun($22)▪️🙆🏻passion d salad 甜品一向好吸引😋🙈依家仲出埋意大利飯，窩夫雪糕杯，薄餅，法式班戟等😂-🌸其實點睇可能都估朱古力果仁miffun🤔其實係甘荀鬆餅🥕👉🏾翻熱過後miffun質地變得鬆軟d但偏乾身，表面微脆，由其頂層d酥脆粒食落會酥酥的，特別好食😎🤘🏾👉🏾不過經時間嘅洗禮，你放置一陣慢慢食用，個質地開始又韌又硬且乾身😖天堂地獄嘅口感。-🌸味道方面玉桂味比較突出，甘荀只是有點甘荀絲混合在中間，基本上無乜味道🤔👉🏾內裡夾雜住葡萄乾和核桃，這個有點驚喜，因為葡萄乾和核桃都很大顆，而且葡萄乾是帶濕潤食落新鮮個種🍇核桃也是脆脆的，但不像有烤過，無乜果仁嘅香氣。

相對少去旺角行街之下，當難得與朋友相約於旺角吃飯時就特別想試不同的甜品。 所以朋友就特色帶我前來這店試試特製的意式Gelato了。Gelato於數年前開始就在傳統的杯裝或筒裝雪糕上搶到一席位。朋友介紹這品牌於甜品的心意做得好好，今次就介紹我品嚐一下榛子(Hazelnuts)的Gelato。$36來說，份量非常足料的，而且除了杯裝外，還可以要求以窩夫作承托的形式去品嚐。 味道上，每粒榛子都在弄碎後加入於製作Gelato，所以果實那種特別的苦味完全的滲入於Gelato外，令人容易對此Gelato有印象，而且因為這特別的味道下，Gelato不會太甜，所以吃完後都不會有太大的罪惡感吧﹗ 綜觀而言，下次可以再試試其他的味道呢﹗

Passion愈開愈多，證明佢真係有質素。但要識簡野食，雖然好多選擇，但唔係樣樣都咁好食。好似甜品都有勁多種，價錢算係好經濟實惠，平均三四十蚊有交易。但本人覺得除左雪糕食得過之外，其他甜品都麻麻地，得個樣睇得。好似呢個fruit funnel,基本上個皮係淋淋地、又不設翻熱服務。而個吉士醬同d材料都係差唔多味，除左甜就咩都無了。而d蛋糕更加係麻麻地，個栗子芒果蛋糕好淡口，栗子味太清、芒果味太淡、完全點到即止，兩樣野無融合埋一齊，根本唔夾。

食甜品永遠都俾人一種幸福既感覺其實係玻璃櫃挑選那一刻，已經好開心對於有選擇困難症既人（我），太多款色太多選擇唔知好定唔好之前係其他分店都食過依間價錢合理，環境唔錯，當然還有食物味道賣相都好好。 所以很喜歡依間餐廳左擇右擇，最後擇左檸檬撻炎炎夏天，總係想食d 酸酸甜甜開胃既野檸檬撻，酸甜度適中，面上有幾條檸檬皮絲撻皮好有牛油香，唔會太硬，幾鬆脆估唔到碟上還有簡簡單單既文字裝飾賣相加分下次還想試其他款式既蛋糕/雪糕😍

同朋友好隨心咁揀左位於朗豪坊嘅Passion by Gerard Dubois原本唔特別期望會好好食，因為經常會有一種感覺系，大商場入面嘅餐廳都系正正常常，唔特別驚喜但點知今次有意外收穫我同朋友叫左salad，La Palette "Passion." Double Smoked Bacon我地揀左Tomato & Mozzarella, Californian Shell Pasta 同Roasted Vegetables我本身唔系中意食番茄嘅人，但入面連車厘茄我都食而且我好驚沙律會唔新鮮，但呢盤沙律就無呢個問題醬汁味道都好特別，其中Roasted Vegetables仲會酸酸地，好開胃~朋友話呢個多人推介，所以叫左因為會即叫即整，所以食嘅時候熱辣辣，仲好脆添，兩個人食分量都夠飽最後叫左雪糕食，jengs！

之前見喺灣仔好似係食吓 light food 同甜品嘅小店咁但係而家發現呢間餐廳已經開咗好多分店 🤔朗豪坊分店係好細，好多位都係 bar chair雖然唔好坐，但係值得一讚個裝修整得好靚自助形式出去買嘢食，價錢唔貴不過味道一般般啦個蛋餅整得有啲老，普普通通咁啦意大利雲吞賣相同味道都係 soso 😅下次可能都係食下甜品好啲

難得同好姊妹一齊放假，緊係要去狂瘋濕平啦，係旺角血拼左數小時，午餐都係食左碗米線填肚算數，難得行夠買夠都仲未天黑，一於去食個cake吹下水，休息一下。去到朗豪坊，原來之前間cafe已經結業，新開左間法式餐廳，既然一場黎到，又有蛋糕甜品，咁就一於試下啦。餐廳樓底好高，感覺好開揚，裝修風格都偏歐洲簡約風。一大排玻璃櫃放左一排排既蛋糕甜品，非常吸晴。餐廳係全自助式，首先要自己搵位，再去櫃臺點餐付款，之後有個自助電子呼叫器，餐點準備好就自己取餐。Cappacino 配埋曲奇感覺好高級，咖啡味唔夠濃，太多奶而且略甜，食埋曲奇，整個配合太甜了些...朱古力開心果，朱古力球狀外層，入面有三層，包住黑白朱古力同開心果醬，底層仲有脆脆，成件藝術品咁，非常高級精緻。不過唔知係咪歐洲人鍾意食甜野，食左幾啖已經覺得好膩，感受唔到果3層既層次感。朋友點既檸檬蛋糕，朋友話酸左d。食物賣相滿分，同自助式用餐唔襯，不過價錢反映左。臨走前開始多人，有人企係背後等位，感覺太壓迫啦，而且坐位都唔夠舒服。最重要係只感覺到甜字，好失望。

一直見這間裝修好靚，怕價錢好貴，但原來好合理~我和老公兩個人去食下午茶，點了兩件食物同一杯咖啡。這個煙三文魚三文治很不錯，大大份都係54元，而且都幾足料，啖啖都咬到三文魚。不過法包有點硬，都要咬幾耐。另外個雜莓酥酸酸甜甜好開胃!!!!非常好味，不過面層個糖醬好黏手，小心不要用手碰~咖啡個奶泡好香，味道都幾特別。平時成日覺得咖啡個咖啡底好重要，但這杯個奶反而變左重點，非常推薦!22元杯好抵!!店內還有好多款不同的餅批酥點，有機會一定再去。

朋友生日,同佢去商場食蛋糕,呢間幾好坐,10點後人又少,朱古力蛋糕好香濃,好CREAMY呢個酸酸地甜甜地幾好味賣相都好可愛,岩晒我呢D少女~最後影下相,傾下計,11點CLOSE,時間岩岩好

Weekend去開旺角行街，想食番個not heavy嘅西式lunch！行到朗豪坊，又再見到‘Passion by Gerard Dubois‘’之前幫襯過呢間，唔單止門面吸引，佢門口五顏六色既Cake，仲相當唔錯！不過，見女朋友未試過就一於同佢試下d試食喇！兩個人點左一個Black Truffle Rice (唔記得個名)，味道ok，不過太Juicy，食落有d似食粥既感覺..再每人點左一杯Passion Mocktail嘅芒果同啤梨味，好Fresh好好飲！真係好耐冇飲過果味咁清新嘅飲品！野食都未黎，杯野已經飲晒！再每人點多一球，Les Glaces Passion，都係好Fresh嘅雪糕！