Passion (朗豪坊) (Closed)

食完晚餐，想食甜品，經過呢間意大利餐廳，之前有朋友講過佢哋有自家製麵包，甜品，意式沙律，意式薄餅等唔同嘅食品，我喺天花的廣告見到他們有意大利雪糕，口味仲有好多款選擇就買一杯嚟試下，最後揀了提拉米蘇外賣一球為45元港幣， 雪糕球是用紙杯紙杯上面有一個好象自家製的waffle杯盛着， 收銀店員開頭問我要乜嘢口味，跟住我話諗諗先，後尾有個著白色好似廚房的人走過嚟話幫我拎雪糕，我最尾揀了提拉米蘇味，雪糕味道不過不失，還可以， 但是底下個waffle是林的已過氣很久。重點是那個著白色衫細眼的店員態度極度惡劣，還有他的眼神非常之不友善，令我這位消費者極度不安，非常之唔舒服。 以後都不會再來這間店，亦不會再介紹朋友來，亦推薦朋友唔好嚟。

係朗豪坊行街行到攰攰地，就同朋友walk in左入黎食野第一下比佢吸引既係因為開揚既環境，比到人好放鬆既感覺我地兩人叫左一份千層麵，雞肉煎蛋餅同兩杯鮮果汁千層麵好鬆軟，唔會食到好濟果汁都係新鮮生果製的，所以好鮮甜絕對係輕鬆好去處

Passion餐廳喺其他區都有分店，今次入咗旺角朗豪坊分店食晚餐.自選沙律($68)Large Salad Box (Max 4 choices)我揀左:地中海小米古麥，紅菜頭Beetroot w/Sour Cream烤薯仔青豆(有少少貝殼粉)一碟4個選擇，好好食~可以揀三款，佢會照按重量嚟裝多D比你我好鐘意紅菜頭沙律,螢火紅色果個, 開胃~浄係個沙律都值得返黎Encore再Encore~仲有加$2X 嘅creamy corn soup. 本人係湯精, 認為呢個湯真係好好味, Cream 同湯嘅濃杰度剛好~其實我自己一個沙律加一個湯已經夠飽, 今次同朋友黎, 所以仲有點其他食物.紅酒燴雞 ($9X)加錢可以配一碟小份量嘅意粉, 本身有跟2件麵包, 個汁好濃好香, 雞煮得軟糯入味, 好食~提一提夜晚時間, bakery 有折架, 可以買埋聽日早餐整體上好好, 好啱胃口

一開始行過朗豪坊都好少會想入去食一去就覺得以後可以列入必食名單！年初四 正正係食夠油膩 大份嘅食物！所以去咗呢到 食好嘢！先要提提大家 入鄉要隨俗雖然旺角係香港嘅一部分但好多餐廳為左營造外國嘅氣氛（慳人手）呢間餐廳係需要自行點餐 食完嘢要自行收拾！ 唔想被人眼超超 就自己要記得啦！今日叫咗一個番茄牛肉扁意粉 配番茄濃湯 三文魚Pizza配果汁 再外加沙律熱食就即叫即整 沙律 甜品同批都係去櫃枱請職員幫手夾量的確係比較細份 不過女仔好夠食番茄湯係以打爛果種方式整食落好有口感 不過偏酸 如果配麵包/pizza 嘅邊都幾好食其他嘢都正常 好食！今次寫食評最想分享嘅係甜品叫左朱古力伯爵茶紅莓蛋糕 同apple crumble!Apple crumble 不得不說 。非。常。好。食。佢係熱食 叫完要翻叮可以配淡奶食 熱食非常好食 加上本人麻麻地好多肉桂味嘅apple crumble呢間嘅就岩岩好配合到我嘅喜好佢個表面係脆脆地入面嘅蘋果粒細細粒又keep到個口感味道有少少玉桂味又唔會遮咗蘋果嘅味酸酸地 爽脆配埋表面嘅crumble又脆配埋一齊食真係想多兩個都無問題

價錢平, 但食物質素差, 2個人叫左4, 5樣野, 一杯野飲, $4xx個羊小腩好似食緊煲湯豬肉咁, 個汁仲要唔好食.個pizza唔好食, 沙律OK.個千層面唔夠熱, 好多芝士, 個人黎講覺得肥利得濟

Lunch break with Salad ❤️近排食得油膩野多，係時候食返多d蔬菜~Passion由灣仔一間店，到移家開左六間分店，我都間中會去食，因為佢地嘅自選沙律，真係幾好食，而且多選擇自選沙律($68)一碟4個選擇，唔算平，不過值~個人比較推Quinoa，味道唔太濃，加上感覺好fresh嘅dressing，好開胃Moroccan Couscous 味道好特別，好似食咖哩咁，比較濃烈，好中東feel，幾過癮嘅~令我最深刻嘅，係Chocolate Milk，不過今次冇食，下次再share佢大家睇啦~ 

三文魚凱撒沙律🥗呢度嘅沙律菜我每一次食都係新鮮嘅，唔會話黃左，或爛。清甜爽脆嘅沙律菜上，撒左好多好多巴馬芝士🧀🧀🧀，仲有香脆嘅煙肉粒同麵包糠，沙律醬份量啱啱好，每食一啖都覺得好滋味😽同埋好健康😽😽😽

聖誕薑餅法式冰淇淋Gingerbread Le Glaces Passion GelatoHK $44 / TulipPassion by Gerard Dubois 嘅法式雪糕有雲呢拿、栗子、榛子、Cappuccino、開心果等十三款口味，設有 Waffle 筒裝 ($44) 同埋杯裝 ($40)。五知係咪因為聖誕節🎄見到有聖誕薑餅口味，好似幾特別咁，所以就揀左黎試。平時薑餅人就食得多，但係薑餅味雪糕🍦就真係第一次食。一開始會好驚薑味太過濃郁，因為我自己就五太鐘意薑個隻辣味。但食落又五會，薑味啱啱好，五會太過濃烈，五知係咪因爲同雪糕嘅甜味中和左呢 🤔 Overall 聖誕薑餅味都幾好，Waffle 幾脆身。

同朋友睇完戲就揀呢間餐廳晚餐，其實都食過數次，多數是甜品同咖啡的tea time來食，今次食晚餐有點小失望，沒預期的好，下次還是來甜品與咖啡好了。當晚人流不算多，點餐付款後，可輕鬆搵到位，之後等通知再去自取食物。晚餐選了有是日精選湯及飲品的套餐，當晚是忌廉粟米湯，夠哂熱辣辣超暖胃，粟米味好濃郁，忌廉令個湯更加香滑，味道不錯。煙三文魚意粉，有四大片三文魚，雖然大塊份量多，但味道清淡，亦無咩魚味。意粉用油炒過，但由於冇醬汁，所以味道較淡，幸好意粉都條條分明，沒有痴埋一齊，但整體味道仍令人失望。牛肉千層麵，味道頗濃，用料十足。面層的芝士焗得好香，有拉絲效果，好味又吸引。蕃茄醬汁煮成的免治牛肉醬好惹味，每層都好多料，別小看細細份的千層麵，食完幾飽幾膩。咖啡一向有保證，味道濃郁不錯，飲落香滑，咖啡餘味長，仲附送杏仁餅乾條，邊搞邊吸咖啡，浸滿咖啡的餅乾味道同樣美味。

French Butter Sconne 牛油鬆餅 $21為了尋找坊間達酒店水準的Sconne，我不斷嘗試不同店鋪的牛油鬆餅。-這家位於朗豪坊的Cafe，相信大家並不陌生，經營模式與Starbucks 差不多，但食物、甜品選擇上比Starbucks多。自由找座位，沒有限時，又有Free WiFi，非常適合與三五知己談天小聚。•$21淨鬆餅，$35有鬆餅、果占、忌廉。-可請店員為鬆餅加熱。-加熱後鬆餅表面很脆，很香牛油味😋。再熱一點更佳。😩鬆餅有點乾，幸好有提子乾🍇作點綴。相信加上果占、忌廉味道會更佳。•回頭指數：4/10（雖然鬆餅有點乾🥺，但整體來說是不過不失。環境很relax😌）

TGIF!!!💃🏻💃🏻 sem尾真係好赲好chur🤯，今日落左堂突然好想放自己一個小break，同friend一齊嘆翻個tea飲翻啖coffee叉一叉電🔌🙌🏼 去左朗豪坊間Passion by Gerard Dubois，之前已經想試架啦，但好少真係有時間專登坐係度休息下😪 天氣開始涼翻d，所以我嗌左杯熱嘅Mocha暖一暖胃🍫☕ 拉花都拉得幾靚喎🧡，仲有塊杏仁脆片，好開心因為almond is my fav nutssss😚識我嘅朋友都知我勁鍾意食蛋糕啊甜品啊等等，咁咁難得抽左d時間岀嚟，緊係要食件cake啦!🤤🤤🤤 綠色睇落好似綠茶🍵 但唔好俾佢fake左你啊! 佢係開心果啊，個樣仲好吸引添🍰😆 Pistachio味嘅Mousse好特別，蛋糕上面又有好多粒果仁，有口感之餘又一解Mousse嘅甜膩，個碟仲有可可粉嘅高音譜號圖案，好有格調😚🎼 我個friend就嗌左杯Pistachio味雪糕🍦 哈哈心有靈犀💕 咁多開心果仲唔夠晒開心?🤣 加油就快完sem架啦🤧💪🏼

Passion餐廳係其他地區都有分店，今次就去咗旺角分店。休閒咁樣食個下午茶，叫咗兩個甜品、一份沙律同埋一杯飲品。嗰兩件cake包括係開心果杏仁朱古力同埋青檸朱古力。個人比較喜歡開心果杏仁朱古力，因為cake中食落去有好香嘅開心果味道，而且中間嘅部份仲有少少酸酸地，特別開胃，唔會覺得好漏。 沙律方面，有細分同埋大份可以揀，我通常都會揀細份。可以揀三款，但係如果好似我咁樣淨係揀兩款嘅都可以，因為佢會照按着重量嚟裝比你。

普普通通西餐2018/10/20星期六嘅晚上，於朗豪坊內竟然有西餐廳還有空位，抱住試味心態我地3人行入咗店內。店內有銷售$128套餐，指定意粉能有沙律，湯or飲品。但朋友們一入去就被店內自家麵迷惑，所以沒有點套餐。我們3人點了一個四季pizza 🍕，一個煙三文魚“40”隻蛋黃製麵黑松露意大利飯。令人失望嘅一餐，平均每人約$70但食的質素卻強差人意。煙三文魚40隻蛋黃製麵，聽到已經覺得恐怖，但兩位朋友聽到40隻蛋黃製，仲雙眼發光，不斷強調有興趣，我都唔敢話自己近來直情食蛋白唔食蛋黃，煙三文魚好咸，麵好乾不特別好食，都聞唔到蛋香味。但此店賣點在於自家製麵，這質素能作招牌特色菜?黑松露意大利飯沒有黑松露香味但飯粒口感剛好，忌廉令整個飯有點膩，總覺得不特別出色。四季🍕pizza,分好了四格，相同醬汁，pizza芝士足夠，有拉絲效果，麵包底整體較厚，邊緣有小小脆口感，算是不錯但整個pizza材料非常少特別唔抵食。下次黎旺角，盡量唔會再入朗豪坊食嘢，要食dinner都盡唔會再黎依間，坐得唔舒服，食物唔特別好食，又唔抵食。

身為甜品控，一定要周圍試下唔同嘅甜品😆 呢間餐廳位於朗豪坊，細細間，位唔算多，仲有d位係正扶手電梯隔離，我同朋友就prefer坐番入面，所以都等左一陣位。同埋呢度比較少staff幫手執野，通常上一手食完野嘅杯碟都未有人黎清理。但呢度嘅碟好靚，用左可可粉砌高音譜號，好有心機☺️ 而且呢度甜品選擇好多，成個玻璃櫃都係唔同種類嘅甜品，適合同朋友一齊飯後歎。檸檬撻左邊嘅係檸檬撻算係偏酸，仲帶有幾條檸檬絲，酸酸甜甜幾開胃。撻皮軟硬適中，有香甜牛油味，食完唔會覺得太滯。焗朱古力芝士餅右邊嘅係焗朱古力芝士餅，芝士味香濃。希望下次黎試下晚餐😛😛

老婆心血來潮話想食蛋糕，咁無理由食蛋糕食飽架?所以要搵個又有西餐，又有好食蛋糕地方比佢，唔好見我平時食開中菜，辣野，我西餐一樣大把介紹~Passion行開朗豪坊應該都見到，沙律吧係非常吸引，吸引到老婆都要試😂呢度係自己搵位，買左野比個機你，傾下計先，搞掂震你👉沙律我係點左個細，全部9款野中揀3樣，我揀左黑醋沙律菜，薯仔，同雞通粉味道係同你食法國菜既一樣正宗，所以我見好多OL都食佢，份量唔算多，不過有其他野食都ok芝士肉醬扁意粉貴就貴啲，不過勝在味道ok, 去啲法國餐廳食可能仲雙倍價錢其實咁既價錢真係無野好講，質素取勝橙味蛋糕最後當然無空位食蛋糕，所以要買走，呢個必食推介，真係好香橙味，$68，我正常可以切到6件，真係好好味，聽我講，記得買😏👍