意蠔屋 (Closed)

1月2日休假原想好好享受午餐，但好後悔選擇了意蠔屋。。女侍應態度欠佳，午餐等了1個小時未黎，追下個餐仲要俾說話你聽，真係無見識過。。食物質素真心講係唔錯，只係好難令人再幫襯希望意蠔屋可以改善服務質素

今晚又同男朋友去大圍覓食。諗咗好耐都唔知食咩，所以就好隨意地揀咗依間餐廳。依間小小嘅餐廳只有20幾個位，枱與枱之間距離好近，所以會坐得比較迫狹。今晚揀咗兩個晚餐套餐，套餐包餐湯、主菜及餐飲。先送上餐湯，一紅一白。一放上枱，就覺得。。。好細碗，唔係淨係我咁講，連隔離枱嘅客人都話好少。白湯飲落去好杰，而且有好多胡椒味，亦都有啲不明嘅蔬菜，不過都接受到嘅，唔算難飲。至於紅湯，一般般。主食分別揀咗芝士焗帶子大蝦螺絲粉同燒汁牛柳雜菇意粉。個芝士焗粉有兩粒帶子同三隻大蝦，有勁多芝士喺上面，撈埋一齊食之後勁拉絲，對於喜歡食芝士嘅人嚟講，係超超超正！！燒汁牛柳雜菇意粉嘅牛柳煮得啱啱好，唔會過熟，都幾好食。

五月廿二日，下午五點黎到，食個下午茶。之前都黎過幾次食，有得自選意粉，幾正。配料，醬汁，意粉天使麵長通粉等等，可以自己揀。望到呢個餐牌笑左，一個人的浪漫。不過我無叫呢個餐。雞翼配蒜茸包，雞翼好香口，味道惹味，濃郁香草味。略嫌細隻左啲，包都新鮮熱辣，唔錯。忌廉白汁雜菌天使麵。好足料，好多菇，忌廉白汁做得幾出色，但又唔會好漏，天使麵做得岩岩好，麵質剛好。而且下午茶黎講，份量都好大碟下。

週末來了大圍吃下午茶，選了這間專門吃生蠔的西餐廳，但下午茶吃生蠔實在太誇張了，所以都只是在下午茶餐單上選了個意式茄汁辣肉腸尖通粉吃～雖然是下午茶，但來到發覺份量都不算少，味道剛剛好，酸酸甜甜，不會太鹹太濃，而且夠多汁，每一條尖通粉都沾滿茄汁的，肉腸的數量都不姑寒，而且上枱時熱騰騰，相信是即叫即煮的，相當不錯 幾好味！環境就真的蠻擠迫，好窄，不過香港寸金尺土 冇乜辦法，所以如果諗住係傾計食飯的cafe就不要到這裡了, 我也識趣地吃完就立刻埋單！服務方面，很久之前來過這裡食飯，記得果陣覺得兩位女侍應的服務態度都不太好，今次再來可能是已經換了人，服務好得多呢。

有時想食意粉的話都會來這間主打生蠔的小小西餐廳. 今晚就吃了晚餐其中一款-香煎牛柳配燒汁磨菇意粉! 首先要讚一讚塊牛柳, 真係煎得幾香, 其中一塊仲有D燶邊添, 肉身唔會鞋, 而且都有3小塊, 份量算頗多~ 燒汁既味道都唔錯, 幾香, 亦都好夠燒汁 唔會食食下乾爭爭. 意粉煮得幾好, 質地彈牙, 軟硬度適中~ D燒汁都幾入味! 呢度最大缺點係店舖太細, 枱子好小, 所以如果想叫多D食物都唔知點放, 同埋感覺都幾迫人, 每枱位置又好近, 所以如果想在這裡慢慢食傾下計就唔適合了. 

食家樂高小姐曾經表示聖誕節要食西餐所以選擇了這裡意蠔屋店鋪不算舒適但招呼亦算周到西冷牛扒配蒜蓉汁五成熟的扒十分美味，外表煎得有點乾，但中間鎖住了肉汁，吃起來算是有點驚喜，唯一缺點是肥肉多了一點，配上蒜蓉汁更能帶出牛扒的味道，反而配菜不太討好，而且有點過淋羅宋湯淡得想死，感覺就像在清水中加了一點蕃茄汁，完全沒有味道鮮蕃茄海鮮意大利麵同是蕃加類的食品，但明顯地與羅宋湯不同，蕃茄味道調得剛好，酸酸甜甜的感覺，意大利麵軟硬度剛好，海鮮數量亦不會太少，大蝦亦爽口，值得一試總括來說，可以一試

2015/08/09二人行大圍意蠔屋lunch!等位等了約5mins。但大圍比較曬同少冷氣地方，等位也要忍受酷熱。 香氣樸鼻黑松露味( ´▽` )ﾉ!意大利飯軟硬適中。 芝士焗雜菜天使麵，厚厚的一層芝士在面，內有有蕃茄同粟米酸酸甜甜( ´▽` )ﾉ天使麵夠乾身，碟底無油( ´▽` )ﾉ點了一個意大利飯，一個芝士焗天使麵，跟餐加錢有飲味，因天氣酷熱等一等位勁口渴，點了兩杯凍朱古力，朱古力夠冰涼但朱古力味太淡。

大圍MTR 出去有好多私人經營既小店，意蠔屋系其中一間經營用心既餐廳。入面有特色野飲，都有唔同種類既焗飯、意粉。 星期六係石門訓練完和隊友去食，意蠔屋主力推芝士焗飯/意粉。朋友點左芝士焗野菌雞飯，我就食焗菠菜雞肉飯，跟餐野飲係凍檸茶。意蠔屋既芝士焗xx 系列落足好多芝士，又夠熱，食到尾都仲可以拉到一條條既芝士出來，我覺得食太多芝士會有dd濟，但朋友本身好中意食芝士，所以就食到好滋味。芝士焗菠菜雞肉飯。菠菜和芝士撈埋食好夾，鹹淡岩岩好，雞肉都唔會太老。另外菠菜帶新鮮感給比較油膩的芝士。二者搭配得岩岩好。芝士海鮮飯D海鮮都夠新鮮，配好濃郁既芝士成個口都好滿足。餐廳餐飲就普普通通，無咩特別好飲。

咁啱去開大圍中銀整野，就係附近醫肚la~ 嗰日其實幾凍，我求其入左去坐，坐低先發現原來因為入囗無門，所以都凍凍地，結果俾另一半黑面黑足全程…不過唔好俾佢影響左個食評la~ 是日叫左兩個下午茶餐，加一個焗蠔~一個餐係煙鴨胸意粉，其實幾似自己用金寶湯整既意粉，意粉係偏粗身嗰隻~ 但三十幾蚊，有埋野飲，ok la~~另一個係蜆仔芝士焗飯，個芝士焗得幾好味！！唔錯~ 都係嗰句，三四十蚊有埋餐飲，唔可以要求咁高la~~ 個焗蠔，55有兩隻，價錢唔算平，食落正常但無乜驚喜~~如果舖頭以蠔做招牌，應該要係呢方面落多啲苦功了~

大圍西餐廳感覺唔算多，意蠔屋價錢及食物質表都可謂佼佼者。布局一般，而且有啲逼，座位唔多。晚餐有成本menu選擇，不過自己食左幾次都係揀dinner set；無他，價錢幾抵包嘢飲（雖然奶茶似奶水），最重要係材料唔錯。有時都幾怕叫芝士菜式，並不是我唔鐘意食，而係因為通常都好少芝士，令人失望。不過意蠔屋就有啲唔同，dinner set個個都以芝士作主打，份量仲好足，一定滿足到cheese lover。今次叫芝士菠菜雞柳飯。由於係即整的關係，上枱熱辣辣，最正係芝士鋪滿飯面，白汁夠多可以拌飯食。此外飯粒分明，菠菜多兼新鮮，雞肉份量足，味道正，大滿足! 假如嫌太“漏”，可以考慮叫芝士蕃茄豬柳飯，芝士及餸都夠多，但有茄汁中和，亦非常美味。

意蠔屋的意粉可隨意選擇，配搭不同的配料及醬汁，可以滿足不同人不同的喜好，例如很多餐廳的長通粉及天使麵多只會配茄汁或白汁，而在意蠔屋它便提供了辣茄汁及黑椒汁的選擇！第一次光顧，便選擇了黑椒汁+雜菜+長通粉。黑椒汁味道標準，夠辣也夠濃！亦因為配料可自由選擇，所以便點了西蘭花，椰菜及雜菌(全素)，滿足自己的口味！整個意粉的效果令人滿意，唯一的缺點就是份量較少，對男生來說可能略為不夠。

一向很喜愛大圍自成一角嘅感覺，小時候經常在呢個區出沒, 感覺返番去小學和同學仔到街上流連的日子. 呢度依然沒有很濃的商業味, 沒有很多高樓大廈, 空氣也自然清新好多.今天約左小學同學在大圍食Tea,見意蠔屋冇人，就入去試試佢地嘅Tea set餐廳很少, 只有大約400-500呎左右，當日只有我地兩個客，感覺好cosy。Tea set價錢都係比較大眾化，平均30元一個Tea set連飲品。白菌天使麵比想像中大碟，不過天使麵煮得太'林',over-cooked左，其實味道都可以嘅，起碼有白菌味炸薯條雞亦原本想清清地食薯仔沙律的，不過佢地冇哂薯仔沙律，唯有改炸薯條，雞亦炸得好香，熱辣辣, 炸薯條好香口，雖然好熱氣，不過偶然食下呢d香口野放縱下都ok嘅

大圍食店眾多,中西日越泰...各式其色,任君選擇...而今次我決定了食意粉,所以到了這平民「意粉屋」去~...這當然不是我第一次到這家店食意粉~基本上,有朋友到大圍,又想平平地,我都會推介這一家~因為又平又OK,最緊要係唔會衰嘛~...今次去依度食午餐,價錢相當既抵食~HK$42包一杯飲品~不過講到飲品,就真係要講一講!依度無咩唔好,只係飲品質素比較差...除左咖啡(即磨)香氣氛芳,值得推介外....其他既....都係低於一般水平..檸茶最差....實在唔多建議囉~好似今次既青檸金桔蜜,都係用即沖既沖....所以係唔會有青檸味,你OK既,都可以叫既~但不是我推介推介既都係杯咖啡,又香又濃~只係太晏飲會訓唔著,所以如果夜晚先食,我都叫其他~至於意粉呢~依度既午餐意粉係好似食車仔麵一樣,要咩叫咩~價錢非常合理,只係佢12點先開,要注意~仲有,平日都幾多學生KA~12點半後就要等......我黎依度最最鐘意食佢既「芝士焗」意粉~因為真係超多芝士!!!今次叫左「芝士焗肉醬意」係我成日叫既一款~味道好OK KA!完全好味過意粉屋~當然,同D高級意大利餐廳無得比~不過,可以係度食個平民VERSIO

「意蠔屋」，主打係食西餐，另外係生蠔。舖頭比較細，D位都幾逼下，座得不太舒服。有多款晚餐，於是叫左：「芝士焗白汁蝦意粉」，味道唔錯！焗得好夠熱！白汁意粉加埋芝士好惹味！蝦份量都幾多下！食到尾有少少出水，但都ok! 

這天因為去新城市廣場看聖誕燈飾，於是老公說要介紹我去大圍吃美味的豬扒，想不到原來這店不做晚市，於是改去他另一家推介的餐廳意蠔屋。老公一向對西餐的興緻不大，所以對於他竟然會向我推介西餐廳，所以也滿有期待。餐廳的空間很有限，枱放得很擠迫，千萬不要想在這兒找尋一絲浪漫的感覺，侍應看起來都是沙沙滾染了頭髮的九十後，不過出奇的有禮及服務週到，實在始料不及。餐牌食物的配搭跟一般的港式西餐廳不一樣，我見這店以蠔命名，點了推介的白酒珍寶蠔配墨魚汁意粉。珍寶蠔沒有相片看起來的大，但也對味，意粉的軟硬度適中，可惜墨魚汁意粉售罄，只好改為普通的意粉。老公的是蕃茄豬柳意粉，聽說味道也不錯，不過他說平日午餐來更抵吃。我們另外點了一個芝士焗西蘭花，芝士很香又不會太漏，吃完西蘭花之後我還將剩下的芝士吃清光。這店雖然不是驚為天人的美味，但也算是一家有HEART的餐廳，希望下次有機會再試試其他的食物吧﹗