芭堤雅泰國餐館

Open Now

Now Closed

去唔到泰國，不過香港都可以食到好食既泰菜😋今日同朋友去咗依間元朗泰國餐廳，環境優美👍🏻餐廳有兩層，用左綠色植物同玻璃裝飾外牆，好似室外一樣，但其實室內好涼爽，裝潢高雅👍🏻$88美國牛肋肉串燒🍢牛肉味香濃，串燒肉軟稔又大塊😋$82乾炒大蝦金邊粉🦐最中意金邊粉，冇令人失望👍🏻有勁多大大隻嘅大蝦🍤蝦肉 juicy，而金邊粉足料又大份😋調味啱啱好唔會太重，一食上癮👍🏻$65炭燒豬頸肉煎蛋飯🍳豬頸肉份量好多，配埋大大塊煎蛋撈飯食好開胃😋豬頸肉肉汁鮮甜，肉質嫩滑🤤$148泰式拼盤🍱入面有魚餅、蝦餅、春卷、雞翼😋黃金手打蝦餅好食👍🏻蝦肉鮮甜濃郁，熱辣辣脆卜卜🤤香葉紅咖哩魚餅有好香嘅香茅味🤤素菜春卷皮脆餡多👍🏻香酥雞翼就當然一樣出色👍🏻單骨好好咬😋午市套餐仲包飲品🍸柚子檸檬蜜暖入心💛蜂蜜香茅茶清涼透心💛

泰式蝦醬肉碎炒飯，$88💰這道菜在於特製的蝦醬。蝦醬的香辣與肉碎的鮮美融合，讓每一口都充滿層次感。搭配炒飯，令口感更有層次感🌶碎肉生菜包，$88💰香濃惹味肉碎，加上各式香料調味，配上生菜口感豐富又香辣，感受到脆爽生菜同滋味十足碎肉，層次豐富口感，非常開胃惹味嘅頭盤😁蠔仔煎蛋，$98💰蠔仔炒蛋散發著誘人的香氣，每一口都帶來了令人難以抗拒的美味。蠔仔的鮮美與炒蛋的滑嫩交織在一起😋香芒檽米飯，$58💰檽米飯絕對不會讓您失望。香芒的鮮甜與檽米飯的綿密相得益彰，是完美的結尾。每一口都讓人沉浸在甜蜜🥭朱古力Oreo火山奶昔，$45💰濃郁的朱古力與Oreo的酥脆相結合😍珍多冰，$38💰比起平時飲開的珍多冰較稠杰，椰子味都好濃郁，夠哂冰涼🧊

芭堤雅泰國餐館（元朗）餐廳位於元朗康樂路1號明珠樓地下,餐廳剛剛完成重新裝修,煥然一新,美輪美奐,座位寬闊,坐得舒適,餐廳主打泰國海鮮私房菜,多款泰式飲品,餐廳週不時滿座,服務員忙過不休,招乎態度仍殷勤有禮。明爐鮮青檸蒸烏頭$168泰式明爐蒸烏頭下面有蠟燭燃著,保持烏頭熱度,烏頭配料有青檸,車厘茄,香茅,芫茜,椰菜,薑絲,辣椒絲等等,熱辣辣嘅烏頭食落新鮮嫩滑,無泥味,鮮甜,吾夠辣仲配多一小碟泰式辣醬。炭燒頂級USDA牛肉沙律$138沙律內有車厘茄,青檸,青瓜,紅蘿蔔絲,泰國米(打碎),香蔥,洋蔥和沙律菜,材料非常豐富,牛肉廚師烹調夠入味,微鹹,不韌,一份好美味的炭燒頂級牛肉沙律。芒果糯米飯$58正值夏天係芒果嘅季節,原隻芒果已去皮,有碎米和紫色花瓣作伴碟,芒果肉入口鮮甜多汁,糯米飯食落軟糯,配有椰漿o青檸檸檬茶$35有薄荷葉作點綴,檸檬和青檸夠新鮮,酸酸地甜甜地飲落好醒胃。

我哋最鍾意食泰國菜 ~~上星期六係元朗食咗個好唔錯嘅泰式午餐 ~~餐廳門面和裝潢都幾有文青風格高樓底，環境乾淨，舒適闊落 ~~星期六都有供應多款午市套餐仲可以加配小食和甜品 ~~先介紹儍媽最鐘意嘅 ● 泰式秘製黃咖喱牛腩 HK$98配 ● 特製蒜蓉包 HK$38黃咖喱香而不辣仲好足料除了牛腩，仲有牛筋、洋蔥和薯仔蒜蓉包即叫即焗，熱烘烘香噴噴裡面塗滿蒜蓉牛油，外面烘至香脆配埋黃咖喱一齊食真係 perfect ~~另外點咗份抵食嘅午餐 ... ● Pattaya 地踎撈麵 + 凍蜂蜜香茅茶 HK$72Pattaya 地踎撈麵好豐富配料有半隻蛋、青瓜、芽菜、脆炸五花腩和肉碎撈麵較粗身，旁邊仲有脆麵，加點秘製醬汁一起食味道酸酸辣辣，口感豐富又夠開胃 ~~午餐加配小食 ...● 黃金蝦餅 2 件 +HK$25● 香茅雞翼 2 件 +HK$20清新解膩 ● 凍蜂蜜香茅茶 (餐飲) 香濃醒神 ● 泰式咖啡 HK$30** 以上分享是以我的口味、體質和情況作出分享及感受，一試 / 合用與否請自行決定

姊妹生日想近近地 在元朗吃泰菜😋多年前嚟過 餐廳已經翻新咗！小清新得嚟增添了一番現代感✨很喜歡它的玻璃門面🪟book jor位要人齊先入得 一坐低就點點點😍 除咗鴨肉生菜包等上了好一陣子 全部菜式味道恰到好處 見到隔離枱點的蒜蓉包都好吸引 唔係一塊塊嘅吐司🍞係原個包呈上 下次會試😝仲有個甜品都值得一讚 層次分明 每一層都食到蕉/焦香 配上一球雪糕 冰火交融🔥🧊叫咗咁多嘢食 人均都係~$160 非常經濟💯 ✿ 香酥薄餅 $32 ✿ 泰國椰青 $42✿ 飛天炒通菜 $72✿ 鴨肉生菜包 $98 ✿ 百香果梳打 $38✿ 椰香青咖喱雞 $88✿ 華田香蕉飛碟 $58✿ 泰式柚子檸檬蜜 $30✿ 鮮菠蘿海鮮炒飯 $118✿ 美國牛肋肉串燒4串 $88

芭堤雅泰國餐館喺元朗已經開業10多年，喺元朗幾乎無人不曉。最近重新裝潢，搖身一變成為打卡嘅泰式Cafe，就拉埋老公一齊去試下。純白色嘅店面，竹藤狀嘅吊燈，加埋綠色植物嘅點綴，充滿小清新。餐廳有上下兩層，座位都算多。翻新後嘅芭堤雅泰國餐館人氣十足，假日座無虛席，好彩排隊唔算等太耐，大概等15min左右就可以入座啦！午市套餐好抵食，選擇都好多。泰國海南雞喇沙湯粉($78)呢個喇沙湯底好有驚喜，泰式香料味道突出，入口辣辣地，加入椰漿後味道香甜，集濃香辣於一身，好惹味！海南雞竟然係髀位，皮香肉嫩，完全唔嚡口，面頭再放上大量炸牛蒡，增添口感！Pattaya地踎撈麵($72)撈麵淋上泰式醬汁、擠少許青檸汁，味道清爽開胃！配搭脆炸五花腩、肉碎及炸牛蒡，多重口感。而我特別鍾意脆炸五花腩，炸到香脆，肉質爽口彈牙，好食！午市套餐可以另外加配小食：黃金蝦餅(+$25)蝦餅炸到脆卜卜，口感彈牙，真材實料。紅咖喱魚餅(+$20)魚餅充滿檸檬葉及紅咖哩香、混合豆角粒令口感更有層次。套餐送飲品，揀咗蜂蜜香茅茶，味道清香。老公揀咗比較少見嘅泰式綠奶茶(+$10)，奶香絲滑順口，茶味淡雅，不過甜度就稍高。炭燒豬頸肉($

呢間餐廳嘅質素真係驚為天人，自從一個月前食過之後，成日心思思想再食，上次食左海南雞、蒜蓉包、安格斯牛肉咖哩炒飯等等，樣樣都好高質，一試難忘，今次經過元朗諗都冇諗就沖入去二刷，打算再試下其他既菜係咪都咁出色😋今次叫咗燒豬頸肉，飛天炒通菜，蒜蓉包，和牛炒飯同甜品奶茶雪山個豬頸肉一入口即刻當堂"嘩"一聲，心諗點解可以咁好味🥹🥹每舊肉既厚度適中，有口感得黎唔會太厚，亦唔會薄到鎖唔住d肉汁，入口有濃濃既燒香味，食落有少少似叉燒，咬開成口都係肉汁，好味到如果一個人食晒成碟我都可以，必食！💯食完肉當然要菜，飛天炒通菜都係濃味之選，菜唔老既，易咬易食，配料落得足令條條菜都好入味👍黎食泰國菜邊可能會唔叫蒜蓉包，仲要佢個蒜蓉包係整得相當出眾，完全將出面粗製濫造一色一樣嘅蒜蓉包比下去，佢外觀已經相當特別，而且真正做到外脆內軟，蒜蓉味極重，性價比之最💯上次食覺得間餐廳煮飯都有一手，所以今次都叫個飯試下，和牛炒飯同樣做到米飯粒粒分明，睇個飯嘅色水同舊牛個樣就知又係誠意之作，店員介紹咗個新食法，就係落少少青檸汁再加魚露，個味就會完全唔同晒，係一個好新鮮，唔知點形容既味道，重點當然都係好好食，想沖擊下味蕾不妨試試😛

屋企人同我都好鍾意泰菜，今次俾我搵到一間新開，環境舒適食物又唔錯既泰式餐廳，而且地點方便，離西鐵站5-10分鐘就到😄就算你地好似我咁路癡都唔洗擔心難搵路小店1200先開店，門口已經有好多客人排緊隊，建議想食既朋友仔預先book位😉餐廳以淺色木系設計為主，配合常綠植物及通花藤木傢俱燈飾佈置，充滿新新既田園氣息，樓底夠高，空間感大，2/F亦設有座位，職員服務有禮殷勤咸香海南雞飯 $65胡椒蘿蔔湯，清甜微辛易入口；青瓜、菠蘿、車厘茄少少酸辣夠醒胃；雞肉份量慷慨，點埋酸辣汁同醬油一齊食，啖啖嫩滑雞肉肉大滿足😋跟餐柚子檸檬蜜唔算太甜，有少少柚子香跟餐+$40飛天通菜咸香爽脆，餸飯岩晒呢個價位有前菜、湯、肉品、又多肉，都算高CP，難怪當日咁多客人係lunchtime都有order套餐😋泰式乾炒河粉（雞肉）$88河粉口感幼滑煙韌，同坊間既泰式河粉唔同😯而且食落好有鑊氣🔥加埋蛋、芥蘭、紅蘿蔔、雞肉一齊食，口感豐富又夠香口🤤，可因個人口味加入酸辣醬汁，提升味道層次😋份量都幾多，足夠2-3人share古法鮮蝦金柚沙律 $88金柚爽甜多汁，加埋酸辣醬汁同生菜一齊食，味道配搭得好好，炸過既腰果食落香脆，大蝦厚

前幾日上網睇到有人介紹元朗泰菜館🇹🇭裝潢超靚超岩打卡，一睇先知原來係芭堤雅泰國餐館🏖️餐廳開業多年，最近裝修成精緻泰菜餐館🔥今日約埋家姐去嘆返個lunch試試新茶式😋🔹打拋和牛飯第一次食打拋飯用上和牛，鮮嫩又多汁，配九層塔等香料同炒，特別惹味！中間仲有一隻荷包蛋，增添層次感～🔹脆炸五花腩飯五花腩炸至外皮鬆脆，肉質依然軟腍juicy，咬落皮脆肉嫩，口感一流，每啖都香氣十足！🔹黃金蝦餅金黃色酥脆外皮，內有鮮嫩蝦肉，味道香、質感夠彈牙又食到蝦鮮味！🔹香茅雞翼雞翼煎至甘香脆口，滿滿香茅清香，雞翼夠大隻，食落啖啖肉。🔹奶茶雪山賣相好吸晴！綿密雪山入口即溶，奶茶味十足，口感絲滑細膩，而且甜度剛好，令人一試難忘！🔹香芒糯米飯正值芒果季節，芒果肉特別香甜多汁，配軟糯綿密嘅糯米飯及濃醇椰漿，面頭再撒上黃色米碎，增添咀嚼感，既簡單又滋味～🔹泰式檸檬茶檸檬獨特清香與泰式茶底完美融合，茶濃而不澀，舒爽透心涼。🔹泰式咖啡特別用上煉奶嘅泰式咖啡味道更為濃郁，咖啡甘甜又清爽～芭堤雅泰國餐館✨📍元朗安樂路1-11號明珠樓地下1號舖

元朗新開高質泰菜環境乾淨，感覺好清新，似Cafe嘅裝修，一入到餐廳已覺得好舒服。食物整體嚟講都做得好有心機，不單止好味，連買相都冇得彈。我們叫左兩個午餐，加一個冬陰功湯，兩份小食，兩杯特飲，基本上冇一樣嘢係唔啱口味。而且價錢唔算好貴，人均$200都唔使。先講飲品，甜度適中，賣相亦都媲美Cafe，打卡一流。肉碎豬頸肉飯，果然係招牌，豬頸肉淋身，肉碎微微香辣，米飯充滿油香。咖喱牛腩配薄餅，大部份都係牛筋，我的最愛，椰香味好重，唔會好辣，點薄餅啱晒。午餐仲另外會有埋胡椒湯同埋青瓜，真係好豐富。午餐仲可以另加小食，我哋叫咗通菜同埋泰式蝦餅。通菜好大碟，唔會好油死鹹。而蝦餅啱啱炸起，熱辣辣非常脆口。冬陰功湯，酸酸辣辣，裏面有三隻大蝦同埋好多蘑菇，抵食又正宗。屋企人都好享受呢一餐。

今日同好姊妹去左元朗搵食見呢間滿座又有人排隊就排埋一份午餐：S. 芭提雅打拋和牛飯$88（期間限定）配熱柚子檸檬蜜兩隻流心蛋煎得好靚，和牛牛味濃郁，有跟一碟醬汁，一碟青瓜、車厘番茄、菠蘿開胃菜，份量十足細食人士share都夠飽。食泰國野唔少得泰式拼盤$148 （蝦餅、雞翼、魚餅、春卷）蝦餅熱辣辣，有4件，蝦味濃郁，好好正。魚餅一咬開好香香茅味，3大件，正。春卷脆口，3條切開6件，好滿足。雞翼好貼心整左單骨，一人隻半。我加左杯凍泰式咖啡$30面頭有玫瑰花乾，淺淺既奶蓋，配埋香濃咖啡，好chill。食左咁多肉同炸野沙律就跟住上枱大蝦青木瓜沙律$823隻大蝦，蝦肉爽口彈牙，酸酸甜甜超開胃，正好可以解下膩朋友唔食得辣會覺得呢個比較辣我就剛得好惹味，係去到後期先有d感覺烤薄餅（2件）$32嚟到呢個moment已經有7成飽，見到有兩大塊。咬落牛油香超正，外層鬆化中間軟糯下次真係要配咖哩試下，話飽飽地最後都一人一塊差不多食晒。未完仲有香芒糯米飯$58諗住呢個價錢會好精緻，點知……又係好大份🤣🤣真係CP值勁高，芒果唔算好甜，但配埋椰子糯米飯剛剛好，糯米飯熱辣辣少少甜，仲有D脆脆幾有咬口。環境唔錯座位寬

叫左一個泰式肉碎炒飯同泰式乾炒雞肉河 另外再叫咗豬頸肉生菜包價錢 中價 一碟炒野平均 70-90$ .豬頸肉生菜包 好醒胃 好鐘意青檸帶出既酸辣味 .炒飯有蒜容粒一齊炒 加上泰國辣椒 好香幾好味 .唯一係炒河有點伏 好似茶餐廳炒河咁 無咩味 以為叫左酒樓小炒 😂

呢度曾經係我地一家既飯堂，幾乎每個weekend都黎食一次午餐，因為真係好味又抵食👏🏻 由三四年前lunch四十幾蚊食到宜家七八十蚊🥺 而且自從佢裝修之後都無黎過，因為每次經過都好多人🥲 今次就同朋友黎食晚餐，叫左炸蝦餅🍤，招牌芭堤雅炒飯同埋泰式干炒河粉，每樣都好食☺️份量都好足夠

泰有驚喜🥹🤍早知食埋JJ Market椰子雪糕🤤‼️.元朗出名多隱世平靚正嘢食🤭✨呢間係地鐵站附近白鴿橋隔離🤓佢有三層勁多位🥹不過我平日去到都要等一等位‼️食完先明點解咁多人排🥹晏就勁抵冇加一😆最平$65套餐包湯同沙律‼️.1️⃣招牌香葉炒肉碎煎蛋飯 + 泰式奶茶 (💰$65+10)好抵好抵😆‼️肉碎調味真係好好🥹辣度剛好唔辛苦配蛋漿飯好好食🥹🤍仲有泰奶好打卡勁cafeable🥹但加咗$10就有咁嘅質素性價比我俾滿粉🙏🏻🙌🏻2️⃣乾炒大蝦金邊粉 + 泰式奶綠茶(💰$82+10)有三隻大大隻大蝦😽個質地偏濃稠唔會似出面咁稀🥹‼️食落勁入味而且真係好足料下🙏🏻睇落上色夠通透🥹花生碎豆卜碎蛋芽菜都齊🥹呢個大推‼️泰奶綠茶幾特別好鐘意個茶味😆✨呢個combo很滿足🤤3️⃣芭堤雅泰奶雪山(💰$68)同朋友一致認為好食過After xxx🤓佢嘅奶蓋唔係台式鹹甜但有淡淡奶香🤤食得出唔係好有負擔😛仲有lotus俾我倒到周圍係🥹但呢個組合係雙倍嘅幸福感🥰✨仲有！個冰唔係淨水係真係有茶味‼️大推大推🥹✨4️⃣黃金蝦餅2件(+💰$25)呢個又好鐘意因為真係好實正🥹叫完甜品有胃口可以加埋呢個😆✨5️⃣鴨肉生菜包(💰$98)鴨肉真係第一次聽🤓但

好耐冇寫食評了，今日同老闆去元朗工作，唔知食乜好，客戶推介去芭堤雅食泰國菜，去到見門口放了一壺冰水及大量紙杯供客人等侯期間免費享用，已經覺得好窩心。到達時大約六點，未坐滿，職員提醒每枱限坐90分鐘，但可因應到時等候的客人情況酌情處理。因為我唔食辣，叫咗泰式炒雜菜，金不換炒金邊粉，招牌芭堤雅炒飯。食物上枱都算快，上菜時職員都會細心地話畀你聽落檸檬及魚露等要注意的事，雖然口味嘅嘢因人而異，但職員嘅溫馨提示令我哋感覺舒服。食物份量適中，味道唔會太鹹太濃，食完返到屋企亦唔會口乾。未夠七點已經好多人在等枱，但職員亦冇比壓力我哋，見佢哋咁友善，都希望佢哋做多轉生意，我哋亦識趣地盡快食完離開讓座。整體而言，是絕對值得回頭及推介的食肆。