水蜜桃冰室 (Closed)

下班與家姐晚飯，9時相約旺角食西餐。通菜街食鋪林立，只係街道兩側攤擋帳蓬遮蓋視線。今次走到近Circle K 一間叫水蜜桃冰室醫肚。門口非常易認，裝修有點民族風格。環觀其他食客都點了鐵板燒，跟著也點了推介的鐵板燒紐西蘭西冷。牛扒5成熟，味道口感為最佳。本想叫5成之時，店員細心建議西冷生熟度，7成女仕，5成男仕，腸胃承受力關係。想了一回，那7成看看吧。而家姐則點了黑松茸忌廉三文魚意大利飯。見餐湯有酥皮，二話不說，即加$12 轉酥皮湯。有酥皮紅湯、酥皮白湯兩款，齊選後者。再追加一碟蒜香雞中翼，落埋兩杯野飲，雪糕紅豆冰和忌廉鮮奶 。店員速速寫單。酥皮湯 (＋$12)：一會兒後，香噴噴酥皮湯到。這是酥皮白，酥皮忌廉野菌湯。好大塊酥皮，湯身creamy濃郁，沒有餸粒。將大大塊酥皮淹落湯到再入口。很耐未食過咁五的酥皮，非常好味！！蒜香雞中翼 (with Set ＋$18)：一碟有5隻雞翼。這個味道很特別，平時火鍋炸蒜作醬汁就常見，沒想過配起雞翼也很無縫。加埋師傅自家秘製汁，很棒！鐵板燒紐西蘭西冷 ($118) ：10多分鐘後，當鐵板燒端上台時，隨即張起餐紙巾。誰知師傅在扒上拉了下酒，熟練地點起火槍

我們一行四人本來想到一間有名的餐廳吃晚飯，可惜臨時被取消了。最後我們在旺角逛了一會，終於選了這一間人少少的西餐廳，作為某人的生日晚餐。餐牌上價錢合理，一個晚飯套餐包括一個主菜加一湯一飲品。今次我們四人每人點了一個餐。首先有餐湯，白汁粟米湯跟羅宋湯味道中規中矩。之後到主菜了，我們點了黑椒羊架、燒汁肉眼、南瓜意大飯和菠菜麵。七成熟的羊架剛剛好，肉質不會太老。職員在淋上黑椒汁前會先淋上白酒再點火，所以這個羊架沒有羊酥味，我最喜歡這道菜。肉眼我們要五成熟，切開仍然是粉紅色，有一點點血汁，很嫩。南瓜飯有一陣陣的奶油香，大蝦很彈牙。在大魚大肉後，吃個菠菜麵，清清淡淡的，健康之選。總括來說，食物分量足夠，價錢合理，侍應會在吃鐵板燒時遞上餐紙隔開油煙，服務貼心，是一間值得再光顧的小店。

朋友訂咗呢間餐廳食生日飯,有驚喜餐廳裝修都幾有心思,好有舊時嘅感覺虎蝦南瓜意大利飯蝦好大隻，南瓜味濃芝士焗西蘭花,大路野都ok加咗12蚊，要咗個酥皮湯, 香香脆脆,本人鐘意清淡口味, 啲湯又唔會太杰，唔會好似好似有啲餐廳落勁多生粉充數,而羅宋湯都足料,下次試下酥皮羅宋湯重點到啦，我哋叫咗燒酒羊架同扒,以為好似普通餐廳就咁落啲汁就食得,原來要先倒啲大廚特別調味過嘅燒酒,之後點火,哇一聲,著晒火,我哋叫咗羊7成熟,牛就5成,唸住咁燒法都都鞋鞋地,一啲唔鞋之餘仲好juicy雞翼本身應該有炸過,加埋啲燒汁都幾甘香個菠菜帶子天使麵,煮得唔過淋,清清地幾好,啲職員仲同我哋講解,好nice,上菜又快,值得再試

旺角太多餐廳、食物款式、種類的選擇。要找間心水的，對於選擇困難症的人來說真的想到頭痛，友人說過女人街裡面的橫街窄巷有很多不錯的選擇，經過好幾間都很吸引，見到這間應該新開不久的西餐廳及吸引的餐牌，就試試吧。餐廳有一排梳化卡位，裝飾佈置以馬賽克拼色做，燈光不會太強烈，感覺挺舒服。另外，可能我們很早來到，上菜速度亦很快。忌廉甘筍湯+蒜蓉包：忌廉湯的甘筍蓉味道濃郁，唯獨蒜蓉包有點太乾硬。火灸三文魚蕎麵沙律：火灸過後的三文魚，清新的柚子醬混入新鮮沙律菜及蕎麥麵，味道很配合。卡邦尼雞柳溫泉蛋墨魚麵：雞柳嫩滑，墨魚麵本身沒有味道，以卡邦尼汁、溫泉蛋半流心的蛋汁，配上雜菌、洋蔥，意粉不會淡淡無味。汁燒鰻魚蛋包飯：蛋煮得有點太熟，不夠滑溜，難以做到蛋汁溢出的效果。鋪面的鰻魚加上蛋包裹著飯，蘸著濃濃的醬汁，不會越吃越乾。配菜有沙律菜，營養均衡。日本蕃薯及柑桔雪芭 ：很特別的日本甜品，日本蕃薯及柑桔雪芭柑。原個柑桔雪芭酸酸溜溜的，不會吃得太飽；半個日本蕃薯雪芭更有驚喜，雪芭以真的蕃薯盛載著，除了入面濃濃的蕃薯味雪芭，半個冰凍蕃薯也吃掉了。味道很真實，絕不是人工味，吃完很想encore，值得推介！

其實女人街內真係好多餐廳，當中更有好多有質數的餐廳！今次食的水蜜桃冰室，係近油麻地個邊的入口，靠右邊個條內街，好容易揾。餐廳的所有晚餐都會跟一碗餐湯及基本飲品。我同朋友朋友都每人加了$12要酥皮湯。餐湯有紅湯白湯可選，我倆都揀左白湯，白湯唔似市面上的獻汁湯，味道都ok。我們都另外叫左一份炸芝士，芝士外脆內軟，好食。我對慢煮的菜色基本上不能抗拒，因為肉質一般都比較嫩口Juicy，所以就叫左一份「低温牛柳意式煎飯」！牛柳煮得岩岩好，煎得香，口感又唔會un，盡對無失望。煎飯話明係煎飯，其實係一個煎香左的飯餅，d飯煎又香又脆，鍾意香口野應該都會幾鍾意。朋友就叫左一份「汁燒鰻魚蛋包飯」，顏色睇落已經覺得好吸引。食落鰻魚好香，燒得又唔會太乾。個飯係有心思之作，唔係白飯之餘仲每粒飯都好Moist。去水蜜桃冰室點可以唔試蜜桃雪葩呢？雪葩用雪硬的蜜桃做器皿，入面放了滿滿的清香的蜜桃雪葩。雪葩質地柔滑，唔似雪硬的雪糕。味道非常清甜，係生果的原甜，食落好滿足的感覺，個人覺得係必食的作。餐廳除了蜜桃外，仲有多款生果雪葩，我一定會再黎試多幾款。另外，餐廳的主食都幾有水準，份量又大，絶對估得大家去試試！

旺角行到攰又唔知食咩好，出面見到水蜜桃冰室裝修靚靚價錢又抵食又好似坐得好舒服就試下時間尚早，餐廳幾台客，但裝修好靚呀！忌廉湯配蒜容包好滑好香，配香脆面包好味雞翼好好味好香脆，擺耐左都唔會淋晒炸一口芝士吉烈既外表入面係濃濃既香滑芝士，一啖擺晒入口，好味。鐵板羊架先會有職員埋黎倒杯酒，聽聞係廚師適心調過架之後就會點火燒一燒個羊架，好靚呀，燒到外面再焦少少，變成真係外脆內軟，但入面既肉都保持住多汁唔鞋薯菜好大份，成個餐好飽，大食仔都夠食架！正呀另外想提下，餐廳都幾多唔同飲品選擇，我揀左黑牛，好懷舊！仲有好多唔同雪芭食！價錢仲抵過出面外賣店買添，下次一定要試！食到咁上下餐廳都開始多人黎，但唔會話好嘈，而且坐得舒服，可以慢慢傾計：） 職員仲好nice好有禮貌，下次一定會再黎

<好好味大大碟既鐵板扒>😍 喺旺角同油麻地通菜間中間 有好多細細間既食店 以前走漏眼 原來呢間水蜜桃冰室既扒餐好唔錯 環境有d幽暗 掛住吊燈 有卡位同長枱 感覺都算舒服👍🏻鐵板餐係一set有飲品有餐湯 餐包 餐湯十分特別 除左有羅宋雜菜湯🌿 仲有個香芋忌廉湯幾特別 香芋味香濃又帶點忌廉香味 😄 🍲 夠哂特別 點埋餐包都唔錯🍴鐵板燒紐西蘭肉眼扒 112 蚊 5 成熟 黑椒汁🐮🔥原個鐵板上熱辣辣 好有創意地 首先倒左d玫瑰露上去充滿酒香🌹🍸 再落自選既黑椒汁 夠哂香 肉眼扒真係勁大塊 成塊面甘大😋 比較厚身 5 成熟既扒肉質軟滑 而且夠牛肉味 配埋黑椒汁最佳配搭 😃 而薯菜都落足料🥒🍅🌰 有炸脆薯角 車厘茄 青以 落 足哂料又熱辣辣 正！🍴冰室雜錦鐵板燒 125 蚊 揀野菌汁🍄🔥有 牛柳🐮 羊扒 🐑雞扒🐤 德國腸🐷鐵板上枱熱辣辣 最特色係佢首先落rum同gin酒🍸 再點火 燒到甘上下 肉夠哂香 😀再倒自選既野菌汁 傳出sasa聲 😍 外表已經冇得輸 講番食物味道 牛柳肉 好軟林入味🐮 雞扒好軟滑同厚肉🐥 羊脾啖啖肉🐑 帶有少少羶味 肉質彈牙 最後既德國腸 皮

通菜街行得多,但食嘢未試過,聽朋友講有好多美食一於今次就在這裏尋食行行吓見到間裝修得古色古鄉既餐廳今晚就選佢,入到去懷舊既裝修和柔和既燈光另到個人好舒服睇餐牌幾多選擇我就選左兩款小食、一個鐡板餐和一個甜品。坐左一陣兩款小食熱辣辣送上日式蟹肉炸薯餅,賣相炸得好靚,食既時候真係要小心,因為好熱出晒煙,咬落外脆內軟,內裏蟹肉和薯仔變成蓉食落好creamy,加埋個pp醬食好嘢味芝士焗田螺,焗溶左既芝士好煙靱嘢味,田螺軟棉棉有甜味食食吓主餐既餐湯和麵包就送上,好多餐廳白湯都係磨菇忌廉或者粟米忌廉湯,呢間餐廳居然係紫薯忌廉湯,比較少有,聞落幾香飮落好creamy跟住到主菜冰室雜錦鐵板燒(牛柳、羊扒、雞扒、德國腸),待應熱辣辣送上,但都未食得住,佢話叫唔同既扒會配唔同既酒倒落個扒,然後點火,燒一燒佢提升個扒既味道等火燒完再淋上你所選既醬汁就食得,呢間餐廳除左平常有既(黑椒、蒜蓉、燒汁)選擇,居然還有野菌汁,既然未試過一定試野菌個汁食落好香菌味,現在可以試牛柳,入口鬆軟好有牛味,而且只係6-7成熟羊扒生、熟程度和牛一樣,入口鮮嫰冇榨而雞扒需然入口唔嫰滑,但已鐵板燒來講,可能熟左d,唔乾唔鞋已經好好薯菜

咁岩行過MK等朋友，搵個地方座下等見到有間水蜜桃冰室就試下入去坐間餐廳位置其實都幾唔起眼第二D位有D迫，我生得高就坐得唔舒服環境設計西方風格，帶點懷舊香港餐廳的食物係西式叫左碟咩大蝦海鮮南瓜飯可接受的，但價錢有點貴 要90幾蚊

行過旺角見到有間新開冰室，店員好熱情係門口介紹（後尾先知係老闆)，裝修都唔錯，又乾淨，所以試下係店員介紹下叫左兩個火炙鐵板燒餐鐵板燒紐西蘭牛柳 $118份量比一黎餐廳嘅鐵板燒大，而且牛柳好鮮嫩，岩岩好煎到五成熟，原汁原味，加埋有少許酒做調味，好香，但份量黎講對女仔可能有啲多，但哩個價值超值冰室雜錦鐵板燒 $125朋友心大心細，樣樣都想食，所以揀左雜錦，有牛柳、羊扒、雞扒同德國腸，份量十足，雞扒好嫩滑，整體黎講係唔會乾，加埋黑椒汁，送飯一流！而且每個餐都送埋餐湯同飲品，加左12蚊轉試左酥皮湯，酥皮新鮮焗，好香脆！見到同一般茶餐廳唔同，竟然仲有日本雪葩，仲有好多水果揀，好吸引，但實在太飽，唯有下次再試

旺角多餐廳多嘢食就係人都知尤其係女人街成條街都係餐廳前兩日都係呢條街打邊爐今日見到呢間餐廳裝修咁靚一於入去幫襯小餐廳裝修得好靚好精美坐得好舒服，全部職員都好好人好友善仲主動提出幫我同老公影相勁好！西餐廳都係食意粉扒餐等等價錢好公道好抵食！首先餐湯，我飲紅湯好多唔同嘅蔬菜好好味！跟餐加左兩個小食，雞翼好好味，外面好脆，擺耐左都無林，調味又調得好，一定要加！炸一口芝士，超正一啖擺入口，成口都係芝士味，咬落去唔係會拉絲既淡口mozeralla，用左好濃芝士味既芝士，拉絲係好玩但呢個係好味主菜我叫左牛柳7成熟，上台見到好大份，好耐無食鐵板餐，最期待緊係淋汁個下啦，簡直係最美好既童年回憶，但大個左通常會叫職員放低醬汁俾我食先點d汁今次...咦，有野唔同既，有兩兜汁咁既？咦，一兜透明無色架喎。職員好細心，叫我地先攤開紙巾，淋左d透明既液體落個扒到哇！哇！原來係酒！！！！火灸牛柳，好靚呀！！！職員仲話酒係廚師特別調過，每款肉用上唔同既酒，有唔同香味同效果！淨係淋酒點火個下已經贏晒啦d火熄左個下我就開始擔心個牛柳會唔會俾d火燒到全熟好鞋呢，好彩，一切開，都係粉紅色靚仔樣，牛柳重肉味，我叫左野菌汁，同個

每次經過旺角區都好頭痕，頭痕在唔知食咩好突然醒起女人街幾多選擇，就黎左呢間餐廳食環境方面：裝飾以馬賽克拼色做主調，入到黎有種令人坐得好舒服既感覺食物方面：1.蒜香包 白湯包係剛焗好拎出黎，食落唔錯白湯飲得出有菇菌既味道，入口幾有層次2.香蒜忌廉蟹肉墨魚麵食落有淡淡海鮮味，估計係蟹肉既鮮味而且有好多青口，好足料！呢碟都幾唔錯！食到廚司既心機！個人認為意粉更有咬口會更美味3. 香煎虎蝦蟹肉南瓜意大利飯大大隻虎蝦，賣相好靚！意大利飯入口香甜，感覺幾特別！4. 炸一口芝士味道幾好！入口即融！港女至愛！5. 水蜜桃🍑雪芭呢個甜品🍮好香滑味道唔人工，真心推介！6. 飲品飲品有唔少選擇，有別其他餐廳

係旺角既內街見到一間裝潢設計風格有啲與別不同既餐廳。在低睇個餐牌真係好多選擇，好到唔知揀乜好，由鐵板餐、煎飯、蛋包飯、墨汁意、焗飯都有，可見老闆係有精心抽選過先放入餐牌當中。餐牌睇樣已經好興奮，圖片好吸睛！最後我都係叫左鐵板雜扒餐，因為呢道係羊、牛、雞同德國腸，可以同一時間滿足我多個味蕾的慾望！職員拎碟扒黎，仲有一個透明既酒倒落去再點火，牛扒比較有酒既香味，食得出唔係普通vodka ，係帶有啲獨特香味既烈酒。第一次食到野菌汁係有一塊塊菌淋係面，真係好有心的餐廳，每一樣都細節的。+$12仲可以有酥皮湯，不過我覺得個皮同蒜蓉包，可以再烤耐啲、焗透啲，咁可能可以再脆啲🤔仲以套餐價加$18多個小食，而炸芝士真係無令人失望，雖然唔係拉絲芝士，而係忌廉芝士，勝在芝士味濃，又夠滑，唔掂醬都已經好好味👍🏼無錯，仲係套餐優惠加$42，菠蘿雪芭。當職員拎埋黎我檯既時候，所有人既眼光都停留左係個菠蘿到，連我自己都心心眼左！真係好有童年回憶既味道。好滿足！除左1:00前有9折，晚市like Facebook 仲有8折！

星期六既朝早去到旺角搵早餐食其實都唔係早餐啦 成十一點 係搵午餐食知道女人街都係食開平野搵返D平平地唔好太貴既野食算香港搵餐飯食都好難由登打士街入經過幾間餐廳就入咗呢一間見佢話新開就試一試佢間野當時係一個客都冇我地都算大膽 冇客既餐廳照入一坐底就叫我地LIKE下佢個PAGE 可以九折喎之後我呢就見到有個焗飯所以點咗個焗鮮茄豬扒拼芝士石斑飯好失望 嚴重唔掂個飯同朋友個D意粉一齊出 朋友唔係焗意粉黎但我相信焗同唔焗一齊上枱都唔關事我個焗飯 竟然中間係唔熱既 淨係得出面熱佢係焗唔夠時間 就好似燒雞翼但中間個心係凍既 但出面係燒到濃咗咁個人認為完全可以接受 就好似佢地本身都冇試過食焗飯咁咁樣拎一碟未焗夠 熟唔晒既飯出黎味道一般 但算大碟 但亦都因為大碟 中間唔焗唔熟可能因為新鋪 只可以講既係準備唔夠希望佢地繼續努力味道一般可接受範圍但中間凍既 真係接受唔到一個焗飯中間係凍既

水蜜桃冰室有點驚喜，裝修幾型格，座位都好舒服，我們叫了兩個小食一個是炸芝士粒另一個是芝士焗田螺，芝士都相當好味但是田螺就差點，之後又叫了個鐵板餐雜扒餐，牛柳煎飯和兩個沙律。套餐是跟湯及飲品的，試了忌廉湯和雜菜湯，兩個都有蒜蓉多士跟上，水準還好，鐵板餐不是傳統的落黑椒汁或洋蔥汁不會有渣渣聲，而係在你面前落酒點火，產生酒香鐵板扒都唔錯，牛樓煎飯，牛柳好軟熟，煎飯又香脆好有特色，沙律亦都抵食味道，一個是溫泉蛋炸雞沙律味道帶點辣因為醬汁加了芥辣，我都比較鍾意。另一款係蟹肉青瓜蕃茄沙律，蟹肉都好鮮味將醬汁配得都幾好帶點甜又好味。最後叫了幾款甜品，雖然所有都叫雪皅，但其實似雪糕多啲，最特色是有番薯雪糕很有番薯味，其餘椰子雪糕都好滑，金橘很酸但都好清爽，菠蘿就差啲，桃味就覺甜，總體都算幾好值得再去🤗