半島漁港/阿翁火鍋館 (南昌薈)

Open Now

Now Closed

食物雖不錯，但光顧數次都遇不禮貌對待，有貼錢買難受之感。第一次侍應下錯單仲反屈個客，也不願更正，要客人硬食。第二次下午茶時段，家人先取票入座再等齊人，竟有侍應來要求家人讓三五識七的人先搭抬，人齊再搬我地去另一張枱，全程態度惡劣，理所當然，亦毫不考慮疫情。另有幾次不快經驗也不在此盡錄了。若不是南昌沒有傳統酒樓，絕不會一而再光顧此酒樓。經營者若見此留言，望能虛心改善，其實你們的食物水準不錯。獨市生意不能做永遠，南昌始終有一日會出現競爭者。

最近疫情當道，上班食晏都選擇外賣返公司食。今日揀左公司附近嘅“半島漁港”嘅外賣燒味。比較同區，抵係幾抵，不過抵嘅代價或者係付上健康。幸好是外賣，今日親眼目睹兩個燒味師父無帶口罩斬燒味! 期間都不避忌有談話。我睇到汗都標埋。但係無奈錢俾左，食晏又只有1小時，我手上嘅飯盒都係照食。 不過對依加間酒樓嘅管理非常有保留，衛生意識好差勁。其實，早在疫症前我也曾幫襯堂食飲下茶咁，當時枱上嘅碗筷都已經係油淋淋咁，估唔到外賣其實都係咁。真係無下次了!

新年前時間是多人食飯，我地沒有訂枱，所以很早就去拿位，剛好有一枱位，係臨時加枱，所以比較迫。坐低叫了2只龍蝦+依麵底，盛惠5百幾，龍蝦新鮮，不過粉多左D,個獻打得好差，好漿糊。班仔$489,還可以，不過不失。炒碟菜，上菜速度當然是慢，因為全場滿座，廚房已淋檔，食完2碟海鮮都未黎，服務員話追，追到無晒聲氣，最終取消埋單。服務還可以，加水都好快，材料新鮮，不過廚房功夫唔夠。。。價錢認真唔平，依麵底都$100,食水都好深。

今日午餐賀同事喜慶，約左呢間新開張中菜餐廳，食午市套餐。餐廳喺的剛翻新富昌商場，一樓 ，座位寬闊。我地十二人，套餐份量十足，食才出品不錯。脆皮乳豬，上碟時，仲有熱，皮脆肉嫩每人一隻鮑魚，好霖好入味花枝，白合，帶子，勤菜，全部香甜嫩口，我都滿意菠蘿京都骨，肉嫩，酸甜合適，最重要係唔會炸到柴皮玻璃蝦 芝士伊麵 蝦身好爽伊麵煮得恰到好處唔會太湖狀， 亦都唔會太油膩燕窩羹 喺咁重要嘅場合，個個都食得開心 ， 仲要價錢係大眾化，值！

同家人飲茶，一度掙扎去西九龍定南昌，但由於之前西九龍飲茶有不快經歷，今次決定響南昌薈既半島漁港飲茶。未到2點，已經有好多街坊等位內進，而派位都好識做，58分就放人入去，唔洗大家乾等。入到去，裝修都算幾豪華，響屋邨酒家來講，加上落地玻璃，非常光猛。不過我地被派到廂房入面坐，有少少叫天不應叫地不聞既感覺。。tick好單之後叫左5分鐘都無人應，慘。不過收到單後野食都好快到，味道都不錯。最早來係叉燒穌，燒鴨瀨。不得不讚叉燒穌夠脆，叉燒夠味。燒鴨夠香，瀨粉亦軟硬適中。另外叫左燒賣，雞札，粉果，蝦餃，蘿蔔糕。全部都有傳統茶樓既水準！尤其係雞札，我已經好耐無見到有茶樓用返棉花，芋頭，火腿入雞札，好有兒時味道。粉果亦有沙葛，有少少辣，大家要注意。其他都不錯，大家可以一試！整體都幾好，下次飲茶會再來🤗🤗🤗

今日公司做冬去了附近新開半島酒樓，好多人呀！我地點了咸菜豬肚，個味道也不錯不過豬肚湯欠了少少黑椒粒就會比較好味，還有炸雲吞好脆卜卜裡面包了有一粒蝦也新鮮，再來鹵水豬腳仔好入味豬腳也好軟綿綿，還有臘腸卷，叉燒腸，牛柏葉，蝦滑魚肚，點心拼盤，涼拌海蜇這個要講一下因為個海蜇冇味道少了麻油辣油有點失色，最後來個星洲炒米材料好充足不過味道總係差了一點咖哩味和比較清淡，價錢比較貴但食物質素也可以接受。

早前同朋友到位於南昌嘅半島漁港食晚飯。本身朋友話訂咗枱食半島都嚇親，講吓講吓先知係酒樓。點知啲嘢食質素唔錯。一行七個人叫咗唔少菜式，個個都飽到上心口。一蚊嘅燒鵝份量好多，表面燒得好香又唔燶，肉質嫩滑，完全唔係特價貨嘅貨色。薑蔥鵝腸啲鵝腸去油去得好乾淨，食落好爽口。牛腩煲啲牛腩肥瘦適中，咬落爽滑，加上唐芹同埋芫荽，食落特別惹味，連個湯底都好好飲。雖然我哋叫咗好多特價菜式，但部長同侍應冇黑面之餘仲服務好好。

我們四個人去飲茶 拎左張票。 但係出面等左一個鐘都唔叫4人枱 整係叫其他2人或5-8人枱 🤬🤬其他人啱啱黎到都有得入去。我地問嗰姐姐點解 佢黑哂臉 👩🏿👩🏿👩🏿👩🏿完全唔理人 人群管理非常差 安排冇彈性 態度非常惡劣 😡😡😡最後等左個半鐘先有得入 早晨優惠無哂🙅🏻‍♂️🙅🏻‍♂️食物質素好一般 潮州粉果皮厚左麵包 燒賣做到好鬆散 唔值宜個價錢🤮🤮 等在咁耐 食物麻麻又要受氣無下次 唔再中伏🙅🏻‍♀️💩💩

打邊爐超正，任食放題，食材新鮮，海鮮拼盤、刺身拼盤超豐富，有龍蝦、鮑魚！雞煲都好味，食完仲可以再轉其他湯底，侍應服務熱情，主動向我地介紹優惠，超抵食！！！！！！！

休假，老公相約他老爸吃飯，一搜附近只有這家有檔次的海鮮酒樓，我們晚9點左右到酒樓，咋一看只有一臺顧客，看見環境還乾淨，不錯就坐下，就聽經理介紹點了一隻肉蟹及一條斑魚，味道不錯，蟹肉好鮮甜，老爸喜歡魚看起來賣相不錯，但口感一般，老公説不值這個價格，要38元/兩，這條魚就要差不多800元。整體感覺不錯，不過宵夜時段感覺價格有點高

今日一家人諗住去試下，不過經歷真係唔好，首先攞票時已講食火鍋，門口姐姐話要等好耐，可能要成個鐘，引至冇咩人等，到我地票號，我地跟職員入去，見佢比張台冇爐，就同果位企响我地隔離嘅男部長講我地係食火鍋，佢就話咁你出返去，li度唔係食火鍋嘅，食火鍋出去再等位，當時攞票都講左食火鍋，而家就咁，雖然好快就有位比我地，我問職員係唔係有生日優惠，佢竟然話要影印身份証作記錄，真係好奇怪，生日優惠要影印低客人身份証，咁我地當然唔要果個優惠啦！到我問其中一個職員有冇飲嘅水，佢只指住雪柜果邊，話野飲响曬果邊，咁我走過去，完全唔知水响邊，我就問另一位年長男職員，有冇飲嘅水，佢就問我係唔係要滾水，我話係，佢仲問我要水杯還是茶杯，li位叔叔唔錯，返工係做野嘅！酒樓食物唔錯，但服務態度令人要考慮係唔係需要再幫襯。

本來想去V walk試下度小月,奈何新商場啱啱開幕,人真的太多,每間食肆都要等位輪候,朋友就建議過黎連接住既南昌屋邨商場望下睇下有無岩心水。本來覺得要去屋邨商場酒樓好驚有伏,點知都幾有驚喜酒樓好大,分別有食小菜晚飯同埋打邊爐,呢一晚都有八成滿座。我哋一坐低,侍應就為我哋推介$1優惠,分別有乳豬/乳鴿/燒鵝等既選擇呢度都幾多人所以比較嘈,但勝在每張檯又未算痴得好埋,所以都傾到偈。我哋叫咗一個啫啫通菜煲,鮑魚雞煲,$1BB豬,兩個人食絕對足夠bb豬一共有六件,偏肥,皮脆,但既然係$1,仲邊度可以挑剔呢通菜好香,略嫌有啲黃比較老,味道都唔錯既,好正常。鮑魚雞煲有驚喜,一煲有好似5隻鮑魚仔,本來以為都係得兩隻喺上面裝飾下,點知好足料,味道都幾惹味呢度雖然係一間屋邨酒樓,不過服務態度都幾好,如果黎開南昌呢個地方,想搵間酒樓食飯可以揀呢度,而且都幾乾凈企理。

南昌已經好耐冇茶樓了，商場翻身之後，有新茶樓，以後飲茶就唔使去咁遠啦。紅燒乳鴿乳鴿燒得唔錯，都幾惹味，同埋唔算大隻，又唔肥，我覺得幾好。XO醬炒腸粉炒得幾香口同幾均勻，唔會話底嗰啲係無味嘅，呢個都係必點嘅。潮州粉果同鳳爪都有水準叉燒酥老人家比較鍾意食，我自己就普通覺得鹹左少少。煎韭菜餃炸到表皮乾身脆口，內裡都多汁好味整體來講，酒樓嘅食物質素幾好，裝修都幾靚同舒服，價錢都偏中上，難得有一間酒樓重開，都係值得開心嘅，又多一個家庭週末聚餐嘅地方啦。

今晚約咗三個好朋友聚會,本來想去南昌VWalk搵地方食飯,但因每間食肆都好多人,所以轉咗去南昌薈這酒樓。酒樓一邊係小菜晚飯,另一邊係火煱放題,我哋四個就揀咗小菜嗰邊。裏面地方都幾大,未坐滿,但已經好噪。晚市有兩個優惠三寶餐,同時也再可以一蚊叫一個餸優惠。我地雖然三個人,但都叫咗六個餸。先叫咗$298個餐有三餸 + 一蚊一隻文昌雞 + 菜煲 + 紅燒豆腐$298餐有三個餸,义燒皇,火候剛好,色澤好靚,加上甜甜义燒醬,同半肥瘦义燒,肉質嫩生汁明蝦球,蝦球彈口,個汁似沙津醬,帶少許甜酸,好好食$1文昌雞,雞冇肥油,都幾滑,抵食啫啫金鈎通菜煲,個菜加咗蝦乾肉碎,有咸香味,同幾辣,唔錯,但因菜煮過頭,黃黃的,扣分蒸魚係跟餐,葱油好香,魚肉滑紅燒雜箘豆腐總括嚟講,份量都多,煮得好味,最緊要價錢抵

同奶奶打邊爐，因為旺角警署有示威，平時出太子食既我地唯有轉場，去奶奶樓下領展場食。因為對面私人屋苑璽西落成，個場裝修後啲舖升晒呢，仲有條天橋駁去對面個場。打邊爐冇得揀，得任食：$328/位！仲要加一💸 而家香港人真有錢。不過都多算野食，以下5款係包既：1）海鮮盤：波士頓龍蝦、帶子、蝦、蟶子、青口、兩款魚2）魚生：蝦、三文魚、帶子、北寄貝3）雪花靚肥牛4）水餃皇5）小食一款，我地食呢晚係鮑魚啲職員建議可以食咗雞煲先，我地煮好個雞煲，啲職員都有幫我地用隻碟裝起，再起個鴛鴦鍋等我地可以打邊爐。湯底選擇比較少，而鴛鴦鍋都規定咗係芫茜皮蛋湯加沙嗲湯底。仲叫咗隻乳鴿，整體都算幾好。有幾樣唔太滿意既：1. 最估佢唔到係個白飯收咗我$13😡，都唔係問題，食任食，我大可以食烏冬，問職員要既時候，應該提醒我要額外收錢，基本服務2. 冷氣勁凍，凍到我啲手指麻痺，卡位仲係風口3. 煮雞煲時奶奶見個煲好乾，加咗少少水落去，好大煙。有果女職員衝埋來，說教式話佢唔應該咁整，應該點點點，見到奶奶個樣不悅。如果有規矩要跟唔該寫低，或者見個雞煲上就過來跟跟，冇理由話佢老人家。