半島漁港/阿翁火鍋館

Open Now

Now Closed

天水圍呢間酒樓一向好多人排隊，今次就試吓好唔好食。等咗大概半個鐘左右，就入座。張籌有寫明要搭枱，好彩咁岩係四人枱，不用同人搭枱入邊地方好大，唔怪之得去流量咁快啦。唔知係唔係因為新年關係，樓面職員特別殷勤，個個都笑容滿面。點心都唔平，大致上都好食嘅，有酒樓應有嘅水準。煎釀茄子煎到脹卜卜。豬手夠味。蝦餃大大粒，內裏好多蝦。魷魚亦都好入味。不過佢個鹹薄餐就好奇怪，入邊已經冇乜料，啲顏色好沉，亦都好厚粉。淨係可以食到佢條邊，中間完全食唔到，因為太厚粉。芒果布甸就落得太多魚膠粉，味道都可以，不過好實。

食到成肚氣，先唔講dSales既態度，有幾位有幾咁差，因為唔會個個都咁差，係睇人天水圍半島漁港，兔年第一餐，諗住係好開始，點知原來係惡夢！份量呃秤，連樓面送菜既姐姐都幫手拎去換左幾碟，由其Meun 寫住足一斤東星斑同足一斤既蝦，蝦得果幾條，東星斑細條到成條BB魚未發育咁，最過分係叫拎返返一仔足料既出黎，夠膽換碟就咁重上！最後依一餐11個人，足足叫左8碟菜，再加多4碟小菜，先叫夠食！新年食到成肚氣，我話過一定會負評到底！！最後依一餐食左4千幾，但係值一千幾既份量！

今晚點左份龍蝦餐，名係澳龍，但味道唔得，蝦肉梅，衹有3 舊肉，其余頭頭尾尾，食過龍蝦之中最差的一間。極差的龍蝦絕對沒有下一次！而且其它沒有味道!請各位不可選此餐！極差中的極差龍蝦！！！極差味道的酒家！

好少寫評語…但呢間野真係好值得我寫寫真係好難食！！服務差不在話下！個服務員話唔好意思，個飯係凍既？？凍你仲拎比我！！？？食小菜都好難食信我千祈唔好黎難食難食！！！

呢間酒樓只服務自己人，每次指下個鼻就可以有位，出面六七十人等都比自己人入去，街外人至少等個半小時才可以入去，自己人入去連安心出行都可以唔洗，食物質數一般，服務差評，不去也罷。

好耐無試過同屋企人飲茶，呢間酒樓長期排隊，咁岩今次walk in有位，就食佢😏家鄉炒米粉推薦👍🏻米粉幼細彈牙，炒得幾有鑊氣幾香口😋，而且好足料，有蝦、叉燒、蛋、椰菜、榨菜、西芹、紅蘿蔔，食落唔油，味道岩好。蒸黃金糕熱食口感煙韌，微甜。極品流沙包流沙餡唔夠香滑，麵包皮都算柔軟，普普通通。布拉白腸粉腸粉幾滑溜，唔算好薄但食到有少少米香味，加埋豉油、甜醬、豆瓣醬、咸咸甜甜唔錯😋紅棗糕推薦👍🏻食落有香甜既紅棗味，口感煙韌有層次🤤甜度適中。沙爹蒸魷魚有好多沙爹汁同蒜粒，非常惹味😋唔會太油，咸味適中，魷魚爽口吸味。香芋鴨腳扎芋頭好香好粉糯😋，鴨腳同腐皮都幾夠味，略嫌油左少少。白灼菜心菜心幾嫩，爽甜無苦味😋整體來講，點心質素都ok，個別仲做得幾唔錯，唔算好油好咸或者太甜，比好多酒樓來講，相對較為健康。

半島午晚都試過，食物唔錯。 今日周一放假特登同愛人去試下早茶7-11:29。9點前都係等1-2張飛(5分鐘)嘩原來1-2人全場搭枱，咁比多個茶錢$8 攞張私枱啦而且搭檯冇膠板格開，硬係唔知點咁 醒晨孖寶：蒸飯味道可以但唔夠熱涼瓜煎魚餅，啖啖魚肉，好味(共3塊）燒賣皇三粒 ：比平時大粒dd，食得出多蝦膠，味道咬口幾好，係個樣唔得囉雞粥食得多，見有「招牌鮮鵝生滾粥」試試佢第一啖入口...粥稍稀+重玫瑰露酒味+重師傅鵝肉碎上骨多肉韌帶羶味.... 冇下次都係食燒鵝罷啦！後記：早市特價點心唔太多，但小、中點算多，點心唔錯，雖然樓底低比較嘈，早茶都飲得過。

是日晚餐！叫左全包二人餐及加$1既乳豬，上菜快到好似一早煮好晒裝出黎咁，全部暖既，淨係得最後既炒飯感覺即炒，唉…… 整體既味道亦差左，D乳豬有陣唔好食既豬味，到最後既糖水連紅豆沙都唔係，係冬瓜薏米糖水，感覺奇怪，見到都唔想食…… 無論早市既點心及晚市既套餐質素都下降到令人失望……

星期一至五早茶到11：29， 實在時間充足，吹水好地方， 食品質素優良， 價錢合理， 粟米魚肚粥竟然有四小塊 魚肚 實在太美味 ，燒腩卷 充滿 油脂不膩， 芋頭 香粉， 煎腸粉及孖寶抵食， 茶錢8元 ， 還免收 加一 ，下次再來

每個星期放假最鐘意黎飲茶🫖食咗幾個月，食物依然保持水準。而且足料💯➰之前叫叉燒腸超足料，今次試吓點牛肉腸，入面啲餡都係一樣好多牛肉餡😍➰蜜汁叉燒包鬆軟嘅麵包配上多汁又大塊嘅叉燒真係滿足到呢好欣賞呢間酒樓無論叫蜜汁叉燒包抑或蜜汁叉燒腸，叉燒質素份量都係好足而且味道好，真係好耐冇食過咁好食嘅叉燒包出面食到嘅叉燒包好多都係加咗好多肥肉，而且用唔新鮮嘅叉燒又冇乜汁。所以食到呢個禁足料又好味嘅叉燒包真係值得入嚟食其他嗰幾個例牌必點嘅點心都係醬汁好夠而且又唔會過咸

呢間嘢真係愈做愈差，嘢食啲味道已經每況愈下，仲要大堂環境都唔理想，周地紙碎冇人掃，一到3點個個趕收工咁，冇人理，搵人叫壺茶呢啲基本嘢都等好耐，難怪愈來愈少人幫襯，最重要係啲部長一啲禮貌都冇，點左嘢食，賣晒又唔出聲，搞到一直等，最火係問返先講一句話賣晒啦，就算！連唔好意思都冇，同啱啱開張時已經完全唔同晒！大家唔好中伏！下午茶都已經係咁樣，晚市個啲幾百蚊一位嘅火鍋放題，真係貼錢買難受，仲話集團經營，比一啲細酒樓仲差

今日去飲茶，唔使等位，直入，原來呢間酒樓都幾大間，茶客亦不少，枱與枱之間非常密試咗幾款點心：蝦餃：蝦餃皮非常粉，明顯澄麵不足，蝦肉都大隻，分量亦多，不過唔夠爽口彈牙同新鮮，亦都冇乜筍絲增加口感鮮蝦菜苗餃：呢個俾蝦餃出色，有好多菜同埋蝦肉，蝦碎上嘅，加埋菜非常飽滿，不過比較鹹牛柏葉都大份，不過冇咩特別，都係好夠鹹可能知道啲點心比較鹹，所以個炒飯就冇味道嘅，我哋叫咗瑤柱蛋白炒飯，連蔥都慳住落，鹽都慳返，唔係有啲瑤柱絲，個飯一定係冇味道，唯有食件咸點心做餸

21/7/2022 我在天水圍店飲茶一個女樓面（戴住立體藍色口罩，著她緊短裙，短直髮中年）我請佢幫忙開茶，佢叫我搵其他人，咁佢忙緊我理解咁我等左陣都未見到有其他樓面經過，剛剛的女樓面已招呼完客人經過，我問她頭先係咪已經已幫我落單開茶，她話未落單，我見她已空閒 ，請她落單。她又叫我搵其他人。 依個樓面呀姐完全無視我樓面員工的待客態度散慢只推俾其他人做即使她已有時間而食物方面：牛柏葉不太新鮮味道很淡奶皇包尚算可以👌🏻蟹子燒賣普普通通潮州粉果尚算可以雖然食物質素算OK既但服務太差喇 可以改進一下而且集團的官網反映意見的功能壞左 多次輸入了資料都sent唔到出去

之前同一班人去呢間酒樓食飯，睇落款式好多，但野食係貴精不貴多。豬手煲OK算可以食，但份量就唔多，同埋偏鹹。牛肉片好大碟，味道都算好，有時有幾塊會好韌咬唔爛。鵝掌鮑魚食唔落，鵝掌尚且可食，但鮑魚表面有少少唔乾淨。水餃好足料，皮薄餡多，值得一試。跟住海鮮都中規中矩，蝦魷魚蜆青口帶子等基本海鮮都會有，三文魚等其他魚類都有供應，反而我覺得海鮮係最好味。其他例如菜類或者響鈴等都OK，但真係普普通通冇咩特別，就同食開個D茶樓酒樓一樣。價錢都唔平偏貴，環境算唔錯，服務麻麻。

星期日嚟到天水圍同家人飲茶，嚟到呢間酒樓，發覺午市等枱都係等六張，就決定等呢間鮮蝦菜苗餃：果皮好食，唔會太淋，有好多菜同埋蝦肉，好飽滿，每一啖都有蝦同埋菜，非常滿足沙嗲蒸魷魚：好大碟，嚟到見到係水魷，有啲失望，本身認為鮮魷比較夾啲，點知食落個沙嗲醬好香，同水魷幾夾，水魷又唔un ，幾好雷沙湯丸：黎到見到佢細細粒，有少少歧視佢，點知黃豆粉包住嘅湯圓，入邊居然有餡，仲要係咬中間會爆出黎嗰隻，朋友講起先知佢嗰粒係花生餡，原來係花生同芝麻每樣兩粒，有驚喜至於鳳爪同叉燒酥就比較正常呢間嘢食物水準不錯唔使點等咁多張，估計係因為佢入邊真係好大間