半島漁港/阿翁火鍋館

Open Now

Now Closed

今晚和朋友到這間酒樓吃飯，叫咗個上湯美洲龍蝦伊麵，金銀蛋時蔬套餐，加沙嗲粉絲牛肉煲，原隻菠蘿咕嚕肉，個菠蘿咕嚕肉非常腍冇咬口，龍蝦伊麵難食都算啦，最過分係個沙嗲粉絲肥牛煲啲肥牛非常硬咬唔開同酒樓經理投訴，經理話換過啲粉絲蝦煲，點知個粉絲𧎚煲，用返之前退回的煲仔，拎走牛肉，擺番啲蝦同一堆芡汁落去，賣相非常酸，非常難吃，我都唔知點形容，我地吃不下去，唔會再投訴啦，我覺得好無謂同佢投訴嘥我哋時間，我地不會再來這間酒樓吃飯，我會通知親戚朋友不要去這間酒樓吃飯，免得嘥錢，嘥時間同埋食啲唔好食嘅食物

極品難食火🔥煱，海鲜冇味冇道，唔新蘚，魚生又細又小，鵝掌鲍魚(暖)，牛肩脊 平平冇驚喜， 脆肉鯇 又嚡 又難食 ，白鱔片 又腥 而雪到無味，蝦滑墨魚滑賣相好睇唔好食，連汽水啤酒都唔夠凍，無限時任食垃圾，極上驚喜❗

我喺呢度外賣半隻雞，返到屋企成個雞背脊唔見咗，雞胸得三舊，底下比師傳取走咗嘅雞件用雞腳頂上，大家斬料加餸要小心。另外隻雞唔熟 啲脾肉仲粉紅色 第一個師傅斬完就比隔籬個師傅，第二個師傅唔知係個砧板做咗啲乜，再過咗幾個外賣Number先至返轉頭叫我，返到屋企先知原來隻雞俾人取走左咁多舊肉，應該就係當時做咗手腳，估唔到咁大間公司竟然為咗慳啲材料錢咁樣取走客人的東西造成飯盒賣俾第二個客 。 而家飲食咁差都夠膽咁樣做生意！！

晚飯時間，見到呢度做緊晚市優惠，好似幾抵，所以就去試下因為呢晚係星期六，所以係$88三選一款優惠，覺得都ok，所以叫咗$88 極品BB豬，另加咗個海皇粉絲雜菜煲點知一上枱，碟BB豬細碟得可憐，得6片咁大把，原來所謂BB係指碟嘢的份量，簡直少得可憐，的確有少少被騙感覺😑其實咁嘅價錢咁嘅份量，食物質素又唔係特別好，計埋茶芥加一都將近$300，真係唔好怪依家咁多人選擇北上或去外地飲食同消費啦！應該冇下次了！☹️

食物差,重慶雞煲冇味,海鮮不新鮮,羊肉發黑,豬潤又係黑色,豬肚似湯渣。環境一般, 全場有一台玩十三張, 可能適合啤牌 猜枚。最失敗一次,早知去柴灣 家嫂 。$298食d咁食物, 太差了。

今晚即興食個二人任食火鍋，落樓590。揀咗湯底之後有五款食物係一定會有嘅其他就係自己落單嗌啦不過雲吞同阿翁牛肉嗰啲係要另外俾錢。刺身就正正常常冇乜特別海鮮呢，可能我煮得太耐冇乜驚喜好普通。反而另外叫嗰啲丸全部都係手打嘅，蝦滑豬膶冼片呢啲就真係幾新鮮喎，炸魚皮都好食。基本上我哋食完佢一至五碟必有嘅食物之後都已經好飽，肥牛叫咗一碟真係好肥，唔想再食第二碟，但係送一碟嗰隻阿翁牛肉就真係好正有牛味脂肪分布好均勻超好味。飲品款式同埋出邊去拎嘢食，例如腸仔菜嘅款式都唔算太多，都係用OK你都形容，整體嚟講呢個價錢又坐得舒服，最重要係「冇限時」都算係幾好。但當然算不上係非常好食嗰隻啦最後評論就係中規中矩OK啦。

一個月總有兩三次會過來食第一就係因為一個價錢已經包咗好多嘢食，第二環境夠闊落～ 268已經包咗任飲任食海鮮火鍋、一碟手切肥牛、刺身拼盤，裏面包括（三文魚，日本魷魚、希靈魚、北寄貝、有時仲會有埋甜蝦）、至尊水餃、同埋非常開胃嘅蠔皇鮑魚扣玉掌！有時會係花膠。一路寫食評，我已經流晒口水我哋去親都會食芫荽皮蛋湯底，因為老實講雞煲同埋沙嗲湯底真係麻麻地，雞煲肉質非常老，但呢個價錢係抵食嘅。因為一蝶手切肥牛已經回本，仲有任食任飲呢～

星期日，海港full，先黎呢度因為想食皇帝蟹叫左個半席全包宴1888好快就來了半隻小乳豬一人都分到1-2塊好快來了個皇帝蟹「殼」伊麵每一條粗粗的蟹殼，都望落是空心的努力咬開，只有梅梅的小小的肉碎像是別人吃剩的蟹殼，或是死了很久仔海鮮開左呢個頭，已經一肚氣無心情埋單1900，值嗎？之後的龍躉，荷葉飯，節瓜葡就算味道可以都已經冇晒心情我們一家又習慣唔鍾意即場換送，驚之後食的食物會被加料所以只好在此分享，警惕世人。最後，侍應收拾桌面換上糖水和生日蛋糕時她收拾的聲音看出她比我替媽媽收拾更不情願每下都是晦氣地把餐具掉在一起好像我們全家得罪了她。

我與家人半島漁港飲荼, 短短1小時多就"享受"到酒樓服務既4個問題:1. 我與鄰座的座位之間通道狹窄, 酒樓職員直接推食物車撞到我的坐椅, 在我突然受驚時, 佢再"噯"一聲及用眼神叫我讓開, 撞到客人但完全無道歉, 然後直接走人, 過程極不尊重客人.  當日有小朋友在場, 若當時撞到的不是我而是小朋友, 小朋友可能已嚇哭了!2. 明明枱中間的圓盤有位, 但上菜職員直接放食物在兩客人之間的枱上然後走人3. 同樣地, 明明圓盤邊有位, 放食物可以方便客人夾餸, 但上菜職員貪方便, 將食物放在圓盤中央4. 有食物隔了很久都未有上菜, 我們問職員 (應該是經理級!) 時, 職員推卸責任, 無幫手追不特止, 更要我哋再等等 (無話要等幾耐), 總之就係無止境地等, 忍唔住時才再搵佢跟進.  最終我哋再等多10分鐘才上菜另外, 我將以上事件作投訴, 但原來半島漁港既投訴電郵係廢既, 根本send唔出. 我再到半漁漁港既社交媒體網站作投訴, 18號到今日27日, 無人覆無人理, 正垃圾!

放假黎到屋企附近既酒樓同屋企人飲下茶，叫左菜心、流沙包、棉花雞、豬血、燒賣、雞包仔、魷魚。基本上野食都正正常常，屋邨酒樓黎講叫左冇伏。特別魷魚整得唔錯。職員服務不錯，可以加濃茶。

對於酒樓額外有酸菜收菜收費感到十分不滿去到結帳時發現有兩碟酸菜收費感到奇怪 明明並沒有進食酸菜 職員表示賬單列明所謂酸菜是花生米🙄而且不要酸菜無法用享用燒鵝優惠價$168 要用正價$238 我不滿的地方是侍應並沒有提前告知酸菜要額外收費 同埋碟酸菜同燒鵝優惠價是捆綁式消費 面且餐牌沒有列明該收費細節 變相是強制消費 職員服務態度惡劣十問九不應 根本沒有服務可言 食物水準差 收費不透明 強制消費者要為兩碟酸菜埋單 坦白講食到一肚氣不會有下次 差評

天水圍有好多酒樓，但做到成日都有人排隊呢間算係幾成功上星期媽咪好早黎左送我仔返學，消磨時間最好嘅方法就係飲茶，飲茶先可以坐耐啲。我地9點左右去到，都還好不用排隊，但都坐滿哂人。我地仲大鄉里到自己走入去揾位我見知客無叫停我哋，以為未full就唔駛帶位，太耐無飲茶了，唔知規矩。呢間酒樓要撘枱的，我哋得兩個人難免要同人share，我哋叫左3樣野粥+鴨腳扎（孖寶），燒腩卷。食物味道正常，如果個粥可再熱啲就更好。佢啲點心都算大，唔會好細粒咁，燒腩卷幾好味。對比食物份量同價錢，我覺得性價比幾高，真係唔貴，難怪咁多人飲。呢度唯一一樣係人手不足 ，我諗間間酒樓都面對呢個問題，呢度面積又大，咩都要等下，好彩佢有個熱水壺係枱，自己加水。我哋飲左一個鐘左右，10點出到黎勁多人，好多人等緊位，呢日係平日黎，天水圍嘅消費力都唔講得笑，唔係間間屋村酒樓都可咁多人，佢有咁多人幫襯一定有自己優勢。

早茶 07:00 -11:30 小$15.8 中$19.8 大$23.8 特$26.8 頂$29.8香芋鴨腳扎 $23.8好味指數 2.5/5 🍭🍭🍬原隻鮑魚燒賣 $38.8好味指數 3/5 🍭🍭🍭鮮蝦菜苗餃 $23.8好味指數 4/5 🍭🍭🍭🍭極品流沙包 $19.8好味指數 4.5/5 🍭🍭🍭🍭🍬潮州蒸粉果$15.8好味指數 3/5 🍭🍭🍭鮮竹牛肉球$19.8好味指數 4/5 🍭🍭🍭🍭四寶滑雞扎$26.8好味指數 4/5 🍭🍭🍭🍭蜜汁叉燒腸粉$23.8好味指數 4/5 🍭🍭🍭🍭香脆鮮奶卷$22.8好味指數 4.5/5 🍭🍭🍭🍭🍬整體好味指數 4/5 🍭🍭🍭🍭{整體黎講這間飲早茶都不錯 點心即叫即整 上菜時間又快 每樣都好新鮮 最喜愛香脆鮮奶卷和極品流沙包 香脆鮮奶卷外表香脆 皮很薄 入面既鮮奶有香甜既奶味 極品流沙包 咬一口滿滿既流沙立即流出 餡料飽滿又香甜}

朋友之前去過，話好抵食，就決定親身去試吓。星期六、日公眾假期都只係$298，仲要無限時，晚上八點後入座仲有八折添！今日聖誕節正日，一家人去左食，八點後完全唔洗等位就入得座了。上菜速度好快，一下子已經上晒啲菜了，有刺身拼盤，共有四種刺身：三文魚、希靈魚、墨魚、甜蝦，刺身都算新鮮。蠔皇鮑魚扣玉掌（即係鴨掌)好入味又唔會太咸，羊腩鍋有好多羊腩（鍋底有好多款可以揀的，例如豬骨鍋，辣雞鍋，普通火鍋嘅湯底都有）海鮮拼盤，新鮮度一般極級牛頸脊，牛頸脊油脂分布均勻，好新鮮其他配料都係自己出去任拎的，有好多款，例如：魚皮，丸，雲吞，魚雲，肥牛，鵝腸，蔬菜等等，多不勝數。另外，飲品都係自己去雪櫃任揀的。總括嚟講，每人唔洗$270就有無限時的任飲任食海鮮火鍋，真係食到飽到頂上心口😄

新年期間同親戚飲咗個午茶，去到見到，有個部長好勤力……地𢭃利士，見佢檯檯都去，𢭃唔到就唔走，𢭃到就即刻走，跟住人哋舉手都扮睇唔到🫢，不過，新年唔𢭃又幾時𢭃丫，廢話講完🤣，我哋叫咗魚肚鮮竹卷、黃金煎堆仔、鮮蝦腸粉、極品流沙包、安蝦咸水角、水晶蝦餃。⭐️魚肚鮮竹卷$32.8 好食，魚肚滑⭐️黃金煎堆仔$28.8 煎堆內有豆沙餡、Size細隻⭐️鮮蝦腸粉 $39.8 腸粉較厚⭐️極品流沙包$28.8 流沙包流沙餡較稀⭐️安蝦咸水角$22.8 香脆，但較凍⭐️水晶蝦餃 $39.8 蝦餃皮厚、麻麻地