半島漁港/阿翁火鍋館

Open Now

Now Closed

食物質素ok，但係人手嚴重不足， 希望有待改善， 適逢媽媽生日， 簡簡單單食餐飯唔知係咪當日係好日呢， 除咗冇得book位我哋六點鐘已到達，可能因為有百日宴，所以人手不足?西澳🦞龍蝦伊麵🍜， 唔錯熱辣辣幾好食竹笙扒上素， 有芽菜/紅蘿蔔/粟米芯 /秀珍菇 /金針/雲耳 /西蘭花 (唔係咁熟)/ 除咗冬菇係有味之外全部都係冇乜味道🙈， 健康之選😅涼瓜斑球籃煲， 個煲都熱辣辣 今次啲🥒凉瓜， 係熟嘅好爽口瑤柱海皇羹寫菜的時候 店員已通知，啲碗碟唔夠用， 唔會換， 冇人斟水，自己去拎水壺叫咗桃包食曬成餐飯，足足等咗差唔多45分鐘先到🤪

睇過食評，有客話員工態度差，我都唔信，去試咗一次，真係差，食物一般，唔係好新鮮、好後悔，叫服務員無人回應，要叫好多次，嗰啲服務員阿姨仲大大聲叫你等吓，我食無限時火鍋，食到9:15，服務員阿姨就企喺你後面乒鈴乓啷自言自語，其實想你快啲埋單佢執枱要放工😫

將軍澳站分店服務好差……由接待處安排座位混亂，至該分店嘅最大嗰個(自稱）及經理處理客人問題嘅態度及手法，都遠低於作為大型飲食集團嘅員工嘅標準。仲有D所謂經理，嗌咗佢幾次幫手，竟然可以完全無反應（我係喺佢身邊嗌佢的）而且接待處與用餐位置嘅職員之前嘅溝通問題，亦令客人成為受害者已經喺佢地網頁及社交平台作出投訴，但幾日後都依然無人以任何方式接觸及了解投訴人，睇嚟呢間公司話有服務好嘅精神，不論裡裡外外都係得個講字……

打電話來無得book位既阿翁火鍋Weekend食328加1 任食。揀咗雞煲set..雞煲都好夠味同多辣，唔洗煲好耐就食得！隻雞都好夠肉。跟人頭送咗蠔皇鮑魚扣玉掌(鵝掌)，味唔算好濃，但都炆得好淋~再跟人頭送咗刺身都好新鮮仲有好靚既牛頸脊肉，牛味好濃同爽口再加埋一堆海鮮同水餃皇(每個有3大隻蝦，好好食！)👆以上都係送既 唔係任叫，想encore就要加錢啦！但真係食得出有分別！飲品都係自己拎另外一提就係啲姐姐既態度幾好㗎！加水落單收碟，好好態度唔洗叫

已經黎食過幾次普遍著黑衫啲部長服務態度都幾差叫加水 冇人應 叫多次 就鬧我地 叫等一陣食任食邊爐 唔知原來coca cola要收費屋企人攞左一人一罐收左錢 個部長發現我地飲可樂先同我地講要計錢其實我地都冇話唔俾返錢周璇期間 佢同事行過 又同人講我地攞左可樂其實 我地飲左咪收返錢囉 你咁多野講做咩？我又冇r你唔收費，我又冇走左去，你嘈咩？基本上每次黎 都會聽到佢地鬧啲客不過我黎係食野 唔係食服務既都想俾返個comment

朋友一家人到訪香港，最想食的就是廣東點心，脆皮燒肉，蜜汁叉燒，心心念的雪山叉燒包....午餐點餐纸款式也不小，點心上枱，整體份量大而多，味道亦不錯，而且價錢合理，非常抵食--燒賣--👍size偏大，肉質不錯--牛栢葉--👍大大片，加上葱絲，羌絲，紅蘿蔔絲蒸制，味道調教得相當不错-- 豉汁蒸鳳瓜--👍蒸制時間掌握得很好，皮滑，用花生墊底，味道調教得好好--鮮蝦腸--👍size巨型,腸粉滑嫩，蝦肉彈牙--鮮蝦腐皮卷--👍熱辣辣上枱，外皮香脆，蝦質彈牙--雪山叉燒包--👍朋友上次訪港時在添好運食完，一試難忘。返回台灣的添好運再試，非常失望，味道完全是兩碼子的事。今次再試，食完亦讚不絕口--蜜汁叉燒--👍肉質肥瘦適中，朋友笑稱在港每日也想再食一次--燒鹅燒肉併盤--👍燒鹅--皮薄肉嫩，只有在香港才能尋回這味道燒肉--皮脆肉嫩，中間夾著一層油脂，非常邪惡

之前食過南昌分店打邊爐，覺得性價比很高，有很多款式食。今次選擇將軍澳分店食。去到當然嗱嗱臨叫了雞煲，而雞煲是任叫。食完再添食。辣得來很惹味。朋友來到之後，原本雞煲就會換了個新打邊爐湯底。鮑魚好大隻。今次的海鮮同上次唔同款。無左龍蝦，即刻有啲失色。海鮮拼盤，亦都很新鮮。刺身鮮甜。牛肉香味，很好食。水餃王，每人一粒，幾粒大大粒的蝦在裏面。淨係食不是仼叫的食品，基本上都已經飽了七成。再加埋其他任叫火鍋配料。飽到十足。個個都捧着個肚走。服務員很勤力，不停加水。服務周到。最正是沒有限時。慢慢傾偈。食到差不多打烊。

【西貢區】【半島漁港】正式開始「生日飯巡禮」，本身其實呢餐就並唔係我第一餐生日飯，不過第一餐嗰餐就喺一間我已經食過嘅餐廳度舉行，因此我都費事寫嗰餐喇。而其他亦都有啲寫唔到嘅，例如喺屋企嗰啲，寫乜鬼吖，冇人想睇吖嘛。撇除咗以上嘅呢啲因素之下，呢餐又真係第一餐。我生日嘅時候多數就接近農曆新年，所以有時都會當開年飯咁食。今次呢餐都似係咁，係同電台同事食開年飯，不過節目總監派開工利是之餘請埋我哋兩位二月之星食飯咁解。講太多就趕客，入正題先，嚟得酒樓食，食點心就少不免，叫碟「原隻鮑魚燒賣」，有三件，一人一件啱啱好，不過有隻鮑魚上菜嘅時候已經跌咗，唔太雅觀。個「極品流沙包」都只係一個會流沙嘅奶黃包，唔算勁流嗰隻。而「四寶滑雞扎」好普通，叫嚟冇人吼，反而個「鮮蝦菜苗餃」好食到對蝦敏感嗰個都話要食，都幾誇張。碟「鮮竹牛肉球」普普通通冇乜特別，至於「瑤柱火腿灌湯餃」我哋一人叫咗一盅嚟食，我覺得算係可以，唔差。之後想講個「醬皇金錢肚」，幾好食，炆得幾腍幾易入口。而碟「蜜汁叉燒腸粉」係第一碟嚟到嘅食物，有米香，成件事做得唔錯。節目總監推薦呢度啲燒鵝，所以叫咗個「叉燒燒鵝飯」，我覺得係幾好嘅，未算最好囉。餐飯

今日約咗三個長輩食晏，其中一個長輩提意嚟呢間飲下午茶，話平時間唔中都會專登搭車入嚟呢度食嘢，話呢度大坐得舒服，味道唔錯，仲話呢間嘅食物比其他分店好味添。我哋點咗好多點心，不過老人家胃口唔大，其他都係我同朋友包底。燒汁煎釀茄子，新鮮煎起好味。家鄉鹹薄撐。馳名燒腩卷，裏面嘅腩肉好有份量，我哋再點多一份。黑椒牛仔骨，都好多肉，唔會大大舊骨。魚肚棉花雞球。鮮竹牛肉球。爽滑牛肉腸。蟹籽燒賣皇。家鄉鹹水角。流沙奶皇飽，流心效果滿意，味道都可以。鮑汁炆雞腳。味菜鵝腸炒河，鵝腸好爽口，唔係漂白嗰啲。濃湯水餃雞烏冬，其中一個長輩話雞無雪味，冰鮮得嚟質素好。

同朋友星期日想不到有什麼午餐好吃，我們便會去半島漁港飲下茶，都頗推介大家去半島飲茶㗎，因為食物點心全部都幾好味，比一般酒樓的質素還要高，款式多選擇，大家不妨一試！但更加值得推介的是他的晚市打邊爐，因為食物實在太豐富，一開始會有很多刺身冷盤，感覺還算新鮮的，冷盤之後還會有打邊爐、雞煲等，雞煲還算非常惹味，值得一試！而且飲品都是免費自取的！環境方面，半島是非常大間的酒樓，非常多枱，因此每次我們晚上去打邊爐，都必然會有大枱，不需等很久時間，大家可以一試！❤️❤️

Happy Friday 決定放工嚟將軍澳同同事打個邊爐🤭呢間其實都嚟過幾次，平時嚟係因為生日個位有半價，今次就冇啦😂三個人 星期五每位$328加一。一如既往7,8點左右已經滿場，咁啱有枱😆首先我哋叫咗個雞煲，唔係好辣，麻辣嘅味道幾好👍🏻之後就叫咗個皮蛋芫荽湯底，好基本啦😌反而配料我哋唔係叫好多，佢俾咗一份牛頸脊我哋，都幾好食😋同埋有三粒餃子，正正常常。另外飲品任飲，我都係飲咗幾盒冬瓜青檸😂今次嚟食唔知係咪胃口細咗，兩個女仔加一個男仔都唔係食到好多嘢🤫而且我覺得質素好似冇之前咁好，如果冇生日優惠，正價都幾貴下🫢

轉手前公司聚餐食過，可能都有同同事飲茶，但上手裝修老土，地下、洗手間唔太乾淨，中老年人多。冇辦法興趣去食。依家空間感多了，乾淨企理咗好多，霸到窗邊位當然更舒適啦～食物都好味咗少少。因為有同事，所以冇乜特別影相除咗雪山包個底有啲濕之外，其他都唔錯~~特別喜歡金菇肥牛炒河，好多肥牛!其他嘢奶皇包燒賣、蝦餃蜜糖脆雞翼、薄撐等等全部都好味~因為人多，除翻開每人先$88但食咗超多嘢～菜心都好靚會encore la!

Feb 23, 2022: 我地一行四人，坐低時侍應上咗一碟鵝掌，我地試食過覺得有酸味，向侍應反映，侍應之後告知經理，經理走來只拿走碟鵝掌，但全無表示不好意思亦無作任何補償，當無事發生。現場亦唔只我地一枱投訴鵝掌有變酸味。到我地吃完晚餐埋單後離開中，因友人行動有少許不便，行得已較慢。有個女部長忽然走來質例問我地坐邊張枱，埋咗單未，截住唔比我地走。真係好離譜。如有疑問都應問得有禮貌啲，但都係好羞辱顧客。如果有心握數都唔會行得咁慢。佢check咗我地已埋單後不但無道歉，仲自辯話點解我地咁大反應。嘢食一般，服務令人髮指，以後唔會再光顧，無謂貼錢買難受。

入將軍澳跑完個靚步，成班跑友一行8人去食1蚊燒鵝！碟野一來，咬第一淡，umm ~ 肉質鮮嫩，好juice👍🏻*真心唔係度度燒鵝啲肉都嫩滑所以一蚊黎講，呢間算有誠意！燒鵝汁非常多，再加埋有醃蘿蔔解膩，令成件事錦上添花🤓酒樓幫我哋係碟燒鵝下面點蠟燭keep溫，算幾有誠意！👍🏻呢碟野可謂「性價比」嘅極致！🤪*ps : 要夠8個人先可以$1燒鵝因為我地呢次係等齊人先上碟😂半島漁港（將軍澳店）評分：90/100

話說今日放假，無聊聊唔知有咩做，老公建議去飲茶🍵，其實將軍澳區有好多酒樓，位於將軍澳廣場呢間，經常行過都見到門口超多人等位，所以今日一於試一試，下午茶時段2點🕑到4點🕓, 好在2個人好快有枱，下午茶當然有特價點心，小食, 唔少得當然係燒鵝奶粉！兩個人點了八樣嘢，茶介每位$8燒鵝瀨粉 $23.80瑤柱火腿灌湯餃 $23.80鮑汁雞腳$23.80半島水晶蝦餃$30.80燒賣王$27.80潮州粉果$17.80鮮竹牛肉球$21.80蜜汁叉燒腸$24.80食物方面樣樣都中規中矩，個人比較喜歡燒鵝瀨，鮑汁雞腳，點心上餐速度算快，清台次數易頻密，感覺良好總結💝：埋單$231, 超值👍， 新裝修，樓底又高又開揚，唔會太嘈，下次會試打邊爐或者晚飯小菜！