半島漁港/阿翁火鍋館

Open Now

Now Closed

今日同阿媽去打邊爐知道呢間酒樓一向高質就決定入去試下$298就可以任食高質食材另有仲有每人一份精選食材包括鮑魚，刺身，牛頸脊等非常抵食食材亦有好多選擇蠔皇鮑魚扣鵝掌鮑魚同鵝掌好入味肉質軟淋牙力唔好既老人家食都無問題阿翁極級牛頸脊2人份量，但都好大碟！油花分布好靚，淥10秒就食得油香爆棚，非常好食刺身拼盤有三文魚，北寄貝，墨魚同希靈魚好新鮮，作為前菜好開胃環球海鮮盤非常豪華，全部都好新鮮好滿足火鍋配料其他配料都好高質，芝士腸爆槳魚皮餃皮薄餡靚貢丸美味

好耐無打邊爐，咁啱今次喺將軍澳廣場做完嘢又見到有阿翁火鍋館，咁就食埋先返屋企。知道將軍澳廣場呢間阿翁火鍋館係新開，但未夠7點都已經7成滿座，好彩我兩個人都好快有位安排到比我哋。今次火鍋就先點咗個雞煲，食完雞煲先慢慢再打邊爐。雞煲嘅味道夠哂麻，絕對啱哂我口味，不過就咸咗些少，可能要預埋個汁嚟打邊爐。食完個雞煲後就開始打邊爐，除咗一般基本打邊爐配料任食之外，另外再有一碟牛頸脊、水餃皇、蠔王鮑魚扣鵝掌同埋一個海鮮拼盤，包括有海蝦、蟶子、帶子、青口、生蠔同埋龍躉片。海蝦就好鮮甜；蟶子爽口彈牙；龍躉片肉質嫩滑，其他嗰啲就無咩特別。牛頸脊就真係好味，見到佢嘅油花已經流口水，肉質鮮嫩爽滑肉味濃郁，真係無得頂！而個至尊水餃皇真係超大隻，入面嘅蝦又好鮮味彈牙，其實食埋呢隻餃已經好飽了。真心覺得超值！

暑假到，假期mood, 係時候出去食晚餐休息下！平日去開此商場樓上的日式超市，偶然發現開咗一間酒樓，所以決定嚟試吓。酒樓地方寬躺，裝修華麗高貴。我坐的位置，有不錯的景觀！如此高級的酒樓，竟然發現有一蚊雞！菜式選擇很多，而且價錢合理。點了一蚊雞，上菜的時候有點驚喜，因為分量多，而且味道鮮味，鹹淡適中！而且調味絕不馬虎，拌送姜蓉和紅蔥頭豉油。由於我家老闆喜愛煲仔菜，所以點了他最愛沙嗲粉絲海蝦煲，大蝦大大隻十分新鮮，而且數量很多，保守估計起碼有一打以上隻，比一般酒樓抵食夾大件。由於平日在家中很少煮芋頭，但我又好鍾意食芋頭，所今晚決定放縱一下，來個香芋扣肉煲，扣肉淋嫩美味，半肥瘦簡直完美，配搭芋頭質感粉口，烹調掌握時間十分恰當，總之就是滿分！是晚三個人吃飽飽也只是了$300，性價比高臨離開嘅時候專登走去海鮮魚缸觀摩一下，海鮮游水十分新鮮。下次大時大節日或慶祝日子，可以在這裏吃個海鮮大餐！

今個月既好友聚會走咗嚟將軍澳廣場，去返上次打邊爐唔錯嘅半島漁港，今次就選擇食中菜，餐牌都有好多款式，有平民化啲又有貴格啲既食材任君選擇 ，我哋就點咗個晚飯三寶包括～1) 燒腩仔 ☆☆☆☆2) 美極煎鮮蝦 ☆☆☆☆3) 龍躉兩味-蒜子果皮蒸頭腩☆☆☆☆☆👍🏻 -油泡龍躉球☆☆☆☆再追加咗4) 沙薑豬手☆☆☆☆5) 芋頭扣肉煲☆☆☆☆☆👍🏻6) 至尊燒鵝皇($1堂食優惠)☆☆☆☆☆👍🏻今餐真係好豐富，每款菜式都用心同誠意製作，特別推薦: 龍躉兩味用料新鮮火候剛剛好👏🏻👍🏻😋同燒鵝皇比起出面出名食燒鵝嘅深井有過之而無不及，個芋頭扣肉煲一樣好食冇得輸，食咁多嘢成餐都係六百零蚊，真係好超值又抵食👍🏻👍🏻😋 最重要係質素高。總結: 整體食物，環境，店員服務都好好(時常來換骨碟同加茶壼既滾水)，這間半島漁港絕對有下次同值得向大家推介😋😋

前幾天看到在將軍澳廣場1樓這間半島漁港/阿翁火鍋館剛剛開張, 於是便去預訂了今晚的任飲任食的海鮮火鍋晚餐。剛剛進入店內, 可以看到裡面寬敞開揚, 富有空間感, 不會令人覺得焗促。冬瓜瑤柱鍋每次打邊爐我也愛揀選味道較為清淡的湯底, 因為這樣可以盡量保持到新鮮食材的原汁原味, 而且冬瓜加瑤柱湯底清甜清新, 可以令生猛海鮮的鮮味提昇了不少。刺身拼盤吃海鮮火鍋還可以品嚐到少許的刺身, 體驗算是不錯。三文魚, 日本魷魚, 希靈魚及北寄貝這些大路的刺身款式絕對合你心意, 而且作為火鍋店裡的刺身, 質素合格有餘。阿翁極級牛頸脊牛頸脊的質素很好, 可以看到油脂分佈平均, 呈雪花形, 放在湯底涮的時候令受熱更平均, 放在口中油脂迅速融化, 鮮甜嫩滑無比, 香氣四溢。蠔皇鮑魚扣鵝掌真想不到打邊爐竟然還可以吃到鮑魚加鵝掌, 芡汁濃度適中, 質素方面跟傳統酒樓很接近, 算是有驚喜。環球海鮮盤海鮮種類款式繁多, 重點的是極為新鮮, 海蝦串還可以看到海蝦在跳動, 放落清甜的湯底, 完全能品嚐到本身海鮮的鮮甜味。至尊水餃皇每人一件至尊水餃皇, 皮薄餡料豐富, 數一數起碼見到有3隻新鮮大蝦。鱔片鱔片因為一般價格比較貴

之前食過任食火鍋好正，今次就試埋晚飯小菜，四個大男人六點去到攞位入座，睇完餐牌我哋就叫咗個晚飯$398有：美極煎海蝦、燒腩仔、龍躉兩味(蒜子果皮蒸頭腩&油泡龍躉球)、芋頭扣肉煲$98、沙薑豬手$68另外再用$1加咗個晚市堂食優惠(至尊燒鵝皇)，跟住食物好快陸續上枱，先嚟個燒鵝皇，皮脆肉嫩好食，仲帶有好香濃嘅鵝香，個芋頭扣肉煲好食份量亦好足，每一塊扣肉同芋頭都好大塊厚肉炆得又夠淋，唔似出面啲酒樓咁又薄又細塊，我地忍唔住要即刻每人叫返碗白飯嚟餸tim，另外嘅菜式同樣出色，龍躉兩味個蒸頭腩蒸得啱啱好唔會過火，魚肉嫩滑好有骨膠原，油泡龍躉球一樣整得啱啱好唔會話油冧冧，魚塊又厚肉又嫩滑， 啖啖肉送酒一流，呢個龍躉兩味嘅煮法完全突顯倒廚房師傅嘅功力，其他小菜亦有唔錯嘅水準，食到最後仲有糖水(紅豆沙)送，呢間《半島漁港》無論服務同埋食物質素都好高質，唔怪得連平日嘅晚飯時段都坐無虛席la

呢間餐廳火鍋真係好唔掂一開始就食左個雞煲先，d雞既味都唔係好濃，味道都算係正常既，但係一到火鍋就黎料。首先，d 職員唔知頭唔知路，就加左水落去個雞煲度.... 搞到個湯勁淡味。之後先同我地講話原來可以加湯....比佢搞到個湯無晒味，咁我地問佢可唔可以換過一煲比我地，仲話要加$20.... 算啦，佢話加返d雞比我地，咁個湯可以濃返味..我已經對呢間野無希望之後叫我地又叫左個玉子豆腐，點知食落口係臭既.....我都己經費事同佢嘈，叫佢收返埋碟野就算到之後食左個佢送既一個餃子... 入邊包送一塊透明膠比你.... 同部長講左，佢都係hehe haha 帶過算....呢間野永不幫襯啦

新開店! 新鮮感!將軍澳區較少集海鮮火鍋，重慶雞鍋，無限時任飲任食嘅火鍋店，今日終於抽空到阿翁火鍋店試一試。首先送上刺身拼盤內有三文魚，日本魷魚，希靈魚和北寄貝， 略嫌款式唔算多， 味道總算新鮮。 幸好今日精選食材是蠔皇鮑魚扣鵝掌， 大大隻鮑魚口感十足，鵝掌富膠質最啱女士們補下，絕對啱食。 由於我同媽咪都口闊肚窄，決定放棄雞煲全力進食火鍋。先上枱有環球海鮮盤， 內有海蝦，聖子，貴妃蚌，龍躉片，大青口同埋生蠔， 據職員表示海鮮是每日下晝三點新鮮運到，必定係時令海鮮，我們絕對認同， 食得出係新鮮食材 ，鮮甜好味 。我哋選擇咗鴛鴦鍋，內有滿滿嘅芫茜同埋濃味沙嗲湯底。值得一提係阿翁極級牛頸脊， 唔會太多肥膏， 但係肉質嫩滑，重牛肉味， 兩位以上送一大碟，真係一大碟，份量十足。另外至尊水餃皇雖然係每位一粒，超大超彈牙嘅水餃皇真係一試難忘，好好味。 任食配料選了美國雪花肥牛，大魚頭 ，脆鯇片，鳝片，羊肉片，黑豚肉，四寶丸等.......阿翁火鍋館喺上個月開業，環境寬敞，員工都好積極招待和收拾碗碟， 绝對值得一試。

半島漁港因新開的關係，推出很多晚市1蚊雞，我同呀妹欣欣特別去一探究竟，因為同事們都話超抵食!我們2人叫了椒絲腐乳炒通菜，真的很大碟，而且鑊氣十足，很香口又勁惹味，我們很喜歡!馬拉盞豚肉芥蘭煲很入味，而且芥蘭炒得很爽口，又辣又正，我們吃光光了!一蚊竞然可以order燒鵝四分之一隻，又香又濃又大碟，而且還有鵝脾，我吃到心花怒放，我自己覺得一蚊嘅燒鵝有如此(正)嘅質素，真的可以保持水準，而且皮脆肉嫩,今晚真的大滿足了!

老仔呀B話今日唔想煮飯，佢話最好街食，將軍澳廣場近日開了一間超大的半島漁港，平日晚上晚晚爆滿，所以今天晚上準時收工吃親飽!環境超光猛而且己坐得8成人，我們很好彩有一個窗口位!有4成客人打边爐，但我們反而想食特惠孖宝的上湯焗海蝦伊麵底配鹽燒大連鮮鮑!我們等了十五分鍾，上湯焗海蝦伊麵底熱辣辣上，海蝦一点也不欺場，有8到1O隻舖在伊麵上，而且伊麵也很多汁，老公吃了一口己說海蝦十分爽口，而且伴伊麵來吃，味道很香，我們也吃光光了!另外鹽燒大連鮮鮑火喉燒得很香，而且鮮味彈牙，很有鐵板燒的感覺，這個套餐才288元，難怪客似云，真的抵食!

尋日一家人去將軍澳行街喺將軍澳廣場睇完一個以荔園做主題既展覽，喺附近見到一間叫【半島漁港/阿翁火鍋館】並標榜無限時任食火鍋，老公又話想打邊爐，所以今晚晚飯決定選這兒了，一行四人到達後立即安排入座，店員亦很有貌，現場環境唔錯新裝修地方又大，坐低後侍應好快將調味料拼盤送到枱上，嘢飲方面就有兩個雪櫃有啤酒、汽水、烏龍茶自取，嘢食方面我地叫左個重慶雞鍋(啲雞件香口味美 辣度適中 最重要係冇限添加 正👍🏻)、招牌手切牛頸脊(限量供應)、羊肉片、美國肥牛片、鵝腸、墨魚滑、魚皮餃、脆鯇片、白鱔片同竹笙……等等，整體食物質數好有水準，特別推介手切牛頸脊，真係好鮮甜好有肉味肥瘦適中，再加埋每人一客鮑魚鵝掌、至尊水餃皇、刺身同豐富海鮮拼盤等等，真係一餐非常滿足的打邊爐👏🏻👏🏻整體食物，環境，店員服務都好好(時常來加湯同收碟)，這間【半島漁港/阿翁火鍋館】絕對有下次同值得向大家推介😋😋😋

將軍澳廣場新開左間阿翁火鍋，呢度嘅火鍋好抵食$298就有豐盛海鮮拼盤，再加火鍋任食環境好闊落，仲有好多張檯，唔駛驚要等位蠔皇鮑魚扣鵝掌坐低一陣，就端上呢碟鮑魚鵝掌，仲係出煙熱辣辣的！鵝掌屬貴價菜式，呢度係真材實料用鵝掌炆得好入味，又夠腍鴛鴦鍋我哋揀咗鴛鴦鍋，皮蛋芫荽拼沙嗲湯底！皮蛋芫荽湯底夠清新，仲加左我鍾意食嘅馬蹄勁正。沙嗲湯底就不過不失，不過滾耐左就有癡底的情況，需要經開攪拌！至尊水餃皇水餃勁大隻，中間全部都係蝦隻，口感好爽彈，水餃皮又夠薄極級牛頸脊呢個牛非常靚，脂肪分布好平均食到好濃嘅牛味，肉質軟滑得黎，仲有啲彈口估唔到係呢度可以食到咁高質嘅牛環球海鮮盤有龍躉魚、海蝦、蠔、青口、帶子、蟶子好豐富又新鮮海鮮洗得好乾淨，蟶子好爽甜，我哋掌握時間啱啱好，完全唔韌帶子都唔野小，好大隻呀第一次食到熟左帶子嘅甜味證明夠新鮮！黑豚肉牛肉出色，豬肉都唔錯！口感好軟滑，完全唔肥膩四寶丸係手打丸黎架特別好食！其他火鍋配料都好新鮮呢度嘅火鍋好高質呀

夜晚屋企人想食中菜🔥，所以就黎左半島漁港食啦🥳首先要介紹嘅係呢度有$1燒味食⭐️，真係超級抵，有至尊燒鵝王、海南文昌雞、紅燒bb鴿😝。我地就揀左至尊燒鵝王，個皮真係燒得好脆😌，而且燒鵝都超級肥美❤️。另外我地仲叫左自選燒味拼盤😛，有半島香妃雞、蜜汁叉燒王，兩樣同樣高質😗，貴妃雞本身好夠滑，而叉燒仲要係我最愛嘅半肥瘦叉燒💕，夠曬惹味。蔬菜方面就叫左馬拉盞豚肉炒芥蘭煲🥬，用左馬拉盞炒食落更加香🤤。

一個不用400元，可以食到的3寶晚市優惠餐其中有貴價龍躉兩味、美極煎海蝦、燒腩仔，簡直是匪夷所思，加一蚊仲可以有文昌🐥、紅燒BB 鴿、至尊燒鵝王選一款，真的是超……超值，可以在新開張的半島漁港食到，真開心地方闊落，環境乾淨衛生龍躉第一味 - 炒球魚多過菜，真是少見，仲係大大件超厚龍躉無骨腩，魚脂豐富滑溜，入口滋味無窮，啖啖肉第二味 - 清蒸魚的純鮮味盡出，新鮮彈牙這二食，在其他酒樓單點差不多要250到350，所以一定要試下，抵抵……美極海蝦美極鮮露煎香，上枱已經香氣四溢，蝦肉鮮嫩，越食越好味燒腩仔肥瘦均勻，特別是皮的部位，香脆可口，和老公讚不絕口加一蚊，有半隻雞文昌雞皮薄肉嫩唔肥，雞味特濃，就算是夠餸都要叫呢餐抵食，味道好，一定要介紹比朋友共享

今日去開將軍澳見新開左呢間酒樓就同朋友去試下啦。首先我就叫個小菜，醋撈海蜇，味道酸酸地好開胃，而且海蜇又好彈牙。主菜方面，我就揀左個京蔥醬爆安格斯肥牛，呢個菜式真係好夠香，特別係京蔥同肥牛再配上醬汁好夠惹味。另外，滑蛋炒蝦球同樣地好正，蝦球真係好大隻，而且份量又好夠多，最正係d蛋炒得好夠滑。今日受到經理推薦就再叫左個豐料老火湯，個湯真係好足料，淨係睇d湯渣都見到個湯真係好豐富，而且味道都好夠濃郁。