遊園

Open Now

Now Closed

“芫茜湯牛丸,墨丸及潮州魚片湯米線”($72)“芫茜滑蛋煙三文魚三文治(加烘底)”($45+2)芫荽係一樣令人又愛又恨嘅嘢🤣唔鍾意芫荽嘅朋友可skip😂隨住香港芫荽黨嘅興起突然發現自己食芫荽嘅level只係bb班😂入咗黨之後就成日搵邊道有芫荽嘢食😛今次就嚟咗喺戲曲中心食芫荽大餐😝下午茶時間嚟到搵極menu都唔見碗芫荽麵原來供應時間係lunch hour 11:30~14:30不過店員都好好話可以照整比我🥺呢道嘅芫荽麵以前係用車仔麵嘅模式宜家就set死咗冇得揀餸所以配料只得牛丸,墨丸同魚片麵底就可自選米線/河粉/拉麵見店員拎過嚟嗰吓已經心心眼😍因為係有一座芫荽山仔喺個麵上面😆首先試一試個青bb嘅湯底芫荽味比想像中淡但個係幾好飲嘅碗麵嘅芫荽味來源主要係嚟自啲新鮮芫荽🤣話到明食芫荽大餐又點會只得一碗麵叫埋份烘底芫荽滑蛋煙三文魚治個滑蛋已經比芫荽整到變咗青色💚都係嗰句整熟咗嘅芫荽其實已經味道大減😂啲荽味比煙三文魚味遮咗😂似乎都係就咁食新鮮芫荽最正🤣不過各位芫荽黨友一試亦都冇妨😆

遊園·茶記試食指數⭐️⭐️⭐️店舖衛生⭐️⭐️⭐️侍應態度⭐️⭐️⭐️((每項5⭐️為滿分))第二次光顧位於戲曲中心的遊園·茶記今次點了🍜酒釀鮑魚雞拉麵🍚傳統蜜汁叉燒飯🥪經典西多士最快嚟到嘅係叉燒飯半肥瘦叉燒幾好味但最正都係蜜汁撈飯第二樣嚟到嘅係西多士佢都係厚磚造型🧱咁樣上碟造型上想抄襲一口西多但好可惜做得唔夠脆口味道正常可取之處就係花生醬冇傳統西多咁多『厚磚西多』花生醬份量食落去啱啱好我嗰碗拉麵價錢幾貴($118)好可惜上枱嘅速度實在太慢當我哋已經食晒大半碗叉燒飯同埋西多碗拉麵才施施然飄到上枱想速食嘅朋友就唔好揀啲太過特別嘅主食繁忙時間嘅店舖衛生同埋侍應態度都平平但係今日人唔多所以所有水準都拉高左大家經過戲曲中心可以食完飯向右走係海港城向左走係圓方總有一個方向啱你😆

戲曲中心開左咁耐，我都係第一次黎😮個設計做得幾有空間感！咁叫得戲曲中心，我諗裡面啲野都係走中國風架啦，而佢裡面呢間餐廳都唔例外蜜汁叉燒（例牌）$98收得呢個價錢既叉燒一定要有番咁上下水準，呢度就做得還可以既蜜汁豐盈，如果啲叉燒可以肥啲咁個口感就會更好啦魚香茄子煲 $88一向係我最鍾意既餸🍆🤩 幾乎每次食中餐都一定會點！好味既魚香茄子煲最緊要有鑊氣🔥 呢度做得幾好，個煲燒到好熱，個餸好惹味👍🏻蒜蓉粉絲蒸聖子 $116老公心血來潮想叫啲海鮮，咁就試下呢度既聖子啦🤤隻聖子係大隻同新鮮既，蒜蓉粉絲就不嬲香口架啦，所以係好食既！蒜片澳洲和牛粒 $198呢味餸比較貴，所以我對佢有比較高既期望🥴和牛粒好食，係香牛味既，但份量略嫌太少，同埋個汁可以甜多少少

去戲曲中心看表演，可以到這一家吃晚餐。我們叫了一個羊肝菌和馬卡燉烏雞燉湯，小炒王和乾炒牛河。湯還是很清甜的，用料也很足，對於我這個湯控來說是一個不錯的選擇。小炒王表現一般，沒有什麼驚喜。乾炒牛河炒得很乾身，還是挺有鑊氣的，就是牛肉略為少了點。

第一次黎到戲曲中心，竟然唔係黎睇粵劇，係黎食飯！呢橦building外觀真係好靚！好簡潔好簡約！今次就黎呢度試一試中菜館！呢間叫遊園·茶記嘅餐廳，唔知點解好似感覺到少少嘅詩意。我地叫左個例牌嘅叉燒，呢碟野真係好好食！成條叉燒上又厚切！啖啖肉好好食！肥瘦又適中，唔會乾，正！仲叫左菠蘿咕嚕肉，份量好多！色澤又靚！唔錯！仲有啫啫芥蘭煲！呢個真係熱辣辣上碟！好正！食落都覺得暖笠笠！芥蘭爽甜好食！仲有啲肉碎可以拎黎撈飯呀！不得了好食！最後仲叫左原隻鮑魚雞粒鍋燒飯！超級大鍋！三人份量黎！粒粒分明又好食！唔錯呀！最緊要抵食！下次一定會再黎試埋其他野！仲有上埋我地仲咁岩見到Lisa姐黎食飯tim！呢間野名氣爆曬登！

去開海港城聽講座，老婆係咁話要試芫荽湯🍜。查實本人對芫荽麻麻，但唔敢逆旨，唯有奉陪。😅呢間餐廳係戲曲中心入面，都吊吊地🦶🏻，再加上限聚，幾清幽下😅。雖然叫🍵記，但係有啲檔次個隻，店內懷舊主題都幾靚，幾啱打💳。🤗食物方面，絕對唔係普通茶記，我地叫左3️⃣樣野，全部都好掂，真係估佢唔到🤭！尤其是芫荽控，一定要試！！👍🏻除左少少吊腳，基本上冇乜缺點，高CP既非一般茶記，真係好想試下佢其他野，絕對值得期待。🤗

疫情又再一次來勢洶洶，難得約到大半年無見嘅好友相聚，我倆都決定搵一個特別d嘅地方一聚。好友就提議到戲曲中心入面嘅中式茶樓食晚餐聚聚。今次係小妹第一次嚟戲曲中心，唔講都唔知入面原來有餐廳，而且裝潢擺設仲好精緻，好似係中式庭園食飯咁，真係大開眼界。燒鵝燒味雙拼 💰158小妹就揀咗最愛嘅頭兩位燒味😋😋就係化皮燒腩仔同遊園金牌燒鵝。燒腩仔皮脆肉嫩，而且嚴選五花腩製成，層層分明又肥瘦適中，唔會淨係食脂肪咁😚燒鵝皮嘅色澤做得好好，無論係上色定脆度都係中上水準，今日嘅鵝油脂較多，未可試清楚味道，下次要叫半隻嚟試真d先。PS.如果你唔食燒鵝嘅話只係$138咋。九層塔薑蔥粉絲虎蝦煲 💰198哩個係必食推介，上台後打開煲蓋後就聞到一陣好香好強烈嘅薑蔥香氣，即刻流口水🤤用料絕不欺場，有成6隻新鮮大虎蝦，而且虎蝦應該係走過油，蝦殻🦐勁薄而且仲炸到好脆身。最驚喜嘅係哩到對蝦嘅處理好仔細，完全清理左蝦頭嘅內臟只留蝦肉，哩個小妹大讚👍🏻 粉絲完全索哂虎蝦嘅精華再加上薑蔥九層塔完全係絕配，記得要叫個「靚仔」送餸😋PS 全日都免加一同茶介，另外要讚下店員姐姐嘅好服務態度

駕車經過佐敦，經常被新落成不久的戲曲中心吸引，聽說內裡也有餐廳食肆等，如果平日星期一至四消費滿二佰元，星期五至日滿四佰元還可免費泊車，十分方便我們這些駕車人士，決定今晚和老公去試試！第一次到戲曲中心，充份感受到文化氣息，我和老公經過遊園、茶記這家餐廳就被它吸引進去了進去後果然充滿懷舊feel我急不及待立即翻開餐牌看看有什麼好菜式，但翻開菜牌第一頁就被它的介紹吸引了正當看得入神就被老公催我點菜，我慌忙下隨便叫了一個化皮燒腩仔，但不知是否錯有錯着，這個燒腩仔是我近年吃過最好吃的，肉質肥瘦均匀，最重要的皮真是做到化皮效果，一點也不誇張，再伴以黃芥末，只能用"正"字來形容！老公是台山人，他想叫個台山手工黃鱔煲仔飯，我當然順他意，這煲飯又是一巧手之作，黃鱔肉肥美可口，飯粒粒甘香，飯不黏底但又能做出煲仔飯的美味效果，難得！最後再叫了一個清淡的帶子粉絲雜菜煲，侍應端上來了，我立即被它的帶子吸引，帶子夠大而且數量也不少啊！一肉、一飯再加這個菜，這頓晚餐真是吃得開懷！由於這餐實在吃得滿意，已計劃下次再多找二人來吃這的四人套餐，價錢不貴，可試的菜式又多。

初初留意到呢間鋪 係比個芫荽湯底吸引到 不過睇完其他食評家既留言就轉軚🥰 試下燒味飯先😛😛 因為我Lunch去 佢地價位呢係 $6x- $8x 不等 一於泥個雙併先 我叫左叉鵝飯 即斬即整 時間要花多少少 賣相都幾靚 但係啲鵝呢正如你所見 比例比叉燒少 而佢提供既鵝肉都唔係多肉既部位 而且肥膏都多 未能啖啖肉禁大快朵頤 😔 禁叉燒呢 係凍在少少 而飯既溫度唔係好熱 暖唔快舊肉 所以佢既肥肉 做唔到入口即化既效果 佢都斬得幾大件下 雖然油 但食落係少少乾身 但條菜 太生啦 我食唔到😂

my wife and I got only one hour for supper before an Chinese Opera show in West Kowloon Xiqu Centre. We discovered a well decorated Chinese restaurant inside the centre called Peony Garden. The whole setting of the exterior and interior is a reproduction for the atmosphere of a very famous Chinese opera piece. We went for the Szechuan style fish with pickled vegetables and Szechuan style soup noodle presumably light from the Szechuan menu. We were a bit taken away by the size of the dish when th

中秋佳節當然要同家中長輩至親一齊食飯團聚👨‍👩‍👦‍👦👨‍👩‍👧‍👧🌕, 今次揀左之前食過覺得唔錯嘅遊園·茶記, 除左因為地方恬靜之外, 食飽飽仲可以行出去散步感受下十月嘅秋意🍂! 雖然有限聚令要分枱坐但都無損大家一齊賞月食飯嘅興致!遊園脆皮吊燒雞🐔燒雞色澤油潤有光澤感, 外皮香脆, 肉質鮮嫩滑溜多汁!招牌燒鵝燒鵝即叫即燒, 大約要等45分鐘左右, 外皮香脆有光澤肉質肥厚, 咬落去口感嫩滑肉汁多而不帶腥味, 鵝味濃郁, 整個口腔亦充滿油香, 推介😋👍🏻!胡椒辣蟹🦀微辣帶有濃濃胡椒香, 但一d都唔嗆鼻, 蟹肉味道鮮甜非常惹味!濃湯酸菜龍躉🐟湯汁味道剛好唔會太酸, 酸菜幾多魚肉份量足, 魚肉口感嫩滑, 肉質鮮甜啖啖肉!水煮牛🌶🐂水煮牛一上枱已經好有威勢, 十分霸氣, 事關真係好大鍋, 辣椒夠哂多夠哂辣😈, 但辣得嚟又唔會蓋過左牛肉嘅鮮味, 連埋爽脆芽菜一齊食, 辣得夠哂過癮!桂花脆生蠔經煎炸過嘅生蠔皮脆可口, 整隻蠔都醮有清香味甜嘅桂花蜜糖, 十分滋味!黑松露蝦粒蛋白炒飯🍄🦐🍚黑松露幾多, 香氣四溢, 蝦粒爽口彈牙, 炒飯夠乾身油感唔重, 粒粒分明, 大魚大肉後食番個清清地嘅炒飯可以平衡番

黎食個lunch 鮮茄豬扒飯 凍奶茶份量吾算多，適中，豬扒有四舊蕃茄煮吾冧，勁硬但個汁酸酸甜甜，幾好撈飯之前都係食佢啲燒味飯價錢偏貴但麻麻地見到隔離枱個個都係食芫茜米線下次可以試下

隨著柯士甸「西九」粵曲中心的餐廳陸續開張，此飲食新地標已成為 尖沙咀 / 佐敦 附近另一個多元化的選擇。「遊園．茶記」是我同事近來的新寵，評價甚好。它中午有車仔麵 (最出名有強勁芫茜湯底、辣東風螺肉肉、台灣手工麵)、焗飯、馬來咖喱、各款菠蘿包、地道港式多士、芫茜厚滑蛋三文治，還有廣東燒味、潮州滷水等等，包羅萬有。食物款式多，有時未必是好事，要每樣做得好會有難度，難得它又做得到。今回是慶祝同事生日，工作伙伴之間盡顯手足之情啦 XD 地方蠻闊落，有室外有戶內，室內的裝潢採取開放式的庭園設計：飲食作為香港文化的重要元素之一，能夠在充滿傳統藝術氣息的戲曲中心內享用，也算是一脈相承。今餐由食慣食熟的同事發辦。我自己先來杯懷舊「雙檸柚子蜜」$30 解解暑：同事推薦「化皮燒腩仔」$98，就來一份例牌：確做得不錯，是冰燒三層肉無誤。方方塊塊，芝麻皮脆，層次分明：「招牌蜜汁叉燒」$88燶邊半肥瘦叉，蜜味夠，不會遮蓋原本叉燒應有的焦香，肉質軟腍。除了燒腩仔，我會推薦這項燒味：細問之下，原來燒味師傅是師承自「大公館」，怪不得如此有水凖，這裡晚市價錢對比也較划算呢。「九層塔薑蔥粉絲蝦煲」$198一揭開蓋，綠悠

New Sichuan style food, 好靚又好味🤤,昨天一開4人便四處找野食，經過見到呢間特別推出四川菜，看看有D創意配搭幾靚便試吓，涼拌玉木耳，有益又健康, 口水澳洲和牛面豬，入口軟棉又入味，有別口水雞，另一層次，正😍，還有試左過超新配搭之作，辣子龍蝦，正到～～又脆又多计，味道又勁正，食到吾停得口，好彩還有日本啤酒買一送一，來多個濃湯酸菜魚冇得輸，職員話大廚用了本身魚骨煮成湯，鮮味十足，配合D酸菜👍🏻👍🏻👍🏻👍🏻，望住維港景色添，這段時間吾加一免茶介😍吾係馬😂😂😂感覺好滿足

遊園係一間主打香港懷舊菜式既中菜食店，雖然佢暴最出名係芫茜湯麵同滷味，但其實佢最好味既係佢既脆皮叉燒，佢既叉燒係用半見瘦既豬肉，燒完外脆，除左少少肥肉肥上瘦肉，咬落去會流出好香既蜜糖味🥰而佢既大碗車仔麵，用上船麵同面咁大既花膠扒，鍾意食叉燒又鍾意懷舊風情既朋友值得一試。雖然價錢較貴但店鋪既環境同食物質素來說都值得一試👍🏻 服務：⭐️⭐️⭐️⭐️價錢：⭐️⭐️食物：⭐️⭐️⭐️⭐️性價比：⭐️⭐️⭐️⭐