遊園

Open Now

Now Closed

朋友喺粵劇發燒友，話今日嚟戲曲中心，帶我食好嘢咁話喎。不過，這次真係令我喜出望外。原來佢帶我嚟呢間食店“遊園。茶記”。聽嗰名真係幾特別，有d藝術感。。。我們人不多，點了幾個菜式就好夠，因為個個菜都份量十足呀嘛😆😆😆第一味菜～遊園素鵝素鵝中間夾雜一些蘿蔔雜菜，一層層的，口感很好。💗💗💗芫茜湯牛丸墨魚丸潮州魚片拉麵（必食）🌟🌟🌟🌟🌟呢個真係主打菜式，作為芫茜控嘅我一定會叫，一嚟到，見到成座芫茜山，我心想“超正”ⁿ，芫茜攪碎混入湯，難怪湯味超強芫茜味，而且可能有上湯底，非常夠味，一絕。牛丸和墨丸彈牙，所以整個菜式各方面都處理得好好，真心覺得好味。酸菜魚～配料十足，有豆芽提升味道，而且加入有透明薯粉。薯份吸收左湯，而且煙煙韌韌，幾有特式。魚件都是大大件的。蕉糖菠蘿西班牙黑豚肉叉燒🌟🌟🌟🌟～呢個菜，嗰樣就相當討好。菠蘿都做左兩種煮法，一個是蕉糖煎香，一個是磨蓉，然後夾在叉燒中間，令你更易食到菠蘿味道，叉燒同菠蘿甜味碰在一起，又異常夾。真係特式之選。👍仲叫埋雪糕紅豆冰，懷舊之餘，又好味道。💗💗💗而且，呢度環境好舒服，有機會，會再嚟幫襯。

秋風起，又就嚟到食煲仔飯嘅季節啦～ 聽講係戲曲中心有間好好食嘅黃鱔煲仔飯「遊園．茶記」，咁啱有日同男朋友經呢頭，所以去咗食~ 怕無位同男朋友早早就去到，可能疫情緣故，成個戲曲中心都比較寧靜，人煙比較稀少，無聽講中咁熱鬧！餐廳午市都唔算多人，得零星幾枱人！ 餐廳裝修融合中式戲曲文化，成間餐廳都好古香古色，有氣派，如果要同長輩一齊食飯，呢間餐廳都係一個唔錯嘅選擇~ 🧡台山手工黃鱔煲仔飯（$168）同傳統煲仔飯唔同，呢間嘅煲仔飯有炒過，黃鱔好入味，飯粒粒分明！芫茜好調味，層次豐富，成個黃鱔飯好香好惹味！ 🧡肉絲炒麵（$75）麵底好大個，炸得好香脆！一大班人嚟食可以嗌呢個~ 🧡絲襪奶茶（$19）不愧係用絲襪拉出嚟嘅奶茶，超級絲滑但又唔會好奶，好香濃！

因為落大雨所以留咗戲曲中心，就係戲曲中心搵嘢食， 一上電梯就見到個電子屏幕上面 芫茜拉麵，有好多芫茜，就俾佢吸引咗入去一定係叫個芫茜拉麵， 然後叫咗個蕃茄，一份例牌燒鵝，一個小炒王呢個話梅番茄，睇落個色係有伏，但係食落好好食，非常入味而且食到好重話梅香，而且蕃茄仲要去曬皮，感覺都幾手工菜叫咗一份例牌燒鵝，唔貴$158 , 比想像中份量多， 面嗰層啖啖肉，充滿油香味， 非常收貨食得太多肉，想叫菜，店員話小炒王有啲菜，咁就叫咗呢個，感覺都不錯都，不算很油重頭戲就今日入嚟食嘅主角芫荽拉麵 ，上面有勁多芫茜，個湯底初頭覺得有啲淡，食落唔係，越食越有芫茜味， 去到尾直情飲曬啲湯唔捨得畀阿姐收 同埋啲拉麵係似日本拉麵，有彈牙，唔係中式嗰種拉麵好好食食完返到屋企仲令我不斷諗起嗰個芫茜拉麵，我自己就肯定經過會再食八十幾蚊一碗拉麵， 價錢同平時嗰啲日本拉麵差唔多，但非常鍾意食呢個 呢個芫茜拉麵完全冇令人失望爽歪歪食完行返落去柯士甸站， 唔使行番出街，爽

Green West Grows Up Fast🐛. 想變西唔一定要黑面既，嚟依間自稱係「茶記」既靚餐廳，食佢最近力推既名物芫茜拉麵同樣可以！（利申我本身唔鐘意都唔特別抗拒芫茜，純粹係因為我fd生日話想食所以去食，請大家唔好誤會我鐘意食this thing ☺️) ok well扯遠左，等我講返正題😀. 依度既拉麵（$82)足料到核爆，啲芫茜多過我戶口裡面d錢 lol 而係一眾配料之中，以牛丸來講最出色，彈牙得來餘蘊強勁，我同個fd都勁鐘意！. 至於焦糖菠蘿西班牙黑毛豬叉燒（$208)真係唔食枉為人☺️話佢係全港最top 叉燒我又唔敢（聽聞逸東軒同明閣仲有某間高級黃店酒樓都好好食，未fact check🥴) ，但我夠膽話佢係top 5！叉燒入囗即溶係基本，但我最佩服係佢創新煮法，先擺碟擺到成塊菠蘿咁，再夾d用焦糖燒香左既菠蘿蓉係叉燒之間，真係好完美呀🥰.另外遊園素鵝（$52)都係好開胃而且性價比高既前菜，宣稱為遊園招牌既濃湯酸菜龍躉球（$328)雖然都符合期望，但相比起前三碟，反而令人無乜驚艷之感，或者酸菜魚本身係太難做得出色的菜餚，食到後期感覺有點太膩。. 但無論點講都好，如果你經過戲曲

🎵茜 全部都係茜 全部都係茜🍀作為芫茜黨成員，難得今日因為工作有機會到訪戲曲中心，當然要把握機會去一嚐大名鼎鼎的芫茜山🤩一次過吃一大碗芫茜，極滿足🥰 ⁡👉🏻食物: 4.3/5⁡▪️芫茜湯麵芫茜份量毫不吝嗇🍀欣賞湯底用攪碎的芫茜碎煮成，非常濃郁。本以為一次過吃那麼多芫茜會膩，但吃完感覺清新而不膩👍🏻芫茜控一定會喜愛❤️至於丸類則普普通通，畢竟不是主角。一眾芫茜控不要錯過🥰🥰🥰🥰🥰

係海港城慢慢行過黎，原來都幾近。戲曲中心呢邊夜晚又靜靜地，之後見到呢間中菜都幾多人食。入面裝修都有d特色。前菜叫左素鵝，腐皮入面包住蘿蔔同埋冬菇絲，爽口入味。見到隔離枱食呢個菠蘿黑毛豬叉燒，就好想試。佢係叉燒三文治夾住一片菠蘿，面頭有焦糖菠蘿汁。呢個勁好食。另外想試吓特別d，挑戰芫荽拉麵。淨係飲個湯底唔算好重芫荽味，但係佢加埋重量級芫荽量。餸仲有牛丸墨魚丸同魚片頭。仲叫咗酸菜魚。我見到個碗都嚇親，因為好大份。入面係龍躉魚片、豆芽、雲耳同埋紅薯粉，小小辣，唔係重口味。嘢飲佢都幾多選擇，叫咗荷蘭cacao同雪糕涼粉。整體來講食物質素，環境，服務態度都好好，會再食。

前幾日去開戲曲中心呢邊行下，見到呢間遊園茶記裝修都幾別緻，加上熱愛芫荽嘅朋友話好想試呢度嘅芫荽湯拉麵，所以就入咗嚟食晚餐啦。遊園素鵝 $52素鵝有九件，甜甜地嘅腐皮包住滿滿嘅蔬菜粒，啖啖足料。焦糖菠蘿西班牙黑毛豬叉燒 $208呢個賣相已經好吸引。半肥瘦嘅黑毛豬叉燒嘅肉味極香濃，入口油脂感豐富。表面滿佈菠蘿蓉，再有燒香嘅焦糖味，叉燒中間再夾住清甜嘅菠蘿片。每啖都令人回味無窮。濃湯酸菜龍躉球（半份）$178估唔到半份都咁大份，望到個碗嗰陣呆咗。同埋用龍躉球整酸菜魚都算豪氣，不過好正。酸菜魚個酸菜湯好濃郁，非常高質。入面有好多薯粉，其實都足夠兩個人食。遊園芫荽湯拉麵 $82芫荽控一定會鍾意，成個湯拉麵嘅湯底都係有芫荽煮成，上面亦都堆上好多嘅芫荽，值得芫荽控黎朝聖一下。入面有魚片、墨魚丸同埋牛丸，值得一讚嘅係個牛丸，牛味好濃郁，咬落去會啖啖肉汁，好好味。雪糕涼粉冰 $38感覺都幾懷舊，涼粉冰配上上面嘅雪糕球，即時可以當係甜品。巨峰梳打 $28出乎意料地呢個唔會好甜，都幾有驚喜。

今日同朋友去完圓方睇戲之後就去左食dinner！一路都好想食個芫西拉麵，今日終於食到！桂花話梅溫室番茄（$52）第一次食桂花釀既番茄，食起黎好清甜，加埋d話梅酸酸地好開胃！金牌燒鵝（$158）果然係金牌菜，佢d鵝好多肉而且好淋身，亦都好有鵝味！芫西湯牛丸墨丸潮州魚片拉麵（$82）係我最鍾意既芫西！你睇個湯都係綠色！飲落去真係充滿芫西味，而且佢有海量芫西舖係上面，鍾意食芫西會好鍾意！佢d牛丸墨魚丸魚片都好新鮮同彈牙！佢D拉麵好掛湯，每條麵都沾滿芫西湯好正😍遊園小炒王（$98）係一個家常便菜，d韭菜幾香，同埋d蝦一齊抄鮮味十足！不過我覺得鹹左少少！呢個價錢食到咁多野好抵食！而且環境好令好大～

海南雞就食得多,文昌雞就真係第一次食。呢間既雞,色澤好明顯有別於平時見開既黃色皮既雞。文昌雞皮薄、滑、嫩,可能雞油都唔同D,連雞油飯既色、味道都好唔同。除此之外,就連醬汁都有六款咁多,中意既仲可以加青檸汁,每樣我都有試,好有新意,個餐仲有例湯添,好飲。飲品我叫左紅豆冰,簡單既食物見功力,紅豆都係煮到好好,我食晒,好滿足。呢度既佈置同粵劇好夾,好有遊園驚夢既感覺,古色古香。連上菜都令我有返左古代既感覺。

喺戲曲中心嘅餐廳，原本以為係sell高級路線，但呢間餐廳嘅門面比較普通。一入到去，先發現裝飾得非常有心思，令成個感覺好有置身傳統戲劇嘅環境。最令我驚喜係個前菜﹕桂花話梅溫室蕃茄！望落似平時食嘅蕃茄仔，但食落去就得番好濃嘅話梅味，感覺係食緊juicy版嘅話梅！真係好少喺出面食到！呢碟係焦糖菠蘿西班牙黑豖叉燒，見到賣相已經覺得好有心思。肉好嫩，再加埋糖同菠蘿，咸甜之間掌握得唔錯。遊園小炒皇就中規中矩~最後叫埋餐廳新推介嘅芫茜拉麵，喺濃湯再加大量芫茜情況下，芫茜味非常突出。仲有牛丸、墨魚丸同魚片。當然唔少得黑牛同紅豆冰呢啲港式飲品~雖然價錢唔平，但係係非常滿足嘅一餐~

估唔到戲曲中心入面竟然會有d價錢唔貴，質素又幾好既中菜～～～遊園素鵝同平時見到既素鵝唔同，呢個係腐皮入面再包左素菜既素鵝。成個卷都好入味，但又唔會太咸，蘿蔔絲令到佢多左咬口，幾好～焦糖菠蘿西班牙黑豚叉燒普通叉燒就食得多啦，配菠蘿，仲要用西班牙黑豚肉黎做既叉燒都係第一次食！可能因為加左菠蘿，肉質好鬆化，而且揀既部位係半肥瘦，成件事更加香口。再加上焦糖，個叉燒變得更香甜更好食～～～酸菜龍躉球龍躉球超彈牙，而且塊肉都唔細架！成盤入面有勁多酸菜，再加埋其他配菜同薯粉，粉量超澎湃！！！不過略為咸左少少，但感覺應該幾好送飯～而且佢地做得唔油膩，值得欣賞～莞茜湯牛丸墨魚丸潮洲魚片拉麵呢個就犀利啦，推介比愛茜既朋友😂新鮮莞茜超多，仲要成個湯都係莞茜蓉🙈不愛莞茜既我都試左少少，意外地好飲喎！佢係有種魚湯既味道，加上我本身可以接受落左莞茜既湯，所以都覺得幾唔錯～

「落花滿天蔽月光，借一杯附薦鳳台上。」即使是千禧後的一輩，也應該懂得哼上這兩句經典粵劇曲詞吧？出自粵劇戲寶《帝女花》「香夭」一節的首兩句，充滿意境，活現眼前。如果細心閱讀這段折子戲的全部曲詞，更會感嘆辭藻瑰麗典雅，詩白及唱詞情景交融，是整個劇本的精華之處。敢説差不多所有嶺南地區人民及懂粵劇的海外華僑都懂得如何唱出此節。雖然今天有不少年輕一輩廣東人認為粵劇老土，但同樣也有少數後生仔女醉心粵劇文化，努力承傳。香港政府積極打造西九文化區，第一幢投入營運的建築物就是戲曲中心。外觀別樹一格，以一盞傳統中國彩燈為概念，但同時運用了現代建築物料；整體設計糅合了傳統與現代元素，為中國傳統戲曲打造了富時代感的新形象，以承傳具有千年文化的中國各地戲曲藝術。室內地面首層是個大空間，加上樓底超高，有效營造空氣對流作用；沒有冷氣系統，只採用低耗電通風系統，既節能又環保。雖然室外天氣炎熱，戲曲中心內亦只是稍為和暖，環境並不高温悶熱。戲曲中心內共有四間餐廳，講特色、講迎合主題一定係「遊園·茶記」。門面設計以木門柵為主，高位襯上著名粵劇場景圖畫，並標註劇目名稱及最為人所熟悉的部份曲詞。本來很有心思，只是位置未夠顯眼。

記得2年前朋友請我食過呢間『遊園·茶記』，印象深刻，只記得D食物好精緻，好吸引，環境亦好中式，話說呢度嘅室内裝潢以戲曲<遊園驚萝>為中心概念，配埋開放式庭園設計，刻意重塑<牡丹亭>中場景，展現古時候的中國。久別重逢，再次來到揀咗『桂花話梅溫室蕃茄』為前菜，話梅係靚話梅，溫室蕃茄已去皮，用心機醃製的蕃茄，帶有少少桂花清香，非常之開胃。呢度嘅招牌菜『金牌燒鵝』(例牌)上次食過，依然記得的好滋味所以必叫，D皮好脆，食落有聲而且表面光澤吸引，鵝肉好juice，亦配有酸梅醬點缀。芫茜係近排食肆時常見到，呢度的『芫茜湯牛丸墨魚丸潮州魚片拉麵』亦好好味，墨魚丸更得我歡心，彈牙之餘亦食到墨魚粒粒，果然係真材實料。『遊園小炒皇』有韭菜花，蝦乾，銀魚乾，菜甫，叉燒絲，腰果，有咁多材料咩營養都齊晒。

見到網上這間餐廳出了海南雞飯食，趁假期即刻叫埋朋友飛來試，碟雞飯一來到檯，哇好大壇野呀😳。 賣相都幾吸引，好多颜色，見到好開心😊醬汁有六款，雞油芫茜羌蓉，秘制甜豉油，酸辣魚露醬，蒜蓉，海南黃炮椒，紅碎椒粒，另外還有粒來自海南的青檸仔用來混醬用，混出自已喜愛的味道，都有排玩😅妙!試了個熱辣辣湯先，用雞骨同蘿蔔淆成清雞湯，清而鮮甜；另外最緊要個飯，香氣十足，並無香茅味，飯用雞湯、蒜、雞油煮成，粒飯都包住雞油，份量剛好，不太油，蒜香味也不太搶😊主角出場，雞皮爽，肉質嫩(當然無黃油雞咁滑，這是文昌雞啊），又無骨(現在好似變了基本😂，因D骨去了淆湯？🧐）師父用了秘制汁浸熟，味道剛剛好，沒有濃調，配合埋不同醬汁有不同味道，更妙🥰最後居然嘆多杯雪糕紅豆冰估我吾到🤤完

遊園．茶記  不一樣的茶記呢度雖然晚市一樣咁熱鬧,住附近既人都會過黎食飯開左咁耐儲埋唔少客,仲吸引好多食客到訪我地一於試下佢有咩咁吸引先!呢度係食中菜同小炒,燒味,走港式風味為主既食左一份招牌蝦籽海參豆腐煲 食材豐富,口感爽彈既海參,有營養又味道好,整體上好食份量亦夠多,豆腐香嫩,個汁好滋味芫荽牛肉炒飯,全綠!好誇張!牛肉碎加唔同食材,炒香炒得好爽身,食到好香既芫荽味之餘又好夾味道唔會好奇怪,仲出地奇有驚喜焦糖菠蘿西班牙黑毛豬叉燒黑毛豬叉燒夾住菠蘿再焗香,肉質鬆嫩有肉汁,酸甜開胃好出色甜品選擇多,試埋薑汁撞奶,夠香滑之餘薑味濃郁,加埋特別既紅糖水配埋一齊食!好滋補~