遊園

Open Now

Now Closed

🍽 遊園 📍地址: 尖沙咀柯士甸道西88號戲曲中心地下2-3號舖💰只供參考💰人均$50-$100😋酸菜魚拉面叫左bb辣 上到黎變普通湯咁唔辣同埋唔夠酸 魚片係厚少少既4片仔 食落似龍利柳 而唔係平時食開既鱸魚 一咬就溶拉面就正正常常 不過不失 唔會太淋或太硬跟餐叫左凍檸水 比平時既大杯 檸檬唔會苦PS 食完1個鐘後要係咁搵水飲 好口渴同行者叫左個芫茜湯米線 算係間餐廳既名物 一上到黎 成碗野青bb 估唔到飲落有驚喜 原本以為會好重芫茜味 但感覺係好清新既菜湯帶一點點芫茜味 湯底好出色 有種耳目一新既感覺另外仲叫左個柚子西多士係分左4大舊金字塔式疊埋 而牛油係分開放 夠曬貼心 由於我地食完面食先食舊西多 估唔到舊多士放得耐 仲咁有彈性 唔會扁曬 賣相夠曬靚仔落糖漿既時侯要小心 由於佢既糖漿實在太滑 好易唔小心就山泥傾瀉咁落好多食落柚子就帶啲酸 感覺有啲新奇 怕酸既朋友仔可以點多啲糖漿中和反 但我本人就覺得柚子麻麻地 下次可能會叫反正常西多 或者試下冰火西多好味指數: 3.5/5性價比: 3.5/5環境: 3.5/5

環境舒適，食物也很有水準！乾炒牛河有鑊氣，但完全唔會覺得油膩。食到最尾，碟底也沒有一層油，感覺非常良好！咖喱豬扒飯的辣味恰到好處，有咖喱嘅香味但唔會過份地辣。就算不能吃太辣的我，也能接受。

讚1 店員好熱情2 啤酒好抵飲彈1 嘢食極大退步 燒腩鹹到食唔到 海南雞皮係脆 但肉係完全無味 唔係靠醬料係好似食緊白烚雞胸咁 黃鱔飯完全唔合格 搵鱔糊扮黃鱔 仲要係整定既 嘛係個用煲上既餸咁 唔得囉

今日我又黎試芫茜菜式啦！鋪頭位於柯士甸站戲曲中心二樓。疫情期間一直無咩演出活動，都唔係咁易揾。入到去，你會感嘆佢裝修用心至極，所用既物料都係仿古典中國式設計。正如佢店名“遊園”一樣，店內散發住濃濃既中國風，食客仿佛置身於中式庭園之中。佢有一道招牌菜芫茜湯底牛丸拉麵，大家一定要試下。上菜速度唔算快，等咗十五分鐘左右，一份熱辣辣，湯底“原諒色”既芫茜拉麵就擺上檯面啦。湯底非常濃郁，芫茜味並無想象中濃，應該係以雞湯做底，再加入一些打碎既芫茜醬制成，味道非常鮮甜。麵上堆滿了新鮮的芫茜，配上爆汁牛肉丸~芫茜控非常滿足。買單72蚊，唔收加一，算係良心店鋪啦。

#chuchu食在尖沙咀📍 遊園🐷係#芫荽控，咩都要加芫荽，因為佢嘅芫茜bookmark左好耐，可能始終係戲曲中心，呢度裝修好中國風！雖然係食lunch，🐷嗰日黎到已經係下午茶時間，但佢個下午茶餐牌都係偏貴！—————————————————————❣️ 芫茜湯牛丸、墨丸、潮州魚片湯米線 $72 望落好似好茜，超綠嘅綠色湯，成碗一堆芫茜，見到都開心😚一黎緊係試左啖湯先，有小小失望，因為冇乜芫茜味🥲芫荽底完全唔合格，芫荽控可以唔洗試，不過其他野都可以接受嘅！墨丸及魚片都幾好食，好彈牙，但最好食都係牛丸，因為佢用🐷favourite振興牛丸！牛丸彈牙中間又會爆漿！.❣️ 酸菜魚拉麵 $88大大舊啖啖肉嘅魚柳，唔腥！份量都唔小！唔算話好辣，但帶啲酸幾開胃的！搞笑事，🐷以為上面粒紅色野係車厘茄，原來係辣椒黎🤣—————————————————————不專業評分👅好味指數:7/10💰性價比:5/10👍🏻推薦:5/10—————————————————————🏡地址: 遊園 (尖沙咀)尖沙咀柯士甸道西88號戲曲中心地下2-3號舖—————————————————————#chuchu食港式——————

一家位於戲曲中心舒適典雅茶餐廳格局嘅中菜 整體嚟講食物質素唔錯價錢合理但偏重口味  次次嚟都會叫以下菜式 👉🏻 遊園芫茜湯拉麵 ✅ 芫茜控必叫❗️ 超濃芫茜味 食完覺得好幸福🥰  大大碗配魚片牛丸墨魚丸 👉🏻 遊園素鵝 賣相好𡃁 件件金黃色 包住脹鼓鼓嘅鮮饀料😗  另外餐廳都主打燒味 試過乳豬燒鵝燒腩仔 推薦化皮胞脆口燒腩仔 肉質肥瘦均勻🤤 上到枱瞬間已經冇晒😹另外甜品必定要點用椰子殼上嘅椰子雪糕 🥥 好啱打卡😍 超級creamy滑口 椰子味重

朋友本來一心介紹我嚟呢度食佢哋最出名嘅「芫荽拉麵」，但點知去到就不得～～～一打開Lunch Menu, 嘩～樣樣都想食😝😝有蒸飯有燒味有炒粉麵有湯粉麵有三文治有小食有西多士有甜品～嘩～真係花多眼亂～完全選擇困難😅好彩我哋一行三人，最後決定每人叫一樣嘢，跟住大家share～由於係lunch menu, 所以我哋每點一個item, 都可以加HK$18要一碗老火湯，再加HK$5可以叫熱飲或者HK$18跟特飲（朋友叫咗個「凍話梅陳皮梳打」，佢話好refreshing 🍹)入正題，我哋今日叫咗「豆豉金蒜排骨蒸飯」，個餸同飯係分開上，個排骨蒸得好好味，啲汁用嚟撈飯一流，唔會太咸，感覺唔係好多味精。（太肚餓唔記得咗影相）跟住分別叫咗「乾炒牛河」同「芫荽湯牛丸墨魚丸潮州魚片拉麵」，個牛河炒得好乾身，唔會食到成口油，感覺健康得嚟又不失鑊氣，好正！而碗名物芫荽麵，作為一個超級鐘意食芫荽嚟講嘅人，真係冇得輸，碗麵一上枱，陣陣清香嘅芫荽味已經飄埋嚟，跟住再飲一啖湯，嘩～重芫荽味之餘，亦唔會覺得好大陣草青味，湯頭好甜，會忍唔住不停飲，特別要讚嘆佢哋嘅牛丸，好juicy, 好彈牙，好正👍🏻 我絕對唔會因為呢碗麵而

今午在西九文化公園散步後， 看看手錶已經是四時三十分，懶根又出，與先生商量後，決定前往戲曲中心逛逛順便買一兩個餸外賣回家，本想在滿樂酒樓外賣，誰料暫停營業， 只能選擇在遊園餐廳外賣，突然很想再嚐他的濃湯酸辣龍躉球便立刻下單。回到家裏，沒有漏瀉湯汁 也許包裝恰當，享受時仍覺熱，鍋內有椰菜丶酸紅椒丶黑椒丶雲耳丶芫茜丶芽菜丶粉皮丶小許菊花瓣等， 份量足夠二人，味道微酸帶小小棘，美味可口，龍躉肉厚切又大塊爽滑有咬感，味道依舊，這麼久仍能保持如似的水準，確實令我欣賞。

好久未造訪疫情閉館的西九戲曲中心, 今日黃昏緩步走後決定去一轉, 順道打探食店的經營情况🤔果然業情慘淡, 中心內原有三家我已前光顧的食店, 現在只剩遊園開門營業😱😱黃昏前下午茶時段見有三四格客算理想吧🤔🤔侍應告知外賣款式跟主菜牌一樣, 任何時間即叫即造, 於是選了出名的濃湯酸菜龍躉片一窩自取外賣, 等了十多分鐘已可拿走👏👏外賣包裝畧嫌單薄, 幸好窩面已加包密封保鮮纸, 回到家中食物仍暖熱及沒有傾瀉🙏🙏龍躉魚片大塊爽口彈牙, 質素高分, 配菜料足, 有雲耳, 粉皮, 大量芽菜及椰菜花, 最吸睛是湯面上放的幾菊花瓣, 湯底而不搶味, 成個菜好滿意👍👍

唔少人都去過戲曲中心打卡，原來入面仲有間餐廳😳😳有室外同室內位，環境都幾舒服🤣lunch menu都唔算貴，仲好多款式揀，連煲仔飯、酸菜魚都有😍不過飲品就要另外加錢喇～·1️⃣酸菜魚拉麵($88)大大舊酸菜魚柳，啖啖肉，份量都幾多，但我都係鍾意食魚片果種多啲😂雖然menu寫住兩條辣椒，但對我黎講唔覺得辣，可能拉麵無米線咁吸湯？😂但拉麵煙韌彈牙都唔錯😌😙·2️⃣雪菜火鴨絲炆米($75)火鴨絲唔算好多，米粉都入味，味道正正常常，但米粉好斷好碎😢😢·其實之後仲去左食水煮魚拉麵，同酸菜魚一樣都係厚魚柳，多左條辣椒，終於食到少少辣，但都唔算好辣😂😂不過去左幾次想食乾炒牛河都話賣晒河粉，下次一定要再試埋先得😆

看食評好多推介，週未專程來訪。食物質素比預期中突出，疫情下沒有太多人，舒適地享受了一個午餐。下次會再來試中式小菜試了-1）芫茜拉麵不是傳統中式拉麵有點失望，但牛丸墨魚丸魚片爽口 ，湯味濃，不是芫茜控也值得一試2）叉燒燒腩仔飯不是燒味專家，但驚喜燒腩仔皮脆卜卜，叉燒似燒排骨的味道不油膩3）菠蘿肥牛炒河味道不算突出，鑊氣一般但酸酸甜甜，味道可以4）原味西多士驚喜之一，勝價比高，不是用萬年油製作，外觀和味道一致5）奶茶跟餐+$5，茶味濃，有茶澀味，是細杯一點6)薑汁撞奶不是香滑，但薑汁另上加入紅棗夠特別，比較杰身

做節無得晚市堂食，又唔想食盤菜，本來諗住訂帝苑外賣套餐，不過無得送貨要自取，之前有諗過嚟呢度做節就上佢社交平台睇，見有個四人套餐七餸一湯就試吓。遊園嚐味（4人份量）$668遊園老火湯粉葛、 眉豆煲豬展湯係真嘅老火湯，唔算太濃味，清清地勝在無味精，唔會飲完好口渴。桂花話梅梅酒温室蕃茄呢個前菜唔係周圍有得食，好特別，酸酸甜甜，好好好好味！賣飛佛黑毛豬叉燒肥瘦適中，夠入味，唔會太甜，讚東江鹽焗雞雞夠滑又有雞味黑松露蝦粒蛋白炒飯好濃嘅黑松露味，雖然話蝦粒但都係中蝦切粒，唔係用蝦毛仔，飯炒得啱啱好唔會太乾又會太淋小炒王勁足料，有好多腰果、蝦乾同魷魚，夠鑊氣紅寶雙耳浸菜苗菜苗夠嫩，雖然浸住湯但送到嚟都唔會太淋同夠入味。娘惹香脆軟殼蟹😶外賣炸嘢係差D😑，雖然個外賣盒剪咗個角疏氣，不過送到嚟都係淋咗，不過個娘惹汁好惹味四人餐份量好夠食，外賣當然一定無堂食咁好味，不過以外賣嚟講味道算唔錯，晚市堂食重開好想到餐廳再試。Encore指數

#戲曲中心 #遊園因為佢哋嘅芫茜麵，所以慕名而來，可惜結果失望而回⋯佢個芫茜麵係還可以，但路過試吓當然冇問題，若專程過嚟，我又未必有咁嘅需要，始終地點比較偏僻⋯而佢哋嘅燒鵝义燒飯，真係⋯ D燒鵝同义燒，會唔會肥到食唔到，基本上好似D下欄，我直接問D火記，佢竟然答我「係呀⋯」咁就走咗，真係冇下次，失望而回⋯

你是茜人嗎？ (❁´◡`❁)市面上以芫茜做主角既食物唔多碌下碌下openeice 又俾我見到幾吸引Ok 即試遊園⋯um…貴價茶記一間囉唔係食芫茜餐的話 或者唔差既如果你係#芫茜控 相信都唔會滿意食完想大叫 ಥ◡ಥ「還返個茜俾我丫～～～」(ﾉಠдಠ)ﾉ︵┻━┻❝ 芫茜滑蛋煙三文魚三文治 $48 ❞一向唔烘底既我🤔為左更好食，今日我加錢烘底左！賣相幾搶，可惜蛋炒得唔夠滑，對我呢個茜人黎講香茜完全唔夠！絕對！強烈！認為可以再濃啲！煙三文魚只有薄薄一層，中間位置先食到佢既鹹香，雖然有唔少生芫茜碎，但食落油膩感蓋過所有，只能夠話又貴又失望🥺❝ 芫茜湯牛丸、墨丸、潮州魚片湯米線 $72 ❞相當嚇人既綠色湯🤩面頭一埋芫茜令人興奮！試試湯頭都係只有淡淡芫茜味，丸類及魚片都幾好，特別係我愛既牛丸😝咬落有彈性中間亦有油脂都過關既！米線唔會好似譚仔咁硬淨，起碼我食到。總括黎講如果佢只係普通米線係無問題，但如果主角係芫茜，我地就覺得唔合格😅

2年前因為芫荽車仔麵而來，直至今日再次因黃鱔煲仔飯而再次光臨，而今次的水準比我上次更著迷。上菜時還是暖暖的黃金脆魚皮，炸得香脆不油膩，加上咸蛋香，真的停不了口。蒜蓉粉絲蒸蟶子的蟶子肉不僅厚肉，更與貝殼一樣長，配搭吸滿香蒜豉油的粉絲，是滿滿的辛福感。桂花脆生蠔的生蠔很大隻，於薄薄的炸漿上，更帶有獨特、香甜的桂花汁，味道很特別，值得一試。蝦籽海參豆腐煲用上彈牙富有膠質的海參，蝦籽紅燒汁掛上西蘭花，配埋豆腐很好吃。於香港已經不多地方有台山手工黃鱔煲仔飯了，於網上看到有人介紹，就過來試試。飯粒乾身飽滿，飯焦唔算多，但黃鱔超多，機乎每口都有黃鱔，十分足料！焦糖菠蘿西班牙黑毛豬叉燒用了叉燒夾住新鮮的菠蘿及菠蘿醬，味道甜甜酸酸的，有點似酸甜骨。叉燒燒得香口，又唔會乾，整體好夾。薑汁撞奶雖然係推介的菜色，不過我自己就唔太鍾意個薑汁，加入了桂花糖的薑汁味道甜甜地，質地較厚身，而且唔算太熱，伴隨燉奶我自己就唔多鍾意。餐廳整體的創意菜式很多，比到的驚喜不少，而且水準為高，絶對值得試。適合有節慶或跟長輩用餐。==============================我係一個愛寫字愛分享的吃貨！如果鍾意我分享