Pepper Lunch Express (希慎廣場)

Open Now

Now Closed

間唔中就想食啲重口味嘅嘢，就會諗起Pepper Lunch 😆 以前只有food Court會搵到佢，不過佢依家開到好多商場都有啦，但係我呢一日都係嚟咗希慎廣場樓上嘅food court 搵pepper Lunch🤭 黑椒牛肉飯加蛋加芝士係多年黎既最愛🥰 仲要落晒兩個sauce ，倒啲汁落去「喳」一聲，真係好開心㗎🤩 每次都要鬥快撈勻啲肉、醬汁、芝士同埋蛋，成日覺得手慢啲，啲嘢就會唔熟🤣 仲好鍾意加配凍解茶，其實佢就係比一杯冰你同埋一罐茶，你自己倒落去🤣 食完咁油膩嘅嘢，飲杯無糖茶真係好開心😽

年少時常常吃Pepper Lunch 都好多年無食Lunch 來到希慎Food court咁多選擇中一來到就聞到鐵板燒到香噴噴份量都好飽自己鐵板上燒熟牛肉牛肉飯熱辣辣好似自己有份煮帶小朋友去食，佢都覺得好好玩好似煮飯仔我無落汁都已經覺得夠好味！

放工約咗朋友喺銅鑼灣食飯，佢話想食平平地💰銅鑼灣週圍都係人，所有餐廳都要等位😫諗諗下不如去希慎廣場個food court食pepper lunch🍳雖然雖然food court好多人，不過等位都好快，搵到位之後我哋即刻去咗落order, 因為好多人都食pepper lunch所以都等咗成廿幾分鐘先有得食。🤩👂🏻鐵板渣渣聲，黑椒牛肉飯上面有啲🌽粟米同蔥，🐂牛肉質素就唔算好好，比佳寶好少少。不過就都幾過癮，自己將啲生嘢撈埋落啲飯🍚，炒下炒下就熟曬🍳，香噴噴😋🥤依家仲做緊推廣飲可樂有得免費加大都唔錯，所以有時諗唔到食咩好都會黎食😂完！

今日同英國🇬🇧朋友等咗30+分鐘，終於等到飯。食緊的時候，竟然發現裡面有蛋殼😱我哋嗌黑椒牛肉飯，完全無蛋成分，好驚訝！希望廚房可以注意一下🙏🏻🙏🏻overall好食 好滿足！英國朋友都話delicious！

今日去咗hysan square行街shopping, 咁啱就去佢嘅food court食嘢，喺中午嘅時間呢一間黑椒牛肉飯嘅餐廳都好多人，餐廳主要食鐵板黑椒牛肉飯，可以揀牛柳或者三文魚都可以，個人嚟講，我覺得係細細個食到大，所以都係揀返黑椒牛肉飯！✔️黑椒牛肉飯，一拎嘅時候渣渣聲，熱辣辣趕住行返埋去個位搞埋一碟，再加上餐廳特製嘅蜜糖汁，令到成個牛肉飯嘅口味更加好，牛肉嘅質素普普通通，絕對唔係非常高級嘅牛肉，但係成個口感嘅配搭我都覺得做得幾好，係細細個食到大嘅味道，呢一個價錢嚟講亦都唔算太貴，得閒都會返嚟再食吓！

「Pepper Lunch」係一間我好鐘意嘅餐廳！佢哋嘅鐵板餐真係好好味。今次係我第一次揀佢哋嘅日式鐵板燒餐，即鐵板同飯分開！餸嘅份量提升咗啲，有菇，西蘭花同粟米，咁先夠食㗎嘛。肉質一如既往咁juicy ，加埋香氣撲鼻嘅醬汁，真係好夾！佢哋嘅套餐價錢都算實惠。

味道👅：好香好嫩嘅牛肉🤤連埋個鍋氣，聞到就已經流口水！仲有菇同粟米做配料～啲牛一落個pan嘅時候油脂就分泌出黎，配飯好好食$69蚊一個餐如果可以配埋嘢飲就更好la

見到以前成日食的Pepper Lunch. 諗住回味一下，點知嚇到吃手手🥲🥲🥲晚上8點幾經過希慎上去food court睇吓有咩食見到好耐冇幫襯嘅Pepper Lunch香味仍然非常吸引🤩就諗住試吓在排隊排隊的過程中比一聲巨響嚇親見到有個店員同個客人講完嘢之後喺度大大力掉嘢，好似好嬲咁發脾氣然後繼續扮冇嘢繼續做嘢我叫咗個珍寶牛肉飯加芝士蛋食物好快到手聞落去望落去依然好香將生牛肉煎兩煎再將啲芝士同飯撈埋之後就擺落口點知立即非常失望原來啲飯全部都係爛的仲要唔係非一般的好似漿糊糊仔咁一pat pat非常之黏口難吃🤮其實呢個組合真係無敵基本上都冇乜可以錯嘅地方點知原來都可以咁難食真係好耐都冇食過咁失敗嘅飯非常失望但係我唔想嘥嘢 都全部食晒而我望到對面客人同樣叫Pepper Lunch見住佢食咗一啖之後去咗嗌多個譚仔食然後成碟飯，放棄咗可想言之，真係幾難食？🥲🥲🥲

行過一間牛排香飄四溢嘅店，真係挪唔開步！今次我就直搗黃龍，點咗份「牛柳粒鐵板燒」。噼啪作響嘅聲音令我期待滿滿，我等唔切，快手用鐵板把握火侯。香噴噴嘅牛柳粒唔只外表吸引，每一啖咬落去都香滑無比，真係「嫩滑」得嚟「彈牙」，口感一流！跟住，我叉起一啲「黑椒蜜糖雞翼」。啊！香甜同辛辣嘅碰撞絕對唔冲突，反而搞出好有層次嘅味道，雞皮烤到微微焦香，內裡嘅肉質鮮嫩多汁，真係一絕！最後，「海鮮味噌湯」喺食完燒肉之後暖笠笠進肚，絕對係涼冷日子嘅暖心之選。海鮮有鮮味，味噌湯底又唔會太重口味，啱啱好平衡返口腔嘅感覺。簡單來講，今次嘅食體驗正到不得了，下次再過嚟，我一定要再試多次，可能會揀個平日少啲人嘅時段嚟，咁就唔使等咁耐啦。總之，肚皮好滿足，心情都靚晒！👍🍽️😋

去到food court，有冇邊一間半間食肆，你一見到佢就會想食？唔係話最終一定會幫襯，但就次次都會一見到就心思思呢？我就有一間: Pepper Lunch。我每一次去到food court，如果有Pepper Lunch，我點都會猶疑片刻，考慮是否食佢。無他嘅，一字記之日：香！因為他們的鐵板餐真係好香，不用見樣已經知候道他們有駐場。點解會見親都想食呢？因為我覺得吱吱喳喳的黑椒汁、白飯、雞肉粒加太陽蛋放在一起，這個「鐵板碟頭飯」實在太大滿足了！小時候去食港式西餐西冷牛扒鐵板上是一件盛事，後來唔興鐵板，乜都話要擺碟，將醬汁在碟上畫幾撇就是高級了的展示。給我揀的話，我要一塊極美味、不是齋肥而是要有肉味的靚牛扒，放在一塊牛外型的鐵板上，加上西蘭花、薯條，黑椒汁或蒜蓉汁跟上，進行那個一倒落鐵板吱吱喳喳要拎條餐巾遮住、但又一邊遮、一邊偷望和偷聞那股煙味的儀式，這才是真真正正的「擺盤」！這種體驗，Pepper Lunch簡簡單單一個鐵板餐已經能夠提供，所以每次在food court見到也會心思思想食。那為甚麼不會次次食呢？因為每次去到，櫃面都寫著要等15分鍾(唔肯定是寫15還是25分鍾)，感覺上，

平時希慎廣場嘅food court坐滿晒人，今日平日下晝難得冇乜人，就過嚟食色香味俱全嘅Pepper Lunch。間唔中都會聽到有朋友講Lunch唔抵食，不過係一份黑椒粒白飯同牛肉片。但講真你喺屋企會唔會咁有閑情逸致整到嚟食先？蔬菜黑椒牛肉飯會罐裝汽水 $55黑椒粒加上靈魂醬料，攪拌薄切牛肉片同西蘭花，香口惹味，牛肉片燒到啱啱好，雖然油油地，但勝在好味。一餐半餐，又未至於唔健康。如果做咗會員，可以用積分換唔同優惠，例如加雞蛋加芝士。

個人比較中意食pepper lunch既雞多過牛，雞肉系一口size，肉質嫩滑。醬汁兩款都加就最開心🤣建議食法：加蛋加芝士系最完美既組合～再將所有配料一次過撈勻食，又系好簡單又好滿足既一餐🤤

中午11點半 food court 算少人 坐低就揀咗買Pepper Lunch express小朋友鐘意Pepper lunch express的兒童餐兒童餐有 牛肉粟米煎蛋飯 熱辣辣連埋鐵板上 將煎蛋同粟米牛肉飯 炒埋一齊變咗牛肉粟米蛋炒飯 仲有醬汁可以加兒童餐仲有一盒紙包利賓納飲品特別在兒童餐會有一張貼紙送埋係一張可以DIY貼一個Pepper lunch 鐵板餐的貼紙又有得玩又好味仲有埋飲品抵食 小朋友好鍾意呢個兒童餐會再帶小朋友來食

是日路經銅鑼灣希慎廣場，心血來潮想食鐵板燒牛肉飯，於是便光顧了Pepper Lunch。恰巧避開了午飯時段，所以等候時間唔算太耐。Set A ～～黑椒牛肉飯 $63罐裝無糖可樂久違了的牛肉飯，熱騰騰，加埋黑椒粒、蒜蓉汁，粟米和飯一併攪拌，香味四溢，令人垂涎🤤

Pepper Lunch絕對係大家嘅兒時回憶 由細到大都好鍾意食佢既鐵板牛肉飯！今日就去咗希慎廣場行，順便上去佢嘅food court 食pepper lunch!由於我哋係兩點幾嘅時候先去，所以都冇乜人排隊，亦都好順利搵到位坐！我就叫咗最普通嘅黑椒牛肉飯走蔥，等緊15分鐘度，就有得去拎！係等緊嘅時候我就自己拎多咗啲蜜糖黑椒汁，方便陣間直接加落去！香噴噴嘅味道就直接衝過嚟，再加上拎既黑椒汁，炸一聲，成個童年回憶返晒嚟 牛肉嘅質素都尚算合格，配上粟米，好快就食飽，大滿足