Pepper Lunch Express (希慎廣場)

Open Now

Now Closed

疫情關係，好耐無聚，出親黎都係一家大細，好耐都無閨蜜談談心啦！揀左希慎food court 可以座耐啲唔會比人趕，同每人鐘意食乜就食乜。最後嘈到10點，人地個場要收工啦🤣講返食左乜先，好耐無食過既pepper lunch! 嘩，呢間鋪由中學時期就有啦！閨蜜叫左澳洲肉眼牛扒，我叫左雞扒拼珍寶漢堡扒再加芝士！ 當年中學時食既味道依然，回憶返晒黎，差無着套校服者🤣夠熱！係自己落啲蜜糖汁重手左，咸左少少之外！啲芝士係拉絲效果架！總括甘多年都無變味，仲keep 得到👍

星期日的節目 ，就是去睇書 ，睇完書就要搵食 ，food court提供好多選擇 ，我們決定食胡椒餐。我就試下泡菜牛肉飯， 買完餐， 派咗個小飛碟 ，等個小飛碟著燈 ，就可以攞餐， 都幾得意 。但係， 我哋唔想飲汽水 ，餐廳只有冰水提供， 如果可以有熱水就更好 ，牛肉飯原來係用鐵板上 ，牛肉係生嘅 ，用熱嘅鐵板煮熟 ，啲飯都係擺喺鐵板上面 ，就會煎到乾咗 ，有啲似食飯焦嘅感覺 。泡菜嘅味道同我想像中有啲差別 ，太鹹， 唔夠酸味 。啲飯就好重黑椒味， 都幾香口， 仲加咗粟米同埋香蔥， 令到整碟飯嘅效果都唔錯 ，牛肉雖然係肥， 但係經過鐵板煎出咗油 ，感覺已經不肥了。 泡菜牛肉飯賣58蚊 ，都算經濟實惠。

好耐冇食突然好想再去，雖然知道好肥不過實在太香，在誠品逛就已經聞到，所以一上food court 就揀咗佢。店員服務十分好又勤快，未到7點晚飯時間就已經排隊。蒜香牛肉真係好好味，肉量和蒜片都夠多，呢個價錢算抵食。加十幾蚊就可以變套餐，飲品可以揀解茶，小食有麻醬秋葵直頭完美！好食又有營！大大力推介！我食咗兩啖時發現冇咗隻蛋，落單時有加蛋，show番張相店只即刻道歉同用新鐵板補隻蛋俾我，好有誠意又好味，不得不讚！

喺希慎廣場hea陣揀咗個窗view位 同全身鏡啱曬貪靚嘅女仔坐底咗可以用佢openrice個code scan慢慢揀嘢食，唔相坐咁多可以行出去逐間睇 睇啱心水食乜先至排隊買又得😉我揀咗最多學生哥食嘅pepper lunch

今晚諗住食food court好耐都冇食過Pepper Lunch 所以就決定食平時通常都淨係嗌佢最經典嗰個款式即係黑椒牛肉飯今次就試咗呢個芝士咖喱雞肉點知我發現原來咖喱只係咖喱粉得少少味完全唔入味 真係嗌返原味就可以另外明明希慎係好多人啲侍應竟然可以勁懶懶閒仲有一個鐘先至收工但係佢哋係咁指住個牌叫人哋等40分鐘好似唔想做咁

今日Lunch同同事去左希慎food court食晏, 諗緊食咩之際就聞到一陣好香既味道傳入我個鼻。原來係Pepper lunch 既鐵板飯香味, 大家都比呢陣香味吸引住就行左去收銀處點左個2號餐, 味道唔錯但油太多。

記得睇日劇午餐女王嘅時候講過，佢地話屋台食物（日本街邊檔）要吸引人要做到幾件事，第一係遠遠就要聞到食物嘅香味，行近啲要聽到聲音，而味道反而係客人決定幫襯後先會享受到嘅。美食廣場嘅概念大概同街邊檔差唔多，通常行到入去先至會揀食乜嘢，而希慎廣場food court入邊最能做到呢件事嘅係Pepper Lunch，所以目測佢都係美食廣場中生意最好嘅一間店。今日叫咗牛肉飯加三文魚，牛肉飯依然香口，配合埋粟米香蔥已經好夾。三文魚其實都唔錯，但由於鐵板始終比較熱，三文魚好易熟，所以食到後面嘅時候我覺得三文魚已經有啲過熟了。所以要食嘅話，真係要食咗三文魚先。

人越大你越會意識到你呢一世人食一餐少一餐，所以即使你冇時間，就算要食快餐，都要係令你享受嘅快餐。自從有咗限聚令，食快餐嘅座位都變得寬敞，唔使迫迫夾夾，舒服好多。其實一上到food court，就會比佢嘅味道同聲音吸引咗，我多數都會叫極量黑椒牛肉飯（小飯），今次手痕加咗芝士同蛋，但我覺得其實唔係好有需要，反而有點畫蛇添足的感覺。整量既牛肉係一般份量既一倍，但係只係貴$10。而加芝士同蛋都要$10，咁大家可以自己選擇了。

Lunch 時間，行入希慎food court 第一下聞到的一定係pepper lunch 🤭做完運動忍唔住，真太香，叫左個蒜香牛肉飯加蛋配利賓納🙉呢舖肥仔啦🙉🙉 講起pepper lunch 應該唔使點形容，但我想講因為限聚令關係，變左lunch 時間好難等位，食緊的時候好多人都會企你隔離，無疫情的時候已覺得有壓力，而家我更加覺得大壓力🙉🙉我諗大家都少啲去good court 正常舖頭外面等位感覺好啲

唔使我多介紹，香港人食過food court既都一定會知道呢間野，PEPPER LUNCH今次我地係cwb hysan廣場既food court食🤤我叫左咖喱黑椒雞肉飯加芝士加左道地烏龍茶，因為我戒左牛既關係，所以無揀到佢地最出名既黑椒牛肉飯😩食牛既朋友如果未試過就一定要試下，你真心會食上癮每次食佢地既飯都覺得好香🥰加左芝士令到成個飯更有口感，飯同飯之間有芝士既張力，唔會太濃搶左個主調，但又會令成個飯個層次更豐富❤️講起就好肚餓啦

Pepper lunch都好耐無食過，就決定今日lunch一嚐經典估唔到學生價仲可以減$8同送一杯飲品，我就叫左個黑椒牛肉飯加芝士，再加少少佢個汁撈黎食好滿足，牛肉亦雞嫩滑，值得一試

Peppe lunch放學之後就去咗銅鑼灣希慎最常嗰幾層嘅food court，比Pepper Lunch嘅香味吸引咗🤣.黑椒牛肉飯$50我就嗌咗普通size，嫌佢啲牛份量太少😭😭早知加10蚊轉極量🤣🤣但係佢嗰種鐵板嘅香味真係冇得比❤❤.Pepper Lunch仲有好多款😍有黑椒雞肉飯黑椒三文魚飯，咖喱泡菜等等都有🌟而且仲可以加芝士或者加多飯添❣❣佢重會有時有學生優惠👨🏻‍🎓👨🏻‍🎓彩你好唔好彩啦

全港最好食鐵板黑椒牛肉飯店每一次一定要嗌大盛先夠食， 可惜今期冇十勝芝士， 真係會香好多。記得一定要加蛋加芝士， 怕肥嘅好似我咁嗌支解茶消滯。牛肉唔會太鞋， 生熟可以自己控制， 最尾一定要加個蜜糖漿汁 。食完一定番轉頭！

Pepper Lunch Express係位於希慎廣場入面既foodcourt! 之前都食過好幾次，今日見好耐無幫襯過，一於再食下試下！. 叫左個香蒜黑椒牛肉🐮🐮🐮飯個鐵板真係好熱，食落要D時間🙊飯🍚同肉既份量都唔係好多！食完都唔係太飽！牛肉切得好薄，脂肪偏多，有黑椒味！配料有好多粟米🌽🌽🌽，撈飯一齊食幾好食👍🏾 飯質🍚偏軟身，如果可以硬翻小小會更好食！.以呢個價錢同份量黎講，唔算太抵食！

肉嘅份量都唔係好多，佢仲可以免費加飯，黑椒味都好香，啲肉脂肪都唔係好多，而且都有好香嘅黑椒味，啲飯都不錯，唔會好乾亦唔會好硬整體個餐不錯，不過就唔太抵食，不過味道都好好味