花椒子 (Closed)

呢間花椒子係呀女之前同朋友食過，這時係要續碟叫兩個人食了6百幾感覺很貴不過食物尚，後來知道有放題就俾多次機會去多次。首先這間花椒子和一般火鍋放題好唔同，完全冇熟悉，連飲品都不能自己去攞，所以你唯一出去伸展筋骨就係去取調味料或者去廁所。最最衰係點餐紙勁細張而且毫無選擇，來來去去都係丸、菜、豆腐、烏冬、響鈴呢啲平價野，就連海鮮也沒有。睇完個餐牌上次阿女食咗中間價錢，佢話啲小牛排唔錯好好食，於是抱着選最貴和牛餐應該不錯吧！於是滿心期待…當碟和牛上枱時候即刻感覺同普通肥牛冇乜分別而且仲好肥，肥呢個都算吧！食落口鞋颯颯完全唔係平時食和牛那種軟滑入口順滑感覺。即時降低曬食慾。

-花椒子-@旺角.寶寶想食火鍋，Happy Friday 就找間特別少少的火鍋店。見到旺角的花椒子原來逢星期五會有Live Music，請唔同人去唱歌，一於決定哩間。今晚請到的歌手係全民造星20強的OT。.點完野食岩岩好開始Live，火鍋店現場有人唱歌係幾特別，歌手同食客又有時會有小互動，都幾好氣氛。.餐廳的裝修以太空為主題，有卡位同普通枱，兩者空間都闊落，坐得好舒服。.見到火鍋Menu選擇好多，多到我地唔想慢慢揀，所以最後點左海鮮牛小排二人套餐($658)，配料有牛又有海鮮，湯底仲可以揀鴛鴦鍋，仲包埋飯/麵同兩罐飲品，會唔會抵食得滯？.自選鍋底我地揀左養顏花膠雞鍋(另加$48)同飄香酸菜魚鍋(另加$48)。.養顏花膠雞鍋有半隻雞，花膠唔算少但較薄身，都叫幾足料。店員會幫手剪成雞件，份量更顯多。落配料前先飲左碗湯，油底唔會太油太咸，夠香雞味。.飄香酸菜魚鍋用料都好足，有好滑身的鱸魚片同金菇，再用上爽口酸菜、花椒、莞茜等調味，酸辣香麻，超級能提起食慾。鱸魚片無咩骨，食得好放心。.手切牛小排 (200g)份量都唔少，夠香牛味而且好軟嫩。.海鮮拼盤勁豐富的海鮮拼盤，有龍躉片，九孔飽魚，海蝦，

朋友勁想食糍粑，搵左間環境以太空做主題嘅火鍋店，落到地庫好似入左個基地咁，裡面營造唔少幻彩燈令你置身喺科幻夜空🌌🪐香港較少見。火鍋有單點有任食放題，但我地發現放題款式較少，無海鮮任食，同埋限時用餐，所以決定單點，鐘意叫咩就叫咩，無限時。湯底擇咗酸菜白肉鍋＆ 麻辣鴨血鍋， 唯一衰在單點係無得任加鴨血🙃 原本麻辣湯底其實唔太辣，後來我地單點兩碗鴨血加入湯底，慢慢就愈來愈濃味。邊個想濃就滾麻辣湯底，想清就滾酸菜白肉鍋🤭 整體食物唔錯，擺盤好，牛小排真心好食，必叫👍👍甜品當然係 紅糖糍粑，口感好似食年糕，軟軟黏黏的，好食！

旺角於Long Weekend重現熱鬧的氣氛，行人路、行車路都水洩不通。是夜穿過人海，到雅蘭中心吃個火鍋。這店的裝修以太空為主題，別有特式又玩味。火鍋有分不同的二人套餐和火鍋放題，也有單點鍋物配火鍋，選擇甚多。銀河級火鍋放題120MINS $268湯底倆口子鐘愛雞湯底，人蔘藥膳雞鍋濃郁惹味，味道健康又養生。+$48要花膠雞鴛鴦鍋，一次滿足兩個口味，半隻黃金嫩雞有店員親自拆件，雞油香邪惡又美味，雞肉幼滑，骨碎不多。配料食肉獸大飽口福，可以任食美國肥牛、手切牛小排、紐西蘭羊肉捲和西班牙豚肉片。手切牛小排雪花完美，牛味突出，再配上鮮味湯底，當然要Encore再Encore！其他配料如麻辣鴨血都很出色，嫩滑之餘，其麻辣也入味，不嗜辣的也可以輕易Handle。為了一解突然而來的海鮮癮，+$118額外Order廣島蠔6隻，大大隻，肥美飽滿，肉質鮮甜、嫩滑，甘香可口。飲品第一次喝到太興出品的罐裝奶茶，茶和奶的比例恰當，雖然不知與茶記現沖的分別有多大，但邊吃熱烘烘火鍋，邊喝冰凍奶茶是爽的。

今日下晝去咗朗豪坊呢一邊行街，行到咁上下朋友話想食飯好肚餓，就揀咗呢一間喺旺角雅蘭中心嘅花椒子！餐廳係用太空主題為裝修，有好多唔同好得意嘅裝飾同埋燈牌，亦都有好多好靚嘅霓虹燈，啱晒鍾意一班打卡嘅朋友 午市都幾旺場，網絡最少都有10台！ 我哋就揀咗中間價位嘅午市放題，見到佢嘅手切牛小排好吸引，就決定帶呢一個餐試下！湯底就揀咗麻辣鴨血湯同埋花膠雞（+$48）😏 好期待佢嘅花膠雞湯小食就叫咗花椒皮蛋同埋涼拌蓮藕！我哋就叫咗小辣，皮蛋加埋辣醬味道非常配搭，份量而言$38其實都算好多 涼拌蓮藕亦都非常爽脆，作為餐前嘅小菜一流，涼拌嘅味道亦都唔會太過辣，適合我哋呢啲BB辣嘅人士火鍋配料方面，其實都有好多嘢選擇，我哋都唔敢叫太多，費事浪費，特別推介佢嘅手切牛小排，每一件味道非常濃郁，好少放題可以提供到咁高質素嘅牛肉，同出邊散嗌，每碟$300至$400嗰啲有得比較！忍唔住最後再叫多咗碟！另外我哋叫咗午餐肉響鈴魚皮！魚皮脆卜卜，加埋麻辣湯非常好食另外一定要推介鴨血，鴨血再加入麻辣嘅湯底之後，非常入味，忍唔住食完一件又一件，正飲品方面我就叫咗啤酒，啤酒任飲都只係$48，仲要係生啤！朋友就飲咗太興茶餐廳出品

Peppercorn has a very modern and stylish interior design. A space and ET theme is used and the light effect is gorgeous. Apart from that, the food is of high quality as well. You can choose all you can eat or order single item. It suits different customers’ needs.I recommend a seafood set for two. I was surprised that besides soda, asahi can be ordered too. The chicken pot required $48 extra fee but it’s worthy. It was smooth and delicious! Another side I ordered a Mala pot with no extra fee nee

120分鐘放題，點了牛小排但20分鐘都未上。話需要人手切，但現場只有2枱客人。催了幾次先上。麻辣鴨血湯底完全冇味。放題講明任飲任食，要一罐嘢飲都要落單等成十幾分鐘。唔叫唔拎段。現場又有烏蠅飛來飛去，只有裝修環境可取，簡直可一不可再。伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏

今晚去咗一間位於旺角嘅打邊爐餐廳，裝修非常之有特色，完全好似置身喺太空打邊爐咁。首先我哋嗌咗個鴛鴦湯底，分別係花膠雞湯同酸菜白肉湯底。絕無誇張，佢係半隻雞成個放落個湯底度，花膠亦都非常之彈牙，吸晒雞湯嘅精華，好濃郁嘅湯底真係好滋味。另一邊係酸菜白肉湯底，酸度啱啱好，亦都非常之多肉，好抵食。牛小排牛味非常之濃郁，亦都入口即溶，三色丸仲要係自己手打嘅，分別係墨魚丸，豬肉梅菜丸同埋蝦丸，睇得出呢間餐廳係有心思嘅。海鮮方面亦都非常之有驚喜，佢完全唔係雪藏海鮮，放落個花膠雞湯度將個湯底升華咗， 呢度竟然係可以食到龍躉魚片，鮑魚，帆立貝廣島蠔，全部都係貴價食材。除此之外呢度嘅侍應生都好有禮貌，會為你定時定候加湯底，同埋呢度嘅服務水準一流，用心服務先會食得開心。最後我哋先落蔬菜，啲蔬菜吸收晒雞同海鮮嘅精華，除咗鮮上加鮮之外，最後落埋個烏冬落去今餐真係非常之滿足。

自問係酸菜魚愛好者留意啦，內地朋友嚟到香港旅行或者香港本地人去到旺角。今日嚟試咗呢間旺角雅蘭中心新開嘅「花椒子」，一睇個裝修就知道佢係要網紅打卡為賣點，（本身都冇諗住有咁高期望，始終覺得呢啲花巧裝修嘢😂）點嗰度一食落口竟然成為我本年度最愛嘅酸菜魚店😂😂。其實呢間舖頭仲有好多其他川菜食，不過自己一心鍾意食酸菜魚，所以今日就主打食酸菜魚再加其他配料。💓必食：飄香酸菜魚🐟貼心加分，一可以自行調校酸度，我自己就鍾意食酸啲，所以叫揀咗酸d。一上菜嚇死我哋，二百幾蚊一大鍋，勁足料。全程用個爐熱住，完全唔驚食到尾會唔熱。酸菜嘅份量完全足夠食到最後都仲酸菜。魚肉超級滑，無腥味同泥味（偶有少量嘅魚骨，食嘅時候要小心啲）💁‍♀️美味追加配料蓮藕片萵筍片紅薯粉午餐肉韭菜餃牛柏葉食材全部都好新鮮，好索湯汁😋。值得一提嘅係，嫩鴨血，蜂巢豆腐。原來係用麻辣湯預先處理咗。入口去辣辣地好入味。🥰推薦必食小食💓紅糖糍粑外脆內軟，咬口甜到啱啱好。🫦脆炸小蘇肉。即叫即炸，熱辣辣咬落去都係隨脆卜卜🗣️

🚩 花椒子 火鍋店通常都裝修得好古典，太空主題嘅火鍋店真係第一次見🤟🏻等我睇吓佢係咪真係好食到上太空先😌 〰️〰️〰️〰️〰️〰️〰️〰️〰️〰️〰️〰️〰️〰️〰️ 🌈 海鮮牛小排二人套餐 $658 ✨養顏花膠雞鍋 +$48 大家一定要飲下養顏花膠既湯，真係好鮮甜 一上到黎既時候係會見到有半隻雞係度 店員會幫你剪到一舊舊方便食 同埋仲有好多花膠係入面～ 年紀大 真係要補一補😂😂 ✨酸菜白肉鍋 一般般，不過不失，唔想食麻辣湯底既可以試下呢啲 真係好足料，好多好多白肉！ 🌈 手切牛小排(200g) 油脂含量豐富且肉質結實，油花分布均勻 每塊嘅厚度都適中，入口半溶！ 🌈 海鮮拼盤 拼盤好豐富有龍𧄌片，九孔鮑魚，海蝦，𠝹花魷魚，帆立貝，廣島蠔，珊瑚蚌同埋翡翠螺 廣島蠔比較大隻同厚肉，好肥美~ 帶子同大蝦亦都好新鮮！ 🌈 三式手工丸 梅菜豚肉丸，手工墨魚丸同鮮蝦丸~ 墨魚丸同鮮蝦丸都好彈牙好好食！ 🌈 蔬菜什錦拼盤 應有盡有，響鈴、炸魚皮、粟米、生菜、萵筍、娃娃菜 唔洗諗~好過自己單點🌈 烏冬🌈 薯粉

好耐冇係香港打邊爐🤣🤣見到呢間花椒子都幾多好評，即刻同家姐去試吓～❣️火鍋放題 銀河級 $268 👀佢一共有3個級別，今次揀咗中間級數～套餐會包：手切牛小排、美國肥牛、紐西蘭羊肉卷、西班牙豚肉卷同其他配料任食！😚👀今次揀咗麻辣鴨血湯鍋同埋人蔘藥膳雞鍋～鴨血超正！！佢嘅麻辣唔會令人辣到食唔到，係好香嘅，鴨血好似啫喱咁🥹🥹超好味，加埋煮湯嘅豆腐，一流！相反人蔘雞鍋就比較清淡～不過幾滋補，完全係兩個對比😂👀個人覺得佢哋嘅牛都幾好味，唔會切得好薄，但保持到牛肉軟腍嘅質感👍🏻個人更加鍾意牛小排嘅口感～👀配料方面除咗肉類，其他小食都幾出色～最愛都係芋頭貢丸！牛柏葉都好爽～炸午餐肉邪惡但又必食😚😚👀除咗火鍋，仲叫咗啲小食🤣🤣❣️紅油抄手 $48👀size比餃子細少少，入面係白菜豬肉餡，撈勻晒啲紅油一齊食超惹味～❣️紅糖糍粑 $48👀必食！！！內裏好軟糯，但出面層皮做到微微脆，配合香甜嘅紅糖漿，唔食會後悔🥹🥹

太空主題川菜火鍋店🚀行落地庫餐廳有進入太空艙嘅感覺店內佈置好多霓虹燈同太空人元素牆上有唔少招積金句 令好食得辣嘅我真係會心微笑😌以QR code隨時落單唔使等醬料茗茶 $20/位 價目清晰了然設有星球主題包房 適合大班朋友嚟食住上太空湖南辣椒炒雞 $198非常值得推蔫嘅主打菜式！整鍋上桌 輕炒兩三分鐘就食得 湖南辣椒幾爽脆 有點微辣 仲加入白木耳同椰菜雞肉又香又多 好惹味 會想加碗白飯😋花椒魚頭鍋 $198滿滿嘅花椒辣椒蓋滿晒大魚頭 魚頭肉好嫩又重骨膠原入面仲有蓮藕、萵筍、芽菜同薯粉選擇標準辣度未算好辣 下次要試吓大辣😆海鮮配料都相當滿意！大扇貝 (4隻) $68 - 大大隻 抵！九孔鮑魚 (2隻) $48 - 新鮮彈牙 珊瑚蚌 $68 - 好爽口 約有8件 份量好足脆炸小蘇肉 $58熱辣辣炸得好香 啖啖肉紅糖糍粑 $48必點！糍粑外脆 香甜軟糯又煙韌 勁好食玫瑰冰粉 $38冰粉透心涼 清甜解滯 仲可以自己落黃糖

花椒子 旺角彌敦道639號雅蘭中心地庫B102號星球探險 太空主題 潮流科技最前線霓虹燈 至潮玩味打卡位 太空人星球吊燈掛飾特設派對房間提供包廂 火星 木星 金星裏面有好多金句 「辣得起 先夠椒積」「chill下hea下」時尚型格火鍋----多款經典火鍋湯底----精選火鍋配料 食辣 辣得過癮---->>美蛙魚頭鍋及麻辣鴨血湯鍋 保養 養生---->>養顏花膠雞鍋，鮮味十足飄香酸菜魚 食完就火鍋🍲！$268魚片滑 酸度有standard 少酸 多酸 自己QR Code落單時揀$68有扇貝4隻 抵食過出面多多聲$108。6隻海蝦 大大隻 肉彈 實 $48 九孔鮑魚。 鮑魚煮耐D更入味$138龍躉片龍躉好食！係貴左少少 絕對值得食厚切白肉 下次再叫$48紅糖糍粑 作為甜品食川菜必食 大滿足

起旺角雅蘭中心側面有間好色彩繽紛既舖頭，係太空主題，但睇完menu發現都可以打邊爐，就落左去，佢每一張枱都好闊落，坐得好舒服。麻辣鴨血湯鍋 配 花膠雞鴛鴦鍋 -鴨血鍋既麻辣唔係好似重慶麻辣火鍋既味甘，反而有d似台式麻辣火鍋既味道，佢既鴨血都好足料。-花膠雞鍋好吸引，全部都無雞，份量好多，感覺上都唔洗叫火鍋配料太多就已經飽，佢既雞湯好好飲，對女士黎講都好補。土豆片-唔厚唔薄，分量適中萵筍 同 福袋-福袋會爆汁鮮冬菇

兩三年前想搵間午市火鍋都難，港九新界一隻手數得晒。但而家一街都係，出轉旺角隨時十間八間，逐間試都有排試。呢個現象反映兩個可能：1. 香港人真係好鐘意打邊爐，晚市都唔夠，仲要打埋晏晝。2. 生意難做，晚市冇生意連午市都照殺。今日見到社交媒體廣告，呢間叫花椒子做緊午市120分鐘任食火鍋，特價$148，仲要免加一。擇日不如撞日，就去試試佢。1:15 去到門口，問阿姐係咪有$148呢個餐，佢竟然唔知，話要問經理。經理出嚟話原來要去唔知邊個網頁度買飛然後隔日再去先係$148，正常就$158。爭十蚊啫吓話，我都懶得搞，㩒嚟㩒去都蚊瞓，一陣㩒錯掣仲麻煩，貴十蚊就貴十蚊啦，我秒秒鐘幾十萬上落都唔爭在，最緊要唔好煩到阿叔。餐廳喺地牢，落到去見到啲裝修都幾新潮，好重霓虹光管元素，充滿 cyberpunk 味道。門口對住係一個小型 music stage，更加令佢似酒吧多過似火鍋店。係咪大時大節會有 live band？係嘅話一路飲住酒一路聽歌都唔錯。而家晏晝流流當然冇 live music，不過喇叭都大大力播緊歐西流行曲，仿酸枝枱凳中國風唐餐館播鬼佬rock，呢重反差大異其趣。望勻全場，只有一枱兩個客喺度