法老王 (Closed)

這一晚我與友人相約在元朗吃晚飯，本來我們想在雞地隨便找一間cafe.... 但你知啦.....女孩子總是三心兩意，選不定啦! 然後，我地再周圍逛一下，走到一間很特色的餐廳-- 食埃及菜 由於我們一同四人還未嘗過，所以便急不"及"待進去了!女侍應首先問我們有沒有訂位? (由於餐廳地方不算太大， 只有六張桌子，大約15人)可能是weekdays 的關係，幸運地不用等位我們點了幾碟小食 及 主菜 分享第一次食埃及食物又不覺得難入口，反而覺得驚喜以下是我們點的菜式:小食有點像平時茶樓的春卷，味道可接受! 讚的是它的醬汁(似沙拉醬，但不酸)濃濃的芝士配上香口炸魚柳，簡直是絕配喜歡cheese 的朋友不要錯過 (有少少鹹呢)4隻雞翼剛剛好每人一隻，又是醬汁的威力--> 很香的(有少少像譚仔的土匪雞翼)卡巴 --> 應該不少人都聽過這個名啦，我們點了兩款試蝦比牛 入味些，入面的配料配得相當得而! 強烈推介!!!!!!由於女侍應見到我們生面口吧 她就教我們應該要怎樣食!hahaha....又是點醬汁的時間食的時候需加入醬汁 分別是 蒜蓉 薄荷 辣(店員很體貼的分了四份給我們)我們上一手

埃及菜算香港少有，去過元朗2次，先找到 店舖雖細少，但裝飾很有中東特色鮮榨果汁新鮮，好味，但太細杯，一杯唔夠飲 所以加多飲梳打羊肉串加飯，羊肉好入味，鬆軟，飯不是一般白飯，入面有蕃茄，成個飯都很香，有蕃茄甜味，還有最愛的蕃茄醬 牛肉卡巴，呢個好特別，擬似老板娘教我地要像雪糕一層層食，加入不同的醬，有白色的椒蒜蓉，綠色的薄荷，橙色的辣，必定要試雞串沙律，份量好大，蔬菜新鮮，健康之選 西米燉蛋，旦好滑，少少甜，好食，但西米不夠諗，埃及甜品似啫喱布丁尚可

話說呢, 我地屋企基本上日日都會煮飯, 由爸爸操刀多~ 咁梗係以中式小炒為主 今次, 到我生日喇 ! 出街食得多日式/ 泰式/ 韓式都會悶既, 想有D新意思, 轉下新口味~ 比我起OPENRICE發現左呢間起元朗<法老王>有埃及菜食, 加埋評語不錯呢~~即刻打電話訂位, 我唔算太熟元朗D地理位置, 訂位時貪方便問埋邊個站下車會近D XD ~ 估唔到我約左7:30食晚飯, 7:00左右店方打電話比我呢, 我仲以為係同我CONFIRM BOOKING~ 原來係問我識唔識過黎, 好貼心~ 好易搵, 起大棠路站下車, 行去好快就到~店子不算大, 可以坐20幾人到啦, 門外同門內&傢俬同樣充滿佈置, 加埋店內播既音樂 , 令到小店同樣可以感受到埃及風~ XD睇下埃及MENU先, 放心, 入面有繁體字既~ 哈哈一行5人, 點菜開餐~中東式薄餅 - 羊肉卡巴 $62 / 牛肉卡巴 $59店方自家制麵包軟熟, 包著蔬菜, 同自己挑選既肉類, 醬汁有3款 (薄荷/ 蒜/ 辣), 隨意加D醬汁上卡巴食, 正!炸魚伴薯條 $55即叫即炸, 魚柳是龍脷魚, 魚用醃料處理後, 味道香~ 炸粉亦都

朋友大發現>>係一間少有食埃及餐既餐廳…之前已經黎搵過一次…可惜搵唔到… 原來係係內街…門口並不特別顯眼…反而內裡好有民族色彩… 特色之一係有不定時既土耳其舞表演...據老闆娘(疑似係 )提供資料...土耳其同埃及係兄弟黎....文化食品都頗相似...menu亦甚有特色..原來呢度仲有水煙...我同朋友並不食煙...所以無試到... 兩杯鮮榨果汁好足料同新鮮…石榴汁仲有d粒粒“子”係度 ...唔夠喉...所以再添加左杯soda水... 菜好新鮮爽脆…雞好唸…沙律汁淡味得黎有點奶…但唔杰唔“溜”…老闆娘好細心…教埋我地點食卡巴>>有3種醬（白色）椒蓉，（綠色）薄荷，（紅色）辛辣…椒蓉同薄荷味都唔夠濃…薄荷唔會有涼快既口感…反而辛辣味較明顯…不算太辣…但3種味都有奶既感覺…特別...羊睇落去黑mon mon咁...仲以為唔係“濃”左…就係落左黑椒…點知兩樣都唔係…烤到好唸…仲留有點“騷”…好有羊味…配埋煙煙“kun”“kun”既珍珠飯…最特式係>>羊唔係配薄荷醬或芥辣…而係蕃茄醬…佢同一般既蕃茄醬唔同…相信係用新鮮蕃茄磨製成蓉..

星期六美好的日子豈能浪費掉和媽媽家姐三人到元朗看看傢俬及逛逛街 家姐早就決定在法老王用餐 當逛完傢俬店也差不多六點多 所以就步行到法老王 找了一會兒 也找不多 所以大開地圖找 發現在旁的餐廳都是我熟悉的 所以到了一間熟悉的店外 發現原來法老王在旁  我也算是在又新街經常覓食的人 竟發現不到法老王的存在 我也太不小心我地進內只有一對情侶用餐 我們相約另一個家姐 一行四個 好耐沒有一家人(沒有爸爸)用餐因為大家姐還未到達 所以我們自己點了浮雲沙律 羊肉黃薑飯浮雲沙律Fatoush salad($35)真的看文字也不知道暗藏着甚麼玄機 當我們研究的時候 應該是老闆娘過來介紹一番 浮雲沙律是加上 一些樣似麵包薄碎 的沙律 在希臘及浮雲沙律兩個疑惑了一下下 最後選上了浮雲沙律 算不上有甚麼特別 不過蔬菜新鮮 蕃茄不是酸酸的 帶點鮮甜的味道 青瓜爽脆鮮甜 沙律菜份量很夠 四個女士分着吃也足夠 燒羊肉飯(Roast Lamb With Rice)$62黃薑飯十分吸引不只是在顏色上搶眼 味道也勝於普通的飯 黃薑飯配上羊肉真是大快人心 羊肉很香 廚師把羊切成條狀 方便入口 配上洋蔥等炒 香味

之前睇雜誌有介紹，便與honey一起來品嚐埃及菜。早4天打來book 7pm, 但佢話因星期六當晚有肚皮舞表演所以果段時間已full哂，咁唯有book 6pm早啲食冇咁多人；我地好準時6pm去到該餐廳門口，驚訝發現間餐廳面積細得離奇(心諗仲點可跳肚皮舞), 一入去條走廊十分窄，不過餐廳牆，天花，用磚或一些埃及特色雕像飾物等都粉飾得尚有心思，menu封面亦具備特色，一對埃及女人眼睛充滿神秘色彩，打開menu菜式亦非常豐富，我地order食物如下：浮雲沙律 - 用上橄欖油做basic沙律汁，配上大量蔬菜如椰菜，蕃茄，青椒，黃椒，紅椒及西生菜，另外有些啡色方型脆片，咬落去味道有啲似黃糖般，成個沙律講真唔係太過特別(係個沙律名好似好得咁), 但每枱都會有三支醬俾你任點，青色果支似係蔬菜薄荷沙律醬；白色果支似普通沙律醬，紅色果支則加了辣椒既辣椒沙律醬，呢個浮雲沙律配上呢三種醬即刻好味左成倍~眉豆羊肉煲(有2塊麵包) - 黃白色的眉豆煲得很軟，羊肉切成肉丁狀，最正係啲羊肉夠酥，個鍋有好多紅色湯汁，食到有蕃茄，黑椒及一些特色香料mix成，再加上羊肉粒既酥香當湯飲配上熱騰騰又軟熟既扁圓型既麵包都好正~

埃及菜，在香港很少見，但在元朗竟然見到，所以試試！餐廳比較細，枱與枱之間比較窄，但內裡裝修都也不錯！餐牌也看似也很神秘呢！埃及菜同土耳其菜也差不多，這裡的價錢都算大眾化。每枱亦放有點卡巴必備3款醬料，想落幾多都得！ 呢個羊肉卡巴，菜比較多，肉就比較少，但味道都唔錯！雞串燒得唔錯，燒完亦唔會好乾，好香口，中間仲有青椒間著。由於我想食黃彊飯，但嚟錯咗個白飯，所以老闆娘話比個碟我，但無留意佢有無收番我錢。 呢個甜品係送嘅，但係非常之甜，味道就好似一塊點咗好多糖槳蝴蝶酥咁，我諗唔係咁啱香港人口味！

路經元朗被門口吸引*法老王餐廳*行入餐廳個刻。見到靠牆有排中東布藝沙發。正播放埃及音樂。別有異國風情感覺。我地點佐燒青魚餐。羊肉沙律。羊肉卡巴多汁多菜好好味。有甜品好似小麥圈。好甜。老板話用蜜糖製作。係埃及甜品。真係甜到漏。

元朗一向美食多多,單單一條又新街已有不少選擇,近來還有埃及菜及印度菜進駐,這條小街也愈來愈國際化了!難得常有聯絡的街坊食友也對這家埃及菜有興趣,一於擇日齊齊去埃及......餐廳吃飯。某個週末跟食友逛完書店,一身書卷氣的一同出發至法老王,傍晚六時原來已營業中,還在沾沾自喜的不用在炎熱街道上等待開門之時,應是老闆娘的女士主動地告知二人現在入座便要在七時交枱,只因是晚有PARTY哩。距離晚上七時還有一小時時間,如廚房出菜時間可以配合的話也無不可,老闆娘肯定地給予答案後,埃及快飯隨即開始。店子如同街的食店般同樣細小,狹長的餐廳要是坐滿客人其實也很迫狹,是晚還有肚皮舞表演,真的想知道那位窕窈肚皮舞娘如何在如通道的空間裡跳肚皮舞呢??? 她的輕紗舞衣應會觸及客人了吧?!還未去過中東地區,在餐廳裡的也應是中東風味的裝飾吧,兩面的磚牆令我想到黃沙萬里中的金字塔,顏色鮮艷的沙發座位真的蠻特別,也許為稍後的肚皮舞作準備,店內播放著節奏明快但不懂得是否埃及語言的歌曲,氣氛是有點讓人愈坐愈high的。店子小小連帶桌子也是小小的,不過還放著一瓶支裝蒸餾水,問過是免費的可安心享用,就算要收費也要精明地看看價錢唷

這是埃及菜的餐廳 感覺很新鮮！老闆娘很親切，又會推介菜色隔左成個月都想比番個好評佢掛住食 只係影左呢個 好得意 味道好，有自家製的醬汁可以自己加有羊肉雞肉牛肉魚肉 我選了雞肉另外還點了魚配飯 飯很香 味道特別 要試下！叫左羊架 都唔錯 幾林。飲品方面叫果汁會抵啲 我以為梳打水係好似平時果啲汽水咁，叫左先知係無味，真係純正梳打水，唔係好岩我口味最後老闆娘還送上甜品 係埃及甜品，都幾甜滿足的晚餐

早在四月的時侯當我在元朗閒閒逛時無意中發現了法老王，除了店名不乏"霸氣"外，除了門面也十分吸引眼球外，最主要是這裡主打的埃及菜。這類"國家菜"向來在中上環一帶才出現，現在在元朗都有了，當然會令我這個屯門人加不喜歡出遠街的人帶來驚喜。早排食友在OR都發現了法老王，正好大家都好想去試試於是就速成今晚的飯局。我們沒有訂枱，正當想進店的時間，女店員(可能是老闆娘?)便出來，告知我們現在入來就要7點前交枱，看看電話即是我們只有一個小時的進餐時間...醒目的食友便反問老闆娘"你們廚房出菜出得切嗎﹖"，當老闆娘肯定回覆是可以之後，我們便照樣去馬了﹗內裡地方實屬"的式"型，靠牆位有兩張枱，靠梳化位有三張枱，約容納20人左右。周圍都放有不少地道裝飾品，加上店內播放的埃及(?)搖滾歌曲，增添了其風情及氣氛。枱上放有很多調味料，當然最令我喜歡的就是在吃土耳其菜都會有的三色乳酪醬﹗原來連埃及菜都會用到這些的哦﹖枱上亦中有一支維他樽裝水，因為我在餐牌上看不到收水費的項目，食友便問女店員，原來支裝水是給食客飲用，不用收費的。以餐廳開支角度看的話，本地樽裝水應該比自來水更平了吧﹖餐食選擇都齊備湯﹑沙律﹑卡巴﹑飯類﹑

打工仔推介~最近調左去元朗返工，發現元朗食個LUNCH都幾貴，食左成個月行左好多地方食，今日見悶悶地走左去一間好特別既地方食，我入去之前以為係印度菜餐廳..點知入到去先知原來係埃及!!真係咁大個女都味食過埃及菜，的確係眼前一亮同埋覺得好新鮮~所以真係要推介一下~話說今日晏左出去食飯，諗住食新野，點知去到門口見到佢地原來係"落場"時間(果陣晏就4點)，果2個埃及人正想關門果陣見到我地想入去，都即刻開門話比我地入去~(真係唔係咁好意思，阻住佢地休息)行到入去O曬嘴，D 梳化係果D好有特色既設計，同埋牆上都有D擺設，之後佢開左音樂，果下覺得自己上等人咁，好有FEEL~~~之後我地叫野食，野食款式唔多，主要都係雞,牛,羊(唔記得有無豬)我地一個叫左牛肉沙律飯，一個叫左雞肉沙律飯，一個叫左串燒沙律!其實個名真係唔特別，但上碟就真係有意外驚喜~出奇地好食!講下我自己~我食果個係牛肉沙律飯~牛肉真係有牛味，因為佢無落醬去煮，所以牛肉既水份仲KEEP到，而且係7-8成熟，所以好重牛味!!!(但係切得太碎)雞肉沙律飯，無咩特別，但係配左D佢地鋪頭既醬汁真係超正(唔記得影底個醬)個醬有3支，一支白色(好似

說話這天去元朗市中心看lego展覽，順道在元朗食午餐。經過又新街，林羅滿目的食店，選擇花多眼亂。行到這間店，友人被店吸引，初初我以為埃及菜全是又乾又辣的，但其實並不是這回事。進入店裡，店裡裝修不算太多，座位約有十多個。坐著頗有民族風情的疏化，配上埃及輕鬆音樂，感覺頗舒服。看看餐牌，我點了一個魚卡巴($38)，友人點了一個羊卡巴 ($38)和薄荷茶($10)侍應熱情有禮，還用維他蒸餾水各倒一杯水給我們(普遍小店也是用水喉水或煲過的水)，看看遠處，有幾箱維他蒸餾水，既衛生又體貼！我們的午餐到了，侍應拿了兩個醬給我，一個是薄荷醬，清新且甜，一個是辣醬，用作沾卡巴，個人認為淨食包已非常美味，不需沾其他增味 ^^在進食期間，廚師很有心，他向每抬都問問食物意見，希望提高食物質素。我和友人也十分喜歡這個抵食午餐，水準高，服務好，我會推介給其他朋友呢！