錦麗 (世貿中心) (Closed)

運動之後勁肚餓，朋友們介紹呢間食越南野好食，就去試下，一坐低已經有一人一杯for越南粉既香草同芽菜，我叫左個雜錦既，乜都有！最正係牛丸！大家如果唔想食咁多餸，可以叫牛丸果個！呢度既牛丸好彈牙，同出面食既有明顯分別嫁！係台面有介紹啲香草🌿要整碎佢，但如果要走蔥，記得同職員講呀！芽菜唔夠可以叫佢加多少少，因為朋友唔食，所以我都無叫到加。。最後加左雞翼同春卷，2樣都好好食，如果想試，絶對唔會失望！飲品就無叫，因為怕飲唔落。。整體十分滿意！

我未試過食越南錦麗，不過我相信好食既去到邊都會得人欣賞既。當錦麗響apm開果陣，我都排過一陣去食，當時覺得係不錯但又未去到人地講超好味既地步，心諗可能自己食得少所以覺得無謂comment，但之後香港越開越多唔同小店，食得多左自不然開始有少少要求。(不過我覺得十幾年前我響澳洲食既，香港到而家都仲未有店可以追到個水準。)好啦，話說去銅鑼灣行街，癮起想食碗Pho，但又冇新店，見錦麗響世貿開左就去再試下，以為唔駛點排啦，點知都要第3-4張枱先有位，果然仲係幾hit喎。坐低就叫左綜合牛肉粉，上之前俾左啲青檸同芽菜和香草，但可能擺耐左，啲芽菜望落少霉。碗粉黎到見個賣相好好，湯係ok既但飲落感覺似係味精湯，最出事係啲河粉一夾上黎係一餅野，未煮散，我估啲河粉因時間關係一早煮好，一有order就倒個湯落去？所以個湯都好快就涼左.... 肉量係多既，牛丸牛肉味道普通，成件事比我果陣去佢apm店初開果陣退步左好多。另點左個炸春卷，又係出事，個肉餡冇咩味，但最大問題係佢唔脆，淋哂，咁點得呢？個粉又煮定個炸春卷又好明顯炸左好耐，咁真係好失望。最好食係個牛油雞翼，個雞翼牛油味香又炸到外脆但內裡仲嫩肉多汁，叫成餐飯

成日係世貿排長龍，不過又見到朋友post話唔得，咁好奇就去實地試吓。首先朋友comment話煮麵個水污糟，搞到個湯唔夠清，可能我5點幾去試，算係頭輪食，所以無咁既問題，個湯真係好好味。我叫咗生熟牛肉加牛丸，一次過試晒佢，不過生牛肉上到枱係全熟，成碗嘢都係熟，而且超厚同鞋，舊熟牛肉(牛腩)似煲咗好耐湯既湯渣，係化開但好鞋口同埋無晒肉味，得個散字。反而牛丸好食，好有肉味，似新鮮牛肉打，除咗牛丸、湯同河粉我地都食晒，我同男朋友(仲聽到隔離枱)都覺得d肉真係唔好食。不過飲品好出聲，叫咗個越南咖啡，超香同超濃，勁正。另外，叫咗個椰青崩大碗，唔知係乜不過又推介就試試，原來話係越南涼茶咁上下，雖然味道怪怪，第一啖唔係好接受到，不過飲落唔錯。環境方面，可以啦，光猛，唔係坐得特別闊落，不過張枱黏黏，可能環生方面要搞搞佢。價錢以銅鑼灣世貿，都幾抵。我未去過越南，所以唔知又鞋又厚既肉係咪先係越南正宗，不過都建議一試既

今日又去左食錦麗，等二張枱就有位，四個人叫左綜合粉(x3)牛油果米紙卷，牛油雞翼，椰青崩大碗，薏米水，同咸檸七，牛肉pho非常正，牛丸牛肉味重而且咬落去有牛肉同筋，有少少牛油香。湯頭鮮甜濃而且無油，生牛係薄牛肉片，有四片，而熟牛係牛腩，唔算肥既腩偏瘦的，自己喜歡這種口感，河粉用左正宗的越南乾河粉而不是中式，配菜有葱同芽菜，青檸，辣椒粒，另外有史拉差醬。個份量都算剛剛好而且價錢超值。牛油雞翼有四件，熱辣辣生炸，好香牛油味同有蒜蓉係面，脆皮得來粉漿不算太厚，好香口好好食，幾啖食哂。牛油果米紙卷算係素食者可選系列，有牛油果，粉絲同蔬菜，但細卷一點，不過不失絶對有下次！

今晚同男朋友撐台腳 聽聞錦麗Pho好好食 試下係咪咁好食先環境不錯呀 6點幾去到 都未Full餐牌係單張 自己寫完就比職員落單叫左生牛肉河 同半生熟河同埋燒雞肉米紙卷半生熟河原來係一半生牛肉 一半係熟牛肉😂我以為係全部半生熟牛肉😂😂😂誤會了不過生牛肉味道有牛味同埋嫩 新鮮 而熟牛肉比較厚 係牛腩位置既牛肉比較韌 我比較喜歡生牛肉 不得不提湯底 超好飲 好濃好味既湯底 好有誠意燒雞肉米卷 係好清新 但食唔係好到有燒雞肉🤣食到有菜同米粉😂 皮係好薄 但整體係好食 但重點燒雞肉食唔出😂好味既Pho下次再黎👍

最近越南牛河牽起一股熱潮，皆因食家蔡生都加入左戰團，本身都有打算輪下蔡生，但新開張實在係大排長龍，唯有先轉戰蔡生曾經大讚的「錦麗」。錦麗綜合粉（＄62）一場黎到，我同朋友都各人叫左碗最多料而又係店內推介的綜合粉。好老實講，我選擇黎呢間先係因為見到佢個湯底幾深色，感覺上幾濃味。佢個presentation又的確唔錯，有牛丸同大大舊牛腩圍住碗邊，中間有生牛肉同蔥花，個賣相幾令我滿意。湯既面頭有些少油花，飲落去只係好清淡既牛骨牛腩味。湯底確實令我有少少失望，因為東南亞既粉應該會有重啲既香料味。雖然佢有比香葉同辣椒，但辣椒無切碎，根本出唔到味。不過除左個湯底唔夠香之外，我覺得河粉同生熟牛都係水準之上。河粉薄滑而不失口感; 牛丸帶有少少肥，爽口有汁; 生牛片同牛腩都係好嫩滑又夠腍。呢碗野既配料幫佢加返好多分。小米糕（＄32)本身期望小米糕係煙煙韌韌，但原來係白雪雪的粘米糕，口感太腍，不夠軟糯。不過米糕上的用魚露青檸調成的醬汁卻幾醒胃，拌上肉鬆同花生粒，頗香口！椰青（＄36)椰青大大個，清甜多汁，無酸味，解渴！總結黎講，以係港島大商場黎計，60蚊碗越式牛河性價比高，難怪咁多人排隊。雖然食物質素未到

俾蘋果動吸引左黎 點知都係宣傳囉食完就知 越棧都好食過佢 俾100分吸引左 失望only cash 其他小食都冇咩特別 雞亦真係好伏 加pat爛鬼蒜上去 又多油 真係no next time 🤷🏻‍♀️

好耐冇更新食評，前排實在太忙，唔得閒去搵野食，食評自然罷埋左一邊今個星期比較得閒，男友前一日已經講定想食呢間錦麗牛肉粉，較定時間搭車過黎，唔需要排隊已經有吧枱位坐了一人嗌左一碗綜合Pho,個湯好飲有牛肉味，飲左一啖再加埋啲香料落去，成個味即刻唔同曬，酸酸甜甜！夏天就係為左呢個味而黎食，如果唔係食咩都冇味咁，流太多汗啦見其他食評家話湯多油其實用肉骨煲既湯有油唔係好正常咩？生牛肉薄切，軟嫩；熟牛肉較厚有咬口，但未至於韌；牛丸開半睇落以為好多，不過都好食；我同男友一人一碗，份量係一定唔夠佢食㗎啦，俾佢食埋我𠴱碗，佢話我𠴱碗啲河粉好食過佢𠴱碗，佢話佢原本𠴱碗啲河粉煮得太耐太冧🧐（其實無論啲粉點，個湯都已經贏曬） 嗌埋呢個米紙卷，包得都實，唔會散，夏天食非常之適合比較起蔡生新開既餐廳，呢度既價錢已經算好合理，越南菜值唔值，真係見人見智食完Pho好想飲野，但我地都冇再加點飲品了...男友話：越南野多多少少都有落味精🤷🏻‍♀️

呢排成日見到錦麗的牛肉粉照片出現係面書上，所以一於來試下。 大概下午630 到達，因為時間還早的關係，人不多。 一入舖頭就聞到很香的牛肉湯味 我同老公叫了 綜合牛肉粉，生牛肉粉， 牛油雞翼， 牛油果卷，滴漏咖啡。 湯底很濃郁， 我覺得綜合牛肉粉比較出色，只係貴幾蚊， 但肉的種類多D， 而且好味！ 反而生牛肉粉，我覺得牛肉份量少D而且牛肉有D老（ 浸耐後）。牛油雞翼同牛油果卷 很好味， 呢間我地覺得overall 都很不錯！ 會再來吃！ 但就推薦綜合牛肉粉！

近來東南亞粉麵直捲飲食界，繼之前的泰國船河，陣地又轉移到越南牛肉河。其實可理解，香港夏天翳局悶熱，有時真係無胃口叫餸食白飯，同東南亞熱帶地區差不多，吃碗湯鮮幼滑河粉，濕濕胃口，的確幾醒神。 另一間曾被蔡瀾讚賞是越南胡志明市最好吃的牛肉河，就是「錦麗」。它是當地其中一間極受歡迎的老品牌牛肉粉專門店，分店在香港，已開了一段時間。 最近新店伸延到銅鑼灣，是我比較就腳的位置。早前到了該商場拍攝 advertorial，拍完剛巧是下午落場時間，見不用排隊，就入去一人前整返碗幫襯。 跟越南原店一樣，香港分店都是主打牛肉粉，分別有生牛肉粉、熟牛肉粉、牛𦟌丸粉，及集大成的綜合粉等，並以「一湯入魂」的清甜湯底做主打。吃過之後，感覺清麗脫俗，仿如遇上越南旗袍美女，受歡迎，果然有它的道理。 坐下來，每個位置先得到一個杯，放著九層塔、芽菜、辣椒及青檸，是吃 Phó 的配料，且有需要是可免費無限添加： 還有食用教學： 先點個凍小吃「大蝦扎肉米紙卷」$28 意外地有四大舊，薄薄米紙包著鮮甘筍、紫椰菜、青瓜、扎肉、蝦肉，每件都很大碌，幾抵食： 蔬菜爽口新鮮，蝦與扎肉都是比較清新的配搭，配酸甜辣

好開心，終於在銅鑼灣開分店，唔使去到九龍甘遠食次次都食綜合越南河貪佢樣樣都有齊，加入芽菜，香葉，辣椒，青檸，好正👍牛𦟌丸真係冇得頂，咬落去爆汁啊，爽口彈牙，生熟牛肉，仲有好多牛坑腩，好淋，唔會痴牙，一上台真係要試一試個湯底，非常鮮味，牛味十足，一啖河粉一啖湯，好多料，大滿足。燒雞米紙卷好清新的口感，沾越式汁又酸酸甜甜，好開胃，當是清新前菜。牛油果米紙卷點了差不多相同的食物，這款更加多菜，更清新，食完牛河後再食米紙卷，剛剛好可以中和口中的牛味，牛油果同米紙卷好夾👍

錦麗銅鑼灣世貿分店。生牛肉粉啲湯有牛骨味。但太咸呢！粉只係夠滑但又唔得爽一般般，D生牛肉又淋池池，咬落肉太梅，一啲都唔好食。炸春卷又油淋淋。食相甚差。只有個牛油果米纸卷好食。呢間分店冇下次啦

因為參加報章活動，報章送了兩張優惠券給我，於是我和友人一起到餐廳是食綜合粉！綜合粉的意思是包括生牛肉、熟牛肉和牛丸！這個餐牌，能夠在銅鑼灣食到好味越南菜也是很不錯的選擇！價錢合理！侍應生會把芽菜等材料放在玻璃杯上，客人可以自行加入配菜！由於我不喜歡吃芽菜，這個選擇可以讓我更有彈性，like呀牆上寫有咁咪綜合粉的材料，這應該是王牌菜吧呢碗就係錦麗綜合粉啊！湯的確很清甜，好飲！生牛肉不是美國肥牛，是運用靚牛肉，欣賞熟牛肉是用牛坑腩，較多脂肪但很林！最令人驚喜的是牛丸，味道的確很酥香總括來說，錦麗綜合粉的性價比吸引，能夠在銅鑼灣世貿以＄62的價錢食到一碗好味嘅越南粉，是一個很不錯的選擇！在今次進食的過程中，餐廳把我們的單miss了，我們等了接近45分鐘才能夠有一碗湯粉食，如果下次有客人遇到接近20分鐘都未有，便一定要通知職員.....

一直都好怕一啲連鎖嘅店 總覺得質素會好求其... 加上算係過江龍 好懷疑啲好評係咪真係咁好食... 見喺銅鑼灣新開 近屋企 就去試一次... 未必算係絕世/全港最好食嘅Pho 但確實不錯... 朋友連湯底都飲到一滴不留~我哋一人一碗綜合粉 個湯底確實係有層油係面 (似係肥牛煲出黎) 但係飲落唔膩 個人覺得可以接受... 最鐘意彈牙既牛丸 d腩都幾淋我地大食 叫多咗兩個小食 不過感覺麻麻 個糕(下圖)仲有d太咸... 普通啦 無咩特別 服務就有d奇怪... 我地先叫咗兩碗粉 諗諗下先加小食 再叫嘅時候 侍應好疑惑噤講「你地落咗單架啦喎」um... 加單? 「加單呀?」(一臉難委)... 最後佢落少咗杯野飲 我地都唔追番luu...

第一次認識錦麗是在觀塘APM分店，那時候排隊排了30分鐘才有得食，記得第一次食了綜合牛肉湯河粉，自此之後對錦麗念念不忘，他的口味是非常正宗的南越風味，都是非常濃味的牛肉清湯底。之前去胡志明市旅行的時候，每天都是食越南河粉，百食不厭😂返到香港也試了很多越南餐廳，但是都找不到那種味道了，唯獨遇到錦麗，就連他的滴漏咖啡都是很正宗越南口味，越南咖啡都是那麼甜。綜合牛肉湯河粉$62，牛丸，牛筋，牛腩，生牛肉，熟牛肉，全部配料都有齊，裏面最好食的是牛丸，牛丸會切一半，咬落去的時候是超級多汁的，非常新鮮的牛肉味。反而生牛肉浸湯後，有點煙韌，但是我喜歡的是他的湯底，超級濃的牛肉味，但是又可以做到清湯底，牛肉湯河上枱時，一定要先飲湯，可以真正試一試頭啖湯。再把芽菜放於碗底，用熱湯的餘溫把芽菜浸熟，再把九層塔等香葉滅碎，青檸汁，辣椒放入湯來撈勻，基本上香葉滅碎的時候，已經很出味道了。在越南的時候，當地人教我把辣醬和甜醬放到湯河上，撈勻再食，又是另一種口感，醬汁把湯底的味道提升了，口味重了，有興趣的人可以試一試，所以我每次食的時候都是清湯食一半，加醬再食一半。法式牛油雞翼$34一碟四隻雞翼，好大隻，以牛油煎