錦麗 (世貿中心) (Closed)

第一次寫評的我，不希望再有其他客人被食評影響而到場光顧，今天父親節食了一餐質素不好的午餐，點了一般越南餐廳都有售賣的生牛肉河粉，味道一般但湯內放了很多油，試了很多越南餐廳還是第一次見湯內這麼多油。還有奇怪的是餐廳是不供應清水的。

<相當一般的越南河>前兩日同事們討論越南河粉，有同事話錦麗係佢食過的越南河之中性價比算很高的。話湯底很鮮味; 芽菜很有誠意。 講到好正咁，所以今晚立刻去試試。抱住滿滿的期待，排左十五分鐘左右就有.位，餐廳吾算大，裝修都吾算好有特色。兩個人點左， 一綜合粉，一生熟牛河。個碗粉算好細 ，大約係廿蚊碗云呑面個種Size; 個湯係有牛味，有過明顯係有味精的 (食完到晚上要狂飲水); 河粉算優質的，不厚，都幾好食，不過牛肉就真的一般！生牛肉吾係特別軟，仲有牛腩有點軟，少少難咬; 其他食評說的好吃牛丸都相當一般。聲稱無限供應的芽菜和香葉好似一杯雜草，感覺吾太新鮮。 加入河粉後，香葉並無特別香味。 ~牛油雞翼。有d蒜容係上面。係蒜蓉蝦咁的味。味道算ok size 都大隻。不過好多油，拎起雞翼後，碟上都是油。~炸春卷。又係很一般，係一舊炸野包左d 肉？ 完全食吾到包左乜，只係油油一舊野最後滴漏凍咖啡 ，本人吾太識咖啡，都好難點評，不過覺得有d 似雀巢的罐裝咖啡苦版。 總結: 很一般，並沒有同事所講的性價比很高。只係質素普通的連鎖店。食過則漁涌的越南小店，性價比高一倍，價錢平一半。

今日午餐去左世貿中心新開張既錦麗, 12點半到達時已經有很多人排隊,好野當然多人排啦, 等了25分鍾終於有位了。我叫左1碗錦麗綜合粉-生牛肉, 熟牛肉, 牛丸 ($62) 加一客4隻蒜蓉牛油雞翼 ($34), 食之前記得留意枱面貼左既食法介紹!! 先趁熱呷一口湯牛骨湯十分濃郁鮮甜, 內里配料很多, 唔食蔥既記得走蔥, 每款牛肉都有3件, 肉既份量對得住個價錢! 一般女仔食完一定夠飽。其中我最欣賞牛河內既牛丸, 口感彈牙多汁, 牛味出眾。但生牛肉我覺得比較"鞋"口同偏瘦, 下次我會叫牛丸河!!蒜蓉牛油雞翼好香口, 皮脆多汁, 好香牛油味,  內里既肉質仍然保持鮮嫩, 值得一試!! 但要減肥既朋友就要忍下口喇, 真係好重牛油

本身好鍾意食越南菜 知道錦麗嚟銅鑼灣世貿中心開咗 特登去食多一次。上年喺觀塘已經試過，當時候抱住一嚐係胡志明市好巴閉日賣3千碗， 又號稱全越南最好食嘅牛肉粉下午茶嘅時間冇乜人唔駛等直接入去就有位兩個人每人叫咗一碗生熟牛肉。牛肉可好足料 牛肉多過粉 而且湯底好濃 加埋佢啲芽菜配料 一齊食正另外叫咗小食蒜蓉牛油雞翼同埋蝦餅。其實個蝦餅好普通 無醬點住食 如果無醬嘅蝦餅其實唔好食牛油雞翼熱辣辣連埋啲蒜蓉牛油脆皮食嘢飲方面叫咗一杯薏米水同埋椰汁崩大碗。本身唔知乜嘢叫做崩大碗，問左waiter話似涼粉。其實飲落完全唔似涼粉 反而好大陣草味椰水 幾特別可以試試

錦麗係越南係幾出名，不過唔係出名特別好食，因為喺越南求其食都好味，同平過香港之前喺觀塘新開嗰陣食過一次唔好味，諗住今次俾多次機會佢，點知都一樣綜合粉$62同出面粉麵舖一樣味嘅清湯腩河，湯底好油好咸牛腩肉同牛肉完全唔好味，肉質好梅，仲有d蘇味配料用個杯入好，可能人流唔多而擺得耐，芽菜同青檸都變到啡啡地色點放落盤粉到？另外仲叫左個法式牛油雞翼$34 蒜蓉包不過變左做雞翼，上面加一舊牛油，反而普普通通炸雞翼仲好價錢唔算好貴，汽水$9都尚可接受啦，不過食物質素就

今日行銅鑼灣世貿，見嚟間錦麗新開，聽講好正宗。下午茶時間無乜人唔洗等位，坐底已經有張點餐紙响枱，同埋係無餐只有散叫，價錢同出面比偏貴少少，要五六十蚊碗。叫左個生熟牛肉河，一份蒜蓉牛油雞翼，同一杯鹹檸青檸梳打！生熟牛河既牛肉有d似牛𦟌，咬落好「林」，個清湯好濃郁既牛味，之後落枱面杯芽菜青檸汁，又有另一番風味😋帶有青檸既少少酸味，同芽菜既爽口👍🏻！牛油雞翼炸得好香，個皮外脆d肉內軟，啱啱好唔會炸濃哂，重重既牛油配蒜蓉好香口，值得推介👍🏻！青檸梳打有半隻青檸，檸檬2薄片，正好飲到檸檬同青檸味，夠解渴👍🏻

男友和我一直是越南菜的忠實粉絲，錦麗也一直在我們的收藏餐單中。上週六下午意外在網上看到，銅鑼灣世貿中心新開了家錦麗，就迫不及待趕來試試。用餐時段大約是晚上7點多，可能世貿中心人流並不是非常密集的緣故，不需要等位，我們直接入座圓檯（稍後需要搭檯，但座位寬敞，絲毫不影響用餐體驗）。錦麗的餐牌很小，這應該就是“專注只做一種味道”的感覺吧。男友點了綜合粉，我因為對牛丸沒有非常強烈的興趣所以點了生熟牛肉粉。小食方面，我們叫了法式牛油雞翼和大蝦炸肉米紙卷。最後加了杯飲品：椰青崩大碗。由於落單是顧客直接在餐牌單張上勾畫，所以過程很有效率，落完單就開始了對這碗粉的期待。等待的同時，我們還發現桌上這張貼心的小紙，教顧客怎樣“精準”地吃粉，也算是很走心了。沒等兩分鐘，米紙卷就最先登場。餐牌上寫了2件，應該是2整條的意思吧，所以切開之後其實是有4件的。蝦肉緊實、蔬菜鮮脆，粉絲沒有碎的  感覺，扎肉也是香香的，再蘸上醬料，吃起來酸酸甜甜，非常爽口。接下來主角到啦~~~ 兩碗牛肉粉，首先從賣相上看，已經令人很有食慾。按照桌上紙條的指示，先趁熱喝一口湯。男友覺得湯有點點油，但我覺得正好，牛肉味很足，鹹淡適宜。接著

同男朋友不嬲都好鍾意食PHO!知道世貿開左間間新既越南野，聽聞都好多好評同出名，所以去試下！原來呢間新野－錦麗並唔係第一店，已經係第四間分店，但一直都唔係鬧市。嗌左：兩個錦麗綜合粉，大蝦札肉米紙卷凍香茅青檸薄荷梳打，凍咸檸檬青檸梳打。落單後，店員就直時拎左香料杯黎。入面都係個啲芽菜，辣椒，青檸，九層塔個啲。錦麗綜合粉💁🏻‍♀️食碗粉之前，枱面上有教學點食！我地亦有跟足！湯清，肉味濃，岩哂我同男朋友口味！呢個綜合粉有生熟牛肉，牛丸，齊哂！生牛肉有牛味，新鮮。熟牛肉似牛腩位，都好腍好滑。牛丸有彈性，牛味濃，但未係我食過最好食既牛丸。而且切半，個人覺得全粒上食落會口感好啲。粉份量可以再多啲。大蝦札肉米紙卷💁🏻‍♀️卷內有扎肉蝦肉青瓜粉絲同九層塔，點魚露食好清新。份量可以多啲。４粒變左６粒都不錯🤔凍香茅青檸薄荷梳打 & 凍咸檸檬青檸梳打兩樣都幾好飲，清新。 -總括黎講都幾好味，但希望份量可以多少少。下次都會想再黎食，同埋試下好多人一致好評既雞翼！🤔

近來都食過唔少越南野，呢間錦麗係將軍澳就排隊排到死，係世貿呢邊竟然無乜人排，於是就走入去試下。裝潢色調令人舒服，地方算闊落唔逼。佢地提供無限芽菜香葉畀客人加落湯粉內，而比較特別佢地唔係用一般中國芽菜，而係用馬來西亞既芽菜，身形比大肥，食落好鮮甜。綜合粉($62)湯底濃郁，係食過咁多越南牛肉粉中前三位之濃，濃而不膩，亦不咸，非常難得，不過生牛肉黏埋一堆，睇得出好隨意就放落去，無一片片放入粉上。熟牛肉就用左牛腩，味道不過不失，牛丸彈牙爽滑，三者中最好炸蝦餅($38)即炸上碟好熱，但食落唔係太食到蝦肉既膠質，只係好簡單將蝦肉打碎落去油鑊炸係唔夠，應該不斷打蝦肉打到起膠為止再炸先出色，呢一點錦麗就做唔到。凍咸檸咸青檸梳打($22)咸檸畀足一個，但青檸就只有薄薄一片，兩者唔配合令到梳打只飲到咸檸味而無青檸果種清新感覺，而咸檸亦唔算太咸果種，唔知算唔算負負得正，反而順喉左添。

一直都想食呢間越南粉，但之前淨係知道觀塘有店，並唔知其他地方有店。有一日放工整完指甲，諗住去世貿間muji搵啲嘢，一上完第一條電梯，就見到個牌寫住錦麗响3樓，嘩嘩嘩！咁梗係嘢即刻去3樓睇下啦。去到即刻就有位，開心死我呀！每位都有一杯呢個配菜，枱上有貼咗張紙教大家咩時候落咩配料，但我只會落芽菜。綜合粉，個牛丸 超級好味，生牛肉都好good好嫩，熟牛肉就感覺有啲膩。生牛肉粉，呢碗先係我嘅，一嚟到我就即刻飲啖湯，正到不得了。仲有碟牛油果米紙卷，唔記得影相，都好好味架。點都要飲杯嘢嘅，呢個青檸梳打飲完爽晒。

喺銅鑼灣一直都搵唔到一碗好食嘅生牛肉湯河🙍🏻‍♀️直到今日就喺銅鑼灣世貿遇到𠈄..味道記憶中嘅越式生牛河... 嗰種獨特嘅香味要有齊晒所有材料先會有... 只係開咗10日嘅錦越式牛肉粉專門店..枱面有一張教你點樣食，牛河嘅小貼士..一睇原來係同我平時食湯河嘅習慣一樣...先飲湯後加其他材料..然後每一啖都會連湯一齊食..牛湯味道好濃郁.. 不過略嫌油咗少少.. 香菜同埋洋蔥嘅香味.. 再加埋九層塔同埋辣椒.. 真係perfect match... 最驚喜係佢嘅牛肉.. 唔係平時大部份越南餐廳都係會用薄牛肉..有啲似肥牛嘅..而係似滑牛既質感有𡁻頭..有肉香...河粉仲滑到跣入喉嚨😜法式牛油雞翼有蒜蓉牛油嘅香味..雞翼質地唔錯..外皮好脆..所以食嘅時候要小心𠝹嘴... 不過都係油多咗啲.. 凍薏米水值得一讚.. 薏米質地非常好...唔會好似發水薏米咁淋...下次我會試吓米紙卷㗎啦😋

喺銅鑼灣反工，見有新店就想試！仲要話係自1970年於越南胡志明市開業，最高紀錄於一天賣出越過3000碗！！門口有個牌教你食牛肉粉嘅正確方法！但食好嘢都要睇時間，下午4:30-5:30係close架！我4:25pm 行入去，待應同我講而家要last order，有無問題？梗係無問題！多謝！當然要試嘅係招牌嘢，“錦麗綜合粉”——有生牛肉、熟牛肉、牛丸，先飲啖湯，濃濃嘅牛味但清湯，九層塔、鴨舌草、芽菜、辣椒無限量供應。雖然啲生牛肉係淥熟咗，但晤會“鞋”而係好滑，啲牛丸超濃牛味 👍🏻，熟牛肉其實係牛坑腩，並晤係只得肉而係帶啲筋，仲好好好冧！河粉係幼身個種，超滑真係好正，果然係招牌菜！食越南菜點可以錯過小食？！炸手作蝦餅同法式牛油雞翼掙扎好耐，最後要咗雞翼，4隻每隻雞翼上面都放咗蒜蓉，好香蒜蓉但牛油味就晤多覺，係即叫即炸，但或者可以喺碟上面/炸完後，吸一吸啲油先再上碟，一夾起隻雞翼就見到好多油喺碟，感覺麻麻。同埋炸得晤算好香口同乾身脆口，但都算係juicy嘅炸雞翼。下次再試埋其他小食！其實個餐牌晤算真係好多選擇，但就更加特出佢講嘅，“專注製作，用心烹調每一碗牛肉粉”！！香港需要咁嘅餐廳！👍🏻👍🏻