越蘆越南牛肉粉

Open Now

Now Closed

今晚路經上環市政大廈，發現附近原來有間越南餐廳，都算大間，幾多卡位，坐得舒服好重要，入坐時仲派紙袋裝口罩及消毒濕紙巾👍🏻天氣炎炎，即點咗杯好少有嘅牛油果沙冰一試，朋友就點咗杯椰汁珍多冰，兩杯都唔甜夠果味👍🏻食物點咗蟹肉春卷：食到有蟹肉又夠脆口，包埋生菜，好食；牛油雞翼：推介👍🏻👍🏻夠牛油香，又唔油；西貢醉蝦：好特別用懶屎蝦，不坊一試；燒牛骨髓配蒜蓉法包：另一特別菜式，骨髓面層肉醬可搽上麵包一齊食😋

轉了新餐牌，食物貴了十至二十元都不緊要，今天叫了蕃茄蟹檬，我一吃就覺得不同味，然後發現少了蝦丸跟肉碎，他們說要給廚房看，然後他們拿走了我的粉，之後又拿回給我，我覺得很不合衛生，之後又拿走了說重新再煮，但再煮的那碗只有蕃茄和粉，湯味道好怪，好似是把我的粉沖沖水便拿回來，又拿走了我的蟹和札肉，加價20是那蟹和札肉，我付款時向經理說，他說味道是以後不會一樣的了，下次叫其他吧，我覺得整件事的處理很差，這是一次可怕的經驗，加價之餘完全沒有保持食物和服務質素！

收工去佐上環食越南野淨係睇個鋪面就知好大夜晚飯坐得夠晒舒服🥰而且上環比較少人唔洗同人逼鋪頭裝修得唔錯，價錢幾親民❤️➨順化香茅豬扒撈檬 $66我個人本身麻麻地豬扒，驚好鞋好硬平時食越南粉一定會嗌生牛肉湯河但今次比佢呢到既豬扒吸引佐🥰出到黎真係幾好食，好彈牙有少少肥位而且份量都幾足👍🏻👍🏻👍🏻➨越蘆牛油雞翼 $58小食當然識嗌一定係嗌牛油雞翼🤪呢到既牛油雞翼蒜香味好正又係要留返一隻最尾食做結尾仲夾埋碟到淨低既香蒜食🤣可以慢慢食慢慢坐👍🏻野食又唔錯！值得一讚

辛辛苦苦返左五日工難得到咗weekend，疫情期間唔想淨係留喺屋企，想四圍行下，想食清爽啲不如就食越南野！ 1:30去到「越蘆越南牛肉粉」門口，午餐時間都過左大半，依然有一、兩人喺餐廳外等位，睇嚟試得過！ 店內裝修以藍色為主調，配上帶有越南特色嘅草帽做燈罩，樓底高，環境乾淨企理，卡位都寬敞舒適。 午餐餐牌有湯粉、撈濛、飯類，同埋素食，價錢$58-$76；惠顧午餐套餐，仲可以優惠價追加米紙卷、豬頸肉等小食，價錢由$18-$38不等。========================= 香茅豬扒撈濛 $62 越南菜之中，最愛撈濛，fresh得嚟有大大碗蔬菜，呢碗配料有生菜青瓜絲、醃蘿蔔絲、花生碎、青檸、炸蒜、葱等等。香茅豬扒好厚，新鮮炸好，上枱時熱辣辣，食落帶微微香茅香氣，冇雪味，不過略嫌偏硬偏乾 生菜絲青瓜絲新鮮爽脆，配埋濛粉、魚露酸汁，清爽，不過份量頗多，濛粉最後食唔晒分左啲俾男朋友食。男朋友大力推介「越蘆越南牛肉粉」嘅生牛肉湯粉，下次一定要試試！=========================越蘆越南牛肉粉 (上環) 📍 上環皇后大道西2-12號聯發商業中心地下B舖北角電氣道183號

疫情嚴峻，餐廳晚上6點後就禁堂食。4個人就好難出到去食飯，所以夜晚就買料上女朋友同埋屋企人一齊打邊爐。係打邊爐前嘅午餐我地就決定輕食少少。今日係openrice揀左呢間越蘆，因為女朋友媽咪除左對食物有要求外，對環境都有一定要求，起馬環境要舒適同坐得舒服～ 由於我早到左，就先參觀下餐廳嘅裝修啦！餐廳用左藍色同綠色做主色，樓底好高俾人舒適嘅感覺。加上充滿越南風嘅吊燈，可見店主花好多心思喺餐廳嘅裝修。 午餐餐牌嘅選擇都非常多，基本上我地諗到嘅越南食品都有供應，例如越南湯粉、撈檬、香茅/咖哩飯類等等。仲可以用優惠價加配雞翼春卷等小食，午餐包一杯熱飲，仲可以加錢轉各式各樣越式特飲！========================= 生牛肉湯河 $58 作為喜愛「生牛河」之人，喺食河粉之前，一定要先飲啖湯。湯底飲落有濃厚嘅牛骨香，唔算肥膩，不過比起本人認證香港數一數二嘅X麗同Brxxx Spoon牛脂嘅醇香都喺少少失色。份量十足嘅生牛肉鋪喺煮好嘅河粉上，上枱都仲係「紅噹噹」！加上芽菜同九層塔，令口感更佳。58蚊午餐喺百物騰貴嘅社會上cp值都唔錯！========================= 

早三天我和客人去到中環品嚐越南菜式， 呢間便十分方便了， 而其中越南菜中我比較喜歡吃檬粉， 呢個檬粉的雞絲粉皮配扎肉撈埋檬粉， 我都覺得不錯！ 越蘆越南餐廳中環皇后大道西

今天到了一間朋友介紹好吃的越南餐廳吃飯，下午茶時間都價錢可以，我選了香芧豬扒湯河， 豬排炸得剛剛好， 湯河粉都好好味！ 另環境衛生都好好， 慢慢地坐下來和朋友談談都是寫意！

中午放飯時間，同同事嚟呢一間餐廳食午餐，座位寬敞舒適，係呢個舊區來講，呢間算係一間keep得比較新淨嘅餐廳午餐餐牌嘅選擇幾多，最重要食物質素能夠保持，中午時間去到，都要攞飛等咗一陣。香茅豬扒湯檬粉絕對值得一讚，大大碗，佢個湯底睇得出係比足料熬製，夠鮮味(最後我連湯都飲晒)，而果塊香茅豬扒夠大塊，又醃得入味，同埋整得夠香口，最重要係個豬扒肉質夠林，一啲都唔鞋口，配埋個跟餐個熱飲－熱柚子蜜，超正，值得推薦

每逢在上環工作，都會在這裡吃午餐。忘了多久沒有到過上環，今日見到這裡裝修，變得有格調，有品味，亦是裝修後首次幫襯。下午茶時段，與同事都點了香茅豬扒飯當午餐，飯的份量比以往印象中少，但喜出望外竟用上蝦片（？）、蛋餅做配菜，令上碟樣貌有層次，味道尙可、而主角的豬味鬆化，帶有甜甜的味道，與配菜一起吃，感覺好豐富。

The beef was cooked well, it had great flavours, seasoning and marinating. I was impressed at how well the beef was cooked and how perfectly it tasted. The rest of the noodles and vegetables were as normal and all went together well. Very big serving so you will not go hungry. But I found it to be a little expensive for Sheung Wan, tables were a little sticky as if they hadn't properly cleaned them. Staff are normal, nothing special. Nice restaurant, everything seems nice, new and bright. 

小朋友難得早訓覺 所以我就放低小朋友比公公婆婆睇一陣 然後同老公快閃出街食個靚飯 ，呢間餐廳係屋企附近開咗好一段時間 但係平時要湊仔唔得閒去食 所以今日終於可以去到 真係好開心呀！.難得出嚟食飯老公話要食餐勁嘅😂然後我哋就放閃叫咗一堆嘢食包括有牛油果沙冰 椰汁三色冰 越蘆小食拼盤 越蘆牛肉粉同扎肉蝦餅撈檬.椰汁三色冰：三色係紅豆 綠豆 同綠色嘅果凍 雙豆嘅味道一濃一淡 互雙平衡下味道啱啱好 加上椰汁味重 口感又豐富 老公好中意飲.牛油果沙冰：將女士美容恩物牛油果 整成沙冰 一邊消暑一邊護膚減肥 正！.越蘆小食拼盤：有春卷、胡椒豬肉串、蝦、扎肉等等 全部食物都調味得啱啱好 種類又豐富 見到都覺得開心 食落去都冇失望😊.越蘆牛肉粉：材料有生牛肉、牛腩片、牛、牛柏葉等等 湯底清而不膩 麵條索晒啲牛肉湯 雖然已經好飽 但最後我地連啲湯都飲埋.扎肉蝦餅撈檬：紮實 彈牙 香脆 嘅蝦餅 兩個小朋友一定好鍾意食 下次帶佢地黎食先！

嗌咗個牛丸生牛肉湯河， 啲牛肉好新鮮啲生牛肉亦都砌得好薄， 個份量就叫中等， 唔會太多， 但係個湯落嘅香料亦都好惹味好醒胃， 夏天食特別開心， 之後我哋都嗌咗一個扎肉撈檬， 但呢個撈檬嘅份量真係超級超級大， 我同個friend都係女仔所以食唔曬， 但如果你係本身可以食好多，比較食量大嘅人， 或者你好肚餓， 可以考慮 撈檬。 嗰啲越南扎肉好爽口彈牙， 入面啲料都唔差， 個飲品嗌咗個梳打青檸， 唯一美中不足嘅就係個梳打太多氣， 一直飲條脷都好辣， 啲泡泡係咁出呢啲氣太多， 飲得有少少唔舒服。

外國生活回港後其中會掛住嘅係越南菜，北美洲越南菜實在出色。而呢間係港島幾滿意嘅一間越南菜，聽講係越南大廚主理。見到滿滿嘅綠色青菜就開胃😋越蘆小食拼盤 $148拼盤有炸春卷、豬肉串、扎肉、米紙卷，份量好豐富成碟滿瀉，扎肉都比一般嘅切得厚！每款都有水準，特別係免治豬肉串喺香港唔係常見，微脆嘅口感帶甜味，好食！米紙卷嘅菜新鮮，好清爽。越蘆牛肉粉 $72有生牛肉、牛腩片、牛丸同牛柏葉。越南粉最主要係湯頭，香港好多美式越南河會比較牛脂油膩，呢個越南牛肉粉湯頭就明顯更清更甜！可惜生牛肉有點過熟，但欣賞佢選擇嘅食材，牛肉味濃香，牛腩片同牛丸都有驚喜，而牛柏葉係未未經染色嘅原材料，河粉都幾滑。下次要留肚試埋甜品！

LOVE this place for real! This is always my place to go to when I am around sheung wan for lunch or dinner. Great food, friendly staff and clean space. One of my all time favourite Vietnamese places in Hong Kong. Their beef pho is served with great beef broth and slices of juicy beef.  Also their satay is really good, it's a must try. Cannot wait for the next visit ! So good ! Reasonable pice and great value!

與同事午飯，選了食越南菜，菜單選擇很多。我選了越蘆牛肉粉。當天餐廳人數不多，地方亦衞生。牛肉粉的份量足夠，不過太多蔥及香料佢陪襯，而且牛柏葉不太爽口，是當中的敗筆位。