越安喬

Open Now

Now Closed

平時係元朗食野都集中係雞地或者大橋街市個邊食野。今次發現馬田路有間新開由越南家庭主理既越南店，就趁星期六有時間入去試一試☺️今次就叫左2人餐，包1款小食、2款主食同2杯野飲，總共$228，都幾抵食👏蟹膏蕃茄湯蟹粉：呢個蟹粉真係好有驚喜，無論係啲蟹粉定係個湯底都有濃濃嘅蟹鮮味，而且勁足料，有兩大隻蝦同埋豬肉豆卜等，食完真係大滿足😽豬頸肉飯：豬頸肉燒得好香口，又切得好薄，非常好食！最驚喜係仲有隻煎蛋，用豬頸肉點蛋黃送飯一流。燒豬頸肉紙米卷：紙米卷唔會太厚，夾埋豬頸肉同配菜點佢既自家醬，非常清新！食落同之前係越南旅行時食既一樣😍餐廳坐得都幾舒服。由大馬路行入去餐廳位置都只係5分鐘，所以都好方便。最重要係餐廳講明唔會有味精，值得一讚！

越安喬 正宗北越美食睇餐牌介紹講佢地係來自越南嘅首都河內使命係將河內最地道的味道帶到香港未去過河內嘅我決定要一試😋我哋要咗個二人餐$228 QR CODE落單好方便👏🏽👍🏽見到有二人套餐就叫咗呢個我哋要咗碗牛肉湯河粉、炸春卷（三條）、蟹膏蕃茄湯蟹粉、2杯凍青檸水❤️蟹膏蕃茄湯蟹粉見到餐牌上嘅圖片已經好想試 嚟到果然好吸引有大大塊嘅扎肉、兩隻蝦、蟹膏、燒肉、4粒豆卜、2片蕃茄、生菜。個湯底相當唔錯🤩我好驚落好多茄膏嘅蕃茄湯底，顯然呢個唔係個種，好啱我食😋聽講呢間餐廳係唔落味精，好天然。❤️牛肉湯河粉呢碗係屋企人叫嘅，佢比咗一片牛肉同湯我試。好香牛肉味😍😍👍🏽👍🏽❤️炸春卷炸得好香呀，唔會熱氣，真材實料👍🏽👍🏽❤️凍青檸水好天然😋完全唔會太甜👍🏽我鍾意呀今日落大雨☔️加上早食唔小心包咗場😆😆😆

禮拜六放假同男友喺屋企附近食晏，上次去做物理治療經過呢間新開既越南菜，今日就過嚟試吓🙂餐牌上全部都有越南文翻譯，食物選擇都好正宗咁👍⭐️蕃茄炒椰菜呢個組合好似有D特別所以試下～椰菜軟硬適中，帶有微微蕃茄既酸味，估佢唔到又幾夾😯❤️牛肉撈檬呢幾日天氣開始有D熱，要食返D開胃D既野就揀左撈檬～牛肉薄切入味，燒得好香👍👍 檬粉爽口，整體好食😋❤️蟹膏蕃茄湯蟹粉基本上如果食越南野menu有呢個choice我都會揀😁湯底鮮甜得黎帶少少酸，完全係我杯茶蟹膏重手😍 配料種類豐富，岩晒貪心既我😆呢個麵底幾特別，有少少似河粉但又彈牙啲，但就比較碎～#元朗美食 #越安喬 #越南菜推介 #元朗餐廳推介 #元朗越南菜 #phomily #豬肉撈檬 #蟹膏蕃茄湯檬

去開元朗, 經過一間越南餐廳話冇用味精, 咁又可以一試喎! 雖然舖頭細細, 裝置簡單, 但有個好似巴士站既位俾人打咭, 都幾得意. 叫了下午茶餐"假蒟葉包豬塊飯", "牛肉湯河粉", 凍青檸水同咖啡。 個豬塊飯外貌正常, 吃落又幾好味, 煎得好香口但唔油膩, 個牛肉河既湯底就好好味, 而且飲咗都冇狂飲水, 讚!!! 看到隔離枱吃春卷同個有蝦番茄既湯粉, 色彩好靚, 哈!!! 永遠覺得隔離啲野食好食啲!!!! 個人喜歡佢啲食物吃後唔會狂飲水, 而且食物有特色, 不是一般越南餐廳有嘅, 值得支持, 支持!

夠膽標榜「唔落味精」嘅越南餐廳，所以好想試吓Order咗二人餐 凍青檸綠茶及凍青檸水好味，唔會太甜，飲完開胃潤喉唔洗成日飲青檸梳打，幾好小食有炸芝士條、炸春卷炸春卷係老闆娘親自包嘅，唔係一向交貨嘅質素，真係食得出，好好味牛𦟌湯河及生熟牛肉湯河湯底都好好味，牛𦟌夠淋，有牛肉味實測後真係冇落味精，我食味精會狂飲水。而且老闆娘係正宗越北人，用心制作，正！呢間我會繼續幫襯🫰🏻🫰🏻期待下次試吓咖啡及沙冰😚

拜年去開元朗，經過越安喬! 食左咁多日中餐，好想食越南菜所以入去試試。叫左蟹膏番茄湯蟹粉，越南春卷，仲有燒豬頸肉飯。三樣都好正!!! 特別推介左蟹膏番茄湯蟹粉，超級足料，蟹膏又香。 一定會帶埋朋友返黎再試其他菜式!!!

係附近返工黎食Lunch ; 用料充足新鮮, 2隻蝦係新鮮海蝦好彈牙，雖然唔係好食到蟹肉但$78碗算啦😂 個粉底好特別似係啲手工面個種，湯底唔會太鹹冇乜味精 ，推介！個青檸蜜幾好飲❤️❤️

假䈮包豬豬飯有特色好味,香得來又唔油膩，只係齋左啲嘅，如果跟埋多啲配菜更加美味。燒豬頸肉撈檬正常表現，發揮出色湯底我揀咗用牛肉湯，真係幾多都係牛出嚟唔係重味精或者味粉撈出嚟細細舖頭，店員小小，兩位店員都好有禮貌有心機，做得唔錯架啦餐牌上邊仲有好多唔同嘅嘢食唔係一般越南舖頭會有嘅飲品都係有機會我都想試下，好幾隻飲品小店經營唔能夠要求太多。個人認為餐牌可以改善，仍有進步空間裝修方便係應該用上一間舖，簡單執下就完成所以有少少唔夾，但整體上都好舒服一句講晒:支持!