越安喬

Open Now

Now Closed

行到元朗大水渠附近，見無人等位，就隨機入咗呢間越南餐廳食晚飯。酸果蕃茄排骨湯檬粉見個名幾特別，加上想食比較開胃的食物，就叫了這個餐。但湯底十分清淡，只有兩片蕃茄，沒有什麼蕃茄味/酸味。至於配菜排骨唔會好「柴」，但味道都有點「寡」。整體來講：無咩味。另點一份柑桔雞翼$58/5隻雞翼被甜甜酸酸的醬汁沾裹，味道特別，並非間間越南餐廳都食到。不過略微偏甜咗少少。隨餐追加+$10凍青檸檬茶、+$12越南乳酪飲品綠茶味好香，幾好飲，不會過甜，小清新。至於乳酪，比預期細杯，只有圖中的玻璃杯的1/3，味道不會過酸或過甜，絕對好食過超市買到的杯裝乳酪。如果大杯一點會更開心。總括來說，飲品、甜品及小食都有驚喜，可能主食並非主打招牌菜，略為遜色。

本人呢就外區走入元朗，睇吓有冇啲越南嘢好食，我見呢間好似食評都OK咁就諗住去試吓，點知又生牛河味精重到阿媽都認得加鹹，佢啲牛肉又唔得，午市套餐做收人差唔多成舊水.

難忘的一個午餐體驗店舖座位不多，如果自己一個人去都不會尷尬，因為有一排靠牆坐，整體坐得舒服，而且店內環境都優雅，清潔食物有驚喜，無味精，湯底味濃，感覺是老火湯的感覺，而且大碗粉量多整體上有90分，值得一再幫襯

叫了四款食物，特別叫2個小食。參考某些平台，特別叫了重心推介的其中兩款。估佢豬頸肉都有信心先會令咁多平台重覆又重覆推介。結果上菜又乾又涼…..不過叫唔浪費原則下食哂….另外個粉真係無乜亮點。唯一值得highlight係河粉係幼身，加上碎濕濕。有無誠意真係食客自行定奪。湯底無話特別好或者特別唔好，反正總體係對唔住個價錢。呢個質素就好睇你要求有幾高，無對比無傷害，唔需要特別beachmark同價/附近價位的同類型餐廳，相信你都會有答案…

朗屏周圍都好多野食，揀左間越南野😍3個人叫左個二人餐再加個越南包二人餐可以揀2個主食，任何一款小食同2杯野飲都係$228小食叫左蝦肉紙米卷👍🏻$56主飲叫左假蒟葉包豬塊飯$68，雖然賣相黑色一條條，但係好得意有塊好似荷葉既野包住舊豬肉有啲似粿條，塊荷葉係食得既😂配上泰式辣醬，感覺幾有趣又幾好食生牛河，好大碗所以好抵食$72所以叫個套餐係抵食既包兩杯野飲👍🏻炭燒豬頸肉麵包，好脆，仲好貼心咁問我地想分切做幾多舊，又有手套俾我地👍🏻

安喬是一間由越南家庭經營的小店，食物是正宗口味，標榜不添加味味精，食到食物的原鲜味。環境🌿店餔不大，兩面灰色牆上掛了幾幅越南特色的poster.其中一面有卡座，另一面有拍牆的單座位。午餐🌿:柑吉雞翼🐥5隻$58👍👍👍以柑吉為調味籽，令熱辣嫰滑嘅雞翼结合酸甜風味，完全平衡雞肉嘅油腻。酸果蕃茄🍅排骨🐷湯檬粉$78👍👍👍有獨特的酸甜味道，排骨具有濃郁的肉香.咬口腍淋。+$10凍青檸綠茶🧋👍👍👍燒豬頸肉麵包🥖$68👍👍👍炭燒豬頸肉香氣誘人，豬頸肉的肉質較為鬆軟，结合暖烘烘的麵包，食起來更美味。+$8熱青檸水👍👍👍班蘭糯米飯配雲呢拿雪糕🍨今次我試了餐廳推薦嘅兩款自家製的菜式：如酸果蕃茄排骨湯檬粉，柑桔雞翼，真好好味。👍下次會試埋假蒟葉包豬塊飯和蛋咖啡。

元朗都幾多越南餐廳，呢間安興球場附近嘅越安喬係越南人開，好正宗，推介比大家最主要原因係佢真係做到門口寫嘅無味精，食完唔會特別口渴，但都好都好好味，今晚食係半生熟牛河同炸春卷，正

放工約左朋友近近地食飯，揀左呢間新店。鋪內環境唔算大，一面係對住既2人／4人位，一面係單邊坐既位。今日平日，收工去到大概7點鬆啲，已經得返單邊位，平日黎講算多人幫襯。▪︎牛展湯麵▪︎ $78都幾大碗，麵量都好多，朋友細食所以都食剩，佢話湯幾清，幾好食。▪︎自家製竹筍豬骨湯檬粉▪︎ $78我就揀左個少有既豬骨湯檬，湯底清得黎都幾好飲，無味精既感覺，食完唔口渴。竹筍好好味好襯個檬。不過鍾意食辣嘅我就攞咗友人個碗附送既 辣椒粒落去，更好味～～～啲檬粉勁多，但我成碗食曬。▪︎凍青檸水▪︎ $20(跟餐）檸水都係檸水，無乜特別🤣不過佢用既係青檸但飲落無乜檸味😂

今日放假同朋友入來元朗行街食下野，元朗真係好多餐廳食肆，所以我不時都會入來元朗揾食，同埋幫我家啲主子買罐罐。而今日就行來見到有間新開的餐廳叫「越安喬」的越南餐廳小店。 雞肉清雞湯河粉呢個雞湯河粉真係冇加味精，加埋啲青檸汁及小米辣椒更加清新及刺激，呢個好啱我呢啲要減肥人仕食。 燒豬頸肉米紙卷呢個又係我在越南餐廳必叫，加上佢地自家製的Nuoc Cham汁，呢個真係好夾的，同埋豬頸肉爽口夾埋啲青瓜生菜及酸酸地的汁，真係好啱悶熱的夏天時食用。 燒豬頸肉燒的時間啱啱好唔會令到豬頸肉乾身柴皮。 牛油果沙冰呢個飲品在馬來西亞及印尼好流行的飲品，好難得在香港會飲到呢個飲品。

元朗馬田路食肆臨立，有高價日本料理也有街坊小店；路過餐廳，見門口黑板寫著「越南廚師主理」，一於試試其水準！店面不大，但座位仍然闊落舒適，氣氛悠閒。午市套餐有小食，主食同飲品，我和朋友各自點了一份。小食：炸芝士條香脆炸皮包著軟滑芝士，芝士香濃軟滑，味道口感一流。蟹膏番茄湯蟹粉蟹膏蕃茄湯湯底鮮甜香濃；材料十分新鮮，令人回味。 這款越南粉十分特別，口感比一般河粉有彈性，原來是直接從越南訂購；因為成本較高，故此於香港比較少見。炸春卷外皮香脆，餡料充份調味，不錯！(生牛肉)牛肉湯河粉，鮮紅色的生牛肉十分搶眼。牛肉湯清甜鮮味，河粉亦十分爽滑。通菜炒牛肉絲，通菜油潤鮮嫩，再佐以牛肉絲炒香，味道不錯！餐飲凍咖啡/凍青檸綠茶，越式風味製作甚具特色。雖然是街坊小店，但食材選料認真，且確有越南地道風味，價格亦相宜，值得推介給元朗街坊！

禮拜日去咗元朗搵朋友聚一聚，我哋嚟咗呢間偏小型似家庭式經營嘅越南餐廳食晏～店舖地方唔大人手唔多，食物等候時間相對較長，但勝在新鮮熱辣😌👅通菜炒肉絲通菜爽脆，瘦肉唔會韌，好家庭式味道嘅感覺🙂👅燒豬頸肉麵包正宗越式法包嘅賣相同味道🙌🏻豬頸肉燒得好香，法包🥖脆口！有少許沙律醬食落唔會太乾身👍👅牛肉撈檬牛肉肉質嫩滑，檬粉爽口彈牙加埋啲酸汁，夏天食真係好開胃😋👅越南原味乳酪質地比較似凝酪多過乳酪，奶味好重但唔羶，幾好食😁

有一排冇食越南嘢，又有啲掛住🥰呢一日見到呢間餐廳，感覺幾好就入咗嚟試吓，啲野好好食呀😋原來間餐廳真係越南家庭開😀👍🏽❤️蝦肉紙米卷（三條）$48三條分成咗6件，好容易食。一拎上枱我哋已經即刻心心眼😍好靚呀！見到有唔同顏色零舍開胃蝦肉加埋唔同蔬菜，感覺真係好Fresh!❤️燒豬頸肉紙米卷（三條）$52紙米卷同豬頸肉都勁夾😛豬頸肉嘅份量足夠煮得又好食😋都係我好鍾意嘅一道菜❤️我全都要法包$88呢個係隱藏菜單😛意思即係餐牌上冇掃Qr code 落單個陣先見到呢個包有：炒蛋、扎肉同燒豬頸肉見到呢個「我全都要法包」覺得都幾驚喜😆睇餐牌嗰陣已經諗緊要豬頸肉定係札肉好🫤點知掃QR code之後就見到呢個我全都要🤣就即刻叫咗😋😋😋法包好好食，包夠脆😋入面啲餡料又好多👍🏽👍🏽👍🏽❤️炸春卷（一條）$15跟餐加咗一條炸春卷，上枱時熱辣辣😋飲品方面叫咗涷熱情果綠茶同青檸梳打味道同平時飲嘅一樣，解渴。下次都會再幫襯👍🏽👍🏽😋

這是一道午市套餐，其中包括了炸芝士條（三條）和自家製竹筍豬骨湯檬粉 Mang Kho。炸芝士條是一種富有越南特色的小吃，外觀上有金黃酥脆的外皮，內部融化著濃郁的芝士口味。咬下去時，能夠感受到酥脆的質感和香濃的芝士味道。竹筍豬骨湯檬粉 Mang Kho 是一道以豬骨和竹筍為基礎的湯檬粉，這道菜具有豐富的湯汁。湯汁濃稠且呈現出深色調的特點。這道湯檬粉的味道帶有濃厚的肉香和竹筍的清新口感。熱青檸茶是一種提供清新口感的溫熱飲品。青檸茶的味道帶有柑橘的風味，並可能有一點酸甜的感覺。牛油果沙冰有一個涼爽的外觀，上面可能有切碎的牛油果和其他配料。口感上，牛油果沙冰是柔軟的口感，牛油果的奶油質地和淡淡的甜味為整個飲品增添豐富的口感。

今次又嚟到元朗發掘小店ꕤ呢一間越南餐廳係越南家庭經營嘅小店( ˙꒳​˙ )餐廳既職員都係越南人 食物亦食得出係真係正宗既越南風味！真係唔使下下都食連鎖店啦！價錢亦相當合理 味道質素高質餐廳環境舒適 o(*^▽^*)o我哋叫咗一個二人套餐❀酸果蕃茄排骨湯檬粉酸酸甜甜好開胃 排骨非常之淋但唔會煮得過火 不錯！份量都幾多下❀秘製燒豬頸肉飯豬頸肉味道香口配上一隻大嘅煎蛋令到整個餐都比較豐富而且跟餐有一個蛋花湯可以飲用❀柑桔雞翼 （五隻）帶有微微的酸甜味都是一個很開胃的小食而且呢一個小食係自家製嘅 所以都充滿左越南風味！❀熱青檸❀水凍青檸梳打....ᙏ̤̫͚ ‎♡‧₊˚Follow Kirby 帶你食好西ᙏ̤̫͚ /✿*°

好耐冇同男友來元朗覓食，星期六晚上就來到這間越南家庭經營的小店，服務員帶有越南口音。食物是正宗越南風味，店舖張貼住人手有限，所以出餐所需時間較長，望客人見諒字眼。店家對制作食物有相當堅持，上碟時擺盤亦相當認真，慢功出細貨﹗男友點自家制竹筍豬骨湯檬粉:表面有大量竹筍，入面有不少豬骨，湯底充滿鮮甜豬骨味，食得出冇味精，飲多幾啖都唔會口乾﹗蟹膏蕃茄湯蟹粉:有鮮蝦2隻、蟹膏、扎肉、蕃茄、芽菜，而豆卜索晒鮮味清甜湯底，第一次食這種闊條厚身麵，麵條足夠彈牙。柑桔雞翼2隻:燒得好靚，皮焦甜帶點柑桔酸味。越南原味乳酪:自己食落同平時乳酪分別不大，甜甜酸酸幾開胃﹗蛋咖啡:第一次飲，表面有厚重蛋奶泡，同咖啡一齊飲時都幾夾，令咖啡更易入口。凍熱情果味綠茶:夠晒酸甜解膩﹗