越安喬

Open Now

Now Closed

有日去左元朗搵朋友食個lunch, 見到有間食越南野嘅餐廳，餐廳是越南家庭經營的小店！夠哂正宗越南風，而且所有野食都無味精😍咁緊系要試試啦嗌左個2人set, $228包2款主食、1款小食、2杯野飲✨每次食親越南野，我都一定會嗌返碗蟹膏蕃茄湯蟹粉，湯底幾清，真系吾會有味精果種重口味feel👍🏻仲揀左碗生牛肉湯河，生牛肉份量都算多，個湯幾好飲，又忍吾住一啖麵一啖湯🤭燒豬頸肉，燒到幾嫰，肉質算淋身！

🐳店鋪雖小，但我去的當晚就坐滿客人。位置不是在大街大巷，但好易就搵倒。餐廳是越南家庭經營的小店，她們溝通都係用越南話，聽唔明😅🐳今晚叫了一個二人套餐，有小食，有主食，有飲品，兩個人剛剛好。套餐價💰228🐳蟹膏蕃茄湯蟹粉材料十分豐富，不但有大蝦，扎肉和豆腐卜，還有不少的蟹膏，夠哂鮮，湯底都好濃郁，豆腐卜吸哂湯底啲味，好正！另外哩隻蟹粉都好特別，口感有點爽爽的，唔係煙煙韌韌嗰隻，之前從來未試過，好食😋🐳秘製燒豬頸肉撈檬豬頸肉撈檬就係成日都會食嘅主食，雖然經常食，但每次都想再點來食，因為燒豬頸肉實在太好食啦！非常鐘意佢嘅口感，燒到個邊燶燶地，好香😌而哩度嘅撈檬係加魚露汁，再加白醋，別具風味，非常好食👍🐳柑桔雞翼第一次食柑桔雞翼，名字已經夠特別，味道都唔錯，甜甜酸酸的，有柚子味！

今次同朋友去食元朗新開越南嘢，鋪內灰啡色襯配插畫和圖畫感覺好令人舒服，見到店內自介文字先知呢度係來自越南的家庭式經營小店，一於試試正宗越南味道。🌟 酸果蕃茄排骨湯檬粉加配：柑吉雞翼（兩隻）整體湯底不油不膩，原隻蕃茄放在湯中味道清新開胃，排骨似煲過湯一樣軟腍入口即化！柑吉雞翼用燒汁烤過再塗上柑吉醬汁，酸酸甜甜鹹鹹地而雞肉亦好滑！🌟牛展湯河加配：蝦肉紙米卷（一條）牛展偏厚身有口感而且咬入口好腍！湯底亦不油膩不過不失地發揮水準。蝦肉紙米卷大卷而厚實，一入口餡料放滿整個嘴！🌟雜果撈越南乳酪酸酸甜甜的乳酪拌在新鮮生果中，感覺清爽又健康。整體餐廳質素都偏高，用心經營的小店值得大家支持！

今次嚟到元朗一間越南家庭式經營嘅餐廳😎食物係一啲都地道嘅菜式 係正宗越南風味✨而家食物都係行住家嘅味道👅 亦強調無加味精2人餐 $228套餐分別有一款小食 兩款主食 同任何兩杯飲品小食揀左豬頸肉✨ 豬頸肉燒得好香口肉質幾爽口 味道都剛剛好❤️ 又唔會太乾👍🏻沾埋嘅酸辣醬 食落更開胃蟹膏蕃茄湯蟹粉 湯底有蕃茄味又香又開胃😋 加埋香香嘅蟹膏同埋 蟹粉 食落嘅蟹味 已經好夠味❤️有埋扎肉 豆卜 同其他配料蟹粉充滿蟹香味 另外 吸引左湯底嘅精華☺️慢煮炸蛋腩肉飯 炸蛋食落有微微嘅焦香味腩肉煮得好香好淋 食落又唔會油膩 仲要有好多件配埋白飯一齊食 撈汁一流👏🏿仲跟埋湯添嫁😎凍青檸檬茶 +$2凍青檸水 +$2小妹兩杯都揀左凍飲😋青檸檬茶飲落茶味夠香 又不失青檸香味青檸水青檸味 飲落幾清新兩杯都係夏天嘅好選擇黎嫁✨

元朗越南家庭經營的小店抵食越南二人餐$238 一款小食、兩種主食、兩杯飲品秘製燒豬頸肉超級惹味夠晒香氣逼人，食落去口感啖啖肉好滋味，秘製嘅醬汁入晒肉質入面，食落每口都不得了！蟹膏蕃茄湯蟹粉大大舊蟹膏連埋湯底都好入味，香濃嘅蕃茄湯底已經好濃郁，加埋蟹膏嘅鮮香味簡直係天衣無縫，連同爽口彈牙嘅河粉已經吸收晒湯底嘅精華，仲有滿滿嘅配料，食落真係好滿足！扎肉撈檬超級豐富嘅正宗越南風扎肉撈檬，佢唔同普通嘅撈檬就係佢有新鮮嘅菜底，加上足料嘅扎肉，令你食落去嘅口感層次好新鮮爽口！汽水、青檸綠茶+$2越安喬 (元朗)元朗馬田路20-30B號安寧大廈地下6號舖

Lunch Time去咗呢間新開左一排既餐廳食飯，由越南家庭經營既越南菜，有啲菜式幾地道，系香港少見。餐廳座位得幾張，用QR code自己落單，所以鋪面一般只有一個店員。Lunch set，$98，有小食+主食+飲品熟牛肉湯河粉牛肉湯底非常濃郁，熟牛肉幾多亦吾會鞋，仲有芽菜同芫茜，飲完啲湯都吾覺口渴。假蒟葉包豬塊飯好似紫菜既葉包住豬肉，未見過所以叫你試下，假蒟葉食落無咩味，豬肉就有調味，再配煎荷包蛋同炒蒜，餸飯一流。小食有幾多選擇，春卷炸完吾油膩，幾脆口；豬頸肉米紙卷好岩夏天食，豬頸肉燒得幾惹味，米紙卷入面既粉絲幾乾身同爽。凍青檸檬茶同凍青檸檬水，每杯需要額外加$2，個人比較喜歡凍青檸檬茶，夠解渴，夏天飲一流！另外再叫多左個小食，柑桔雞翼 $56，柑桔味加蜜糖既甜味，醬汁濃郁，雞肉夠滑，呢個味道女士應該較為喜歡。餐牌：

經過見到一間新開越南餐廳係元朗好少越南菜選擇呢間小店煮得好有越南既口味中午有set，晚餐又會有二人/四人套餐CP值好高😽😽✨燒豬頸肉紙米卷（三條）燒豬頸肉肉質鮮嫩多汁，香氣四溢。入邊包左豐富既蔬菜同米粉紙米卷口感Q彈，搭配附上既特製醬料令味道昇華\(^o^)/✨生熟牛肉湯河粉🐮牛肉湯河粉係越南傳統既料理河粉口感柔軟滑嫩湯底味道鮮美，牛肉味香濃湯汁好滋味～～生熟牛肉份量好多熟牛肉會比較厚切生牛肉就薄切，有雙重口感✨蟹膏蕃茄湯蟹粉 🍅新鮮既大蝦同蟹膏做主要材料製作而成，入邊有蕃茄、芫荽、生菜、香料等調味料，有濃郁的海鮮味道🦐😆😆湯麵口感好豐富蟹膏同蟹粉濃郁味道同蕃茄的酸甜味道相互融合(⁎⁍̴̛ᴗ⁍̴̛⁎)✨凍青檸水🍸夏天甘熱🔥飲凍青檸水真係好清爽、解渴搭配海鮮，牛肉味道好夾👍🏻

越安喬☕️下午茶時間據說是家庭經營的正宗越南菜。小店堅持不使用味精的住家菜，整體味道偏清淡卻不寡淡，的確吃出「家」的味道。🍅酸果蕃茄排骨湯檬粉蕃茄清湯配上幼檬粉，酸酸濕濕挺開胃的。排骨炆煮軟淋，連帶軟骨的嚼爛下肚也沒問題。🐷🍃假蒟葉包豬塊飯假蒟葉又名越南胡椒葉，是一款香料野菜。葉子包裹着豬肉碎再煎香很特別。🐥🍊柑桔雞翼必點！上菜時雞皮還在油滋滋地冒泡，醬汁有著絲絲柑桔🍊香，非常野味下飯。這款雞翼讓我回想起媽媽做的醬油雞翼呢☺️

餐廳係一間越南家庭經營嘅小店，細細間鋪好有越南氣氛！餐牌簡介仲話將越南味道帶比客人，夠晒地道😚💫午餐 ($98)✨牛肉湯河粉 湯底味道清甜，飲到淡淡牛肉味，河粉可以完全掛晒汁！內有洋蔥令味道更甜。生牛肉份量都幾多，食落唔會柴亦冇冰鮮味😚✨蝦肉紙米卷紙米卷口感豐富，內有滿滿蔬菜如生菜，青瓜等，夾埋蝦肉一齊食夠晒清爽😗🍵青檸綠茶青檸茶味道正常，酸酸甜甜，幾過癮👍🏻✨燒豬頸肉麵包 ($68)麵包烘到好脆身，入面有豐富嘅菜，夾埋豬頸肉食口感豐富。豬頸肉燒到好香，有炭燒嘅味道。入面加咗醬，所以成個包食落唔會乾🥰✨柑桔雞翼($56/5隻)雞翼燒到好靚又好香，好似平時BBQ嘅感覺。外皮焦焦地，食到柑桔酸酸甜甜。入面雞肉好juicy，夾埋一齊食口感豐富特別😋 🧉椰汁沙冰咖啡 ($48)椰汁同咖啡原來幾夾！椰汁味濃，打成沙冰。溝埋底層咖啡一齊飲，味道更昇華😍

假期經常會吃個早午餐 找到這家的午餐12:00-15:00而且有小食,主菜和餐飲是由越南家庭經營的小店 聽到店主用越南話溝通😂😂差點以為去了一轉越南而且食物都好有越南風味.🔸午餐 $98-燒豬頸肉紙米卷(1條)紙米卷包著粉絲和燒豬頸肉也幾好吃-假蒟葉包豬塊飯(5條)是這家店的獨特自家製的 假蒟葉可以直接吃吃下去有少少苦味的 一定要沾醬吃附著兩種醬汁 有酸酸的 也有辣辣的豬塊就是好像肉條的口感 吃下去也好香-凍咖啡好大杯😂是黑咖啡來的 少少苦味 我喜歡.🔸午餐 $98-炸春卷(1條)看以為會炸得過火 但吃下去也幾juicy-燒豬頸肉麵包是用了脆脆的法包 放了燒豬頸肉生菜和酸酸的紅白蘿蔔絲 好惹味-凍青檸綠茶 +$2加了青檸的綠茶 也好清爽.🔸通菜炒牛肉絲 $48好有家的感覺 家常炒的通菜配以蒜泥 口感滋味.📍越安喬📌元朗馬田路20-30B號安寧大廈地下6號舖

早兩日喺元朗見到呢間新開嘅越南菜小店(･ω･)打住無味精嘅旗號 就入左去試試～原來係一間家庭式經營嘅小店 細心睇發現店名似乎都係結合𝙿𝚑𝚘 + 𝙵𝚊𝚖𝚒𝚕𝚢 頓時感覺更親切🫶🏻食物果然都係住家路綫 簡單清淡 調味唔重手～同一般比較濃味嘅東南亞菜有啲唔同 係另類嘅正宗越南風味♥ 蝦肉米紙卷 $④⑧帶點煙韌嘅米紙 卷住檬粉、大蝦、蔬菜絲 蘸上酸醋 清新開胃@(ᵕ.ᵕ)@蝦嘅份量更加唔手軟.♥ 燒豬頸肉撈檬 $⑧⑧出面嘅撈檬汁多數落魚露 但呢度就以醋為基底 所以酸味更突出 豬頸肉幾爽口 唔會燒到太燶太乾身～有好多生菜絲 食落更清新 同埋好大碗🥣.♥ 炸春卷 $④⑧即叫即炸٩(θ‿θ)۶咬開仲出緊煙 外層薄身唔𠝹口 內餡香菇味突出 又脆又香口 忍唔住想食多兩嚿

上次係附近經過，見到依度有間越南野依家天氣熱，食越南野都係好選擇入面座位唔算多，見到keep 住有人食估唔到係越南家庭式經營～店員全部都係越南人d 野食夠正宗越南風味有Lunch Set 就唔駛煩，我地一人叫左一個set蝦肉紙米卷燒豬頸肉紙米卷米卷外皮夠薄，包住檬粉同紅蘿蔔生菜等等配料點埋個酸辣汁夠哂開胃生熟牛肉湯河粉依個生熟牛肉真係一定要提！！！我地第一次見到上碟係甘生既生牛肉不過碗湯粉夠哂熱，基本上撈一撈都開始熟撈完之後仲有少少粉紅但真係食嫩滑，好juicy!! 第一次食甘好食既生牛肉湯粉，就係因為佢一開頭係甘生湯底唔算濃反而突顯佢d 牛肉味為左依個生牛肉粉都一定會encore 酸果蕃茄排骨湯檬粉係香港越南餐廳好少見到依款湯底好香蕃茄酸味好醒神開胃排骨大大舊但好淋，質地似煲湯個種所以佢好入味成個配搭都好清新但又好夾凍青檸綠茶依款又係好特別青檸味唔算強，再加埋淡淡地既茶味都幾fresh

今日元朗體溫超過34度，但仍無阻我外出覓食的決心🔥不過這麼熱必須要吃一些消暑的食物，才能平衡一下身體。越南菜一貫是我夏天的選擇，因為菜式都偏向清爽。今天就走到了這一家越安喬。店面不大，相信是屬於家庭式的小店。服務員強調食物是正宗越南風味，餐廳也確實掛滿了很多河內的照片和越式小擺設🇻🇳粉麵類除了一般的雞絲河、pho、蟹檬粉等，我點了一個比較特別的酸果蕃茄排骨湯檬，名字看起來很清爽😆一如所料，這個湯檬湯底非常清新，有一股蕃茄和瓜菜的香味又帶點少酸（估計是幾種香料餚出的味道）。排骨放在湯裏燉得非常軟，入口即溶，非常入味！原來這餐廳強調他們不用味精，所以這個湯也很清淡，就是很家庭的感覺。另外加了$12就有鮮蝦米紙卷😃大蝦有看頭，吃起來酸酸甜甜同樣健康清爽！最最最有驚喜的，是牛油果沙冰🥑打成汁的牛油果很香很滑，中間還會吃到果肉，敢說是在香港裏喝過數一數二最高質的牛油果沙冰！

落咗幾日雨，今日趁住天氣好又出元朗搵食，來到呢間越式小店，睇餐牌先知道原來係越南家庭來港經營，一於試下正宗越南風味美食。餐廳主菜可以優惠價追加小食，最後加咗一份紙米卷及柑吉雞翼。生牛肉湯河 :可以揀生或熟牛肉，先試試湯底，味道好鮮甜，餐廳標榜唔落味精，飲完都唔覺得口渴；牛肉份量都幾多，浸湯後半熟，食落好香牛肉味。柑吉雞翼 :雞翼外皮焗得香脆，肉質依然鮮嫩，柑吉醬甜中帶甘味，食落非常開胃。燒豬頸肉紙米卷 :紙米卷口感煙韌，餡料好豐富，除咗豬頸肉外，仲有生菜、甘筍絲及檬粉，沾埋魚露食更加好味。蛋咖啡 :第一次試蛋咖啡，係以蛋黃取代牛奶做成泡沫效果。上枱時鮮黃嘅蛋及咖啡層次分明，賣相好吸引。入口好濃蛋香味，蛋黃泡沫味道微甜，有d似蛋糕咁，配上咖啡感覺好特別。

平時係元朗食野都集中係雞地或者大橋街市個邊食野。今次發現馬田路有間新開由越南家庭主理既越南店，就趁星期六有時間入去試一試☺️今次就叫左2人餐，包1款小食、2款主食同2杯野飲，總共$228，都幾抵食👏蟹膏蕃茄湯蟹粉：呢個蟹粉真係好有驚喜，無論係啲蟹粉定係個湯底都有濃濃嘅蟹鮮味，而且勁足料，有兩大隻蝦同埋豬肉豆卜等，食完真係大滿足😽豬頸肉飯：豬頸肉燒得好香口，又切得好薄，非常好食！最驚喜係仲有隻煎蛋，用豬頸肉點蛋黃送飯一流。燒豬頸肉紙米卷：紙米卷唔會太厚，夾埋豬頸肉同配菜點佢既自家醬，非常清新！食落同之前係越南旅行時食既一樣😍餐廳坐得都幾舒服。由大馬路行入去餐廳位置都只係5分鐘，所以都好方便。最重要係餐廳講明唔會有味精，值得一讚！