豬屋日本料理

Open Now

Now Closed

首先d侍應好似唔想做咁丶我一入去、啤住我丶咩事？😅搞到我以為糸唔係未開始晚市、好奇怪用QR落單丶但冇QR CODE😅😅咁我問佢拎丶佢答我：咪比咗你lo😅😅😅我真係立即火起丶最後原來我枱qr code 丶佢比咗另一枱客之後所有食物都𣎴好吃丶賣相又差丶d侍應好慢好慢丶真係唔想做咁丶$2xx 好貴、唔知食咗d咩咁😅😅😅😅真係唔明點解平時行過咁多人食丶又好多人叫外賣丶嘜要求咁差😅😅我不會再食

店舖晚上越來越熱鬧，不少台客湧入,，店員還是維持良好服務，不過我怕人多，新叫外賣打包回家。豬骨拉麵,濃郁豬骨湯底，魅力所在是拉麵吸收了湯頭精華仍然軟滑彈牙。😳宮崎便當打開有四格,分別為日式咖哩汁配珍珠米飯、燒汁雞扒、七味燒豬頸肉配茄子和蒜蓉螺肉,看起來十分吸引,雞扒軟滑,豬頸肉和茄子經炭烤後更濃味,飯填滿了整格,份量十足,加上誘人的咖哩汁更增風味。😄😄名古屋便當出乎意料之外,竟有如此多美食:味付螺肉、魚餅和炸雞等,可說具備所有所需,好似寶物袋般任取所需,飽足無比。☺️☺️炸雞軟骨香脆可口，肉丸子口感飽滿👍🏼另點了三文魚魚子壽司，十分新鮮超值，超級滿足。總括而言,這間餐廳物超所值又正宗,會再次光顧。

來到附近探朋友，朋友說這間日式料理十分受歡迎，可惜我們來到的時候實在太多人了，出面排隊滿滿，最後我們決定買外賣回家吃。我點這款是沖繩便當，入面是有吉列千層芝心豬扒、汁燒金菇牛肉卷、刺身、螺肉及醬汁飯。吉列芝心豬扒揸得非常香口，入面啲芝士濃濃的，非常大份！汁燒金菇牛肉卷，也是香濃的醬汁味，刺身等等都算新鮮，白飯可以配咖喱或者燒汁，這個便當味道算是不錯，份量也足夠～另外一款叫了迷你三文魚親子丼拼迷你豬軟骨飯，其實份量都非常足，胃口小的未必吃得完。三文魚親子丼配有沙律醬可以撈飯吃，粒粒三文魚子脆卜卜，豬軟骨煮得軟林，三文魚味噌湯也是濃濃的，兩個人胃口不大的話，一起吃也足夠！

聽朋友同openrice 介紹，係雲疊都有間開左一排既日式料理，主打食便當同丼飯既🍱🍱門面幾有日式feel 既☺️☺️☺️便當價錢唔貴，合理吸引既👍🏻👍🏻👍🏻仲有啲拉麵同烏冬，有機會下次行過再試呀🙈🙈價錢都算抵既便當$92，小食夠熱夠脆，仲要有幾片刺身，個人黎講算係抵食既👍🏻👍🏻👍🏻一個男士食應該都足夠份量既😊😊😊成個便當都吸引既，食得出店家既用心可以再試推介（4/5⭐️⭐️⭐️⭐️）

行過雲疊，見到有間食日式料理既餐廳，自己一條友行入去食下🫢🫢🫢🫢🫢店中裝修都幾有日本風味既，所以比佢吸引左，價錢感覺唔太貴，平民化既☺️☺️☺️☺️角粒魚生丼飯（$7️⃣2️⃣）有味噌湯送既🍵🍵🍵🍵🍵其實都幾抵食，係市區呢個飯起碼過百⋯其實離開時係隔離店都要賣9️⃣8️⃣🫢🫢所以我覺得個價對得住質素既👍🏻👍🏻👍🏻👍🏻👍🏻呢間仲有好多野想試既，有機會會再黎👍🏻

今晚同老婆係屋企附近揾食，老婆話想食丼飯，我哋去左係大圍雲疊花園附近既豬屋料理食晚餐😆😆門外同店鋪入面都有餐牌店鋪裝修幾有格調店鋪用既係自助QR code 落單系統，落單簡易，一目了然👍🏻👍🏻👍🏻老婆點左北海角切雜錦魚生丼-附送三文魚味噌湯（$72），另加配三文魚壽司（$20）魚生粒好多，飯係好香既丼飯，有啲似壽司飯咁，勁大碗！呢個價錢抵食👍🏻性價比高！另外，三文魚味噌湯，湯料好多，仲有好幾片三文魚肉係入面，完全唔腥！好飲👍🏻三文魚壽司都好食，壽司飯好食👍🏻重點推介沖繩便當❤️❤️❤️（$96）呢個落單時寫左要等15分鐘，但我覺得好值！！！因為便當中所有食物都好好食！飯方面可選多飯/少飯，呢點要一讚啊👍🏻我比較大食，點左多飯，咖哩汁好足夠👍🏻可以撈得哂成個飯☺️☺️☺️☺️☺️便當有1️⃣吉列千層流心豬扒2️⃣金菇牛肉卷3️⃣三文魚，帶子，甜蝦刺身4️⃣咖哩飯5️⃣螺肉相當抵食👍🏻三文魚刺身勁厚重點推介⭐️⭐️⭐️⭐️吉列千層流心豬扒⭐️⭐️⭐️⭐️香脆得黎夾流心芝士，熱辣辣得黎又唔會辣咀，豬扒好鬆軟❤️❤️老婆都係咁讚好食🙈係街好怕食金菇肥牛卷，因為坊間普遍難咬開，但店主好細心將佢一分為二，一口一啖好開心👍🏻👍🏻最後2個人又係棒住個肚走！

放工唔想煮🌝🌝又想食得清清地咁就揀日本料理🤣🤣🤣叫咗take away 咁就可以電視汁撈飯😎😎見到大圍豬屋 好似幾多好評價錢都合理感覺有好多選擇 今次就試吓😚😚😆😆首先要讚吓佢個外賣袋好實淨嗰種 之後可以做shopping bag返到屋企訊息，佢仲放咗幾舊乾冰保持啲外賣魚生新鮮😳😳係咪好抵讚先？🤣去拎takeaway 嘅時間未到7點都已經幾滿座叫咗兩款食物一個係沖繩便當 另一個係魚生丼😆沖繩便當+ 魚生其實好抵食 真係好啱男人食魚生味道唔錯 👍🏽呢個係炸吉列芝士豬扒真係食得出有芝士係入面㗎！Very juicy 另外 肥牛金菇卷同埋螺都不錯吃喔😁咖喱飯就比較重洋蔥味所以都甜啲不過我唔係洋蔥愛好者 下次我會揀燒汁😆😆😆五色海鮮丼飯+ 麵豉湯海鮮丼嘅魚生全部都好啱我口味有赤貝 三文魚 大蝦 海膽同埋凡立貝唔錯唔錯佢個麵豉湯 仲要有三文魚肉喺入面呢個係好驚喜其實佢本Menu好厚好多唔同嘅便當同埋丼飯好似仲有燒物呀 火鍋呀都真係有啲排試

今日去大圍探朋友，佢帶左我去食日本野。餐廳裝修風格以日系為主，牆身貼滿不同日本懸名的火車站牌，好有日本feel。餐牌好多元化，包括刺身丼定食、豬豬豬全部都豬、雞雞雞全部都係雞、鮮鮮鮮全部都係海鮮、一品料理、特色卷物、刺身系列、壽司系列、冷盤、田園系列、海鮮系列、滋味系列、飲品就有精選特飲、酒精飲品。名古屋便當: 包括有薄燒鰻魚、日式炸嫩雞、日式圓蔥魚餅、咖哩飯、味付螺肉，認真豐富。鰻魚肥美肉厚，沒有碎骨，燒得好香；炸雞好嫩滑；咖哩飯味道甜甜地，薯仔紅蘿蔔煮得軟腍；螺肉爽口。北海角切雜錦刺身丼定食: 有各種切粒魚生鋪滿飯面，新鮮肥美，仲附送三文魚味噌湯。日本直送卷蛋: 今日係紅莓味，軟綿綿，一啖一口，甜蜜蜜。總結，出餐快、價錢經濟，下次要再嚟試下其他特色便當。

遲咗收工唔想煮飯，又想食下日本嘢，又唔想去咁遠，就search下區內有乜日本嘢食。見到近近地雲疊花園有間日本嘢就去睇吓，諗住坐低食，但見full full 地，就決定買外賣返屋企食。睇圖都幾吸引，又想食下炸嘢，就買左個秋田便當，再買多個沖繩俾屋企果個。兩個便當$190左右，日本野，依一刻諗住應該唔夠飽，已經諗定宵夜食乜。便當製作需時，雖然唔係好耐，但係都要等一陣。店舖好細心咁安排咗啲櫈喺出邊俾人等👍🏾👍🏾等咗大概10分鐘，叫我號碼。見到我個餐，出現驚喜一，個外賣袋好靚好可愛😻😻😻😻😻😻咁之後就當然係呢個外賣返屋企食。行程九個字，返到屋企，驚喜陸續出現！炸物！依然脆！雞扒無炸到好乾，有汁，芝心豬扒唔會膩！豬軟骨！淋得來有咬口，金菇牛，有燒出來既脆邊！刺身除左新鮮之後，店家都好細心，每盒刺身都有冰保冷！個咖哩飯個咖哩係大眾口味，偏甜，亦都合我口味！如果食晒之後係覺得勁飽，已經唔再需要諗燒夜食乜😹😹總括而言，我係估唔到區內有間咁好嘅日本便當餐廳，我相信我短期之內都會再幫襯，試吓去其他便當同埋嘢食😼

今日大圍見完客，唔想煮，就係附近既豬屋買外賣。四個人，叫咗三個餐，剛好$200，就食飽飽。日式炸雞拼吉列大蝦咖喱飯$59雖然啲雞係炸完，但係仍然keep 到好Juicy。吉列大蝦啲肉亦都好爽。日式叉燒豬骨湯拉麵$61雖然係外賣，但係啲麵一啲都無變淋。店家好細心，將湯同面分開。义燒肥瘦適中。福岡便當$80便當可以選擇咖喱飯或者燒汁飯變返好豐富，有一大大嘅吉列豬扒，有豬軟骨，有日式魚餅兩件，仲有味付螺肉。有機會下次經過一定會再幫襯。

日本便當一向好精緻選擇好多，今日嚟到大圍呢間專食日本便當嘅餐廳豬屋！ 我哋叫咗兩款便當🍱超級豐富， 特別喜歡佢既炸物：⭐️沖繩便當(吉列芝心豬扒 汁燒金菇牛肉卷 刺身-三文魚 带子 甜蝦1隻,咖哩飯、味付螺肉）⭐️鹿兒島便當(汁煮豬軟骨 吉列大蝦 刺身三種 三文魚 带子 甜蝦 咖哩飯,味付螺肉）當中吉列大蝦同埋豬扒係我嘅最愛！酥脆而裏面嘅肉汁亦都鎖住😙而另外都叫左幾款小食 分別係串燒 壽司同炒雜菜 ，同好唔錯👍呢間日本餐廳價錢好抵食，而且味道唔錯，見咗好多間街坊幫襯！

今晚唔想煮飯，返工後去左屋企附近嘅豬屋食飯。豬屋店裏店外裝修都貼近日本居酒屋風格。供應嘅食物方面，由串燒、刺身、壽司到日式丼都有。餐廳嘅食物多元化，不過由於係掃QR code上網落單，所以成個餐單都可以一目了然。我哋今日叫左軟殼蟹沙律、福岡便當（豬肉為主）同奈良便當（雞肉為主）各一。餐廳上餐速度頗快，晚膳時間落單後十分鐘內已經上哂所有食物。沙律蔬菜好多，想攝入纖維嘅人必叫。此外，軟殼蟹全體炸得好脆口，尤其是蟹腳部分嘅脆度可謂同薯片差唔多。至於丼方面，飯量適中。不論係豬肉或雞肉嘅飯盒，丼中都有唔同種類嘅小菜，將同一類肉食以唔同口味同烹調方式呈現出黎。當中，吉列豬扒同雞塊粉衣唔太厚，而肉質炸完仍然嫩滑有肉汁。雖然係間民生區小店，但食物質素而言，呢間餐廳值得一試。

豬屋早幾日去搵住喺大圍嘅朋友，估唔到喺大圍站附近有個自成一角嘅小村落，chill chill幾好feel。之後朋友帶咗我去呢間豬屋食飯，感覺都十分良好。我地叫咗兩個日式便當，一個係沖繩便當，一個係青森便當。沖繩便當入邊有吉列千層芝士豬扒、汁燒金菇牛肉卷，仲有好鮮甜嘅三文魚帶子同甜蝦刺身。我最鍾意吉列千層芝士豬扒，油香味濃厚。青森便當入邊就有七味燒豬頸肉、汁煮豬軟骨、蟹籽加州卷、味付螺肉同埋咖喱飯。朋友心水嘅係汁燒豬軟骨，佢話煮到好淋又好入味，而我最最鍾意七位燒豬頸肉，佢表層燒到脆卜卜，口感極佳。我地重order咗三款壽司，分別係炙燒三文魚腩壽司、花之戀同帶子壽司，兩款都好好味，質素唔會差過壽司專門店，個燒三文魚腩好有油脂嘅甘香味🥰除此之外，我地都叫咗兩串串燒、一碗拉麵同埋飲咗一杯奶香味濃嘅牛乳，全部都好正，係大滿足嘅一餐🤌

唔駛飛去日本，依度已經有好多好多款好吸引的便當選擇❤️唔想食飯仲可以轉烏冬架🐰至於揀邊款便當，大家即管揀集齊最多自己的大好物的款式❤️✨本州便當👉🏻蒜香牛油帆立貝4件,👉🏻照燒鱈場蟹棒3件,👉🏻照燒茄子2件,👉🏻味付螺肉，👉🏻咖哩飯 轉芝士咖哩烏冬🤩🤩🤩不過因為外帶個烏冬有d 淋左，堂食應該正好多，外帶建議叫飯🐰✨醬燒黑椒三文魚壽司唔太食生的3的最喜歡叫火炙壽司，佢依個加埋醬燒，香得黎仲好juicy🐰店家好好，俾左冰塊我保鮮🐰✨炸吉列廣島蠔(4件)✨凍柑桔蜜食完炸物潤一潤，爽爽🐰佢唔係韓式o個隻，係有d 咸柑桔味建議叫外賣自取的朋友用外賣app or 電話點餐，等一會再去取，因為佢太旺場，都要d 時間準備食物🐰❤️

回憶殺：重回童年老家附近，那些年，曾走過的路，雲疊花園的情，一點一滴在腦內。看到附近多了很多小店，忍不住走豬屋日本料理去，看到街坊人流不止，就深信是嗰好店家。我們發現套餐超多選擇，冷盤，小食，熱葷，主食樣樣齊，仲有特價選餐飲，所以我們就點了套餐慢慢食。飲品選了回憶的波子汽水與可樂。脆香吉列套餐（包括：螺肉，三文魚味噌湯<有三文魚肉，正>，吉列廣島蠔<炸粉唔厚超好味>，吉列大蝦<粉薄超彈牙>，蟹肉薯餅<唔該……加嗰啤酒>，豬骨湯拉麵<麵質Q彈>）都唔駛100蚊，老闆你回到本嗎？沖繩便當（包括：螺肉，刺身<超新鮮，大蝦肉質鮮甜，三文魚/帶子大件好味>，吉列千層芝心豬扒<有心思，芝味唔算太搶>，汁燒金菇牛肉卷<汁香肉嫩>，咖喱飯<咖啡甜甜吸引與飯超夾>）真心樣樣都用心主理，難怪人潮不斷。