Pizza Bar (Closed)

Pizza Bar灣仔駱克道53-55號恆澤商業大廈放工去happy hour 飲野食野，去大間係basement 架。$123 炸豬手, 是菲律賓式炸豬手,同德國豬手有幾分相似, 皮薄脆香。店已幫手起肉去骨切成一片片, 食物都岩飲啤酒, 所以呢度有得食確實幾夾架。$61 MINI SIZE PIZZA, 有4件, 如果人小2個人點MINI, 比較可以留肚試其他食物。辣肉腸pizza 味道唔錯，好多人來happy hour 都會點小食。即點即烘烤，估唔到呢！

路過灣仔見到一間舊式裝修嘅Bar 充滿懷舊色彩同氣氛，令我勾起小時候跟朋友落酒吧嘅趣事。餐廳個名叫Pizza Bar，咁一定要點個Pizza 試下啦。▪️愛神百勝批 Venus The Goddess Of Love （Regular Size) $118Pizza 餡料有莎樂美腸、意式辣肉腸、火腿、蘑菇、甜椒同洋蔥等配料，Pizza 係用薄批底食落夠脆，都唔錯。呢個價錢覺得幾抵食。▪️蜆肉周打湯 Clam Chowder Soup $55個湯夠晒香濃，蜆肉都幾多，鍾意濃湯就啱晒。▪️茄香海鮮意粉🌶 Tagliatelle Alla Marinara $109海鮮主要係蝦肉同魷魚，意粉嘅軟硬度啱啱好，加埋自家製嘅辣茄醬，辣度啱啱好又唔會好辣，酸酸辣辣幾開胃。▪️椒鹽炸雞翼 Spicy Chicken Wing $53雞翼都炸得好香脆，用椒鹽去炸夠惹味。

小編今次同老婆嚟到呢一間喺灣仔一間港式西餐廳/酒吧享用晚餐，小編Order左紐約牛扒配飯（洋蔥汁）老婆就order左意大利辣肉腸pizza，另外亦都order左兩碗湯，分別係雞肉忌廉湯and酥皮海龍王湯。呢一間餐廳烹調西餐相當出色，小編同老婆都相當滿意，另外雞肉忌廉湯和酥皮海龍王湯味道都相當好，相當足料，10分有港式西餐廳的傳統味道。飲品方面，小編同老婆order左兩杯無酒精嘅飲品，亦都調製得好好飲，甜度適中。

呢間鋪頭十幾年前已經有幫襯!!以前仲係喺金鐘返工,不過而家好少過海喇... 自從轉左工!!味道依然KEEP到,好有泰式同菲律賓式風情,另外佢仲有西式野食, 扒同意粉都有!!唔好睇佢賣相麻麻,但係佢D牛柳粒好軟熟,一D都唔韌, 最勁係好有蒜泥味!!用黎送酒一流, 夠晒惹味!!菲律賓豬手, 炸到脆扑扑,碟底零油, 好乾爽炸得!!味道一流, 唔同平時食德國鹹豬手!!加埋佢地自己獨有個醬, 好有菲律賓風情!!差唔多每枱都叫, 大約6點已經無晒...好彩仲ORDER到一隻!!基乎每次黎都會叫!!佢地係舊式酒吧黎,呢種喺好舊式長島冰茶,味道好啱我, 夠哽!!酒精味道有少少濃!!小心醉呀...!!但係味道真係好正,尋日仲有買4送1添!! 抵呀!!

灣仔酒吧街入夜後 五光十色😍成條街都好熱鬧 喺咁多間酒吧入面唯獨Pizza Bar最得我歡心☺️佢同一般酒吧唔同 比起酒吧 佢更似一間餐廳😂 每次想一班兄弟吹下水啤啤佢🍻就會諗起Pizza Bar😌Happy Hour去到8點半 通常我黎親都係飲Hoegaarden🍺貪佢大大杯 Draft beer唔錯嘅選擇👍佢有料嘅地方係我食左咁多年佢個menu都係無轉過😂 但總會想繼續去 小食menu有幾款係必嗌其中鹽燒牛脷就係其中之一牛脷燒得腍香 預先有調過味再配埋芥末醬 好好味😋老板極力推介 用上越南魷魚🦑炸得夠香脆 送酒一流👍 配埋個沙律醬真係fatfat🤪我自己就最鍾意加Anchovy有陣陣鹹香☺️ 加埋Salami同蘑菇係我最喜歡嘅組合😍消費滿唔知幾錢仲有張小食coupon送😂真係超抵食👍 難怪去親都爆滿😍

是晚想飲嘢，又想食啲嘢，去了好耐無去嘅pizza bar.今晚點了一支白酒，杯HH價嘅stella.食物方面點了魷魚鬚，串燒半打，及細pepperoni pizza.食物好好味，本人幾喜歡佢地嘅pizza.食物質數都好好，只有埋單時候往往一個總數，本人當晚沒有check單，所以被收取貴了。事後才發現

First they don't state it's only cash only for lunch and the food is way below average. they charge 10% if u use card transaction for lunch?!?! Didn't even let me go out an withdraw...(I understand her side but I was not running away because I offered to pay by card anyways) I was very disappointed with the overall experience.. DO not recommend and wouldn't go there again.

平時返工大多數都是帶飯的我，今日難得跟同事出街食lunch，去左一間超懷舊的酒吧， 頗特別😁12:40落到酒吧，侍應已迅速分配我地坐卡位，然後問定我地要紅湯定白湯，及俾餐牌我地。睇過餐牌我地一致要紅湯，蒜茸西冷扒配薯菜，如下:紅湯其實係羅宋湯，充滿蕃茄味，多椰菜，及有幾條肉絲，算唔錯。蒜蓉包偏乾但都算有蒜蓉味，不過甘便宜的價錢都唔會要求甘多，每人分到兩塊都算唔錯。蒜茸西冷扒配薯菜，西冷扒其實都幾細塊，男士食可能揀飯或意粉先夠，不過塊扒醃得幾好，好夠味，但唔咸又唔un，所以算唔錯，再配以娃娃菜同薯條，簡簡單單，算幾好。跟餐還會包冷或熱飲，我叫左一杯咖啡，好大杯，但唔記得照相🙈

間餐廳係地庫，要落樓梯既！一坐底姐姐會問你飲咩湯，如果想配焗薯要即時落埋order,因為係限量既！賣晒就無架啦！今次叫左西冷配焗薯，本身話無晒焗薯但上臺又有喎😂😂😂各人泥講好鐘意佢既多汁😆😆因為係多到連塊扒都睇吾到！不過真係見人見智！$65包湯，兩塊包同餐飲！早去可以食到焗薯（不過薯茸會飽肚啲），仲有咩可以講呢🙈🙈實會再去食啦！結賬就吾好等佢啦！直接出去收銀講臺號最快，留意返午餐就只係收現金！

經同事介紹又去試新餐廳啦，今日都係去灣仔。有d唔同既係日光日白落bar食lunch，小弟真係未試過啦。裹面裝修唔錯既，幾有懷舊既味道今日lunch既餐牌蜆肉周打湯，幾cream幾好飲，不過無蜆係我個碗到反而同事就有羅先尼燒雞 $65意粉好有味，唔係就咁煮上黎既。配菜都有心思。燒雞就唔知點解唔熱 仲就黎凍既感覺，呢下就差d啦，不過幾好食既，雞仲係嫩滑唔老。總結，lunch落bar食lunch真係有驚喜，食物如果熱些少就完美了！

環境3分：行條長長嘅樓梯落去即刻見到張吧檯，然後入面大部分都係卡位。燈光暗黃，都可以叫做有情調。有舊式英式酒吧feel，但大部分都係上左年紀嘅人，唔多見到好多後生仔女，所以畀3分。 衛生4分：地方偏舊，但都算乾淨，所以有四分。 服務4分： 有三四個夥記不停行嚟行去，估計其中一個應該係老細。服務算快，又唔會長氣介紹依樣嗰樣，所以畀四分。味道4分：叫左個愛神百勝批，入面有啲火腿蘑菇洋蔥之類，芝士又夠多，出嚟熱辣辣，都算好食，可以畀四分。 抵食3分：123蚊regular size有六塊pizza咁多，其實都ok算抵食。但係一坐低就有兜nuts，當然係收錢嗰隻，感覺上有啲搵笨。本來有四分，但扣一分nuts，所以抵食只有三分。

我都係聽朋友介紹尼到話影相好有feel好vintage先慕名而來 所以原本主要目的係影相😂😂吾好意思 我吾記得影淨係食物既相 希望吾好介意有埋我個樣係到😂😂因為我地吾係好肚餓所以只係點左兩個小食兩杯野飲🍹野食係幾有驚喜 點左炸雞翼 份量都好大！大過平時出街食既幾多 而且炸得皮脆肉嫩👅💦💦反而野飲就一般 點左fruit punch🍹冇乜特別Pinacolada 我覺得椰子味太重 成杯野白色好結身 冇乜果汁味 我最後係要加水飲😂😂仲有另一個小食係燒豬頸肉 都好好食😋😋💗尼到仲有bar枱飲野 真係幾好feel 一定會再黎🔪Btw好介意人食煙既就吾係黎喇 因為尼到係吾禁煙架🚬

放下午假去書展，入場前先吃午餐。灣仔揾食多選擇，最後打算食西餐。駱克道一帶酒吧，午飯時間都係做 Lunch set，Pizza Bar 我曾經幫襯，覺得幾好食，今日就決定帶朋友來這裡試試。曾幾何時，一到午飯時間，這裏都會爆滿人等位，我們12:50分到達，竟然唔洗等位，還有二人位不用搭枱，真係開心呢！一坐下就立即問要紅湯定白湯，速度真係好快。Lunch set 有四款揀，我揀左蒜茸西冷扒，朋友就揀左蛋汁扒龍利柳，可自由選配意粉/飯/薯菜/沙律。兩碗白湯，味道正常，不過不失。餐湯跟兩片牛油蒜茸飽，味道適中，牛油唔多，不會油膩，麵包不會太硬。湯和包都合格。主菜 : 蒜茸西冷扒，蒜茸汁相當好味惹味，牛扒唔UN有質感，有肉味，但塊扒細左少少，大食嘅朋友肯定唔夠喉啦！主菜 : 蛋汁扒龍利柳，忌廉蛋汁好好味，配龍利柳吃很合適。薯菜 (焗薯，甘笋，時菜)，不是炸薯條，感覺較健康！食到咁上下，伙計主動問飲咩餐茶，都算細心。叫左一杯熱檸茶，一杯熱檸水，都正常地大杯，夠熱，可惜我忘記影相。以我所知，這間酒吧屹立灣仔已超過二十年，午飯時間曾經是座無虛席，但今日竟然不用等位還有卡位剩。裝修廿年未變，懷舊陳設，昏

放左工想同同事飲下嘢同食嘢就黎左Pizza Bar一落到去已經見到裝修好懷舊但都幾有風味因為冇梳化位 最後坐左Bar枱Bar枱都唔係坐得好辛苦有足夠空間我地兩個人叫左分別兩杯啤酒($68/each)，Carbonara($85)，同Fish and Chips($77)食物質素比預期好，同埋好大碟Carbonara幾濃味，夠creamy，係大碟左小小。Fish and Chips既魚稍為多左小小炸粉，但味道好夠，薯條同個沙律醬都不錯Staff都幾親切，上菜前又會主動比曬調味粉不過要留意一下，這個Bar是不禁煙的。總括而言，依間餐廳都提供到一個不錯既環境！

This was the most disappointing pizza i have ever ordered in Hong Kong. There was much too much cheese (not the one that should be used for Pizza) on it and the dough tasted wrong. Maybe it wasn't fresh anymore when they baked it. Go to Pizza Express which is still the best place for Pizza that i know.