Pizza Bar (Closed)

午飯時間，在Pizza Bar速吃了一頓午飯。剛坐下，店員已記低要什麼餐湯餐飲，主菜未點已上。點了主菜後亦頗快到來，實在高效。午市套餐有四款，食物質素不論餐湯(羅宋湯)、主菜(腸仔豬扒沙津)及餐飲(熱檸水)都合預期，比茶記好一點點。加上座位環境比茶記舒適，取價$56一份，價錢合理。

在平日的中午時段，灣仔區的酒吧都會搖身一變，成了西餐廳或扒房。Pizza Bar 時常爆滿，連卡位也要搭檯，不過環境尚算舒適。店員服務勤快，下單後不一會兒就上菜了。喜歡在黑沉沉的地方吃午餐，把日間當作黑夜。Green Peas Cream Soup：青青的很特別，喝下去是忌廉湯的味道。Garlic Bread：香口夠脆，伴湯吃一流。Sirloin Steak w/ Garlic Sauce：西冷扒不錯，意粉份量夠多。下次會選配薯菜，因為看見別人的彈弓薯條好吸引呢。$50 一個套餐，不用加一，灣仔區抵食之選！

今天和同事去了pizza bar食lunch, pizza bar 位於駱克道的basement下餐廳裡很凍呢,所以去食飯記得帶返件褸lunch set1.soup2.main course3.drink=$50(免加一)我揀左羅宋湯,可能個度太凍,個湯唔夠熱,只係暖暖地隨湯仲有麵包附送,係onion bread,個包都ok,個湯普通不過係灣仔區,灣仔ok ge情況下,質素就唔好要求咁多了個main course我揀了"雀鳥西冷扒"叫雀鳥好奇怪,我應該要問下個waiter咩係雀鳥!?又雀鳥又西冷,我真係唔知道咩係雀鳥,有冇人知道呢??塊扒冇咩特別,唔會韌,入到口lor~我反而喜歡d薯條多d~

每次嚟親灣仔都想去食pizza bar, 因為佢d食物真係好有質素, 其實次次去我地都係叫嗰d嘢, 但都百吃不厭!今次都係叫咗海皇星必百勝批, 之前食過其他, 始終鍾情於呢款, 最特別係個批底加咗啤酒嚟整, 有種香味喺出面食唔到ge! 而且材料非常充足, 啖啖都有料!仲有一個最愛蜆肉意粉, 又係超正, 因為佢落咗好多生熟蒜, 所以好香口, 而家好新鮮熱辣, 唔似平時喺連鎖式意式食店嗰d咁, 攞到出嚟已經冇咩溫度可言! 最後仲有兩個飲品, 都係雞尾酒, 飲得酒ge去到都要試吓, 我覺得整得唔錯架!

補回跟友人慶祝生日, 又因要遷就對方工作, 於是選址在 wan chai, 之前係網上 search 話好好味, 就一直好想試, 不過又唔係我心目中既味道, 失望!就好似其他人講似舊囉! 感覺係 ok 既!我地 order 肉醬意粉= 份量大, 不過一般洋蔥圈 = 太油炸魚薯條 = 炸魚一般, 薯條還可以焗田螺 = ok咖哩角 = 好味Pizza = ok2 杯紅酒, 3 杯啤酒, 1 杯 long island, 2 杯 soft drink = 埋單 652

上星期四師傅正喺度發呆之際, 腦海忽然閃出好友食家"乜都放入窿", 噢! 原來師傅好掛住佢! 正喺度諗緊好友食家"乜都放入窿"的時候, 師傅嘅手機竟然彈出一條短訊, 就係由好友食家"乜都放入窿"發送出黎的, 啲時間竟然咁得意! 原來好友食家"乜都放入窿"想搵師傅當天晚上食飯, 咁啱師傅當日又得閒, 食飯當然冇問題啦!好友食家"乜都放入窿"就提議黎呢間食店, 師傅當然冇問題, 皆因早一陣子已經同好友食家"乜都放入窿"黎過一次, 由於師傅太忙所以未有時間寫食評; 既然再黎, 師傅當然要寫番個新鮮熱辣嘅食評啦!大約晚上八時半到達, 喺步入食店前發現九點前依然係歡樂時光, 咁就正正啱晒好友食家"乜都放入窿"同埋師傅啦! 入到食店鬼死咁多人, 幸好唔使好耐就有一張寬敞嘅枱, 坐底後就即刻腸下有咩好食, 師傅就冇咩所謂, 所以最後將個波就橫傳比好友食家"乜都放入窿", 最後就決定柯打愛神百勝批, 蜆肉會意粉同埋炸春卷, 每人各柯打一杯大生啤!食物未登場時, 師傅當然係同好友食家"乜都放入窿"啤一啤, 再吹下水啦! 吹左都唔係好耐就已經有得食, 而第一道菜登場的是炸春卷, 繼而係愛神百勝批同蜆肉會意

午市時份, 與女友一起到pizza bar 共進午餐!女友常常光顧, 已是熟客仔了~ 起初以為此處是酒吧only, 原來也有午市套餐!見到menu, 只有4個套餐選擇~ 太好了, 套餐太多反而令我眼花瞭亂!我點了芝士火腿雞絲焗意粉, 女友點了龍脷柳 set~老闆娘很熱情地不斷推介牛仔骨, 因她說牛仔骨並不是常有!不過, 已點了餐的緣故, 唯有下回分解!叨女友的光, 得到老闆娘贈了一份牛仔骨試食! 一試之下, 才極其後悔沒有點牛仔骨set lunch!!!!!肉質不會「鞋」, 調味也很用心講究! 味林和酒的分量調控得很好!我不是什麼少年食神, 只知道一間餐廳, 一個大廚可以用心製作一道菜, 哪怕只是一份50元的午餐, 也可以吸引到一班食客!難怪它可以在「灣仔」這個兵家必爭之地, 屹立不倒!必食推介: 牛仔骨

係灣仔一帶搵野食，間間都成班鬼佬係度踏到拆天，就係呢間無乜人，就佢啦。落完樓梯，見到樓面真係想返轉頭，咁鬼有十幾二十年前既港產片入面既夜總會Feel既﹖好似一坐低就有個媽咪走出黎﹕「先生貴姓，第一次黎呀...」不過一坐低，望清楚張檯就唔同講法，執得真係乾淨，雖係舊左D，但係保持得好好，連番茄醬樽都唔會有千年跡係樽口度，刀叉杯碟都企理，咁有心，似乎有D希望。既然叫得Pizza Bar，就叫個薄餅黎啦，真係估唔到，好食，餅底夠薄亦夠香，仍然有少少韌性，芝士雖然淡左少少，但片腸又夠鹹到拉番勻D味道，係意想唔到的好水準。其他既野食就不過不失啦，無叫意粉，因為港式餐廳既意粉通常都好得人驚，但就憑個薄餅，都會番轉頭。

同事介紹話這間店的PIZZA好好味，昨日連埋我在內雖然只得三個人一起吃飯，我們決定要跟同事去這裡試菜，點PIZZA吃，同事介紹來，當然由佢點菜吧！Pizza我們點了regular size，一邊是Salami，一邊是Pepperonis，兩邊都好脆好好味，但其實不知道那一邊是salami，那一邊是pepperonis，只記得有一邊有好濃的cheese，一邊有青椒洋蔥。我們還點了香蒜蜆肉意粉，這碟意粉size好大，用上大蜆肉及新鮮蒜頭炒，分外美味，其餘的還有青菜沙律，這個菜我就麻麻，因為我不太愛吃未熟的東西，但同事同就覺得OK，三個人原本不是太肚餓，但卻能把全枱東西掃清光，勁！

本來以為酒吧禁煙後，可以在沒有二手煙的環境享用我們最愛的炸雞翼和海鮮薄餅，怎料卻換來一肚氣。每枱仍舊繼續抽煙，負責人說要做生意沒有辦法！ 我們只好被迫以後杯葛這裡了！

因這裡是一間酒吧﹐所以環境及燈光亦比較昏暗。行落一條長長的樓梯後﹐眼睛還雖時間適應這裡暗淡的光線。 是日被安排坐在吧枱前﹐見到酒保弄著各種餐飲。而食物點了蒜蓉雞扒飯餐。餐亦包括兩片蒜蓉包﹐羅宋湯及餐飲。蒜蓉包 - 麵包韌韌﹐吃落便知道出爐很久。進食至中段﹐聽到仕應大叫‘蒜蓉包有番’。那怪不得本人所吃的蒜蓉包那麼韌﹐原來是放了不知幾內的貨尾。羅宋湯 - 湯是稀稀,沒有什麼味道。蒜蓉雞扒飯 - 雞扒肉質不鞋口﹐蒜蓉汁亦不是太鹹﹐用來送白飯不錯。配菜有椰菜及紅蘿蔔仔﹐其淡淡的味道來中和口內濃烈的蒜蓉味是不錯。總括來說﹐質素不是很出式﹐不用尊登來試。因$48一餐再這區內有很多選擇。

一個人食lunch, 行了去灣仔耒探索一下, 係酒吧街, 晚上這裡夜夜笙歌, 歌舞昇平. 中午就是人頭湧湧, 食午餐好地方. 但近日因為附近一間酒店出事, 而令到這區守衛深嚴. 求其搵間Pub食一食. 價錢方面亦是一個比較重要既考慮因素, 下下成百元食餐 Lunch, 又何謂呢. 這裡$40幾元. 有湯有茶. 係價錢上, 幾好.叫了一個汰式豬扒, 套餐先來一個湯. 羅宋湯是我的選擇, 好飲麼...不. 帶點酸味, 而且不覺是番茄的酸味. 好似煲左成朝, 乜都變老火湯. 呢個有點不滿意.豬扒, 一食就食得出一口梳打粉味, 淋得亦太過份. 個汁亦咸到我出汗. 份量又真係幾大同抵食既. 不過, 是否我揀錯野食. 感覺上一d都唔拈. 難道灣仔Pub Lunch, 真的要俾過百元, 正式係鬼佬吧鋸扒仔.

pizza bar是舊同事的推介, 這兩年來也是常客.不談地利, pizza bar有盡吸引回頭客的條件:價錢合理, 一個set lunch $50有找, 有湯有蒜茸包有主菜有飲品.環境舒適, 雖然有然擠有點吵, 但bar restaurant就是這樣才有feel嘛. 店內還常常播80年代末至90年代中的canto-pop, 正是我杯茶.最重要是食物選擇多味道好. 一星期五天, 有不同的ABC餐, 雖然不外乎是豬牛雞魚, 但醬汁配搭層出不同 (蜜桃汁雀肉汁香橙汁等等等等), 連薯菜也有好幾款 (薯條薯格焗薯燒薯), 點菜從來不悶. 而且主餐水準極為穩定. 這兩年多來, 吃了這麼多次了, 沒有一次是不好吃的. 雖然不能說是超級味美兼而用料高貴, 但製作用心是不用說的了.餐前的蒜茸包, 有時會叫人失望, 但不時遇上剛出爐的, 那就非常好吃了.他們的凍奶茶也特別濃.(我叫走冰的)每次喝後, 精神振奮維持一整天不特矣, 還會心跳加速, 像酒後high左, 像上緊發條一樣停不下來...寫這篇的時候, 心就在噗卟噗卟的跳.

別過 bull and bear，肚有點餓，又不想再飲。選了曾幾何時來過的 pizza bar，貪其那份又平又好食的鹽燒牛脷，再要了鮮茄什菌闊麵和一杯 carlsberg。牛脷今次唔係好夠味，燒得冇上次咁香，但還是極腍和份量足；鮮茄什菌闊麵有點驚喜，因為闊麵與茄醬同炒，令每條麵身也能沾到醬汁，吃落更好味，只是所謂的什菌和我只吃到雞脾菇一種，到底何什之有呢？

每次去pizza bar飲野都變成食到好飽因為佢d野食真係好吸引...推介香蒜意粉, 用檻欖油炒好香好香!waiters & waitresses好nice通常都係叫D香口炸野黎送啤酒有D肚餓又想飲野既話可以0係度打左底先再去前面D bar再飲過~