必勝客 (Closed)

2條友吹水, 想搵間可以坐得耐d的餐廳, 原來去露比星期二, 但要等1個鐘, 所以轉咗去pizza hut, 離遠見到冇人等, 行到去又見到入面大把枱, 所以就決定入呢間,...............同門口姐姐講2位, 佢竟然比張飛我地, 我當堂, 我忍唔住同個fd講, 明明入面大把枱, 點解唔比我地入, 而要拎飛等呢, 個姐姐答話要等同事帶wor~~ OK, 我接受佢解釋, 但都唔駛等5分鐘咁耐呀?? 入面又唔係好多人要招呼................5分鐘後, 有個哥哥帶我地坐cashier隔離果個area, 入面有張6人枱+4人枱+2張2人枱, 佢叫我地坐近牆果張2人枱, 但我地見張枱太細, 要求換過另一張, 佢話不如將另一張枱泊埋比我地, OK, 起碼多d放嘢, 張枱又大d, 因為本身張枱細到放1個pizza就冇位lor~~~我地考慮咗幾分鐘, 但等有waiter見到我地時亦都等咗幾分鐘, 再等埋d食物嚟再等多十分鐘....................... 三文魚湯個湯都唔熱, 只係暖, 照正常應該一路heat住, 就算唔係, 都應該响上枱時re-heat比客人丫.

繼續我的 2010年 1月篇與好友行完街喪買野之後.. 最好就係去嘆返個下午茶架喇..想食 Pizza, 又想坐得舒服, 咁岩又係西田附近就 Pizza Hut啦!!!!!!!!!!!!!

每次有新pizza 都會去試下，今次又係我喜愛既扭扭pizza。雙重分享扭扭 pizza：批邊係脆皮芝士腸和香濃芝士，超級鍾意食。小食拚盤：炸蝦、粗薯條、炸洋蔥圈和炸芝士條樣樣都好味道，最鍾意炸芝士條。千層肉醬闊麵：好 creamy好香但就幾“流”。烤雞田園沙律：唸住個餐好肥膩，便後加左個沙律，個汁酸酸甜甜好 fresh。雲尼拿雪糕：雖然好飽，但對住我喜愛既雲尼拿雪糕還是忍唔住食埋佢。熱帶香芒蜜桃冰：清甜既口感，食到 “濟濟地”飲番杯最啱。薄荷朱古力冰：薄荷味清新，但朱古力味唔夠濃郁。食完好滿足，但真係好“濟，間唔中食下還可以。

一零年第一次食Pizza Hut... 無想過會令我失望~ 先是入座後位置傳來陣陣塑膠異味... 要求職員換位~ 擾攘數分鐘被調入餐廳深處進餐... 可惜空調不足，空氣不流通... 已要求職員再調校空調溫度，不過食俗已有減無增...點了西班牙Tapas批信用卡客戶專享優惠套餐... ,原來已偷偷變相加價套餐的意粉和飯已不再可以在Pasta選擇...西班牙Tapas批: 非常膩... 食了第一片已不再想食下去值得一提是西班牙果漾特飲味道不錯 今次對沙田Pizza Hut的印象確實大打折扣... 唯一離開時職員態度有禮...

係大型連鎖店既食物正常黎講最多係唔好食,但唔會難食,今次pizza hut竟然比我地感受到大型連鎖店難食既野上次食二人餐,今次嗌set lunch,價錢4x-7x,唔錯今次對pizza hut先彈後彈1)菠菜雞皇飯,呢個真係是日精選,被我稱為「無味老公」既老公：「哇!個飯沈晚食淨隔夜架?!」不論外觀,味道,都係隔夜款先睇個樣：d汁唔夠,鋪到一撻撻咁既!?d菠菜細細條咁,又唔係多,又係鋪得唔平均,好似沈晚食完d野,是但加埋一齊就叫一餐咁,哇!早講嘛,我返屋企同老公食飯沈晚d野,唔駛錢,出街食,50蚊,雖然話有人幫我洗碗姐,咁我寧願掟爛晒d膠碗啦味道：哇!d飯好過份地係硬既?!拎去炒丫笨!冷飯黎架喎老細,個汁...哇!勁唔夠味,好淡喎,咁健康我不如去寶蓮寺啦?搞到加芝士炒算...2)服務方面,其實都係小問題,但都講下咁佢本來比左張疑似臨時加既枱比我同老公,見到有卡位,老公就問個waitress可唔可以轉枱去卡位,果位waitress係話:「好丫,冇問題」跟住過一排返黎話:「先生,我地而家人多,你要轉就等耐少少」你話完ok之後又話唔得咁,好似唔係咁岩囉之後嗌野同嗌埋單都係舉爆老公隻手,hah

今曰老公請食飯,所以唔知幾多錢嗌左個二人套餐,但真係3個人食都仲得又係好例牌咁pizza,湯,薯蓉,意粉,pizza就真係油喇,又滯,又厚又難切,但個芝心真係好香,我老公最愛湯就如平日般好味,實力每次都好平均,唔錯薯蓉係我最愛,真係好好味,個邊又窿窿地咁,香到爆呀意粉真係想像中好,因為印象中意粉實力都唔係好高,但今次係入口果陣幾香喎....pizza真係食唔晒,我食左一件半已經食唔落,薯蓉梗係清左佢意粉都唔太得,食完個意粉都飽...

Pizza Hut越來越貴,近年都好少食了,除非一大班朋友去啦~但今期新出的批好似好吸引,就忍唔住口去試新野了~Enjoy咭有優惠,成個餐包括頭盤+湯+意粉+批~湯(海皇湯): 一上檯,只有微熱.....就叫了侍應幫我們加熱......味道麻麻地.....如果比我揀,我會揀羅宋湯(60分)頭盤(芝士薄脆): 好似酒樓的中式雲吞差不多,醬汁用蕃茄醬整成,味道好似怪怪地.....(60分)意粉(肉醬意粉): 食完後好滯,不過感覺以前好食好多.....(60分)TAPAS批: 好多料,而且芝士的邊都會有隻八爪魚仔係度,正!!!成個餐最好食都係這個了(75分)西班牙特飲: 感覺好似提子汁加幾粒罐頭生果仔,都ok既(65分)總體來說,感覺幾好,服務態度都唔錯~不過兩個人去食真係貴了一點,我建議一大班人去食會好d

周六晚想吃pizza，簡簡單單梗係去pizza hut啦﹗穩穩陣陣嘛﹗點知入到去先知乃野，因為見到呢個餐﹗北寄貝蟹棒芝麻芝心批餐﹗HSBC信用咭有半價，四百幾減到二百幾，人就係貪小便宜﹗見佢咁抵無理由唔試啦﹗先來海皇湯兩客﹗同食家一人喝了一口，對望............點解個湯係凍既？微溫得很，好明顯佢係一客客倒起哂，再叮番熱出街﹗有冇搞錯俾個微溫湯人地飲，0的湯仲要結遢遢成堆嘔吐物咁，一開頭就搞0的咁野當堂已經打左個突，飲左一口就無要到﹗及後是雞肉闊條麵。這個我看是最正常的，起碼夠熱，醬汁亦算香濃，雖然份量不多，也叫做唯一清哂的一碟﹗燒排骨配薯格。燒排骨乾巴巴的，無鹹無味，根本就成條都係骨，勉強只可以扯到兩飛肉絲，洗唔洗咁慳皮呀﹗主題變左食薯格﹗這個北寄貝蟹棒芝麻芝心批，真係九唔搭八到極點，好難明設計者既心思何在﹗蟹棒水汪汪的，一個批俾你四條咁大把，名貴啊﹗咬落去質感鬆散爛泥似的，你食埋我份，我食時撩走佢無咁嬲﹗上面的北寄貝更加令人發紫，唔熱唔凍，半生熟似的，入口又韌又無味，到底佢係想刺身上定係熟身真係老夫子話齋耐人尋味。無啦啦屎弗痕放幾片北寄貝上去，味道襯唔埋，幾樣野風馬牛不相及

I dislike the waiters and waitresses's service here...Since we would like to add some more sauce, one of the waiter didnt allow us to do soThe reason was: the sauce was cold, it was needed to preheat before serving...Then, why dun you reheat the sauce for us as we requested to do so...Therefore, the ribs were very dry and not good!For the pizza, both were very dry!Only the chicken were good, but they are not hard to bake!For the service, I gave zero as their speed was quite slow, maybe they used

新年後第一次打食評.祝大家新年快樂新年做了宅女多天.前日就出左沙田間間食店都大把人.就選Pizza Hut..呢間,環境大,坐得舒服.服務唔錯....點了三文魚意粉.份量夠,意粉酸酸地...林的程度又唔錯,惹味....鶏肉pizza好脆....唔錯....待應都照顧人客.成日加水

今次叫了外賣套餐：農村特色Pizza厚批　味道保持水準，喜愛厚批皮，比芝心批還香硊．車打海鮮焗飯　份量一向不多但味道也不錯．千層肉醬闊麺　最初還以為店員弄錯薯蓉，原來面層是厚厚的薯蓉，下面才是一層薄薄的千層麵，味道不見特出。忌廉雞湯　是像糊一樣的。雞翼　雪雞，沒有甚麼味道，水準下降．間中一餐，不過不失吧！

椰子雪糕紅豆冰好好暍啊蘋果卷伴雲尼拿汁 甜品也真的好好吃 雲尼拿汁 香濃誘滑芝士白汁雞皇焗墨汁意大利飯 稍微有些淡淡的 但是也很好吃 別人在pizza hut 都吃pizza嘗試一下不一樣的意大利風情

幾個朋友聚會. 所以就揀左最方便既pizza hut.叫左個4人餐. 佢d上菜次序亂亂地. 上左main course先上appetizers既.不過其實service就真係ok既!!野食其實都唔錯. 前業既西蘭花同埋沙律都幾好食!!不過最重要既主角. 帆立貝星星批.睇落就好靚. 但食落就真係有少少失望.唔係話真係好好食.. 同埋外圍個個星星角. 入面係腸仔.食落. 其實好似食緊腸仔包咁.但我覺得. 整體上都唔錯的. 所以. 可試.

Today when we were wondering what for lunch. We stopped by Pizza Hut.They were having a half price set for DBS card holders.We ordered the Starzbites combos for two at $217plus 10% service charge. The set included a large pizza, a pasta, two lobster soups, two drinks and two Serradura Pudding with unlimited refill for soft drinks.We chose the Starzbites pizza and Portuguese Chicken Spaghetti. Three of us found the portion was enough for us to share.The pizza was good. I liked most the black

其實我有N年無o黎過pizza hut, 一路都好怕呢度o的pizza, 超厚, 唔好食. 今次o黎, 發現連裝修都高級o左, 不過算係好高手o架啦個designer, 唔係果o的local 茶記扮高檔style, 連檯布都係用皮o既, 幾靚. 加上呢間分店大, 樓底高, 感覺幾舒服. 同事生日, 9人慶祝, 叫o左N 個lunch set ($33-$48), 有o野飲有湯. 再另加一個大芝心唔知咩脆超級至尊pizza, 好唔好食? pizza 無食到, no comment, 其他o的意粉除o左香蒜肉粒(?)意粉幾好之外, 其他都唔好食. 但係o的賣相都幾靚o架老老實實.不過o的service 就麻麻地, o的侍應唔醒目.