薄餅怪獸

Open Now

Now Closed

上次去食呢間新蒲崗嘅「薄餅怪獸」真係唔錯。首先,佢哋嘅「怪獸多寶」pizza加上特製嘅蕃茄醬,好味!餅底好脆,但又唔會太乾,加埋上面嘅各式料理,恰到好處,好好襯托出每一味食材嘅原味!蕃茄醬酸甜適中,唔會掩蓋其他食材嘅鮮味,好健康又好入口! 個人覺得醬汁可以再多d!!接下嚟,試咗佢哋嘅「麻辣烤鴨」pizza,配埋佢哋特調嘅麻辣醬,都好味!鴨肉係鴨胸,咬下去鮮滑嫩滑,醃料味好食，每一口都充滿濃厚嘅麻辣香氣,仲唔會太辣,剛剛好!另外,佢哋嘅「香蒜大蝦炒意粉」,蝦肉鮮甜,有蒜香味,配埋爽滑嘅意粉,健康飽肚之選!仲試咗「雞翼BBQ」,焗烤過後又香又脆,配埋佢哋自家醃製嘅BBQ醬,味道幾好。還有佢哋嘅「台式辣味炸雞」,炸到好金黃,遇到佢哋嘅辣味口汁後,香辣過癮!至於飲品方面,佢哋嘅「凍即磨咖啡」好香濃,比起普通餐廳咖啡好飲。「凍檸茶」,清新爽口,超適合呢種天氣喝! 總括而言,「薄餅怪獸」係一間滿意嘅餐廳!佢哋嘅食物質素高,價錢又合理,坐位都坐得舒服。

同朋友行行下新蒲崗，見到間pizza餐廳，見個名幾得意就入去試下。我地揀左2款炸雞同1款烤雞。炸雞揀左原味同台式辣味，而烤雞就揀左檸檬味。講左炸雞先，兩款炸雞都皮脆肉嫩，值得一試。台式辣味食到有台灣嘅味道👅。兩款炸雞都有沙律菜伴碟，感覺上食完冇咁膩，個人私心推介原味炸雞👍夠哂juicy。檸檬烤雞配合左蜜糖，酸酸甜甜，好開胃。另外叫左BBQ味雞翼，食落幾入味，肉質幾嫩，bbq醬汁唔算太咸，好食👍之後叫左一個拿玻里烤雞薄餅，依度薄餅有細、中同大批揀。佢地細批係❤️形，岩哂用黎打卡👍除左打卡靚之外，味道都唔錯。就算揀左細批都多餡多汁，餅邊又香脆可口，岩哂口味😋😋我地仲叫左芝士焗西蘭花同芝士蘑菇薯蓉。西蘭花唔會焗得太熟，熱度岩岩好，味道亦都夠味。至於薯蓉味道都唔錯，芝士份量都滿意，食落口都好creamy。總結黎講，今餐體驗唔錯，值得推介👍👍👍

小朋友考完試，應承佢帶佢食pizza，唔想去食到我口歪嘅pizza hxt，帶佢哋落仁愛街間pizza monster試吓，原本630坐咗入去但太太話730先到，於是同店員講晏少少再過來，好彩冇俾人黑面，而且730返去仲特登安排定6人枱比我，服務真係唔錯，值得嘉許，咁我叫4人set餐，中size pizza(怪獸多寶，薄批)，白汁海鮮焗飯，炸雞2件，再多叫小食拼盤。咁呢間個pizza底又唔錯嘅，咬落鬆化，夠多料，我之後仲叫多個細size芝士pizza，一樣都係好食，咁焗飯算合格，但炸雞同小食拼盤就真係差少少，特別係炸雞、春卷同咖喱角都比較失色，下次都係主力叫pizza算啦！

新蒲崗真係好多正野食😆呢間平靚正Pizza性價比勁高，尤其lunch set 簡直超級抵🤭🤭所以成日都爆晒場。。🥢Lunch Set : 怪獸多寶（茄醬）迷你批套餐 $60Lunch 自選Pizza只係$60。呢個套餐有Pizza + 飲品 ，一個迷你批都幾大個，份量足，餅底夠脆身，Pizza幾唔錯。。🥢Lunch Set : 千島海鮮（千島醬）迷你批套餐 $60：千島海鮮迷你批，海鮮幾多類，個人喜歡個千島醬底多啲，濃味啲再crispy啲。。🥢Lunch Set : 炒意粉套餐-黑松露磨菇炒意粉 $65：黑松露磨菇炒意粉🍝炒得惹味，黑松露香味+蒜片一齊炒，清清地已經好味，呢個餐仲配一款小食，我擇左辣炸雞🍗十分唔錯。。🥢招牌炸雞4件 $74：招牌炸雞亦係另一款招牌菜，外脆內嫩，味道香口，必點之選！

新蒲崗作為香港老牌舊區之一，區內除咗有大型商場之外，其中一個特色係好多地舖規劃咗俾食肆👍令區內出現好多高質素嘅小店，今次呢間薄餅怪獸一樣唔例外😝價錢幾親民，現場所見有一家大細顧客過嚟聚餐，亦有好多撐枱腳嘅客人😃除咗散嗌之外，亦有提供唔同套餐選擇😈怪獸多寶Pizza (千島醬)餐廳招牌Pizza款式，洋蔥、青椒、辣肉腸、火腿、蘑菇、菠羅、牛肉、豬肉👻材料非常之咁豐富，餅底嘅口感層次都好吸引😁台式辣味炸雞(4件)上網睇到好少評論提及炸雞非常之出色，果然不出我所望😋皮脆肉嫩，肉汁好Juicy，辣粉都好惹味🤪芝士青口焗薯蓉青口大大隻，薯蓉質感好綿滑😜間唔中食下的確好邪惡😎海鮮焗闊條麵闊條麵非常掛汁，面頭充滿芝士，份量都好足😆好豐盛嘅一餐！餐湯係羅宋湯，簡單而好味🤓

上次去新蒲崗食飯，見到有間新開嘅餐廳，最喜歡試新嘢的我當然不會錯過，今日就過嚟試吓。薄餅怪獸裝修簡潔，卡式座位坐得舒服。主打特色薄餅、焗飯、炸雞、小食。吞拿魚特色pizza 配千島醬，即叫即做，厚批底由麵糰混合、發酵、磋製均係手工製作，食上口感份外鬆脆，麥香濃郁，材料有粟米、菠蘿、吞拿魚、煙肉，加上千島醬甚惹味！香濃鮮茄豬柳焗飯，豬柳和香濃蕃茄汁鋪滿飯面上，焗至金黃色，豬柳有口感，而且已經切段方便進食，另外仲有芝士、火腿、菠蘿、蕃茄、蘑菇等，食落酸酸甜甜超開胃。跟餐：藍妹啤酒，口感順滑、輕盈清爽。白汁吞拿魚焗意粉，每條意粉都沾滿濃郁的白汁，材料有吞拿魚、蘑菇等，食落味道層次更豐富。跟餐：凍檸茶檸檬芳香清新，茶味香醇濃郁。

嚟到新蒲崗一定要試吓呢間Pizza店🍕，因為佢嘅Pizza有得揀心形，即係超有feel，最啱情侶過嚟食。而佢嘅心形批剩係得細批先有，所以兩個人嚟食就啱啱好啦。我就叫咗佢千島海鮮pizza，有頗多嘅海鮮同芝士，食落去都幾開心。❤️佢除咗Pizza之外嘅其他嘢食都唔錯，我哋叫咗佢嘅烤雞翼同埋烤雞醬汁酸酸甜甜都幾好食。我哋另外仲叫咗一個蒜香大蝦炒意粉，由於係炒意粉所以質地偏乾，但對我嚟講就啱啱好。我仲另外叫咗一個柚子梳打，柚子梳打唔會太甜，啱啱好，而且佢個杯勁靚。

冇點黎過新蒲崗，發現原來呢邊都有幾多小店，決定要黎試下！系門口睇餐牌見呢間嘅pizza西餐都幾抵食，環境都幾靚，就決定入黎試試佢先😋餐廳環境乾淨企理，坐得舒服，有自助區可斟水同拎調味料，有種類似美式裝修，加上牆上嘅霓虹燈圖案同句子，非常型格😎背景仲有廣東歌🎶非常chill! 點餐亦非常方便，用QR code 落單。餐廳有Pizza、意粉、焗飯、各類小食，選擇都幾多❗️🔸 Monster Pizza怪獸多寶🍕嚟到梗係要點Pizza‼️Pizza有分大、中、細批，而大批同中批可以選擇薄底或厚底，細批就剩係得厚底，但可以揀超特別嘅心心形🩷其實呢度嘅Pizza種類都有好多選擇，又可以揀唔同醬料，有千島醬、蕃茄醬、燒烤醬……今次我就揀咗Monster pizza中批薄底，配蕃茄醬。我個人就比較鍾意食薄批，薄薄批底又香又脆，呢個Pizza勁足料，有洋蔥🧅、青椒🫑、辣肉腸、菠蘿🍍、牛肉🐮、雞肉🐤、火腿🍖、蘑菇🍄‍🟫，啖啖都系肉，正👍🏻中批兩個人食就啱啱好又唔會太多食唔晒～🔸 秘製燒豬排骨另外點左呢個'必食'嘅秘製燒豬排骨，望張圖都幾吸引，黎到見到佢嘅本體同相一樣，而且勁香，流晒口水🤤豬排骨粉嫩多汁，一啲

係mikiki行完街，想搵地方食飯🤔朋友帶左我去附近搵食，話有好多街坊小店😯呢間裝潢走年青人風格勁大個LED怪獸招牌掛住在收鋃處 十分養眼😎舖面枱數不多，環境幾闊落枱之間的距離唔會太近同迫👍🏻餐牌的主食為薄餅同意粉焗飯由於朋友唔飲酒，否則有相當多啤酒選擇好岩成班Frd一齊吹水，氣氛一定好好🥰點左兩杯梳打🍹青檸梳打$32 柚子梳打$32 幾大杯，酸酸地、又涼爽🧊岩哂夏天，夠解渴😆PIZZA分大中細批🍕口味都有成十幾款醬汁仲可以揀！！好驚喜有成六款分別有蕃茄醬/千島/麻辣/香蒜汁/燒烤/泰式辣醬花多眼亂 選擇困難下😵‍💫最後叫左中批食肉獸 $138 薄批好脆！比起厚批相對地無咁易食到滯好足料，塊塊都平均有餸係上面同埋已經切開哂俾你，唔需要再費神分食得好方便呀🫶🏻芝士煙肉焗薯蓉$42 🥔🧀表層焗到脆面、內裡非常Creamy👍🏻份量大概3人份芝士很濃厚，呢個價錢CP值幾高炸洋蔥圈$52 🧅有成十二件，夠四人份新鮮炸起上，好香口炸粉適中唔過厚，完全食唔停呀😝見到隔離點炸雞，個賣相好吸引🥹可惜已食唔落，下次會想再黎試

作為新蒲崗打工仔既我成日都搵新蒲崗唔同餐廳食Lunch～ 😆之前有同同事食過呢間薄餅怪獸既pizza外賣，pizza很不錯，今次堂食佢地既午餐！餐廳環境坐得舒服，重點係好乾淨企理，有自助區可斟水同拎調味料，自助QR code 落單。佢地既午餐有好多嘢揀，當然都有pizza迷李批套餐，另外有意粉/焗飯，炒意粉，熱狗套餐，素食者有沙律配蒜茸包選擇！所有午餐都包熱飲或餐湯。最後我揀咗是日午餐既意粉，仲有小食同埋包飲品🥤 🍝是日午餐 - 招牌肉醬意粉招牌肉醬我鐘意蕃茄醬酸甜適中～ 肉醬亦夠哂多，可以掛汁係每條意粉上🍗小食 - 秘製檸檬烤雞意外地有烤雞件可以加購，而且上脾定下脾都可以任你選擇。秘製檸檬醬很開胃，甜酸甜酸的，雞烤得剛剛好不會老，雞皮烤得金黃金黃的，配意粉一齊食好襯好夾。見佢呢個烤雞仲有麻辣味，下次會想試🥤飲品 - 凍檸茶本身以為會係汽水既凍檸茶，點知係標準既茶記凍檸茶，正！

最後一日假期依然唔想留係屋企煮飯, 同屋企人近近地去咗新蒲崗呢間薄餅怪獸, 丫女稱呢間係佢平時返學嘅飯堂, 話好食又抵食, 咁就真係要去試下啦!Pizza有分大12吋, 中9吋, 細6吋, 為左試多一款口味, 今次就選擇細pizza.怪獸多寶(細):第一次見到心型pizza, 賣相相當吸引, 加上係厚批, 所以都好夠份量, 食落更加估唔到係咁鬆軟, 表層微脆, 加上大量菠蘿, 火腿, 青椒, 蕃茄, 蘑菇,  牛肉, 豬肉等等, 口感豐富又好食, 真係怪獸級別的pizza!千島海鮮(細):同樣係心型厚批pizza, 配料有大量蟹柳, 魷魚, 菠蘿, 洋蔥, 蜆肉等等, 非常豐富, 加埋千島醬, 美味無得輸招牌肉醬焗意粉:份量足, 肉醬鮮甜味美, 如果再酸一點會更好, 闊條意粉彈牙。芝士蘑菇焗薯蓉:大大份, 薯蓉面上配有沙律菜, 薯蓉內亦有些少蘑菇片, 加上大量芝士, 軟綿又有淡淡芝士香。雞翼4隻(芝士):內舖滿厚厚芝士, 雞翼嫰滑味美又JUICY, 芝味十足。主食都免費跟是日餐湯今日係羅宋湯, 真材實料, 絕非罐頭湯, 酸酸甜甜加上辣辣地, 夠哂開胃。

同朋友咁岩經過，見到間餐廳裝修幾chill，入面又坐足9成就入去試試，總共叫左4款食物，估唔到啲食物平得黎都幾高質。 -麻辣雞翼（6隻）熱辣辣上枱，隻叉吉入去仲見到啲雞油浸出嚟，食慾大增，雞肉好嫩滑，完全無雪藏雞味！個辣度算係微辣，主要係雞翼上的麻辣醬最辣，唔食得撥走佢就ok-芝士焗西蘭花 芝士鋪滿成個表面，輕輕鬆鬆拉絲，好重芝士味又有點焦香。雖然下面係普通得西蘭花，但軟糯的芝士加清爽的西蘭花呢個配搭出奇地夾！-香蒜大蝦意粉擺盤幾靚，幾隻大蝦係上面，食落好香麻油味，面質適中，但略厭唔夠蒜味，蝦彈牙，總括就普普通通。如果重啲蒜辣會更正。-千島海鮮愛心pizza見到佢即刻心心眼，少女心爆發，放咗一段時間先食，個皮都仲係外脆內軟，幾煙靭。上面嘅料一啲都唔馬虎，鋪滿成個Pizza。細細個，一個人食啱啱好！

最近想食pizza但又食連鎖店食到厭哂 上網見人介紹呢間Pizza Monster就決定嚟試下啦呢度最出名就係限量供應嘅心型pizza 除咗有唔同種類嘅pizza仲有炸雞 意粉 焗飯等等 價錢仲好親民添! 怪獸多寶 (細) (千島醬底) (走洋蔥) 一上台就見到我心心念念嘅心型pizza 有青椒 辣肉腸 火腿 蘑菇 菠蘿 牛肉同豬肉係入邊 咁多饀料食落口感真係好豐富 同埋雖然係厚批但就算凍咗少少食個餅底都唔會好硬 仍然keep到好鬆軟海鮮焗長通粉 (白汁) 本身呢款係焗闊條麵不過比我轉咗做長通粉 每一條長通粉都裹滿濃濃嘅白汁 入邊仲有蟹柳 蜆肉同八爪魚仔檸檬蜜糖雞翼 (4隻)雞翼烤到外脆內嫩 面頭再淋上檸檬蜜糖醬 酸酸甜甜咁食落好開胃飲品方面叫咗凍檸茶同柚子梳打(少甜) 非常解渴!

全港戲院日，試新戲院，開場前搵到呢間，喺新蒲崗算幾貴，但肯定睇過連鎖店嘅Pizza餐廳，主打美式Pizza、意粉同炸雞，我地都試到唔同種類嘅嘢。睇下餐牌先環境都好chill是日餐湯今次餐湯係意大利雜菜湯，番茄🍅湯上面好多椰菜，送嘅質素來計，唔錯。(細)怪獸多寶·厚批·蕃茄醬 $73一叫就收到限定嘅心形，會相信佢係餐牌所講嘅手製，唔係來貨啦！雖然係茄汁底，但呢款材料最多，有洋蔥、青椒、辣肉腸、火腿、蘑菇、菠蘿、牛肉豬肉，所以我地第一次食，就會試呢款。厚批都好鬆脆，一啖麵包一啖肉。牛肉好似有啲特別香料味道，芝士仲可以拉絲，非常滿足。黑松露雞柳炒意粉(無汁)$78意粉炒得好乾身，唔會因為無汁而煮得太腍，保留少少咬口。意粉本身有少少菇香味，配料都有落蘑菇、青椒、菠蘿、洋蔥同雞肉，意粉非常～flash，雞肉都有用香草醃過煎香，細節都好用心。小食拼盤 $92有洋蔥圈、春卷、咖哩角同雞翼，味道好食，但好多都係出面試過嘅味道，可見大部分小食都係來貨。不過雞翼係有驚喜。雞翼煎得好香，咬落去有好多香茅味，連雞醬都唔需要點。4件台式辣味炸雞$78雞肉都係雞上髀或者下髀，佢嘅配方係美式麵粉硬皮，上面調味有蒜粉

最近去咗「Pizza Monster」食lunch，餐廳嘅環境舒適，充滿著輕鬆嘅氛圍。可以坐在那裡，悠閒地享受披薩同意大利粉的美味，店員服務態度友善，令人感到舒適。佢有好多款創意十足嘅心形披薩❤️，好睇又好食👍🏻吞拿魚特色千島醬披薩，餅底上面鋪滿了鮮美嘅吞拿魚同香濃嘅千島醬，每一口都好有層次感！白汁海鮮焗闊條麵，濃郁嘅白汁融合海鮮嘅鮮甜，加上彈牙嘅闊條麵，真係唔錯香濃鮮茄豬扒焗長通粉，通粉入味，豬扒同鮮茄嘅組合更加豐富味道，每一口都好滿足！檸檬蜜糖雞翼，雞翼炸得酥脆，再淋上檸檬蜜糖醬，酸甜味道完美結合。招牌炸雞亦係一個必試嘅選項！外脆內嫩，每一口都充滿著美味！🍕🍝🍗有機會會再去