PizzaExpress (MOKO新世紀廣場)

Open Now

Now Closed

—————————————————————同朋友聚會/情侶週年紀念日好介紹！ pizzaexpress最近多左唔多素款，素menu都自己佔左一大張！頭盤同主食都有，試下先😌.牛油果蕃茄沾醬（$68）一睇望落成個碟得手掌咁大，餅仔得6、7塊，點知食落幾有驚喜！ 加埋青檸同蛋黃醬，成個醬香好多😍.松露蘆筍薄餅（$153）呢個真係有趣，因為佢加埋雞蛋去焗但係蕃茄汁，令成個感覺似食台式手抓餅，芝士蛋菇果啲，最可惜蘆荀唔突出似普通菜😣.蘑菇燴意大利飯（$138）This is the best!黑松露溶晒落個飯度，一畢起，香到4個人一齊搶，唯一要我講既就係：唔洗諗即叫！☺️.焗植物雞肉長通粉（$138）薩莉亞無左既青醬重現喇！但可惜在味唔夠上一個飯濃，不過芝士都幾夠😌有口感.大部分素菜仍然有蔥蒜，適合五辛素食，有需要避開嘅一定要叫走啊！.🍕PizzaExpress (旺角)旺角太子道西193號新世紀廣場L1層182號舖💰Total:$546.7（連加一）.味: 6.5/10飽: 7/10抵: 5/10.我🧚‍♀️ 小脂女將會繼續同大家跑素 搵盡全港甚至世界各地既美味素比大家

哩間pizza分店都幾多，應該都幾出名，但我從來未幫襯過，突然心血來潮想試下，但覺得同現實並不相符，價錢超貴，而且pizza唔係想像中咁好食，餅底又焗得比較硬。

之前食過幾次，今次帶 daddy媽咪去新世紀廣場呢一間。餐廳陰暗闊落。職員笑容滿面，好幫得手。會自動自覺加水同提我哋可以叫暖水飲。我哋叫咗個二人餐(頭盤，沙律，主菜，兩杯飲品)再加咗個pizza。二人餐($289)頭盤要左意式焗肉丸。啲茄醬有少少辣，襯埋五粒肉圓丸好惹味。沙律我哋叫咗主廚精選，貪佢夠多材料。有火腿，雞肉，雞蛋，橄欖，車厘茄，芝士，當然仲有菜啦。加埋少少沙律醬，好豐富好清新，不過啲橄欖好鹹。主菜要咗意式野菌蝴蝶粉。一上枱已經有好香黑松露味。蝴蝶粉煙煙靭靭，配埋蘑菇片好夾。另外加咗一個新味pizza 叫Pollo Verde ($138)有好香嘅巴馬臣芝士片，火箭菜，雞肉，雜菇同埋 羅勒醬 。因為羅勒醬溝咗油，搞到個pizza 好油膩，唔係想像中咁清新。我都係鍾意番茄醬底pizza多啲。

咁岩撞正pizza express週年優惠，著間條衫有七折yeah!一向鐘意食pizza, 呢度嘅pizza底好薄，同啲料啲比例配合得好好，唔會好似麵包咁厚，而且好足料，pie邊都好脆好有口感，呢啲先係真正外國人食嘅pizza架ma!佢啲意粉都好味，質感煮到軟硬適中，但個人喜歡多汁，佢就唔太多汁，但多橄欖油味令佢更香同更滑。今日我生日所以朋友幫我叫左個心太軟，一切中間流出香熱嘅朱古力，甜度剛剛好，好好味😋一定會再番來試其他pizza

事關今次約咗朋友食飯，全因係想傾計！我哋一入餐廳前， 就問咗門口嘅員工，呢度計唔計時㗎！佢話唔計！我哋先入坐！ 之後呢一度食啦！啲服務都唔錯！但係到我哋就快食完嘅時候，佢嗰度啲服務員就係咁畀menu我哋， 同我哋講話可以叫甜品呀咁樣！過咗五分鐘我哋都未叫甜品，之後又有服務員走黎問我哋要唔要叫甜品！我就同佢講:唔使喇唔該！過咗兩分鐘都冇去就第張單過嚟啦！之後我心諗可能好多人等位！咁就唔好霸住張枱照埋單啦！點知我走嘅時候門口係冇人等位，但係佢哋係咁講我走

對火車友黎講，旺角新世紀廣場係最好的選擇，因為鄰近火車站同巴士站，大家返屋企都好方便！而pizza express一上電梯即到，唔怕蕩失路我們人多，所以瘋狂叫pizza食，以北京填鴨披薩最特別，亦最先吃光光，味道不錯，食厭咗普通口味不妨一試不過小食份量太少啦，永遠都唔夠分

收工去睇戲，朋友想食　pizza, 經過　pizza express, 佢地　last order 10:30, perfect timing, 因為　movie 10.00　完場！仲見到佢個牌，憑當日票尾主茶買一送一（逄一至四　only)。正，超筍優惠！！！侍應話叫　pizza & pasta 都可以！我最愛　pizza express 個烤鴨　pizza, 第一次食時係朋友揀既，最初聽個名覺得好奇怪，中西合壁甘！但原來好正，鴨好足，pizza 好薄好脆，醬汁又甜甜地！未試過既朋友記得試試！

當屋企人好懶個個吾願出街的時候，最好就係叫外賣。有人話要食pizza，所以今次選擇左pizza express。家陣叫外賣好方便，只要攞個電話揾個外賣apps就攪掂曬。我們叫左一個瑪嘉麗塔皇后薄餅（係傳統嘅Pizza，但芝士好正，Pizza都係最傳統嘅好食），芝士菠菜麵巻（上面全部係芝士，芝士好濃好香，單上面寫住係新口味），羅勒香草醬意粉(D香草醬汁好清新），最後就係青菜沙律(有兩條麵包條，D菜好新鮮）

近排好鍾意來呢間餐廳食嘢，貪佢份量啱啱好，叫三個食物兩個人分啱啱好！今次我哋叫咗以下食物 :牛油果番茄沾醬松露露筍薄餅瑪莎拉雞肉長通粉牛油果番茄沾醬 : 每次嚟親呢度都會叫呢個食物，因為佢個牛油果加番茄沾醬，味道好清新，加埋佢嘅手打薄餅，兩樣一齊食口感非常豐富。松露露筍薄餅 : 今次係第一次食，佢有好香嘅松露味，而且芝士味唔會太濃，但係略嫌個露筍就少咗， 但整體嚟講佢哋嘅薄餅品質都相當唔錯嘅，餅底夠薄夠鬆軟。瑪莎拉雞肉長通粉 : 呢個係佢哋嘅新出品 ，我就覺得佢個味怪怪地，但可能其他人都會鍾意，因為佢個汁係甜甜地， 帶有少少酒香味道，而過長通粉略嫌煮得唔係好夠淋身，硬咗少少，但都覺得ok嘅！

🐹跟鼠友同他的兩位朋友👫一起食飯，在新世紀走了幾圈，終於選定了PizzaExpress。晚餐時間很快就有位，去轉洗手間出來，朋友們已經進去了。環境十分昏暗，枱也相當密集，來回走了幾轉方才找到友人位置。鼠友當然就把拍板權交給🐹，選了最不會伏的卡邦尼和夏威夷薄餅，雖然夏威夷薄餅加菠蘿是十分之不正宗，但鼠友跟🐹都喜歡加菠蘿後的清甜解膩。朋友們👫選了辣味薄餅跟菇菇飯。新口味特飲 — 莓水，嗯～是沒有什麼味的，也不是梳打水，拼命攪了幾圈，總算有點味道出來，草莓亦很酸。不建議選這杯特飲呢新口味特飲 — 青瓜梳打，因為菜單上青蘋果是先寫，本以為會重蘋果味，但出來是淨青瓜味。可幸是，青瓜跟梳打出來的感覺不俗，整體還是十分清新。先來了朋友叫的菇菇飯，嗯～可能太外國人口味了，菇味十分濃郁，味道像生食新鮮野菌，總之菇味濃到怪怪的。不是🐹的口味呢卡邦尼意粉果然是少伏的一味，不算是最好味，但還是不錯，忌廉味亦重，稀杰度適中不會水水的。出外食卡邦尼最會出事就是煮得太稀，上枱變忌廉湯蛋水意粉，最後淡淡的沒有味。🐹：食意粉怕中伏，卡邦尼是你最佳的選擇這個辣味埃特納Pizza真的很辣，整個感覺就是辣，辣中偶帶酸酸的番茄

上兩個星期同幾個朋友聚會，去左pizza express，因有得訂位又坐得舒服。叫左一個四人餐。意式肉丸酸酸地，配上麵包好滋味。布斯加達焗麵包主廚精選沙律，材料豐富，有肉有菜有蛋有麵包，配上招牌沙律醬，令人開胃，一口接一口。加$25升級利古里亞海鮮薄餅，海鮮配蒜蓉，第一次食到咁鮮味的薄餅，唯一不足係海鮮濕令到餅底比較淋。蔬菜芝士薄餅。加$25升級蟹肉白酒汁意粉，賣相雖然一般，但啖啖蟹肉配上銀魚柳醬真的很鮮味，但食唔到白酒味。另外叫了雞翼，雞翼很嫩滑有肉汁，配上芥末醬更好味。叫了一個長通粉，味道不錯，但油真的落得比較重手。

We always choose Pizza express every time my parents are in town so we can take our little baby boy (which is 6 months )to enjoy the delicious Handmade with fresh ingredients Pizza!!!! 🍕 (We never prefer pasta 🍝 because my hubby cooks really really tasty pasta at home hahahaha) But for the Price is god value for money and service has always been excellent!!!! P.S: last time we went the manager was kind enough to give some avocado 🥑 for my baby to eat. We felt so so happy that the manager was so

都唔知係呢間分店唔掂定係而家PizzaExpress唔掂, 賣相呃得下人, 但一食就知係hea😒二人套餐$289=意式焗肉丸+主廚精選沙律+帕爾馬薄餅+汽水兩杯(其中一杯加$35轉左白酒)包粒乾爭爭之餘, 啲肉丸外面扮左有汁都瞞唔過裡面無肉汁.主廚精選沙律唔知請主廚返黎精選左啲乜, 食材新鮮程度同配搭組合都唔出色.Parma Pizza頂多係麵包唔係薄餅, 食唔出薄餅入過焗爐嗰陣除, 餅底無口感, 就咁一塊無彈性嘅野, 連上面啲蕃茄醬味都超弱, 然後就咁放啲Parma Ham係面, 餅底同Ham根本無融合到, 互相唔so大家.心太軟唔流心, 個心係凍, 焦糖心甜到hihi. 檸檬撻個餅底硬到切唔開咁濟, 啲檸檬饀又溶到一patpat. 蛋白餅純粹得個甜字, 佢應該即係以前花占餅上面嗰粒有顏色嘅野, 放大佢等同食風, 不過係硬食風.PINOT GRIGIO反而OK, 本來擔心佢太乾, 飲落又無, 聞落幾香, 同埋有返少少甜, 不過唔夠凍會好快變酸, 但好唔好飲同餐廳關係唔大, 又唔係佢釀.

After having a bad experience at the one in the airport, I had a go again in Mong Kok this time. This time the restaurant is friendlier. Chicken wings were cold🤦🏻‍♀️The smoked salmon with pomelo was yummy. The salmon was not too salty and the veggies were crunchy and tasted good with the dressing. I was very happy with the Hawaiian pizza, the crust so crispy and the sauce was delicious. I like the flavour of the Parma ham.

好久沒吃薄餅, 所以挑了這家。首先要提的是餐廳環境比較昏暗, 如食客不太多的話, 情調是不錯的。 不過今晚剛巧多人, 環境都頗嘈吵, 我們討論點餐時都要放大聲線才聽到, 嘈音環境下, 確有一點掃興和不太舒適。 不過上菜和收碟速度卻值得讚許,我們點餐後不久, 食物就陸續送上而且欣賞他們使用兩層鋼架放置菜式, 很慳位置。清新之吻麵包粒製成一口大小, 外層烤至微微香脆,一咬, 羅勒香草醬和軟芝士的味道就滲出來,配上乾蕃茄香草醬, 味道淡淡的, 有點像肉醬, 整體味道不錯。 意式焗肉丸份量很少, 只有5到6小粒, 肉丸結實, 還好, 蕃茄醬微辣, 略嫌汁醬味道偏淡不夠濃, 一般。 麵包粒微煙韌, 本身沒什麼味道, 沾上醬汁伴食會較好。 利古里亞海鮮薄餅頗足料, 有青口, 魷魚和蝦等配料, 配上淡淡鹹味的銀魚柳醬和蒜蓉, 效果不俗。另外薄餅批邊烤得香脆, 同樣不錯! 不過唯一不足之處就是蝦爽但欠鮮味。意式野菌蝴蝶粉野菌配以蘑菇汁和松露菌油, 令整個粉都充斥著野菌香氣, 不過就略嫌味道有點淡。 不過不失吧！蟹肉白酒汁意粉蟹肉很鮮甜, 意粉對嗜辣的我來說只是BB辣, 但如果完全不能吃辣的朋友千萬不要