PizzaExpress (MOKO新世紀廣場)

Open Now

Now Closed

Happy Friday 放工去金魚街睇完水草同蝦仔之後，就行去附近嘅Moko商場搵食。兩小口好耐都無食過pizza了，所以最後去了 pizzaexpress試下佢地嘅手工薄餅。我地點左二人餐，包括自選套餐餐牌內一份頭盤、兩份主菜同兩杯飲品。主菜除了餐廳主打的多款pizza外，仲有幾種意粉同沙律可以揀。頭盤的牛油果沾醬香濃清新，餅仔焗得幾香脆。不過沾醬比較濃稠，醬汁份量少，所以唔夠點哂咁多塊餅仔嚟食，如果醬汁可以調較得無咁稠會更加好。飲品我們選了可口可樂，支裝汽水特別夠氣，如果想要其他果汁或飲品就需另外加錢。蟹肉白酒汁意粉嘅酒味唔算重，反而檸檬酸同黑椒味比較特出。蟹肉份量比得好足，不過可能喺雪藏蟹的關係所以無咩鮮味，亦都比意粉的黑椒味掩蓋。餐廳廚房是開放式的，可以睇住師傅係入面搓薄餅。海鮮薄餅用左薄身餅底，餅邊焗得非常鬆脆，而且帶濃郁蒜香牛油味。各種海鮮鋪滿在薄餅上，有大蝦、魷魚同蜆等等非常豐富。不過略嫌薄餅偏油膩，一路食一路出油。雖然食物味道沒有太大驚喜，但餐廳環境同座位舒適，店員有禮貌，渡過了一個愉快的晚上。

作為一名健身教練, pizza轉個頭就消化左啦又黎moko食lunch, pizza express lunchtime通常唔洗等位, 有時趕時間又唔想食咁頹就會黎依度。Lunch Menu由$78起, 仲要加一, 價錢其實偏貴。餐枱就係簡潔靚靚仔仔咁。餐湯咸左dd, 軟包煙韌不錯, 點湯食都ok。濃郁到有d咸。瑪嘉麗塔皇后薄餅 $78唔錯既, 本身中意食薄批, 依個餅皮都ok唔會好厚好似食緊麵粉咁, 芝士都夠多又夠香, 不過整體都係普普通通。 份量lunch黎講叫做岩岩好, 依個價錢間唔中口痕食下就ok。

今日有事要去聨運道嘅政府合署，辦完事都接近3點了，lunch都未食兼又落雨，唯有就近醫肚，最近就係Moko Mall, 呢個商場都有唔少選擇，睇完一輪最後揀左Pizza Express，我對呢個品牌嘅餐廳唔算陌生，不過呢間分店就未来過。餐廳環境明顯較我帮趁過嘅又一城或新城市分店好，面積大，枱與枱之間又有足够空間，好舒服😊服務員带入座後放低menu, 除左tea menu仲有lunch menu, 一問之下原来lunch menu係serve到5點嘅，客人可以隨意選擇叫tea或lunch set。因為未食lunch好肚餓，所以我同妈妈就點lunch set。妈妈點嘅係湯+pizza+花茶，而我就order左小麵包做前菜+長通粉+ginger ale😋上菜速度颇快。掛住食漏左pizza唔記得影添😜 妈妈話個湯好飮，够厚身又有好濃嘅蕃茄味，而我嘅小麵包都好香且係热嘅，長通粉就無乜特别，不過不失，塊pizza就好好味，埋單連加一$204，以環境、服務+食物品質来講確係唔錯👍

閒日晚上即興約食飯，餐廳地點好方便。我地三個人研究左一輪，於是叫左個四人餐。因為說算食唔曬都比叫個兩人餐抵。最多食唔曬打包。我地叫左個北京填鴨pizza。好好味！好惹味先啱！又唔會話好肥，一件不留食曬。跟住仲有尼個餅，就算唔點醬，就咁食都好食。尼個最後有打包拎走，第二日整返熱嚟食都仲咁好味。而尼個雞沙律都唔錯。雞肉都好滑，唔會好似食樹皮咁。其實仲有野飲同蒜蓉包,兩個意粉。但就普通，所以唔講啦！最後埋單都係600蚊多d。傾計舒服，野食又ok，又食得飽。不錯👍🏻

Pizza Express 食物水準有保證，這是連鎖店的優點，而MOKO這間Pizza Express 特別之處是有一份悠閒感，不清楚是否因為面積較大還是什麼原因，這陣子連績的兩個星期五中午，我帶著姨甥女來享用pizza大餐，均不見太多食客。每次我們都獲安排近門口，但不是直接在門口的梳化位。我個人是非常喜歡這梳化位的，空間大，在鬧市中很難得。我們選了一個一人餐和一個小童餐。必吃的是焗麵包球，小朋友的至愛。烤焗雞翼也是小朋友的至愛。pizza 方面我們點了Margarita瑪嘉麗塔皇后薄餅，和四式芝士薄餅。由於有大量半熔的芝士，加上脆脆的餅底，不一會我們就把食物掃光了。小朋友餐還有雪糕和熱朱古力飲品。然而服務方面也有不足之處，由於上食品頗慢，而我們當天時間緊迫，我向待應要求把雪糕用外賣抔帶走，侍應答沒有問題，然而後來不是，我向另一待應詢問時，她說不可以這樣安排。前後兩職員答案不一致。最後由於時間關係，小朋友也不可以好好的雪糕了。

姊妹約食飯要搵間坐得耐又舒服既地方不多朋友住大西北我地既中心點當然係旺角搵左好耐，好多都限時而且多人等既情況下一定趕你走新世紀算係多選擇最後去左pizza express人唔算多，揀左個二人餐一個starter,兩個main,兩杯野飲叫左焗磨菇，一個辣肉意粉一個四重芝士pizza磨菇好juicy辣肉意粉味道偏淡四重pizza芝士味濃份量都足夠兩個女仔食唯獨餐桌偏細，二人檯擺一碟就冇哂位而且坐二人檯冇位放袋，未夠貼心

年初三搵個地方兩個人食夜晚飯。 見好耐冇食pizzaexpress 就walk in 入去食下。二人餐，1 starter, 2 main, 2 drinks. 6點時，落左個鴨肉意大利飯，落左個雞肉pizza. stater 好ok, parma ham 麵包條再黎main, 點知將我地個鴨肉意大利飯轉左成pizza 冇同我地講，我地又冇為意。到第二個main黎，咦，又係pizza 嘅？ 先同我地講意大利飯冇哂。食唔到兩個pizza 啦，想生痱滋咩🙄 咁改做鏍絲粉。又等幾個字，咁岩我地兩個輪住去toilet, 我去完wc番， 到我先生去。呢個時間waiter放低碟野，又係pizza!? waiter 話，「係阿，之前改左嘛！」我以為我岩岩唔係度時，改左order：「我先生改ga?」waiter:「哦，係阿」跟住我先生番黎，反左白眼，根本冇改過order做pizza!d單亂到，第一次冇通知改左，第二次仲要推落d客度再好食都唔掂啦🙄

The PizzaExpress got a special promotion in Nov 2018 that when customer wears striped clothes, they can get a 30 percent off discount for their meal. This discount sounded quite attractive.We ordered the ordinary dish here: the Italian meat platter ($148) with Parma Ham, pepperoni, smoked salmon, cucumber, cheese, etcThe special dessert during this promotion: the stripped ginger man cookie on brownie 

因為朋友食素，所以叫得比較多素食。而依家餐廳嘅款式都幾多，不論係素食定係其他嘢食。同埋環境舒服，sofa位置，談心好地方。意式焗肉丸$68肉丸口感豐富，連埋D醬食，都唔錯。仲有幾粒麵包，但比較乾同硬身。意式涷肉拼盤$153意式野菌蝴蝶粉$133個汁好creamy，但覺得比較貴，都幾細碟，最後都系要叫多個pizza先飽。費倫天拿薄餅$128蔬菜芝士薄餅$138 🍕 pizza材料味道都唔錯，但個薄餅底好硬。牛油果藜麥沙律🥗$78好健康既藜麥，口感豐富，又有營養。

星期五晚上入座不太多人待應服務都幾好另外意外係我見到有一個素食menu有20幾樣野食，原來係同左green Monday 合作,如果星期一去食點素菜仲有折.我地分別叫左沙律，意粉同pizza . 佢地材料都算新鮮，但份量擺比較細. 但食物都好食，而且環境舒服都可以傾左好耐計.藜麥沙律建議多一點沙律汁會更加好，比較乾自己要加醋混埋一齊食Pizza其實本人自己鍾意食厚批，佢呢個唔算薄中規中矩. 材料配搭份量都剛剛好再建議再多一些芝士意粉就正常冇咩特別哈哈埋單仲送左兩張$50優惠卷

而家講番聖誕大餐確實有啲遲，不過大家都可以集中係食物咁睇~~2個人438的聖誕大餐，包前菜、主食兩款、甜品及餐酒，以西餐黎講真係幾平食埋個味道之後覺得仲抵我地叫左海鮮蕃茄意粉、意大利風乾牛肉配露荀、芝士煙肉批、檸檬撻同香檳﹗兩個人食真係超豐富。先講環境，內面環境都閣，枱之間有一定距離，多位，2-10個人我諗都冇問題，而且坐位舒適，燈光好有情調。食物方面：海鮮蕃茄意粉：正正常常，料都多，蝦都大，唔算好驚喜意大利風乾牛肉配露荀：醬汁好醒胃，配搭得好好，食到停唔到haha﹗芝士煙肉批：都幾大個批，芝士味突出，再少少肉既口感，我最鐘意係個邊邊烤得好好味，勁脆﹗檸檬撻：酸酸甜甜加埋餅底，食完飯食都唔會覺滯﹗我諗要改善地方係：冷氣太大，野食凍得好快

上兩個星期日去完0/3的活動後送昕昕返元朗的合唱團練習後就外出九龍晚餐，今次與好友享用之前Facebook 活動獲得的pizzaexpress＄250現金券享用聖誕套餐，在我心目中每年要去pizzaexpress食聖誕套餐係to do list的一件事~~~ 仲記得舊年食在YOHO MALL分店食聖誕大餐因為系統故障產生不愉快經驗，我相信黑仔事件不會是接二連三 旺角MOKO店我間中會來，對上一次正式消費惠顧已經是5月了，那次在荃灣廣場店，因為我好好奇今年生日甜品，之前幾年的甜品酸到我不想再食，好在今年的改善了好多~~~ 今次聖誕套餐餐飲可以選擇白酒一杯，好友點了白酒，侍應用樽即場倒出，我就拿來拍照~~~ 而我就點了熱茶，踏入35的我最苦是現在氣管敏感難以斷尾，晚上我儘量飲熱飲>.< 由於該店剛推出呢款餐，我和好友想點主菜的意大利飯和頭盤風乾牛都因為太暢銷而冇晒，感覺好可惜，好在焗芝士沾醬的醬夠熱又食好，而且個飽既熱又軟熟，挽回不少分數~~~ 白汁火雞螺絲粉，由於我怕辣，叫了走辣後感覺味道有D淡，有點後悔冇加芝士粉~~~ 松露盧筍薄餅，未上枱上面的雞蛋對我可以

I’m in love with the shape of you 🍕Tried the Peking Duck Pizza at Pizza Express the other night and it was actually pretty nice! The crust was crispy and I’m pretty sure Peking duck was a better pizza topping than pineapples! LOL Taste: 👅👅👅1/2Value for Money: 💰💰💰(on a scale of 0-5 emojis)-PizzaExpress 旺角太子道西193號新世紀廣場L1層182號舖

已經好耐無食過呢間餐廳，今日心血來潮黎幫襯下。入座時已經係兩點幾，所以同時有午餐同下午茶揀。店員安排左我地坐窗邊位，因為今日天氣好好，所以有自然光打入黎，好舒適。我地分別叫左一個午餐，一個下午茶餐同單點一個pizza。午餐附送餐湯或沙律同飲品，下午茶就送飲品。是日餐湯係南瓜湯，以南瓜溶打成，飲落好重南瓜味，而且好滑，唔會飲倒有粒粒。意式野菌蝴蝶粉，菜式加左松露油所以一上檯已經好香蝴蝶粉食落煙煙韌韌，忌廉汁既濃稠度岩岩好，又唔會太膩焗蘑菇配芝士沾醬，話說我睇圖既時候以為旁邊既麵包粒係焗蘑菇，點知焗蘑菇係指沾醬裏面既蘑菇片，覺得有小小誤導呢沾醬似係好稠身既蘑菇湯，麵包粒趁熱食好鬆軟，但一凍左就變硬所以要食快啲！呢度既北京烤鴨pizza係我最愛既pizza薄餅上有原舊北京烤鴨，加上海鮮醬，就好似係將平時包住烤鴨既皮改成薄餅咁夾住食，好夾！而且辣辣地好惹味見倒餐廳仲出左聖誕menu，睇黎聖誕約朋友黎試下聖誕菜式再食烤鴨pizza都唔錯

其實次次去pizza express 都會叫會叫差唔多嘅嘢食！但因為今次朋友我想食新野，咁就試吓啦點知真係有驚喜！ 今次叫咗個carbonara 意粉同埋個素食pizza，意粉口感彈牙，唔會住得太耐林晒，而醬汁都好濃，好rich! 而個薄餅就保持住一貫嘅水準。其實個頭盤都有驚喜！沙律啲菜唔係重點，個重點係個汁！我覺得佢有啲似希臘乳酪嗰種好清新嘅口味，喺外國就試過，香港就少見嘅！我會將佢加入我喺pizza express 既常食餐單到😂