PizzaExpress (V City) (Closed)

總括：總括黎講唔算特別吸引，成餐係個pizza叫做比較好食D…..中選原因：之前同朋友約起屯門 Gathering，原來佢未食過PizzaExpress，所以就同佢試下喇。之前都唔覺Pizza Express 有set餐叫既，可能係節日期間啦，見到佢有會做Dinner set。仲好！比我地呢啲懶人，唔使諗咁多!!服務：不過不失啦，一般餐廳應有水準。食物：頭盤揀左香辣之吻…咬落去軟林林咁，同埋醬汁都比我地想像中辣，食落去只係食到辣味。主菜我地揀左:     松露薄餅呢個Pizza幾正，好香松露味咬落又熱辣辣加埋D芝士好配合!!香汁蝦肉意粉呢個意粉呢就一般喇，雖然蝦肉都算大大粒又彈牙，可惜白汁太稀，意粉雖然彈牙但食落就冇咩味道。甜品:滋味布朗尼飲品：飲杯呢我地一杯凍檸茶，一杯檸檬特飲。一樣，不過不失啦。環境：都乾淨整潔，同朋友黎吹水都幾唔錯：）

幾個屯門友聚埋食lunch，想坐得舒服，就去VCITY 揀餐廳，見Pizza Express環境唔錯，又冇乜人，就入去一試！5個人叫咗個4人餐，小食揀咗蒜蓉包同肉丸，份量小小，味道清淡，作為開胃小食恰如其分。之後到雞肉凱撒沙律同肉醬長通粉，味道...都係偏淡😅最後到主角，大大份嘅辣味薄餅，青辣椒真係有d辣，反而辣肉腸唔辣，汁係茄汁，不過夾住食都幾惹味！跟餐有兩個薄餅，另外揀咗個皇后薄餅，味道不過不失。整體嚟講，呢個4人餐算抵食，餐茶+$10轉凍檸茶仲可以無限添飲，不過食物味道偏淡，我自己就覺得ok，重口味嘅朋友就唔太啱！

*無服務*食物質蚊完全差過平時*無碟食野問先有*想叫野佢有個服務員工，正係識講等等之後唔見左人，叫過佢兩次同一個答案，等等 等等*食品出現左問題，不是即時解決問題而是叫你下次黎先解決問題😓總括個人認為是這間店個別員工完全問題，以往去別區食這間從來沒有這樣問題還要服務好!食食下完全無心機影相，野食同平時差好遠好遠

pizzaexpress v city店，環境好昏暗有情調麵包仔配牛油同香草醬，好鬆軟好好味，牛油夠滑夠香，香草也是好香夠清新的。青瓜三文魚醬配薄餅，咸咸地好惹味，不過青瓜粒同三文魚好難撈，散晒。只是用三文魚醬加薄餅食就濃味了。三文魚沙律，紅石榴，柚子，松子，沙律菜，三文魚，好豐富的配撘，味道酸酸甜甜好開胃，三文魚也是肥美。海鮮pizza, 薯片的感覺，好脆似餅干，好味的，有魷魚，蝦，橄欖，蜆肉，香草……橄欖是紅色的，酸酸的好正，食了兩件pizza也不會漏。這個蕃茄蜆肉意粉，賣相十分吸引，蜆同車厘茄好多，鋪滿個意粉面，仲有香草，完全睇唔到意粉，好香蒜的味道，車厙茄好好味。好鮮甜。蜆細細味道都ok呀，鮮味，意粉彈牙同充滿了蒜香同橄欖油的香油，好fresh的感覺！！

第一次呢呢間Pizza express 的pizza. 我選的是羽衣甘藍呢款pizza, 再加$18要意大利肉丸。 老實講，吾知係我食吾慣呢種pizza, 定係真係咁難食。蕃茄底冇蕃茄味，一舊舊羽衣甘藍，食落去好水，同個批完全吾夾。 得個脆，一d 都吾香。😓😓仲要一個批成$133.

話說見呢間嘢訂檯有折 所以就book咗嚟試下一入去住低 檯上面有盞小蠟燭 好鍾意好浪漫佢會有套餐牌 不過比起散叫有折嘅話 其實個人覺得只係相差杯嘢飲佢仲會有special 餐牌其他散叫食物飲品：我哋首先叫咗 主廚精選沙律肉得兩小塊 雞胸肉就四小件 冇咩醬 食落比較乾細食同要食低熱量健康沙律就適合嘅 對於小編呢啲濃味怪就覺得有少少口罕罕再嚟係利古里亞海鮮薄餅賣相係唔錯 不過食落就比較乾有小小料還料 餅皮還餅皮嘅感覺融合唔到咁整體不太差嘅 如果有折食嘅話..

特快薄餅終於嚟到屯門，今次終於可以試吓，唔使再出去市區，就有英國風味，呢間分店嘅廚房十分之細，可以想像到佢啲食物唔會似係即叫即做。不過最重要係，唔使搭車出城，都可以食到PizzaExpress，重點係佢個薄餅底，係比較新鮮，同速遞店嗰啲高班幾皮！今次叫咗個套餐，有前菜小食、沙律丶Pizza跟飲品! 如果單叫飲品都幾十蚊㗎所以都係叫套餐抵食啲！前菜有意式焗肉丸，好味，只係麵包球同出面分店比較細。叫咗個廚師沙律，新鮮蔬菜，健康之選！主菜就叫咗個美國辣味薄餅，薄餅煙銀大有芝士同一點點辣味，食薄餅最緊要揀番茄醬底總結，雖然新鴻基商場大部份鋪頭都係一模一樣，不過今次引入呢間特快薄餅，就真係幾好味

呢間冇下次八點廿四分開始排隊！約九點！其間眼見多張枱冇人同未執野！一開波黎左兩樣野同飲品就開始冇野黎！我到十點八都未到晒！等到佢地休息都未走得！救命🆘唔講啦！嬲到我

亞女想食芝士pizza，諗住去薩莉亞食，點知去到發現裝修緊，冇得食，亞女就開始發癲，醒起V City有間Pizza Express，反正未試過，拿拿臨走過去先。咩都唔理，見有兒童餐，仲有得揀pizza，即刻叫左先。竟然先上甜品，揀左焗麵包球，因應兒童餐配搭朱古力榛子醬，就係Nutella 嘅味道，麵包球亦灑上糖霜，變成一份超甜嘅頭盤，略嫌唔夠熱，如果唔係更加香，大小姐一個人啪晒成碟，我都唔敢插手。Main 揀左瑪嘉麗塔皇后薄餅，焗製時間掌握得好好，芝士份量好多、焗完果個香氣真係不得了，搭配茄汁好開胃，餅底薄脆。兒童餐本身有一杯果汁，但ending又有一杯迷你cappuccino (無咖啡），其實就係熱朱古力，搭件餅，女話件餅唔好食，我食左，似club橙味朱古力餅嘅味道，其實配搭幾好，唔會太滯。然後就到午餐，其實我都唔知自己揀左啲咩，因為首先點左兩份餐，然後有兩個店員分別話我知某啲菜式售罄，搞到我都亂晒，總之放低我就食啦頭盤類先有焗麵包球，今次係配蒜蓉牛油，講真就食唔到蒜味，但兜牛油超香，成粒麵包球塞落去點，再一啖放晒落口，牛油香同麵包香混和，係欲罷不能嘅味道。再來有青菜沙律，有羅馬生菜

今天行 Vcity 見到有我喜歡吃的意式薄餅店 Pizza Express，門外午市餐牌除了pizza，還有意粉選擇，那就入去享受意式風情薄餅啦 ~餐廳環境寬濶，裝修時尚，乾淨整潔，感覺悠閒寫意，約三五知己在這地方進食和聚會，都不錯呢。我們點了兩個午餐pizza，包括頭盤、主菜和飲品。先來頭盤 - 焗麵包球，熱辣辣焗得香脆的細細粒麵包球沾上濃濃的牛油，香脆可口，美味。另一頭盤是布斯加達麵包，麵包上有番茄、紅洋蔥、火箭菜、羅勒香草醬，口感豐富，而且放大量火箭菜舗底，鮮嫩爽口。主菜 - 皇后薄餅意式薄餅雖然餅底較薄，但加入豬肘肉、蘑菇、橄欖的餡料，口感豐富，不會感到太油膩，香濃美味。主菜 - 烤雞肉薄餅材料有雞肉、甜椒、紅洋蔥、奇津調味粉的薄餅，香氣撲鼻，惹味可口。另叫了雞翼，煎得香脆嫩滑的雞翼配沙茶醬，非常美味，而且有很多火箭菜伴碟，很不錯。餐飲選兩杯零可樂，這是礶裝的，杯裡加了片青檸檬，味道更清新。    

聖誕節又黎到啦😍今次去pizza express試下先！二人套餐 一款頭盤＋兩款主菜＋一款甜品＋兩杯飲品 $418------------------------------🌟Baked cheese melt 焗芝士沾醬頭盤揀左焗芝士沾醬🧀係用意大利藍芝士、 煙燻芝士及水牛芝士烤焗的芝士醬汁伴以麵包球沾醬 非常芝味😍😋點完6個麵包球仲有芝士醬淨低😍芝士醬仲好杰身 勁足料😏當然要食埋佢啦😚------------------------------🌟主菜揀左蕃茄海鮮意粉係由香辣番茄醬配上蝦肉、蜆肉、青口、魷魚及車厘茄等製作而成😋超級足料😏魷魚🦂 蝦肉都好爽口彈牙😚微辣蕃茄醬更加令人胃口大開------------------------------🌟另一個主菜揀左西西奧里芝士薄餅🍕🍕有芳堤娜芝士、馬蘇里拉芝士、巴馬臣 芝士、ciccioli 豬肉、豬肉絲、 焦糖洋蔥、蒜蓉油、白汁、百里香 (不含番茄醬) 😋😋豬肉食落味道鹹香😋 有d似爉味😂😂 超級惹味😋批底較為薄身 食多兩件都唔會滯😎雖然無芝士拉絲效果 但芝味都非常濃厚🧀🧀------------------------------🌟

We saw the dinner set and thought the price was reasonable so we went in for dinner. Chicken Caesar salad was our starter, it was enough for two hungry people. The veggies were crispy with a few small pieces of chicken and bacon. The homemade bread was delicious. I really like the flavour and it was really soft. Meat balls was our appetiser, it was highly recommended on the menu so we chose it to try out. The meat ball was meaty and tasty. The sauce was amazingly good! It was perfect for bread d

夜晚同朋左去食叫左個2人套餐，頭盤係凱薩沙律，味道好淡，蕃茄肉丸就偏咸，而個海鮮pizza係薄底，海鮮配料就略少。套餐包一人一杯餐飲。總之呢間野食完唔會再想食第二次。

因為銀聯卡有優惠，所以去幫襯，未落order時已經查詢職員優惠條款，如何使用，可惜到最後賣單時，另一職員又說另一版本，最終未能享用銀聯優惠！！對職員的知識大感失望！！！

由於當天是爸爸新曆生日, 基於新曆食西餐, 農曆食中餐的原則, 我們一家人選了PIZZA EXPRESS。因人數都比較多, 所以可以試試多些不同的菜式!首先是弟弟點名要的頭盤, 有煙三文魚, HAM, 南瓜蓉配脆片, 味道不過不失, 但因款式多, 所以是一大班人的好選擇!之後還有蒜蓉包加芝士, 主廚沙律, 清新南瓜蓉沾醬及意式焗肉丸。清新南瓜蓉沾醬及意式焗肉丸配的包非常好味, 所以加上南瓜蓉或意式醬都好好!主廚沙律的菜亦很新鮮, 酸酸的, 我最喜歡!而蒜蓉包加芝士是四個入面最好味, 因為芝士中有藍芝士, 味道超香濃, 所以叫蒜蓉包一定一定要加芝士呢!!!而主菜有四式芝士薄餅, 白汁海鮮意粉, 蟹肉白酒汁意粉及羊架。四式芝士薄餅芝士味很香, 薄餅的口感也好好, 是高一層次的薄餅呢!而兩款意粉也做得很好, 味道不會太咸, 覺得比某些意粉為主的餐廳還要好呢!而羊架都是不過不失啦~!之後食過兩次, 味道都維持水準, 讚