Pokka Cafe (Closed)

一個人啱啱係百德新街買完衫上openrice就找到呢間cafe, 評語一般但冇所胃啦,最緊要近近地嗎不過去到門口就驚驚地, 叫Le Grand Pokka,睇落去好高级 ,我食咗嘢喇净係念住飲杯咖啡好似不好意思咁! 入到門口, 就有個侍應埋呢招呼, 就係佢地個DISPLAY位介紹我骨膠原, 又話做緊推廣有折,不過佢地個DISPLAY又真係整得幾靘, 比起好多唔同既大公司牌子仲要好, 睇到個DISPLAY咁靚就知道佢地個管理都會好好, 如果唔係都唔會有心擺個靚DISPLAY.坐底左之後我就問我想飲咖啡, 有咩好介紹, 佢就話見我咁靚女就梗係飲"骨膠原咖啡"啦, 哈哈, 真係識講野, 個名又咁正, 我就叫左杯"骨膠原咖啡", 原來就係門口DISPLAY果D"骨膠原粉", 加左落去杯咖啡度更加"漿", 又好似好飲D WO, 佢地又講左好多骨膠原既好處比我知, 到到最後又忍唔住買左D骨膠原產品返屋企, 唉....又SHOPPING, 估唔到去餐廳都有得SHOPPING, 好野 

落左成個星期雨星期五終於好天，唔可以浪費呢個機會即刻要出街去。本來想食日本野點知想食ｏ既間都full booking。見天氣暖返d就想食沙律，咁無埋由靜係食沙律咁齋。就去左食Le Grand Pokka Café，真係懶係grand。記憶中呢間野係好食嫁，細過都幾成日去食。七點鐘去到唔洗等位，一坐低就有籃麵包。佢有set meal或者散叫，set meal有頭盤，餐湯，主菜，甜品同餐飲。(奶茶咖啡檸茶檸水）加$30可以轉特飲同一客macaron 。我地叫左一個set dinner同單點左紅酒牛柳粒蛋包飯。頭盤要左銀魚仔沙律，餐湯係南瓜湯，係即場係你面前倒比你ｏ既。南瓜湯唔creamy因為無忌廉，都好無咁漏。送ｏ既籃麵包好硬下而且好油下。牛柳粒蛋包飯賣相就幾得，隻碟好大，但個蛋好鞋而且無味，個牛柳就好咸。應該係比你送個蛋包飯食，但我唔係食緊碟頭飯其實。入面ｏ既飯係炒飯底，但好多一舊舊未炒勻。香煎帶子比目魚有三塊魚，細中大咁疊住，兩舊薯仔，兩粒帶子，一粒蘑菇同兩條盧筍。比目魚幾滑無過熟但依然無味汁就多啦。帶子好淋上面有小小魚子，反而薯仔就唔好太好食個皮淋一d都唔脆。跟餐甜品係一杯仔柚子嘟喱

已經很久没有到铜锣湾Pokka吃飯了，以前一起去的朋友不是到外地去了，就是换了新工作，忙個不亦樂乎。。。终於约了两個友好於3 月28號在新的Le Grand Pokka 聚餐，畅談近况。餐廳装修带有歐陸風情，氣氛不错，要是燈光可以暗一些就更有西餐廳的情調。店長Timson剛好不在，另一店長Brian和一位美女侍應招呼週到。我們點了啤酒，我的朋友只是隨便問了一句：“怎麽是罐装的，不是瓶装的吗？” 美女侍應回答說：“需要的話，我們可以替你們去買。” 我們趕忙說不用啦。誰知道十五分鐘後，Brian就拿着幾瓶啤酒来了。。。真不好意思。食物方面，我們點了泡菜石鍋湯，骨膠原沙律，鵝肝多士，parma ham帶子意粉，全部都不错。泡菜石鍋湯跟以前有點不一样，也偏辣了。骨膠原沙律裏的骨膠原呈透明状，吃了感覺上皮膚都滑了。鵝肝多士是我的最愛，香滑的鵝肝配上脆脆的多士，百吃不厭。帶子意粉裏的 parma ham，咸咸香香，很是惹味。最後當然是女士們的最愛 – 甜品。很可惜焦糖燉蛋白售罄了，點了朋友喜歡的 waffles，不过不失，還點了侍應推介的焦糖蛋糕，朋友覺的挺好的，個人覺的一般般。咖啡當然少不了，水

呢間grand版Pokka Cafe想令人有俾多少少錢就好似去咗高級西餐廳嘅感覺。環境靚啲舒適啲，侍應服務親切啲殷勤啲，上菜又跟次序逐碟嚟唔會有乜上乜。不過都有少少蝦碌，諗住先上隻吉湯碟再即場倒熱湯入去，結果對住碗國王的熱湯幾分鐘，侍應都係好尷尬咁決定上頭盤先...之但係喺銅鑼灣區，畀多咗嘅呢筆錢只夠買好啲嘅環境同服務，食物質素唔見得同普通Pokka Cafe有分別。Set Dinner麵包點橄欖油幾香軟幾好食，但頭盤個Lasagna細到得啖笑，如此份量好難試真味道。餐湯南瓜味濃但略嫌黑椒太重手。主菜龍蝦細隻，唔夠爽又唔夠鮮，牛扒無牛味，似乎係普通雪藏貨色，同一樣嘅嘢名寶石好食啲！甜品個雪葩啫喱同芝士餅其實唔差，但成間餐廳咁grand甜品竟然用個港式西餐銅盤嚟上...其他食物方面，滑蛋吉列豬扒定食個豬扒幾厚身，肉質鬆軟，好食過個牛扒，可惜滑蛋過熟，一啲都唔滑。開心果慕絲蛋糕口感佳但開心果味不濃。呢度食嘢麻麻，但如果想飲嘢傾計慢慢坐就應該唔錯。

今日約左個3年無見既朋友出黎嘆個下午茶, 佢生左個BB呀, 順便睇下佢個B, 比封利是仔佢.約左佢黎呢度" Le Grand Pokka " 下午茶, 係香港我覺得街舖黎講呢間裝修最高貴餐廳, 而服務同食物都好好, 所以其實下午茶黎真係好抵, 又平又坐得舒服.我叫左個小食拼盤, 裡有炸檸檬雞翼, 野菜鴨卷, 腰果蝦, $ 92 我朋友就要個菠蘿鮮蝦火腿薯仔沙律卷 $ 84最後餐飲我就加左 $ 49 要左杯藍山一號咖啡, 因為佢個餐牌介紹得好好, 所以去到POKKA都要試下試左真係好正, 比起平時飲開自己沖果D即溶咖啡真係無得比.最後同朋友坐左3個鐘先走, 不過D侍應都唔會趕人走, 今日天氣仲好凍Tim, 佢地都會不停幫我加熱水, 一人比百幾蚊可以有咁既環境, 食品同服務, 去邊搵, 值得一讚!! 

今次我想講講既係一次好難忘既經歷同體驗, 尋日搭的士去銅鑼灣係加寧街落車, 諗住同女女去去行下街, 買D教科書, 點知突然行行下KICK襯, 原來隻高跟鞋唔小心行左入個渠蓋窿度, 抽番出黎後隻鞋腳已經爛左, 隻腳仲扭親添, 行都行唔到, 只可以跳下跳下咁, 仲要拖住個女, 當時真係好懢介, 完全唔合點算好.轉身聽到有位男仕問候: 「小姐, 我有無野可以幫到你呀? 」之後佢見我行唔到就邀請我入去餐廳度坐底, 原來佢係呢間餐廳 ( Le Grand Pokka Café ) 既職員, 見佢著西裝應該係經理.一坐底至發覺對鞋已經爛左著唔到, 而附近補鞋鋪又好遠整唔到, 只好坐一陣飲杯咖啡抖下先再打算, 點知女女又唔聽話扭計, 仲喊添, 唉……做咩咁黑女呀, 不過呢度D職員都好好, 請左我個女食朱古力, 衰女一見到即刻唔喊, 真係無佢符.等左約4分鍾, 杯咖啡到枱, 飲左幾啖真係唔錯, 成個人放鬆曬, 隻腳仲無咁痛添, 過左無耐突然經理比左對拖鞋我, 原來佢專登拉人過隔離 12 蚊店買比我, 真係好窩心呀, 而家係香港想搵一個地方有咁既服務態度真係好難, 更何況我只是在門口路過而已, 這真是很

行完工展會食完晚飯10:30左右,距離放煙花倒數還有個半鐘,今晚無論如何也要等到12點,好意頭呀,"13""14"即係一生一世,而且今年是我第一次和我女朋友渡過咁有意義既日子添。其實真係有點倦,因為今日一朝早已起身,我們仍然要在街上等待,直至行過一間餐廳,門口位置擺放好吸引既蛋糕,我倆入去睇吓,在我入到餐廳時候已有服務員黎迎接,見另一位服務很開心的上來說了HAPPY NEW YEAR,WELCOME TO LE GRAND POKKA CAFE,仲即時送了一些 PARTY 飾物,戴了在我地身上氣氛幾好服務員令我地有點精神起來,所以我地就別無念頭在此落腳等到倒數放煙花為止。原來呢間舊 POKKA CAFE 搬左呢度,我地仲以為 CLOSED 左添,現在既裝修感覺比之前靚好多播緊既法國音樂 OK 喎,幾浪漫,好啱我地情侶一派喎,嘻嘻。回歸正傳先,當然係我地既主角"蛋糕"啦,呢個 WAITRESS 好掂,好有 HEART 除左介紹俾我地最賣得既蛋糕之外,她還每款搬出來介紹俾我地睇好專業呀好有耐性,起碼我地食遍全港咁多蛋糕店都未試過咁 TOP 既招呼,真係要俾個 LIKE 佢先得,THANK。

定期與好友相聚，緊係要食餐好既。見這間POKKA裝修環境不錯，就和朋友入黎試一試。晚上7點，等左5分鐘就有位，可能我地早啦！問左靚仔經理可唔可以安排"卡位"，佢地就帶左我地3個女仔上樓上。有個大眼女主任介紹我地食"新石器時代"，底板預先加熱，可以保持熱度。有西冷，牛柳和羊架。我地一人一個餐，重加埋HK$78包括黑松露海鮮湯或鮮菌忌廉湯，頭盤和飲品。相片不在我電話，朋友負責影相，下次先加番啦！先來頭盤，我地叫齊3款，我最鍾意沙拉。我點了黑松露海鮮湯，真係有黑松露，好香和好味！鮮菌忌廉湯都濃味，我最怕淡。主菜我最喜愛西冷，大大塊，又有牛味，正，最怕醃到無牛味既扒。大眼女主任重好有禮貌問我地要唔要薄荷醬，介紹加錢轉朱古力雪糕特飲，我超LIKE! 我地3個好開心傾左一晚，其中一位男侍應主動幫我地影相。這裡環境，食物和服務都很好！我地會再來，下次試其他食物。

今日同老婆BB去左陽行工展會，嘩，真係人山人海呀，行左半個鐘左右已經筋疲力盡啦😅😅，最後諗住去飲杯咖啡☕️坐一坐，行左去附近一間Le Grand Pokka Cafe。BB叫左個刺身飯，好新鮮呀，有三文魚，油甘魚，吞拿魚，份量都好多呀。而我就揀左個牛油果雞肉忌廉意粉既午餐，味道OK啦，而今日個湯係鮮菌濃湯，好有菌味同埋熱辣辣。😋最後當然係歎番杯招牌咖啡啦，依然好有水準wo。最後埋單走，去洗手間既時候，行樓梯發現有好多明星相，原來千樺都係熟客仔黎架👍👍

我跟朋友到這間餐廳晚膳, 其間一切正常, 食物水準還算可以.  可惜, 女友人在離開餐廳前到洗手間如廁時, 竟然在女廁內發現有一位男士出現!!! 我的女友人當然即時向餐廳職員求助, 經理說: "此位男士不是我們餐廳內的食客."我聽後覺得簡直不知所為!  因為, 這間並不是一間茶餐廳級收費的食肆, 外人是不可以到這裡外借廁所(經理是這樣向我們表示的), 為什麼餐廳職員竟會犯下如此過失?!奉勸各位女士千萬不要到這間餐廳光顧.  分分鐘下一個會在女廁遇到男人的食客, 可能是妳!

I went there for lunch with a friend on Dec 26.  Surprisingly it's not that busy and we were seated immediately.  The environment was very nice with spacious sofa seats by the window and high ceiling.  Waitors were very polite.I ordered diced sashimi rice set and my friend ordered cream chicken pasta.  First it came the bread.  There were 2 of them in the basket and each of them was huge.  Unfortunately the bread was both cold and hard.  And the bread was not like the French baguette which's sup

跟一班朋友gathering， 突然間想食好啲的時候，結果就去了銅鑼灣的 LE GRAND POKKA CAFÉ.頭盤食左個三文魚甜蝦沙律‧一嚟到，第一個反應~~沙律來的?因為真係唔似。師傳將三文魚，甜蝦同菜舖排得非常精緻!唔信---睇圖啦......出面真係搵唔到!讚!!個法式鵝肝醬伴香草汁，小弟第一次食唔係煎的鵝肝，點知用混左香草的鵝肝醬加多士食的時候，除了有香草的香味外，又不失鵝肝的濃厚味道，很好吃。美中不足係8塊面包不足以食完嗰3大塊鵝肝。(btw..事後先知多士係可以免費refill的>.<)煙肉芝士&莧菜忌廉焗紐西蘭石蠔，很惹味。不過小弟對蠔就一般，吃不出與出面的蠔有甚麼分別!蕃茄凍湯伴黑魚子(等別版)，點解係特別版?因為經理見我地太靚仔靚女關係，特製煙霧版比我地享用>.<但雖然話係花巧野，但個湯真係真材實料。有很清新的蕃茄味，有少少酸，很開胃黑魚子蒸蛋配田園蕃茄湯 & 青豆湯，湯mix蒸蛋一齊飲，但比起凍湯就遜色了不少，不是說不好喝，而凍湯太吸引。韓式石窩海鮮湯，天氣凍最啱飲。石窩熱辣辣，加上湯又是辣辣的。令人很warm。本人是叫做吃得辣的

原本係俾佢華麗嘅裝修同埋以為比Pokka Cafe 高級嘅 Le Grand Pokka Cafe 所吸引而入去.坐低睇餐牌,附送聖誕到會order list 一張,已經對我心目中嘅 Le Grand 呢兩個字打咗折扣. 唔理佢,點菜.我叫咗一杯紅酒, 一個 salad, 一客飯糰, 我太太叫咗魚生飯.等上菜期間, 問我參唔參加 membership. 有discount, 之後埋單嘅時候再問多次, Le Grand 已經冇咗一半.紅酒到,聞落同我D模型油嘅開油水冇咩分別.飲落,就只有酒精嘅味道.蕃茄麻醬 Salad OK但飯糰就出事,一夾落去,好似D沙咁散哂.連我老婆碗魚生飯入面D飯都係夾唔起,嗰D係唔係日本米黎架?重有,我點菜嘅時候,我話明唔食魚唔食肉,我問飯糰入面會唔會有魚或肉,侍應話唔會有.但原來入面有木魚絲.埋單不均兩百蚊一位,我完全覺得物非所值.期間我更見到廚師幫手佈置聖誕樹??? 呢間 Le Grand 嘅表現令我連Pokka Cafe 都唔敢再去.

一位相交超過三十年的老朋友從外地回港，找個機會約她吃飯，問她喜歡吃甚麼？她提議到銅鑼灣Pokka 試試。  差不多來到時，好友致電給我：「間野執咗？不見了！」我答不算是，還有一間在內街，是豪華版。餐廳分地下及樓上雅座，來到時 K 已坐在樓下，地方裝修像歐洲餐廳，牆上裝有鏡子和壁畫，加上古典的木條浮雕，活像在歐洲博物館或皇宮內，餐廳最入處的大牆上，(其實餐廳不是很大間，一眼見晒！) 貼著大大隻字 "Le Grand Pokka Cafe"，提醒人客這是與別不同的 Pokka Cafe，當然價目也與別不同，當天曾見鄰檯有人客看完餐牌後離座而去。 價目也非十分進取，一般都是百餘元一個套餐，扒類近二百元，有湯，主菜和咖啡。是日餐湯是番茄湯，侍應先放下一隻空碟在你面前，才將壺內的湯傾下，番茄湯喝得出是用新鮮番茄做的，酸酸地幾開胃，還看到纖幼的茄蓉。     K 小姐點了忌廉羊扒雜菌意大利粉，有兩件羊扒放面，以一小堆火箭菜裝飾，羊扒切得幾厚，但相當多肥膏，肉不多，意大利粉倒煮得不錯，al dente 的硬度，有些忌廉汁，還有些紅、黃椒，雜菇等，也可飽肚。    我選了南瓜劍魚鮮蝦意大利飯，有幾塊煎

1. 3人的水杯全有可刮甩的污積2.價值80多元的toast box 只有面的牛油, 內裡100%的plain bread, 同價錢可食到holly brown 足料的toast box3. 重差過茶餐廳的手寫黑白影印membership card promotion4.杯的design 奇差!一拿起會全杯倒掉5. 衛生差+食品質素差的3份set要$360..完全不建議嘗試, 雖然門面裝潢好睇!不可一可再!