Pokka Cafe (Moved) New Location

今日往(飛鵝山)行山，早餐於坪石村(金華茶餐廳)。午餐於荃灣廣場(鈴木珈啡館)。後到禾笛街參與(荃城嘩鬼藝術日)。晚餐也在荃灣廣場(百佳咖啡餐廳)，光顧這店經已是第五次了，我很喜歡這裡的食物質數，特別是那杯香濃的咖啡。今天沒有藍山咖啡轉了夏威夷可娜 (Hawaii Kona),無問題！味道一樣香濃。待應生們服務態度雖好，但很多時要追後，才到即是容易漏單囉!特別是(脆香蜜麥格格伴雪糕)要整制30分鐘才有,今天選食如下食品。牛扒，熟度八成，夠腍，好味。什菌芝士香草意粉，香滑芝士味濃，好好味。脆香蜜麥格格伴雪糕，這個甜品很好，每次必選，方型吐司烘得香脆，添上蜜糖與雪糕，非常好味。夏威夷可娜 (Hawaii Kona)，好味香濃。喬麥麵沙律，不像沙律不像麵，味道一般。日式吉列豬扒咖哩飯，豬扒炸得外脆內腍，非常好味。

午餐同同事食嘢真係開心死．每日都搵好既午餐食．今次就跟同事車黎左呢間Pokka Cafe．未坐低就已經係出面叫我地落單．我就叫左個吉烈豬扒午餐Set Lunch．忌廉湯 + 牛油餐飽呢個就覺得一般，唔係好好味，算Ok啦．咖哩吉烈豬扒飯最正就係呢個豬扒飯,做得好好食，味道同汁都好正．mad:凍咖啡都做得唔錯，牛奶同糖漿分開畀你Good，味道都好好．Nice.個飯真係做得好好，如果熱返D就緊加好啦．一定會再黎!

Lunch去o左pokka cafe食兩個人，點o左兩味日式又燒咖喱蛋包飯好大份，咖哩好香，對我來講有少少太辣(日式咖喱來講真係幾辣)不過又燒就差o左少少，唔夠味鐵板牛柳切開o左之後，完全見唔到一般牛排有o既血水，完全唔紅，原先以為會太熟食落又唔係喎...舊肉好淋好軟身，唔會太咬勁環境方面，雖然係午市時間，人都唔係太多，感覺幾relax，四圍環境唔係太嘈，午飯見客選址一流服務方面，d waiter好落力同我地介紹set lunch，可能係臨迎中秒節，店員門有少少太落力sell月餅，講到有少少長氣，不過我都明o既，佢都係打份工，雖然佢有少少煩，不過，我都唔會太介意.....

17/5/2009 上文提及Roy哥哥解答了我的兒童餐之謎，究竟這個「謎」是什麼呢?其實香港一般日式餐廳的兒童餐只提供給12歲下的小朋友，於是我多口問他大人是否不能點呢?哈哈，Roy哥哥的答覆是大人只需加$20就可以吃兒童餐了!當然我也不會放過這個期待已久的目標!今天即來一試! 這個兒童餐好像叫「開心樂園」……真實名字忘記了啦，原價$55，大人吃就是$75啦，整個餐有餐湯，小食拼盤和甜品。餐湯是雜菜忌廉湯，湯混入了甘筍和西芹，味道是普通的忌廉湯 小食拼盤有檸檬雞搥、煎餃子、天婦羅蝦，煎香腸和蜜桃沙律，為了迎合小朋友的口味，所有食物都比平日吃的較多油，沙律醤也比平日的多，整個拼盤最好吃的是檸檬雞搥，煎得香脆又滿有檸檬汁的香味 甜品是士多啤莉忌廉夾餅，外形像極食物模型般一層忌廉一層士多啤莉，夾餅烘得乾脆卻小了一份牛油香，不過吃的時候忌廉從夾餅的格格中走出來好可愛 Roy哥哥還給了我兒童餐的玩具，是個Minnie的飾物，雖然不再是小朋友，但吃兒童餐總是對玩具有一份期待的 除了兒童餐，媽媽和姐姐還要了一個pillow toast和免費的肉醤鴨胸意粉，肉醤鴨胸意粉的原隻蕃茄十分搶眼，肉醤，鴨胸和

14/5/2009 終於完成整個考試!甫出試場門口收到媽媽的電話，說今天晚上外出用餐，我問為什麼呢?她說為了慶祝我完成考試……哈哈，老媽子不煮飯的理由的確十分漂亮，但我倒沒有所謂的~不過他們又沒有什麼特別想吃的…結過又是來這裡啦 近期發現受金融海嘯的影響，不少餐廳都推出優惠，連Pokka也推出$40-$50的午市套餐，晚上的二人晚餐都比以前抵吃了。衡量過套餐的份量後四人共要了一個二人餐，一個一人餐和一個飯，另加印仔卡送贈的絕味咖啡凍餅 先來的是餐湯，我們選了牛尾湯，以為是較”傑身”的濃湯，怎料是稀稀的羅宋湯，真係好失望哦!姐姐的麵豉湯則維持水準 接著來的是單點的蛋白炒海鮮香味飯，印象中海鮮有蝦、帶子，蟹籽…還有其他的忘記了，至於香味飯是前文提到混入飯素的飯，但不是炒飯來的，因為此點只有海鮮是炒的，大家點菜時小心點啦 這個時候套餐的食物開始送上，先來的是二人套餐的沖繩冷豆腐海帶沙律，少少的一個豆腐份量不多，只是一小粒一小粒的散落在菜堆中，未能滿足我這個豆腐怪啦~這次沒有拍下menu所以忘記食物的名字(它們的真的十分長)，後面的分開兩個套餐看看吧 ===一人套餐===豬扒鍋：我們猜廚師是原

對於愛吃的我們來說，一年一度的母親節其實只是一個大吃大喝的藉口，媽媽說去哪兒都沒所謂，最緊要舒服，就順應民意來這裡~這次沒有上班中爸爸的份兒，只有三個女人仔~為什麼會有一個"噓!"呢? 剛坐下侍應生便拿來餐牌，是日當然有應節的母親節大餐，三人份索價$400其實不算過份，仍然有set lunch供應，不過太多肉類的餐單還不能吸引我們，於是轉投普通餐牌的懷抱。 到過這類日式西餐廳的都應該會被色彩繽紛的餐牌吸引著，要在琳瑯滿目的餐牌上一口氣選出心水食物的確有點困難，所以我們會分幾次點餐，看心情和胃納再encore!是次母親節午餐我們總共encore了兩次，究竟點了什麼?馬上去片! <<第一回>>頭一回點了四個小點，包括：香味飯團、日式鮮蝦雞肉火龍果沙律，本格豚肉漢堡件豆腐和免費的香煎牛脷 香味飯團：珍珠米搓成的三角飯團，混入蛋黃碎和日本飯素再以小片紫菜包好，有日本卡通片中學生便當的賣相!而飯素其實是日本十分流行用以伴飯的調味品，主要材料有紫菜碎，木魚碎和芝麻等，一般日式超市有售~加入飯素可令米飯更惹味，不過這個飯團只是普通煮熟的米飯，相信外層略燒後會更加吸引!

假期去開荃灣廣場逛街，差不多2時到了Pokka食lunch，第一次光顧呢間分店。 我一家三口等了約五分鐘後獲安排入座。 服務員禮貌地送上清水及Menu，我因為不太餓所以決定和女兒share一份食物，最後我們挑選了一碗日式"明太子豬軟骨义燒拉麵"，因為女兒很喜愛吃烏冬，所以加了$10元將拉麵轉為稻庭烏冬；另因為渣打信用卡有指定飲品buy one get one free，所以我們要了2杯"宇治綠茶紅豆凍奶"；老公則點了set lunch : "羊肩拼碳燒雞扒"。落單後等了超過10分鐘送上第一碗烏冬，湯底是金黃色的，我們都覺得很奇怪，味道很有忌亷湯風味，和女兒各分了一小碗，鳥冬很滑很好吃，但好像未有發現明太子，豬軟骨和义燒，却有一些肉好像是豬頸肉，咬口很鬆軟及很滑，我感覺上不是我 order 的那碗，於是向服務員取回Menu 查看，果然是落鍺了單，我點的是No.62 (Menu 上每款食物均附上編号)却來了No.64，我重申我要No.62並指著彩圖確認，服務員很禮貌地道歉及重新落單，又等了10分鐘，再送上一碗熱騰騰的鳥冬，但仍然未見有明太子和义燒，只有豬軟骨，這次又落錯了另一款，No.65

因屬第1天公眾假期, 所以一心捻住陪老公去荃灣廣場間Pokka試下 (因小妹一向都有同班同事平日嚟食晏)泊好車時已經13:40, 所以d食店都唔算多人...去到Pokka門口就見到平日好好禮貌凡女店長小姐客客氣氣問"幾位"?回覆"2位"後店長小姐就話同事收拾中請等待一陣...但約3分鐘後有2位大人同1個小朋友到場要求3位時呢位友善店長小姐即提供卡位招呼入坐.當小妹同店長小姐提出疑問為何有位不是安排我們到來先者入坐,相反要我們仍在等待時店長小姐解釋"因人地有小朋友,所以會安排先入坐". 無問題, 不過唔多歡迎無小朋友d大人嚟食真係第1次見.結果, 免再激氣下兩公婆米情願即轉場食過第樣囉

今日我同個朋友一齊去食Pokka其實早一個week已經食完,但我個Frd 期待左好耐咁都要比下面既我地見到出面有Q旁!滿$150就平$30!我地覺得有用..所以拎左啦~~一入去佢就比我地Choose台啦我地choose左近窗邊既!叫左炒野菜啦,豬軟骨拉面, 肉碎雞柳石頭窩<3野菜最快到,都ok既,不過我覺得炒到有d乾..加上木魚切得好碎,好放左好多係面..跟住豬軟骨拉面來了!貴就貴係d拉面啦真係!佢d拉面真係好幼細做得,唔係o個d粗粗un un既普通拉面.不過我嫌佢就d豬軟骨既骨有d硬,淋番少少應該會好d!不過都ok既!因為有4舊大既豬軟骨係面~之後肉碎雞柳石頭窩都黎埋,撈完晒先記得影@@不過好好味呀好惹味wor之後我就叫左我親愛既紅豆toast真係好想再encore,佢d toast又脆又唔會話太硬,加埋d吉士醬同一粒粒紅豆係面!PERFECT成餐都好好<3唔會話好多油,又唔膩咁貴都抵~~~~~

我終於唔再寫甜野同包喇琴日開始放復活假所以夜晚約左老友記食飯因為個時6點鐘所以人唔多可以任揀位叫左個日式炒野菜上桌個時見到仲冒住煙@@有紅蘿蔔,洋蔥,椰菜,日本菇,西蘭花同日本個d漬蘿蔔洋蔥炒得幾好..岩岩炒到佢開始焦糖化甜甜地幾好食木魚就落左好多佢係用日式燒汁炒所以呢款都唔錯既=]而且係我影相個時個writer好醒目咁等我影完先放筷子xD仲有豬軟骨拉麵豬軟骨有四件size幾大d肉幾鬆軟軟骨夠脆身有嚼頭拉麵彈牙不過湯底味精感覺頗重食完要飲番啖水雞柳肉碎石頭鍋呢個好得上桌滋滋聲好勁第一時間篤穿隻蛋加埋d韓園辣醬食好正米飯粒粒煙韌冇過淋最重要係d飯焦金黃色好香口到左甜品時間叫左個紅豆宇治綠茶新地上面有d合桃碎好香脆帶甜味d cream同d綠茶雪糕一齊食夠哂滑而且紅豆粒粒都好大粒!!成粒眉豆咁xD而且又唔算話煮到起哂沙一pat咁仲有兩粒芝麻湯圓細細粒幾好味朋友就叫左個紅豆吉士多士紅豆都係大大粒d吉士甜而不膩又絲滑同d紅豆好夾而多士就係法包黎既外邊好脆口內裡較煙韌呢個幾抵食另外員工個個都好有禮貌一坐低就建議我地可以揀咩食抵d同埋佢見我地點菜個時猶豫不決dum哂波鐘都冇黑面抵讚xD{店

這個星期開始, 早餐在家裡煮好, 午飯也自備了好一陣子, 晚飯老公俾, 咁慳家, 是否因為海嘯?...No la....只是積點穀吧了!今晚到此...已覺很豪了, 因為比起紅螞蟻, 好好, 甚至意粉屋已是較貴價的, 今天在 5 : 50 pm 到達, 介乎下午茶至晚飯之間, 於是叫了一個下午茶餐 - 粟米牛油豬豚肉烏冬, $56, (+$6轉稻庭烏冬), 半價, $34試了藍山一號咖啡, 前者份量不大, 烏冬夠滑, 牛油味濃, 豬豚肉唔夠腍, 咖啡是不常叫的飲品, 老公介紹話出名就試試吧, 杯子精緻...像在嘆 afternoon tea, 不是咖啡專家, 只能憑入口感覺, 不苦澀, 但咖啡味唔可以話好濃, $34還可以, 但 $68 就不太值! 另在餐牌上叫了韓式肉碎三文魚(石頭)飯, $88, 它的石窩確實很熱, 飯焦好多(老公覺正, 但我最怕, 因為好"痴"牙), 三文魚跟熱窩好像不大夾, 換上牛肉....相信香味會較突出!整體服務不錯, 頻密添水, 亦有禮, 地方寬闊, 埋單, $200, 臨已送上一張八五折咭及一張印花咭!

同friend o係吉之島行得耐, 就揀呢間食晚飯, 因為我係會員, 2月有張coupon兩個人食左:1. 蒜溶焗田螺(免費的) - 好味~~~好熱, D蒜溶好好味~~~但唔膩ga!!!!值得一試2. 牛肉稻庭烏冬 - 都幾大碗ga wor, 好足料ga, 牛肉ok, 烏冬好爽~~~3. 木"康"布丁配咖啡凍餅 - 最正呢個, 木"康"布丁好好味, 不過個咖啡凍餅唔可以食得太多, 因為好膩, 食得多會好飽好滿意, 因為services又好, 上菜都幾快, 又安靜~~~一定會再去呢間分店!!!!

pokka會員每個月都有免費餐飲享用,一月份某個星期六就到這間pokka享用我的會員優惠,那天很想清靜一下,荃灣三間分店中似乎這間較為清靜,下班後就走到這裡來。果然,這裡雖然仍有不少客人,但人流會比千色店或愉景新城的少,起碼坐在窗邊仍能享受一下寧靜,而不是門外那人潮如鰂的景況.....向侍應表明使用一月免費coupon,只可惜本是免費的羊扒沒貨供應,換作照燒雞翼,本希望吃羊扒的月巴人的確有點失望但也沒辦法了!! 另外點了一杯北海道凍朱古力做午餐。凍朱古力先到,朱古力顏色頗淺,看來味道應該不會很濃!預計沒錯,朱古力味道稍為輕了點,對喜歡濃郁朱古力的我是有點不足,不過喝來質感滑溜,是因為加了北海道牛奶之故?? 面層的朱古力卷卷沒完全溶化可增加一點點咬感,頗為有趣。照燒雞翼一客四隻,燒得表面金黃蠻吸引的!只是雞肉吃來較孩較乾也不太入味,以雞翼來說是不及格的!!自己比較喜歡吃雞肉滑滑又有點汁的雞翼,這裡的真的不成。反而外皮沾上照燒汁就好吃得多,比雞肉優勝很多! 這裡的照燒汁偏咸,明顯吃到日本醬油的咸味,跟平時偏甜的照燒汁味道很不一樣,要是配一點米飯會好吃一點,現在單吃雞翼就有點咸了!幸好還有甜

約了個朋友聚舊，原來想去同一個商場的Oliva ，但太多人了，見佢在這商場新開+有位，不如一試啦其實以日式CAFE來說，POKKA我認為是較有水準的，我就因不用想諗(其實MENU的CHOICE不是太多)而點了SET DINNER﹐有:忌廉湯 (普通)廚師精選(雞卷、羊肋骨)(太油了，但好羊的我都係收左貨)芒果布甸，仲有DRINKS, $108(日式咖啡真的好香^^，布甸普通)而我的朋友就點了魚生飯($70幾)(有點DRY)，和冰鎮蔬菜盤($58)(太普通了，下次都是食沙律吧)環境OK啦，但剛好太多小朋友在場，太太嘈了

落地大玻璃對住三間餐廳, 由上而下...意粉屋, 百佳, 鈴木, 今晚選了最後未試既一間來跟朋友相聚! 預先訂了窗邊位置, 有一半是牆, 看到的不是太多, 鈴木和意粉屋較開揚! 打開餐牌....對我而言, 選擇不太多, 但也有好處, 因為不用想太多, 最後叫了豬軟骨稻庭烏冬, $73 + $10 (拉麵轉稻庭烏冬加 $10), 大大碗, 豬軟骨好腍, 好肥, 烏冬滑滑, 椰菜又夠多, 都幾好食! 朋友選擇我既建議...韓式牛肉雞肉石頭飯, $92 (這是我以前的選擇), 熱辣辣, 色聲都得, 唔知味道點呢?