大力水手炸雞

Open Now

Now Closed

炸雞食得多，好多選擇，呢間真係第一次食！價錢都可以既炸全部都係炸😆🍗炸雞 - 皮脆，冇乜雪藏味Catch & Hatch 咩都有D🧅Onion Rings - 正常🍤Popcorn Shrimp - 呢到特別既係唔係比mayonnaise咁簡單😌，而係他他醬，好好食！炸雞柳 - 雖然肉質無炸雞咁嫩，但係勝在啖啖肉，唔使lur骨🤣🍟Cajun Fries調味過，pepper味至理名言😌! 雖然全部都係炸野，但share食都唔算好油膩，食完直接搭地鐵走，遮☂️都唔使開😆，勁方便！

Popeyes炸雞我一直認為水準唔錯，由於佢哋分店又唔多，每次行過都好想食，唔識就覺得好似錯失左一次機會咁。朋友同我一樣都係炸雞fans，某大連鎖店嘅炸雞食到覺得冇乜特別，都係Popeyes炸雞好食啲。今日我哋旺角行街，就特登過嚟回味一番。我就叫咗個L1套餐，呢個餐好豐富，有齊我鍾意食嘅雞柳，爆谷蝦，仲有洋蔥圈，加埋杯汽水就正到加零一齊晒章。炸雞柳永遠都唔會令我失望，永遠都係咁脆咁Juicy咁好味。爆谷蝦又係脆卜卜，肉又唔會太細。朋友叫咗3號餐，有大大嚿雞胸、雞鎚、薯條同汽水。薯條我哋share嚟食，熱辣辣好爽脆。雞胸同雞鎚都大大隻，好好肉地。食完我哋都覺得好滿足，期待下一次再來。

想食炸雞，除咗大型連鎖快餐店外，嚟到T.O.P.呢個商場food court都有食炸雞嘅選擇，而且質素都okay~揀咗一個爆谷蝦雞柳餐，有兩件炸雞柳，爆谷蝦同炸洋蔥圈，炸雞柳唔會鞋口，幾嫩口，爆谷蝦份量都幾多，彈牙蝦肉，洋蔥圈香脆～有三款醬汁可以配搭，除咗傳統嘅茄汁，仲有惹味barbecue sauce同埋清爽又酸酸地嘅他他醬，配搭薯條同炸海鮮都好正～另一個餐揀咗炸雞餐配薯條，一件雞胸加一個雞鎚，份量都好夠飽，熱辣辣炸起，炸得香脆可口～～

大力水手！以前要喺香港食，只有機場去旅行入閘先有得食，唔知幾時喺旺角都有啦😍3.炸雞配薯條 $52唔知點解而家覺得呢個價錢唔係好貴，食個KFC都要呢啲價，所以我覺得我鍾意食大力水手多啲無論炸雞定薯條都好脆，我好鍾意食佢個薯條，有啲黑椒係面咁樣L1爆谷蝦雞柳餐 $58習慣試新野嘅我當然一定要試吓，呢個餐簡直啱晒我眼闊肚窄嘅人，咩都有少少。佢個雞柳都超級脆，而且好夠味。爆谷蝦真係好好食，最鍾意食就係呢個。仲有幾隻醬可以揀好齊全！洋蔥圈當然都係我嘅飛佛啦，總之俾我揀同快餐連鎖店我會揀呢間。

去咗旺角T.O.P.行街，見到Popeyes 大力水手炸雞，我一向好鍾意食炸物，又好想食炸雞🍗，去買嚟食。除炸雞之外，仲有小食併盤，漢堡包🍔。今天點咗炸雞餐$52、爆谷蝦雞柳餐$58。炸雞餐有薯條🍟、雞脾🍗、雞上脾，雞肉好juicy，配可樂就好正喇。爆谷蝦雞柳餐，有炸蝦、炸雞柳、炸洋蔥圈。用「爆谷蝦」嚟形容炸蝦，蝦外皮脆，好爽口彈牙; 炸雞柳外脆內嫩，啖啖肉; 一圈圈嘅炸洋蔥圈，口感香脆😋。Popeyes旺角彌敦道500號T.O.P.地庫

Top商場地下food count 呢間炸雞真係好鬼正，每次出旺角都必點✅.今日叫左兩個餐，「爆谷蝦雞柳餐$58」同「炸雞薯條餐$52 」，佢既炸野係鬆脆但唔硬，尤其係個薯條，簡直係宇宙級，唔算太粗薯但又好夠脆同加左唔知咩調味，爆谷蝦個餐個人覺得最抵食，因為個蝦有成8舊左右，加埋洋蔥圈同雞柳，仲有雞柳真心滑，最後炸雞🍗都係必點之選，好食過kxx太多，少辣多脆，香口得黎又好味道。.快啲開分店啦 真心好鬼正🤣

T.O.P的B1層是個food court，之前已光顧過煮場裏面的幾間餐廳。今晚再次來到，思前想後，決定試試「大力水手炸雞」。「大力水手炸雞」之前在機場有分店，不過太夾涉的關係，一直未有機會品嚐。如今在旺角鬧市中的商場開業，實在方便。點了炸雞、小食和汽水，十分邪惡。分別有雞槌和雞胸肉，外皮炸至十分香脆，咀嚼發出的『咔嚓』聲此起彼落。「大力水手炸雞」的特點是用美國奧爾良區特產cajun香料醃製，令雞肉香味更為濃郁。雞槌肉質嫩滑，每一口都充滿著肉汁。而雞胸部就較為遜色一點，可能是本身部份的關係，肉質相對鞋口了些許。一吃喜歡上它們的薯條！薯條上除了有奧爾良風味cajun味粉，亦灑了黑胡椒粉，多添了一點微辣的惹味感。脆身又有薯香，捧著一整包吃不停口。脆身炸粉下是雪白的雞柳肉。由於無骨，入口啖啖肉，吃得好爽。不過筆者還是喜歡大力水手炸雞多一點，醃料比炸雞柳來很香。咬開脆卜卜的炸粉層，是彈牙的蝦肉，口感豐富。份量頗多，值得一讚是炸粉好薄。一口一粒，配上他他醬，食得過癮。同樣炸粉不厚，入口好脆。再配上可樂1杯，何說是天衣無縫的組合。

對於一個好鍾意去旅行又好鍾意食炸雞嘅人嚟講，Popeye 相信大家都會響機場嘅時候食過。可惜因為機場重建, popeye就已經唔響到，今日就響旺角top 既foodcourt揾得返佢啦！叫咗一客傳統炸雞配薯條。炸雞依然出色咬落去，勁juicy勁脆，就算我其中一嚿炸雞係雞胸食落去依然都好嫩滑佢嘅薯條係其他快餐店唔可以比較嘅, 特別香脆惹味！另一客就叫咗炸雞柳炸蝦洋蔥圈呢一個就好啱女士朋友嘗試，每一口都係肉唔需要擔心lum骨, 而佢嘅炸粉同普通炸雞件唔同，外層有一層脆炸皮, 比普通炸雞件咁脆口。洋蔥圈同炸蝦後又多一個選擇，可以畀女士小食澱粉質！雞柳肉質亦都好滑，啲蝦都幾大隻，都算爽口食完之後仲可以響food court搵其他唔同類型嘅飲品食物去嘗試。

兩個人去MK T.O.P食大力水手炸雞之前喺機場食過，已經好耐冇食過啦今次叫咗一個炸雞餐+一個爆谷蝦雞柳餐share食炸雞餐2件雞例牌一件上脾+一件下脾+一個薯條我自己食咗下脾，朋友食咗上脾皮脆又唔厚， 雞肉又好滑最驚喜係薯條薯條上面竟然有啲黑椒喺上面，但係又唔係好濃味淡淡的， 比起麥當勞D薯條佢真係冇咁鹹， 粗粗的很好吃另外爆谷蝦雞柳餐呢個餐真係非常特別原本以為蝦係好似天婦羅嗰種，點知唔係係真係一隻炸蝦，蝦肉仲有彈性， 同埋最正係唔會留返個蝦尾，可以成件可以放入口另外佢仲配咗一個bbq醬同埋他他醬，我哋係將薯條都點呢個他他醬係勁好食， 有啲似魚柳包裏面嗰啲醬但係冇咁濃味大大件雞、大大啖肉、配可樂人生一大樂事

自從戎左麥當勞之後就好少係出面食快餐係T.O.P Foodcourt 見到好多人排緊呢間炸雞店同幾個朋友就決定嗌兩個餐黎shareBone - in chicken (2pc) Set呢個套餐包兩件炸雞、一份炸薯條，同埋飲品炸雞外層炸皮好薄，唔會食到成口炸粉🍗肉質都頗嫩，咁大件雞用手食非常過癮另外炸薯條都非常出色，原本已經調過味🍟有啲胡椒咸味同香草味，好似食緊幼身版薯角Catch & Hatch Set超級多炸物：有洋蔥圈，爆谷炸蝦同埋炸雞柳🐔爆谷炸蝦同洋蔥圈配他他醬食超match😍雞柳都大條，咬落啖啖都係肉，配燒烤醬就一流

去旺角行街，朋友話好想食炸雞，於是我地就去popeyes，呢度座位都幾多嫁，我地坐低左之後自己去櫃檯點餐，鐘意食炸物既就岩晒，好多唔同國家既朋友都會排隊幫襯，除左大大件香噴噴炸雞仲有炸蝦同洋蔥圈，大大件，好抵食。炸雞大餐我地揀左炸雞，炸雞肉質唔錯嫁，全部都係即時炸起，仲有汽水飲，炸洋蔥圈香脆外皮，炸蝦外脆內軟，蝦肉都幾香，價錢合理，唔會好貴，午餐黎計都算ok 如果可以更多選擇既小食會仲開心，炸薯條都好好味。

呢度主打炸雞! 點咗兩個炸雞套餐作為晚餐, 呢度亦有單點嘅小食及漢堡包供選擇。兩份拼盤套餐, 一共有炸雞、炸雞柳、洋蔥圈、爆谷蝦、薯條一份、汽水🥤。🍗炸雞 - 一口咬落去, 外皮超級香脆, 雞肉鮮嫩又多汁, 一啲都唔乾身, 唔算好油膩, 醃料亦唔會太鹹, 好惹味! 🍟炸薯條 - 啱啱炸起, 炸得金黃, 薯條厚度啱啱好, 上面灑上調味粉, 充滿胡椒味, 口感酥脆! 🍗炸雞柳 - 炸粉唔會太厚, 啖啖肉! 🦐爆谷蝦 - 口感好香脆, 可以配埋他他醬一齊食, 一口size, 幾過癮!

曾幾何時呢間炸雞店係我每次去香港機場來講大頭B食嘅一間餐廳，因為好鍾意食佢哋嘅清真炸雞！估唔到原來旺角都有去食啦😍炸雞兩件套餐配薯條炸雞口感香脆可口，雞肉唔會太乾.相比起KFC同Jolibee，冇咁油膩，有啲似健康版嘅炸雞！係幾好食！薯條係美式薯條入口煙銀，外脆口！炸魷魚圈&洋蔥圈全部圓圈⭕️，洋蔥圈香脆多汁，外脆卜卜！仲有魷魚圈，味道都唔錯！我比較鍾意嘅係炸雞胸肉條雖然係雞胸肉但係唔會太乾食落口仲好飽肚添！整體來講，冇機場食得咁享受，可能見唔到飛機升降😂不過間唔中過嚟旺角都可以過吓癮！食下呢個多汁炸雞！

Popeyes only have one branch in Hong Kong and since we have sudden craving for it, we decided to go there for lunch today. Popeyes Louisiana Kitchen was located at the basement level of TOP, inside the food court, just above Mongkok MTR. It was particularly busy during Sunday noon. It was queue-up system, queuing to take order and found a table to sit down. They offered several options for combo meal, ranging from fried chicken, fried shrimps, burger and rice etc. They do served combo for 2 pers

#大力水手炸雞比起kfc同蜜蜂仔好食好多！雞肉嫩Ｄ，炸得香脆好多！仲唔會好乾柴！炸薯條本身已經有調味,唔洗番茄汁同鹽已經好好食爆谷蝦有D辣,幾惹味炸雞同炸雞柳條最好食!肉多有肉汁!唔怪得就算轉左手都保留呢間炸雞店啦,水準真係超曬班,值得專登過黎食囉~#炸雞 #旺角美食 #外賣 #堂食 #機場回憶 #過江龍 #外國勢力旺角彌敦道700號T.O.P This is Our Place地庫旺角煮場Chefs' Society, B/F, T.O.P This is Our Place, 700 Nathan Road, Mong Kok