大力水手炸雞

Open Now

Now Closed

之前係旺角T.O.P一直關閉左一段時間既food court原來最近已經重新開返,入面有多間小店美食而且價錢又合理,今日就同一齊行旺角既朋友入去試下.係咁多間小店中就揀左以前係機場禁區先有得食既Popeyes去解下旅行癮.Bone-in Chicken大力水手炸雞 炸雞胸及炸雞鎚各一件,外層炸漿炸得夠乾身唔會油淋淋.炸漿唔會過厚,薄薄一層脆漿入口酥脆香口,係口腔內不停發出清脆既卜卜聲.雞胸份量相當巨型,略嫌入口雞肉較少肉汁,偏乾.相反雞鎚入口帶有香濃雞汁,肉質嫩滑香口.Cajun Fries奇脆薯條 長而幼細既薯條入口香脆酥香,沒有油溢味.薯條上加上黑椒令整體帶陣陣微辣又刺激既椒香.Cajun Wings奇脆辣雞翼雞翼同炸雞一樣咁香脆不過油,內裏雞翼肉質嫩滑多汁.內裏雞翼肉醃得夠鹹香,唔會帶陣陣雪藏味.Chicken Tender大力水手炸雞柳 原條炸雞柳啖啖肉啱晒唔鍾意食骨既人,內裏雞柳肉嫩香而且仍能夠係炸既過程中鎖整肉汁.Popcorn Shrimp爆谷蝦 每隻一口size容易食之餘入口脆卜卜,內裏蝦肉爽彈唔會霉,入口鹹鹹香香.Cajun Sandwiche炸雞漢堡 內裏帶有特別濃

旺角T.O.P.就行過唔少次啦😌最近地庫Food court新開左啦～某日放工就去左呢度食好西😋呢度都幾多選擇哦，咩式既菜都有！好～就揀最邪惡的 popeyes食😈🤟🏻..🍗雞，全部都係雞🍗Bone-in Chicken大力水手炸雞Cajun Fries奇脆薯條Cajun Wings奇脆辣雞翼Chicken Tender大力水手炸雞柳 Popcorn Shrimp爆谷蝦 Cajun Sandwiche炸雞漢堡..好豐富🤩 我幾鍾意佢既炸雞唔會炸到皮肉分離，本身粉漿唔會太厚，皮薄，雞肉好滑，唔會有太咸既調味～炸雞漢堡好辣🌶愛辣的朋友一定會鍾意！..爆谷蝦我幾鍾意😍好爽好彈牙，口感幾好😋 飲埋杯汽水解解渴，perfect！呢度d位都幾闊落，坐得幾舒服☺️.

初初見到店名咁得意嘅！依～～大力水手炸雞🍗～～～💪🏿💪🏿食完係咪會好大力架？ 😂💪🏿💪🏿勁鍾意食炸雞🍗嘅男朋友！每分每秒都想食炸嘢⋯身為貪靚女人嘅我..食完又要生瘡瘡啦🙄😫好～ 入正題😂😂😂依到嘅炸雞新鮮炸起熱辣辣架😋皮薄唔會太多炸粉，有少少辣～ 最重要係肉質鮮嫩呀麻～食落好juicy又無雪藏味窩～ 好驚喜呀！不過記得要連皮食呀！ 好多女仔怕肥唔健康唔食皮～ 唔食皮食咩炸雞🍗姐！🙄之後仲點左個炸雞🍔果然有料到..辣辣地 又卜卜脆～我覺得好好食呀另外再叫左個鬆餅～食落鹹鹹地又甜甜地。簡直好食到唔知點形容😚《個鬆餅唔係甜架..想食甜唔好點呀～》總結～食完唔油膩！ 味道又唔錯！正正

The last time we had Popeye's in Hong Kong it was at the airport. It wasn't that great but as it was the only place to get it, we always ended up eating there before a flight. Now that the airport one closed, they now have another branch in Mong Kok's T.O.P.  mall. As every where had long queues for dinner, we decided to give this place a try.  Located in the food court section, it seemed everyone there was eating Popeyes.Menu is in English and Chinese. They have a more extensive menu at the cas

介紹左咁多正野美食，今次都想介紹下呢間 Popeyes — 大力水手炸雞🤭可能好多人都未必了解未必認識呢間快餐店因為佢好幾年前已經執曬香港僅餘既分店，都係T.O.P商場開完無耐先從新開過香港唯一一間既分店☝🏻基本上Popeyes同KFC好相似，主打都係食炸雞，有辣有唔辣，薯條就特別啲係用cajun fries既，一種有辣味香粉既薯條，比起平時食普普通通既薯條特別啲👍🏻👍🏻食得炸雞最緊要就係啲雞炸得嚟外層又脆又香口，內層就又滑又多汁，一直以嚟聽屋企人話好耐以前食Popeyes啲炸雞仲受歡迎過KFC添呀🤭🤭p.s. 今次去cajun fries賣曬無得試，希望下次有番啦

單人餐只有5個餐揀，選擇不多。今次揀咗3號餐$49，鬆餅係另外加既$6一個本來對炸雞期望幾高，但結果係只有炸皮有少少調味，雞肉入面係完全冇味淡荗荗，應該係我目前食過最難食嘅炸雞😅下次想食炸雞都係食返麥炸雞同Jollibee反而薯條最好食，條條都好脆，但又唔會炸到乾晒👍🏻鬆餅都好味，但單食比較鹹，跟左一包蜜糖，淋埋上面就剛剛好平衡返整體食物份量比較少

來去匆匆失去了 等待帶來的快樂時間收穫了嗎？非也。.今次同個朋友出T.O.P.拍嘢拍到超級肚餓 但仲有好多嘢要拍唯有係附近搵下快靚正嘅嘢食🙈最後決定食哩間大力水手炸雞食完啲protein可以變到大力水手咁大隻😂爛gag講完 但我想講 哩間野真係超級難食😢炸粉超硬 咬到上顎好痛😟啲雞肉好乾 做gym嘅雞胸肉都好食過佢加$6買左個鬆餅鬆餅完全冇味😢仲有粉嘅質感去T.O.P嘅朋友記得唔好中伏😣炸雞套餐 $49鬆餅 $6

又係大鄉里啦，呢間美國引入嘅大力水手炸雞，小弟今日第一次食，之前就第一次食Jolibee風格好似兩間都好似叫左3號餐$49啲薯條熱辣辣，有啲香料味喎，夠脆炸雞個脆皮唔會鹹，但唔似KFC個脆皮咁有香料味，但鍾意淡味啲炸雞可揀原味或辣味，我揀原味雞肉唔乾有肉汁

在旺角等人時覺得有點餓，於是去TOP地庫的Food Court食炸雞。是日假期，工人姐姐佔了大部份座位，幸好也找到座位。單人餐只有5款，預切好不能改套餐組合，價錢比上校炸雞貴一點。我點了3號餐的兩件雞+一份薯條+飲品 (HK$49)。雞是一塊雞鎚和一塊雞胸肉，都覺得比較細件。外皮脆口，裏面也不會太乾，雞鎚肉滑，正! 雞胸中間有輕微柴，另外有些部位炸粉較多，不過整體還不錯。薯條的質感像M字頭快餐店的扭扭薯條，炸到金黃脆口，入口有點甜味。整體味道不錯，不過份量略嫌不足，如果是作為午餐的話，一定不夠要加其他食物。

太喜歡這個鬆餅🥞以前每次去機場 一定唔會幫襯「大力水手炸雞」的早餐和鬆餅，但係赤鱲角機場的店舖已經結業，所以每次搭飛機食唔到鬆餅都有少少遺憾。今日到旺角T.O.P. This is Our Place 地庫旺角煑場，專程來吃件鬆餅，今天還有優惠呢。 Buttermilk Biscuits 鬆餅真的很香，好重的牛油味，外酥內軟，有著咸咸的香，味道好誘人啊。

話說機場間Popeyes閉咗門後TOP開咗見新嘅，之前都試過佢地整得唔錯嘅炸雞。過咗段時間有股衝動好想試佢地嘅炸雞柳，所以今日午飯時間過去TOP食午飯。現場無人排隊，相信係過咗佢嘅熱潮。呢度有份2號餐，5件炸雞柳餐($58)，配中薯條同中汽水，另外加咗份普通菜絲沙律($20)同蜜糖鬆餅(特價$6，原價$15)，total $84。炸雞柳食時唔熱，已經涼到室溫。整體味道唔多，質感較乾，要點燒烤醬先多返啲水分。不過炸漿仍然小小脆，值得小小讚賞。薯條整體幾出色，炸得金黃香脆，表面嘅黑椒味道上無想像中咁突出，不過比炸雞柳好。菜絲沙律有生菜同紅蘿蔔絲，伴咗唔少質感幼滑嘅沙律醬，口感creamy味道甜同稍微算算哋，開胃得來cut下炸雞柳嘅油膩感。可惜生菜絲出咗好多水，應該係預備過程無用鹽抽走多餘水分，想食嗮份沙律的話就要用叉慢慢減啲菜出來。鬆餅焗耐咗，比平時嘅顏色更金黃，底部有啲濃，口感較乾，第一口咬落去鬆化得來碎濕濕，要點蜜糖先有啲甜味。味道上係一個字，鹹。食食下覺得有啲刺喉嘅酸味，相信係泡打粉啲酸同鹼在焗嘅過程無撈混，咁都得真係出奇。已經決定以後都唔會食呢度炸雞柳，寧願食Jollibee炸雞柳

今日行TOP商場，地庫有個food court，黎咗搵野食。揀咗呢間邪惡既大力水手炸雞食。分別叫咗兩個炸雞餐（炸雞翼、炸雞柳）除咗炸雞都叫咗個炸蝦小食。炸蝦好失望。首先原來佢好細隻下，而且食落冇乜味好雪藏feel。至於薯條就一讚，係有黑椒係面，味道就算就咁食都夠調味，炸得都好脆，好香口。主角炸雞，感覺唔算好油，味道唔錯，雞翼似脆香雞帶點微辣，雞柳啖啖肉，個人幾喜歡，外皮好鬆脆，但放耐咗唔夠熱就即刻冇咁好食，熱辣辣食先夠肉汁。

抱住滿懷希望 迎來無限失望先講野食 爆谷蝦難食 蝦肉化學加工得好犀利 好大陣鹼味。 一間炸雞店 點解唔可以好好地咁做炸雞？可以buttermilk, pickle juice 甚至唔醃 點解要用化學野搞到啲雞不倫不類？肉質食落竟然可以有橡膠的口感 驚為天人 睇到呢度 一定有人開始話我食快餐 要求多多 我成世人最中意就係食kfc嘅雞 兩間都係快餐 點解可以分別咁大呢？ 優劣係相對嘅 兩間快餐對比真係高下立見 呢間真係垃圾到難以置信 最後講服務 一間快餐可以有咩服務？ 我諗就係最低限度嘅 機械式嘅對話 幫客落單 但係有位傑出員工kris wong就加入自己嘅元素 西口西面 我完全覺得我前世欠左佢（我發誓間鋪無乜客 我行過去叫野食都係話唔該我想要..... 但係佢爆發性嘅演技即刻就開始震撼我） 無諗到我係open rice第一個食評竟然係呢間野。。。

TOP商場多野食就係人都知架啦，今次就試左下面有個food court，雖然係food court,但個味道都算ok嘅，今次就叫左個蘑菇飯配炸雞翼套餐個蘑菇飯就有少少伏，個賣相一般，而且飯又比較爛身，食落去個汁似係魚香茄子汁個種，不過好彩個炸雞翼加番分，個皮都幾脆同熱辣辣，而且可以點埋茄汁，因為個炸雞食落去有少少辣，而個茄汁甜甜酸酸咁就可以中和番👍🏻👍🏻，所以叫得大力水手炸雞🍗，就真係最好食返炸雞🍗

同朋友們一齊去 Mong Kok Top 商場food court，見倒一直好想食嘅Popeye炸雞！之後機場禁區內有一間，總係無機會試下！所以今次就算食飽都要叫兩件食下！勁鍾意食炸雞嘅我，每次去泰國都會勁食KFC，呢度嘅炸雞可以拍得住！新鮮炸起熱辣辣😋皮薄唔會太多炸粉，有少少spicy。最重要係肉質鮮嫩，食落好juicy又無雪藏味！單買都係都$16至$20一件。果然名不虛傳！另外再叫左個scone, 有啲硬又無咩果咁，可以唔洗試。我覺得佢比蜜蜂炸雞好食得多，無咁油膩，唔會食完覺得好滞咁，單件買咁食無咁有罪惡感嘛！