香港郵意 (Closed)

以自助服務形式 感覺好似幾西式 一開始去counter order 然後就去攞野食拉 食完野就要將d野食擺返係收集箱裏面擺返d杯杯碟碟去 黑板大大個Background 仲有其他影相位 另座位設有塌塌米坐 由於太涷既關係 小編放棄左呢個念頭野食方面 黑松露野菌意粉 黑松露聞落好香 撈埋野菌 非常惹味 略嫌佢個料 唔夠喉龍蝦pizza🦞非常之鮮 還有一大pat 蕃茄醬 同埋芝士非常濃郁 因為個人口味既關係 不太喜歡燶邊 如果焗到可以平均d就好據menu 說 Cupacchio SOE 相對比咖啡更香醇 聞落就同平時既冇乜分別 不過賣相都幾好 有拉花 Apple and pear frappe 蘋果同李既配搭 酸酸甜甜既味道 再配上意粉 恰好中和左個膩感就咁樣放空一日都幾好😬 不錯👌

同朋友今日去，每人叫咗個All-day-breakfast，一個regular，一個素的。素與regular的分別係，煙肉+腸仔 變咗 薯蓉+茄子波。Breakfast個樣真係好靚，不過成碟得個炒蛋有合理溫度，菇、茄子波、煙肉、腸仔都係室温(明明腸仔有金黃色...煎好咗幾耐？)，薯蓉直頭係冰凍的(亦都係淡而無味的)🤦🏻‍♀️。同職員講薯蓉冰凍，佢都好好，話另外整過畀我，但嚟到，都只係微室温。唉，可能呢間餐廳對食物温度嘅定義同我好大落差... 食環好似對食物温度都有要求，唔知咁係咪都合格呢？🤔我哋另外叫咗2壼茶，2壺茶就好夠熱喎！！！ 仲好大壺！如果要揾地方傾計做功課，都可以考慮嚟呢度，不過唔好expect食物滿足到你。(食完要自己執枱，仲要自己倒廚餘，自己分好餐具呀碟呀...咁嘅價錢我唔覺得要好似飯堂咁冇service。仲有，咁樣自助，店主你永遠唔知客人有乜食物食剩哂，有乜要改進。有誠意話你知嘅就只好放上嚟呢度了)

在尖沙咀要找坐得耐又舒適的地方不易，到這Cafe 便滿足了這需求。坐位有坐椅或 tatami。看店內介紹，有時也有辦活動。地下雖有宣傳此店，但建議海報上註明是在那一層，那walk in 的客人便不用找了。點了 Orange latte, Lemon cake。Orange latte 要在杯邊慢慢360度品嘗，味道不錯。Lemon cake 有點 fresh 的感覺，如果是冷一點上枱較果會更好。總的來說，是獨自工作或朋友閒聊的好地方。Cafe 旁有小工藝製作，例如壓製襟章。

見到訂位app 全日半價，非常吸引。上到去同店員講book 左位，佢話隨便坐就得。晚上七時，客人唔算多，地方好大，因為係任坐開放自助式，你做咩食咩幾時走都唔會理你，於是眼見好多賣保險傾生意的，學生係7仔買支飯品，攤開幾部notebook 就打躉幾粒鐘都有。檯面有些污糟，似係上手食客留低但冇人抺檯。 出去買食物，不過好多都冇，本身選擇已不多。等待時間也幾長，超過半小時！個鐘又唔響唔震，要成日出去問食物得未。All day breaksfast 明明係牛角包🥐，店方是但換左，變成白包，又冇講聲。其實講聲食客會體諒，而家覺得佢俾乜係就要食乜咁。味道也是below average, 正價成百蚊超唔抵！Egg Benedict 個包超乾，菜也似冇洗過，冇揀過。ham very salty 仲有一點係呢度冇水供應的，迫人買野飲。執檯比食canteen 更高要求，canteen 最多食完拿番個tray 出架度就ok, 呢度要「真執」，將碟，食物渣，刀，匙，全部幫佢分類擺好唔同地方先走。如果對食物有要求，呢度真係唔好來。想零消費無限hea 就來吧！好多postcard 某角落扮文青cafe 呃like

點完4個餐，等45分鐘都無野食。忍吾住行出去睇，先發現其中一個意粉已經整好左，但吾明白點解要等齊先叫人拎。等齊先拎都吾係問題，問題係其他野勁耐都未齊，個意粉都凍晒，一舊野咁。野飲落溜單，等左45分鐘先知無落到，然後落返先話無，好差勁。完全吾值得再返黎食

平安晚早收工，約了朋友到尖沙咀行街感受下聖誕氣氛。街上滿佈遊人非常熱鬧，因為未食lunch又要同遊客迫，攪到兩點幾就已經好攰喇，今晚仲有聖誕party等緊我㗎😂。於是朋友就提議去cafe坐下，食嘢補足體力😅。我地揀咗香港郵意，貪地點夠方便。Cafe位於商場二樓，地方非常大，好適合大班朋友聚會。餐廳係自助形式，最低消費一杯飲品，就可以任hea任坐任玩，非常實惠😆。講番食物，雖然係cafe但食物都唔錯喎，我地叫咗黑松露雜菌意粉：扁意粉爽滑咬感煙韌，松露醬落得豪不小家，有一大坨，非常之香，而野菌炒得非常香，素食也煮得香口惹味，值得一讚。三文魚火箭菜薄餅：薄身餅底，上面舖滿有大量蕃茄肉的茄醬，酸酸甜甜，非常開胃，加上煙三文魚的咸鮮，一個人食半個唔係問題😂。咖啡我地選了，香橙朱古力latte ：杯邊沾上香橙味的糖粒，加上拉花，賣相已經好吸引，朱古力味並未蓋過香醇的咖啡，兩者非常平衡，每呷一口都感受到幸福感💗。百利甜酒latte：滿滿的甜酒味，非常聖誕的感覺，微微的酒精令人倍感relax。我對呢度的咖啡、食物、環境都好滿意，下次一定再帶其他朋友嚟hea下🤣🤣

約了好耐無見的好友食飯聊天，如果要坐得耐，首選是café。上網見到這家評價及環境不錯，一於試試。一上到去，有點不太相信這寬敞的Café竟然位於尖沙咀旺區！整個裝潢以木系為主，感覺柔和。主題當然離不開「郵」，四周貼有不少postcard，又有精品可供選購，更重要的是，寫完postcard後，還可以在代寄出去。店內採用自助設計，先付款，後取餐，自取所需食具，食後自行將碟及食具分類擺好。飲品、主菜、甜品等，都有不少選擇。白酒辣蒜蛤蜊意粉$88一入口，蒜蓉味好香郁！扁意粉煮得比較乾身，彈牙，而蛤蜊肉算飽滿，無沙，整體調味不錯，帶少少辣，惹味。香草汁菠菜雜菌意粉$58看似表面有好多香草碎，但反而忌廉汁的味道比例重過香草味，意粉帶少少濕潤，味道同樣不錯，價錢公道。煙三文魚火箭菜沙律$68份量頗足的沙律，表面有大約4-5塊煙三文魚，而底下就是一座小火箭菜山，另外還有數粒飽滿車厘茄，用料新鮮，這個價錢，這個份量，算抵了！鮮奶香芋$48奶泡都幾香滑，不過香芋味不太真，味道偏淡，略嫌失色。

Booked a table for 24/12 via OpenRice and went as planned since it was confirmed. I was with my husband and 2 kids aged 3 and 1.5yrs old. No reception or waitress to guide guests so I went up to the counter and told the cook/guy who worked behind the counter that I had a booking and he said please queue up behind the other people waiting to pay at the cashier. Strange and so ok.... then at the cashier I told the lady and she said poker at her little machine then said ‘just take any table which h

相約了兩個很久沒見的朋友出來尖沙咀附近食飯聚舊，朋友想找個坐得舒服又可以無限聊天的餐廳，於是便建議這家餐廳試試。因為是星期日怕冇位子所以先預約了，而我地三個都是第一次黎試的。點半鐘上到去，其實當時人不算多有很多位剩可以任意坐。我們各自落了一個意粉（龍蝦、蟹肉、波菜），這裡的東西是比較自助的，落了單，然後要自己拎，自己收拾枱面。不過這裡的意粉頗有驚喜，特別是龍蝦龍蝦，好足料。朋友都很滿意，下次會再黎。

這晚與兩個好友來聚舊，非常喜歡這裡！帶子沙律和蜆肉意粉質素絕對對得住價錢有餘，Yummy！三文魚薄脆pizza，比想像中大份，味道不錯！花茶一壺已夠三人飲。還有心太軟！三人吃得超級滿足😌cafe有area是要脫鞋入內，可以席地而坐！有各款明信片，最喜歡這兩張也有不少拍照打卡位好大塊黑板！這個商場堪稱鬼城商場，十室九吉，唯獨這間郵意cafe有點人氣！食物質素真心不俗，地方寬敞舒適，希望能繼續經營下去！

肥妹仔我平時好鍾意去呢一間香港郵意嗰度飲一杯咖啡食，一個意粉， 去hea過一個週末。百利甜酒拿鐵  $48呢一杯百利甜酒拿鐵係肥妹仔我每一次去都會叫，佢有好香甜嘅百利甜酒香，但咖啡味亦都唔會畀百利甜酒蓋過，層次好分明。白酒辣蒜蜆肉意粉  $88呢一個白酒香辣蒜香意粉做得不錯，佢既白酒蒜香味好濃，每一條意粉都均勻沾上醬汁，食落去唔單調。佢嘅蜆肉都算幾新鮮，意粉煮得剛剛好。All day breakfast  $88呢一個全日早餐入面非常豐富，有煙肉，炒蛋，沙律菜，香腸，大蘑菇等等。煙肉同香腸好好食，唔會過咸，炒蛋炒到好嫩滑，沙律菜好新鮮，蘑菇好濃蘑菇味。

約咗戰友去尖沙咀，傾下月大計，一路行一路諗住要搵個靜靜地可以傾耐啲嘅地方... 行到漆咸道呢個燈位，見到好大個商場柱位，寫住香港郵意，好寫意嘅名，上面仲寫住 “不設限時,歡迎放空”...😆... 未去過，即管去睇下... 影埋個門口，為戰友帶路～原本諗住吹水聚腳嘅地方，應該冇乜食物質素可言... 但係呢度又比我預期之中好喎...水牛芝士巴拿馬火腿番茄薄餅，大大個，材料十足，味道正宗～All day breakfast，脆卜卜牛角包、大大條黑椒腸、煙肉煎得香脆，本菇、炒蛋、蕃茄仔，材料豐富美味～松露雜菌意粉，松露味香濃，材料十足，朋友食到讚不絕口～意粉配埋辣椒仔，滿分～先響前台點單，拎住呢個電子牌，等着佢震及閃燈，有得食咯～調味料，餐具自助～食飽記得自助收餐盤及垃圾，沒有+10%收費～

今日係郵意過左一個輕鬆又悠閒既下午。餐廳真係超大，幾乎半層係佢既。餐廳係以自助式既形式營運。想買咩就去櫃檯落單，自己拎野食，自己拎餐具。食完自己收乾淨，幾鍾意呢個感覺。叫左個你啊你啊，係蘋果同梨既smoothie。味道清爽，梨既味道清新。野飲清甜，好舒服。之後叫埋個黑松露野菌意粉。意粉整得好味。黑松露味道濃，野菌陣香味令意粉更加好味。口感豐富。意粉有彈性，而且汁啱啱好，唔會好乾。之後黎個all day breakfast。見到都開心，份量多。有我鍾意食既煙肉，煙肉整得乾脆，煙肉味道更加特出，好鍾意脆脆既煙肉。炒蛋炒得滑。仲有牛角包。豐富既早餐！食埋個豆腐蜂蜜芝士蛋糕。蜂巢係上面，正！豆腐味道濃，口感幼滑。芝士味道又濃。成個蛋糕真係好好味。好chill好休閒的餐廳。下次再黎！

今日去尖沙咀搵食 黎到呢間地方闊落嘅餐廳 係自助形式 大大個場地任坐 幾有屋企與自修室之間嘅感覺 值得一提嘅係佢四周圍仲有書架 驚悶嘅人就可以拎黎揭下 都幾貼心同呀媽2個人叫左一set all day breakfast 一set egg benedict 總體感覺吾錯 首先沙律菜新鮮抵讚 有時食到吾夠凍或者有少少變黃嘅菜真係好灰 但呢度就冇呢啲問題 good至於個煙肉亦煎得perfect timing 香得黎吾會乾晒同太硬 另外egg benedict個生熟度亦做得啱啱好 食落好滑 蛋汁沾落個包度感覺一流！野飲方面亦叫左一個香蕉士多啤梨奶昔 望落去個樣可能比較白 冇乜色水咁 但飲落又真係好足生果味 亦飲得出冇另外落糖 所以係好fresh 一啲都吾假 幾好

香港郵意本身只係打算搵個Cafe坐下，傾吓計。點知去到好似呢個Cafe做緊韓星主題，有意外驚喜。雖然自己唔係韓星粉絲，但係見到明星既poster，不自覺影低好多相做紀念😂呢間cafe 採用半自動服務，除左點餐係有職員服務之外，其他拎餐，執枱都係自己嚟。Cafe 空間好大，有唔同類型既座位設計，可以揀自己鍾意既座位慢慢嘆下先😊黑松露雜菌意粉同卡邦尼意粉，兩款意粉都插上韓星嘅頭像，未食見到張卡已經好開心啦😆兩款意粉都鋪左好多芝士，隱藏芝士控既我，覺得好正喔😝 意粉煮嘅硬度都啱啱好，最驚食到軟身嘅意粉😂檸檬薑茶🍋，帶有檸檬清香味，薑味無好像中咁濃味，反而每次飲完都帶有甘草既甜味。冬天都係飲熱飲吸引啲😂另外叫左一杯綠野仙蹤，原來係牛油果味😂不過可能自己對牛油果麻麻地，所以都係由朋友解決佢✌️