香港郵意明信片航海主題咖啡廳 (Moved) New Location

呢間係令人好深刻既餐廳。對餐廳既印象：格zip，靚，串，有型，特色，繽紛，貓。首先，間餐廳真係好難揾，第一次揾食要揾到入咁樣既後巷。真心覺得店主好勇！不過間餐廳同佢外在既環境：後巷，係一d都唔match既。色彩好繽紛，主色係藍色木色。其實係出面睇都幾靚。入到去第一個感覺就係，店員係邊呢？呢到無人招呼你。我都用左d時間先搞清楚餐廳既落單程序。參觀既過程發現呢個牌先知係要自己行去order(而店長定唔知店員係好唔明顯咁會係cashier既附近偽裝客人其實佢無偽裝，係我發現佢唔到遮)可以咁做生意都真係幾型。我見到有d客都真係會執，但有d都繼續唔會。餐廳既內在環境真係幾靚，我講參觀真係無誇張既，因爲cafe黎講佢都算幾大。餐牌d字都好有藝術氣息！因爲係tea time, 我地叫左個tea set for 2ppl. 無諗過佢d cake大件到咁。一般依家出去食tea 都係比較小巧精緻。最下層係咸食。個牛角酥其實都幾香口，不過如果可以焗返熱d會更理想。煙三文魚salad我無一黎就食晒。因爲我見到上面咁多甜點我就知道我一定要梅花間竹咁食！仲有遮住左個pama ham多士。上面既甜點認真甜！最好食既

呢間cafe係冇加一服務費，亦都冇侍應😂，點餐要去水吧落order，本來以為要自己去廚房攞啲野食，但其實會有人送黎😂。食完就要自己抹檯同拎返啲餐具去水吧度呢間cafe野食就普通，本身諗住叫意粉，但佢地話要轉餐牌，好多野食都冇左，而家得返好少選擇。最後我就叫左糯米雞翼+鰻魚飯+雞排飯，雞翼幾好食，但就入面啲飯係凍嘅🤔飯就正正常常不過佢價錢都唔貴，環境都幾好，平時同朋友去坐下都okPs: 呢間cafe仲會有兩隻貓周圍走同埋無啦啦叫😂另外放postcard 個木架會有蜘蛛

早前同朋友見餐廳裝修好似幾靚，就book左枱黎試下。點知到左同兩個waiters講openrice book左枱，望都冇望我地(望住手機) 就叫我地坐門口張枱(有煙味) 。我同朋友見有卡位就問可唔可以換枱，但個waiter態度好差咁話reserve左俾人(都系望住手機) ，但其實我地都有book枱囉，所以我地唔會俾錢買難受就走左。點知間餐廳之後話我no show(人生第一次俾人話no show) ...真系有冇搞錯呀！！！(之前冇時間寫返個review, 都唔知會唔會多左受害者)

一如OpenRice 其他食評家一樣，甫踏進店鋪，無人理會。OpenRice 話預約會有30積分，不過無論你有無預約都無人理，總之見到有位就坐就得。好唔好就兩睇啦，諗住幫朋友慶祝生日，入去個時幾驚佢會問有無預約，然後問我係咪3位（一個朋友後join)，所以呢點黎講，唔理客人都係好事。最後3人點食物：2杯飲料1份小食雞全翼1個pizza1份all day breakfast總數：$344食物質素真係好參差，我都盡量用中庸既角度去睇成件事lol首先飲品先來：· 普通水準· 只談外型，拉花幾靚· latte口感不是順滑可口· 味道上，像一般牛奶泡沫咖啡，榛子味唔出眾（Pacific, Starbucks, McCafe 想做中產 我會建議大家都係去返呢啲地方買飲品lol)- 朋友叫左紅西柚子梳打，西柚味幾出。接下來：· 味道不錯· 外皮醃料似kfc 香辣味燒雞· 內含飯量不多，只有一粒士多啤梨size 的份量· 上枱時我覺得食落唔夠熱再來：· 餅底薄脆可口· 熱辣辣· 蕃茄芝士的味道也融和· 可惜餅底太過焦，朋友表示吃不下去，朋友試過自己撕掉吃不到的部分，但一反轉整個pizza，就發現整體也

不知何時開始，香港地忽然掀起一股吃主題的風氣，除了近期大打的懷舊風之外，當然還有打著不同賣點的旗號，而這次則來到了一家以明信片與航海為主題的咖啡廳。有麝自然香，只要賣點夠吸引，哪怕是藏身於橫街窄巷之中？躲於軒尼詩道旁的後巷，要不是事前已聽過咖啡廳的名字，要知道它的存在著實不容易。既然與明信片有關，門外聳立著一個郵筒係好合情理。而這個郵筒上還有久遺了的皇冠，呃LIKE度高的裝飾。穿過藍色趟門，與航海有關的擺設遍佈於四方廳面，牆上的地圖與航海圖自然是焦點之一。當然最搶fo的應該是一整排掛得高高在上的手寫餐牌！瑪琪雅朵咖啡 $38先來一杯Macchiato，雖然杯仔細細，但咖啡味倒是香濃。若如初見 $48我家那位則試了這杯Rose Latte，偷呷一口，細滑之中隱藏著淡淡花香？雖然餐廳算是自助形式，但食物奉桌還得是店員代勞。在等待食物的時候，食客總會四周看看明信片及店內售賣的飾物小品，氣氛悠閒。芝士糯米釀無骨雞全翼 $68這道釀雞翼煎得金黃之餘，餡料也塞得滿滿。糯米口感黏黏，芝士香之餘還有絲絲泡菜的辛口，滋味夠立體。黑松露帶子闊條麵 $88黑松露雖香氣飄然，但與麵條拌勻後香氣已散失了不少，幸

香港舖租貴，要在地舖經營一間餐廳真係唔容易，呢間特色餐廳就係開在小巷內， 都真係有啲難搵，要打電話問店員先搵到。餐廳門口同裏面都有個郵筒，再加上有好多書同明信片作為佈置，餐桌都好簡約，感覺好休閒。黑松露煙肉凱撒沙律，份量好大，有好多種唔同種類嘅沙律菜，加上切碎嘅煙肉、芝士粒、 粟米、再拌上黑松露醬， 食落好豐富、尤其是沙律菜上面有一種不知是什麼種類的蔬菜、 食落口感有些似啫喱，好特別。糯米釀無骨雞翼， 幾乎係每枱都必叫的食物， 每客有六隻， 雞翼醃得好入味，雖然係用炸嘅方法，不過雞翼唔會好脆好熱氣，而係食落有啲淋淋地，唔錯幾好食。燒原條鰻魚， 鰻魚好香， 好大條，肉質都鮮甜，只係唔係好夠熱，如果整得熱啲相信會更好味!飲品叫咗一杯波希米亞 ，係荔枝加檸檬嘅飲品，飲落有荔枝同檸檬味，但係就唔會覺得酸，好清涼，好消暑。真係希望呢D特色小店能夠撐得住，咁我哋就 可以繼續有口福啦!

見到朋友ig post左間幾得意既餐廳，今日跟住地址走左去試試。餐廳係以明信片為主題，藍色主調令人好warm好有家的感覺。牆上掛滿明信片，世界地圖等裝飾好喜歡笑呢個牆，感受到店主係一個好有魄力好有夢想既年青人真係有埋郵筒喔！有代寄服務 好貼心*龍蝦燴飯*龍蝦真係啖啖肉，而且肉質彈牙，無雪藏味，難得燴飯係用意大利飯黎整，飯既熟度剛剛好，好入味，仲好彈牙。不過加埋龍蝦既鮮味就略嫌鹹左少少，但整體味道都好夾 好好味*黑椒焗雞軟骨*好好味見佢賣相濕濕咁，同平時食開炸既乾身既有d分別。聞到好香黑椒味，食落口酸酸地好開胃～～原來佢仲加左檸檬汁估唔到個味係會咁出咁可口*海鹽焦糖拿鐵*咖啡味香，口感夠滑；最特別係o係香糖既焦糖味中 飲到淡淡既鹹味，味道好夾，好好飲我好中意。同場加影小貓咪陪我食晚餐中意貓咪既朋友一定開心到暈。店內有幾隻可愛小貓咪周圍走 同客人打招呼。佢地好乖，你唔主動親近佢 佢都唔會理你的。而且全部都好乾淨，隻隻都咁可愛 哈哈好喜歡呢類型咁貼地 咁有heart既咖啡店。坐得輕鬆 舒服之餘，食物質素仲要唔錯；食完飯仲可以參觀下店內裝飾擺設，同埋有好多得意有趣 好代表到香港既明信片，值得買

每次去旅行都會寄明信片回家，友人們去旅行又會給我寄明信片，慢慢儲了一大疊。沒想到，會有人想到以明信片做主題，開設cafe。就是被這特別之處吸引，想去看看。藏在後巷中的cafe並不好找，好在大大塊紫色旗吸引了目光，然後又見到紅色郵筒。剛開始營業的店，有3－4枱客人，靜靜的，沒有人聲，只有背景播著的流行音樂。從不追流行曲的我，都不時聽到熟悉的歌。餐牌以顏色粉筆寫在黑板上，成為店內的一個裝飾。兩大頁餐牌，選擇不少，但種類不多。波希米亞梳打的味道很熟悉，卻說不出是甚麼味。混了少少玫瑰香，幾甜，但未算過份。鮮奶抹茶見有幾特別的red velvet latte，還有款藍色的鮮奶，可惜兩款都沒有供應。只好改為抹茶。幾大杯，泡泡都幾厚，大口呷一啖，飲到厚滑的泡泡加少少奶，茶味不淡，只欠回甘。沒有絲毫的甜，幾滿意。Afternoon Tea Set店內只有一名店員，一手包辦所有飲品和食物，上菜卻比很多餐廳快。效率之高，實在厲害。店內寫著「有錢唔係大哂」，這裡是self service 的店。沒有殷勤的服務態度，木口木面，但不會黑口黑面，都算過得去。三層的下午茶不消一會便呈到面前，色彩繽紛，都幾漂亮。三文

熟的朋友都知道我喜歡儲明信片～所以每次朋友外遊時都會很期待收到她們寄來的心意( ´∀｀)σ 原來在灣仔有一家以明信片 x 航海為主題的Cafe當然要去見識一下喔～店面用上的藍色還滿搶眼，因為店在小巷內～不然也頗難察覺的除了有明信片賣外，也有一些可愛的貼紙和紙膠帶之類的寄賣可以來吃東西之餘也看一下耶～ (￣▽￣)/配合主題～牆上展示了明信片外，還有一些航海地圖店內使用木製的椅桌、書架，天花板也用上木條～會不會讓大家有置身於船當中的錯覺呢？而且這店還很有個性的喲～有一個告示板掛在牆上寫著 “ 有錢係大哂，但唔好大我！”所以大家想好吃什麼之後要自己去水吧那邊落單喔 (*ﾟｰﾟ*)吃完後在離開前也要自行清理碗碟～拿到水吧那邊就好。不設服務的關係，所以沒有收加一(送餐的話還是會有店員送到桌子上的喇～)Macchiato ($38) & Rose Cafe Latte ($48)前者小小一杯的濃縮咖啡頗香的！我選了後者的那杯是因為看到餐牌上的名字 “ 若如初見 ” (｡ŐωŐ｡)是天鵝的拉花呢~在底下還有玫瑰花瓣。温和的咖啡帶著微微香甜的味道~還很香滑的喔芝士糯米釀無骨雞翼 ($68)這個很惹味！

夜晚行過灣仔見到有個易拉架sell一間航海主題café叫Postcollectionhk Café，見好似幾得意就入左去試。去到門口未算好爆，唔使等位就直接有得坐lu，太好了，好鬼攰哈哈番工企左成日！見到佢地裝潢都幾用心，有幅牆上面掛滿好多明信片，好似仲有代寄服務添（唔肯定sor）。書架上面則有世界各地既旅遊書，切合返餐廳航海渡假既主題。入正題先：Cabonara意粉，上面灑滿芝士碎，個sauce唔會太稀啱啱好，好怕有d意粉煮到水汪汪，呢度就恰到好處，唔錯。叫左個小食黃金炸蝦球，外面好酥脆，都唔會話太油，入面就塞滿晒蝦肉。有成5大粒好抵食呀，每粒大到一啖放唔晒入口呢最後甜品時間，叫左份Matcha Affogato。原來係燒熱左既鐵板，抺茶醬另上，淋落去好似食鐵板咁真係會出晒煙好有效果:0 唔知點解個雪糕又唔會好快融。

去親灣仔都唔知點解有個咁既感覺：雖然周街都係野食，成日都諗唔到食咩好。可能係因為，好多都食到厭厭地:-/ 不過之幾日多得個frd前幾日有個frd帶左我去呢間新café.café位置其實有d難搵，要係大街轉入一條巷仔先見。不過正正因為咁，間café可以話係鬧市中的一片“靜“土。入去第一步就已經有隻霸氣貓咪迎接我地！佢顯得好興奮咁跳來跳去，又肯比人任摸。首先叫左個黑松露帶子意粉，一放低已經好香松露味撲入鼻好治癒呀<3 帶子都算幾大粒 值90分 再黎一個芝士糯米釀無骨雞全翼，好多餡，啖啖肉，正！如果唔好太燶就100分喇Jumbo All-day breakfast，炒蛋有驚喜，半生熟好夠滑。飲野仲叫左一杯黑牛，即係可樂＋vanilla雪糕啊（其實即係新地樂哈哈）。食西餐得黎又帶點港式風味。成餐飯都幾滿意，人少少真係好岩同frd gathering。推介。

呢到夠特別，只因係以明信片做主題的餐廳，場內仲有手工坊及展賣位餐廳內一律全自助形式，由落單到收檯都係一手一腳龍蝦燴飯，賣相夠吸引，一隻龍係碟上，燴飯硬度剛剛好，有種意大利燴飯的味道，加上龍蝦肉，味道夠，仲有少少鹹蛋黃同海膽味，但都幾match，甜甜地幾好食，一碟其實已經夠食炸薯角，一碟都算多，薯角每條夠多肉，夠哂肥仔，少少香口，唔會太重口味,鹹鹹地，已經夠好食波希米亞，單睇樣夠哂靚，粉藍色加汽泡，超夢奶，仲有桃粉花瓣，入落除左梳打水味，仲有陣陣荔枝味，原來除左得個樣，味道都幾特別綠茶鐵板雪糕，熱的鐵板同雪糕意想唔到會走埋一起，係三條好似手指餅上面放左球雪糕，再自己倒D抹茶汁落去，除左雪糕，無論抹茶定手指餅單食都怪怪地，甚至抹茶味係偏澀，但係遇上甜的雲呢拿雪糕，三者夾埋竟然有呢種意外的口感同感覺另外呢到有一大賣點就係有貓貓任摸，不過我都對得多我屋企個位主子，所以對我黎講都冇咩感覺呢！1

間cafe係灣仔一個小巷內，唔識入，都會比較難搵倒間野。有時都會見倒有昆蟲爬過。有兩隻貓係店內，可以觸摸。不過依兩隻貓嘅叫聲有啲似嬰兒叫喊聲，感覺有啲嘈。而且郵意明信片，當然店內裝飾都見有好多postcards，同埋間店鋪都有售賣postcards同代寄。帶子闊條麵好足料，帶子多，黑松露對整個麵都好入味。不過覺得白汁可以再多啲。雞翼夠香，外面應該係蜜糖烤🍯，有少少甜，都幾有芝士味🧀，但係咪糯米就唔係好食得出。😅戀蝶，即係薄荷檸檬梳打。薄荷味飲唔出，但檸檬嘅酸，佔滿成杯野飲，幸好梳打係甜底。如果唔係就太酸啦…🍋🍸波希米亞同樣偏酸，但比戀蝶嘅酸，溫和少少。

呢晚去開灣仔，同個FD吹水兼打下SWITCH，咁就緊係要搵個舒服嘅地方啦。於是就黎左呢間郵意，真係地方舒服，有少少BOARD GAME玩，又有可愛嘅貓貓，好開心。呢日同個朋友打孖寶賽車同OVERCOOKED，雖然係咁，野食都唔可以馬虎。我地都叫左個性價比最高嘅全日早餐，$78好似係貴，但入面有好多野食，有我最愛嘅黑松露蛋，又有三文魚﹑香腸，煙肉，真係咩時候食都咁醒神。黑松露蛋好高質，有黑松露香，蛋又好滑，仲有個三文魚我都好鐘意，夠滑夠軟腍可口。不過晚飯有個唔好，同LUNCH比較，就係LUNCH ORDER會送價值$38的野飲，但晩餐就無啦，太可惜。不過唔緊要啦飲少杯野改做飲水，但可以坐成晚都OK。

我絕對是一位貓狗愛好者，身邊朋友告訴我灣仔有一間是有好幾隻貓的餐廳，我便馬上跟他約過去吃飯，順道探訪那幾隻小貓咪囉！一黎到見到兩隻亞古獸坐左係到，緊係拎黎影下相先啦。呢間餐廳特別之處係要自己去水吧落單，食完野都要自己整番乾淨D餐具。黎到試少少簡單野，芝士蕃茄煙肉焗螺絲粉，面頭芝士超多啊，撒滿香草，仲要唔少蕃茄，不過草青味唔會太重，螺絲粉煮得夠林，仲有D煙肉係裡面，份量都唔可以睇下，一個女仔食一定夠飽有凸。芝士仲拉到絲呢，芝士友至愛。呢杯熱Latte，拉花幾靚，泡算綿溯，咖啡味香，不過要自己出去拎糖調味，一律都係自助式。魷魚扇貝蝦枝，落單時見到覺得幾得意，所以試埋呢款。一碟份量都算多，蝦枝外層炸得仲脆脆地，一食落去真係有魷魚肉同蝦係裡面架，絕唔會偷工減料，第一次食呢款小食，不錯呢。自家製Tiramisu，Tiramisu意外地好吃，我喜歡佢海綿蛋糕唔會濕，中間及底部兩層海綿蛋糕恰比例到好處，Tiramisu口感軟滑，味道濃郁，主題Café黎講很不錯呢！另外還有地方賣各種書、明信片，當中有十分港式的搞笑粗口卡片，買來給朋友都相當不錯。在場應該有4隻貓貓，當中有一隻非常喜歡跟住走動緊既客人呢