再來一煲 (好順景大廈1座)

Open Now

Now Closed

焫焫焫焫焫焫著...講緊嘅係辣得過癮又嫩滑嘅雞肉😋😋今次嚟到元朗呢間隱世雞煲店餐廳位於小巷 旺中帶靜 適合三五知己一齊嚟嘆個雞煲再烚下烚下 一邊吹水 一邊享受美食菜單裡面嘅選擇都算多 對於選擇困難嘅寶寶可以跟返餐廳嘅推介或者人氣之選 走地麻雞 半隻 小辣👍🏼（$198）今次我同同行朋友就揀咗走地麻雞 店員都好貼心 見我地人數唔算多就推介揀半隻雞就夠 又介紹雞煲材料配搭 店員推薦可以再另外揀埋其他配菜撈住食更野味辣度方面有五種選擇 我地揀咗小辣 餐廳都好貼心 有BB辣度 甚至唔辣 更有變態辣🤭店員會幫手炒一炒 一打開蓋果陣辣香已經令人食慾大增 食落都肉汁juicy嫩滑 當中嘅豆卜都索晒雞煲嘅精華 辣得好過癮醬料👍🏼（$12/人）打邊爐點少得豉油蒜蓉等 呢度都有七樣配料自由選擇鮮鮑魚 👍🏼（$12/隻）一開始就加入雞煲入面煮 吸晒雞煲味 食落野味又不失鮑魚鮮味蜜椒薯仔牛柳粒👍🏼 （$68）另外叫咗個熟食小食 呢個有驚喜 好好味 薯仔外硊內軟 牛柳粒熟度口感剛好 值得推介炸魚皮👍🏼（$28）份量超多 食雞煲時食又得 打邊爐時食又得 夠脆又大份 抵食之選手打蝦滑👍🏼（$88）爽口彈牙 蝦味十足

胡椒豬肚雞煲係餐廳嘅鎮店之寶 特選三黃鬍鬚雞 可選一隻$288或半隻$198份量今日一家四口一齊食所以我哋揀咗一隻雞 一隻雞嘅份量啱啱好 三黃雞唔算大隻 但勝在冇乜多餘脂肪 皮脆肉嫩 鍋中亦有大量炸支竹及豬肚 食曬全個煲嘅嘢其實都已經飽咗一半特別想提下個湯底 胡椒味好香 好重雞味 飲完之後個身真係會暖笠笠㗎打邊爐之前先調好配料 醬介每位12蚊 醬料架乾淨企理 生蒜，芫茜，辣椒夠新鮮 虎皮尖椒(小食)$48 用蒜頭豆豉辣椒炒真係惹味到不得了 味道又香又辣 尖椒口感爽脆 炒得夠乾身 非常好吃即叫即炸脆響鈴$38 上枱嘅時候仲係熱辣辣 真係即叫即炸㗎 可以就咁食 亦都可以浸湯食 咬下一口鬆脆非常 又唔油膩 必食之選牛臉頰片$88 每日限量供應 此部位是牛的臉珠 真係食得刁鑽 我都係第一次食 口感出奇地彈牙 肉味好香濃 由於冇乜脂肪 所以肉質幾有咬口五層白肉片$78 肥瘦相當均稱 一層脂肪一層肥肉 入口有即溶效果 肉質鮮甜由於個湯底實在太好味 所以額外叫多一份炸支竹同埋烏冬 吸盡湯底嘅全部精華 咁樣先係識食嘅至高境界

再來一煲有幾個煲底選擇 1.招牌雞煲 2.胡椒豬肚雞煲 3.再來烤魚 4.生啫魚頭煲今日被點燈嘅煲底係胡椒豬肚雞煲 餐廳對雞嘅要求都好講究 特選三黃鬍鬚雞 果然雞肉嘅肉質係唔同啲 食落特別彈牙 雞件完全冇多餘嘅脂肪 啱曬鍾意食又怕肥嘅我胡椒豬肚雞呢個組合真係冇得彈 個湯好香胡椒味 辣辣地幾開胃 餐廳好聰明 放咗大量支竹 利用支竹吸味嘅特性 吸收湯底嘅精華 真係多多都食得曬 實在太好味人氣小吃椒鹽粟米$58 強烈推介 粟米嘅清甜同埋椒鹽嘅鹹香 形成強烈對比 加埋香噴噴嘅炸蒜 可以用色香味俱全黎形容醉雞子$58 雞子用花雕酒浸過 可以去除雞仔嘅腥味 充滿酒香 而且粒粒飽滿肥美 不錯新鮮滑牛$78 第一個感覺係份量超多 食極都食唔完 好抵食 滑牛加鮮雞蛋 滑上加滑精選雜丸拼盤$68 雜丸其實都好普通 但係令我留下深刻印象係佢個牛丸 口感出奇地彈牙 而且充滿肉汁 好重牛味黑毛豬肉片$78 肉片切得好薄好平均 灼一灼就食得 肉質相當淋滑 帶有鮮甜味生腸$68 生腸本身冇乜味 但係我就係鍾意食佢爽脆嘅口感珍寶凍檸茶，凍檸樂$38/杯 超級巨型 平時兩杯等於一杯嘅份量 邊打邊爐 邊飲凍嘢 夠曬爽

見評語甘多人話好食 就決定試下 2個人叫左半隻微辣雞煲 味道除左辣冇其他味食開百斗記同天天既我 完全吾系心目中既雞煲味道 d雞仲要少得可憐 2個人每人食2-3舊雞就冇 反而洋蔥一大袋😂雞肉好鞋 真系吾會再有下次

再來烤魚(麻辣)$248配料豐富，有大蔥、青瓜、大豆芽菜、金菇、芫荽、豆卜，底下仲有薯粉，干辣椒同花椒適量，湯底唔會太辣，小小麻，濃郁惹味。成條鉗魚份量十足，魚皮煎到香脆，魚肉嫩滑又冇骨，索住湯汁熱辣辣，啖啖肉好好味。金菇同豆卜都索滿湯汁，辣得嚟惹味，薯粉又滑又煙韌有嚼口。椒鹽鴨舌$78鴨舌上面舖滿炸蒜，好香口，鴨舌炸到酥脆，連骨都食得，但肉質keep到嫩滑，椒鹽味恰到好處。椒鹽粟米$58粟米上面同樣舖滿香脆嘅炸蒜，粟米外表焦香，鹹鹹甜甜咁。蜜糖薯仔牛柳粒$68牛柳粒油潤Q彈好味，蜜糖薯仔外皮香脆，裹咗一層蜜糖，更脆更可口，裡面就好軟滑，有啲喧賓奪主。爆汁牛筋丸半份$48、瀑布芝心牛丸半份$48牛丸同牛筋丸一樣咁爽彈牙有牛味，嚼勁十足，芝心牛丸裡面嘅芝士份量好大粒，咬開做到拉絲效果。0.03紙豆腐$28真係薄到紙咁嘅豆腐皮，稍為浸一浸湯就食得，口感煙煙韌韌咁，豆味都ok。珍寶檸樂$38好小杯嘅檸樂，冰冰涼涼，解暑解渴一流。

朋友介紹我黎食招牌魔鬼辣雞煲（半隻）我地點左中辣 心諗試一試😂真係好辣雞煲到左後 已經聞到好香雞件嫩滑入味 越食越辣 仲要係有層次既香辣 雞煲用料十足👍🏻加左花膠 花膠軟淋 吸哂辣雞汁 原來雞煲加左泰式香料個味道可以咁好食再叫左個牛皇拼盤 好新鮮有牛小排 牛胸油 封門柳牛臉頰同滑牛牛小排質素高 滾十幾秒即食 牛味濃😋牛筋丸好大粒 勁彈牙 真心推介要試😋黃金響鈴即叫即炸 仲有泰式辣醬可以點嚟食 正呀😋黑椒薯仔牛柳粒牛肉粒肉質嫩滑 薯仔炸過 外脆內腍 加上有蜜糖甜甜地 勁惹味下次一定會再去

從網上見到元朗新開左一間雞煲，辣度非凡，聽過食得好辣嘅朋友都讚口不絕，就緊係要朝聖一下！首先店員會比醬汁混下醬先，XO醬用料十足！我哋點左一個微辣既雞煲，雞係生炒既，上枱後炒多十分鐘到就食得，雞煲嚟到見到冇乜色以為係冇乜料到，點知食咗10分鐘，嗰個汗流滿面，如果食得辣嘅朋友可以點中辣更加嘢味！主打牛拼盤打邊爐點可以少得一盤靚牛，這裏的牛拼盤用上很多不同部位，很多部位外面很少食得到，牛吊龍，牛小排，牛胸油，封門柳，牛臉頰，新鮮滑牛，牛筋丸，牛脷等等肉紋靚，淥幾秒就食得，又係重本之一手包餃子粒粒飽滿！鮮炸響鈴，新鮮爽脆，吸湯一流！返到屋企又冇口渴嘅感覺，抵讚！

Tomato Whole Baked Fish Pot($248)蕃茄再來烤魚香烤肥美鉗魚配上鮮甜開胃蕃茄湯底，比美香辣湯底，就算不能吃辣的朋友也能享受烤魚。另外有金針菇、紅薯粉、芫茜等配菜增加口感，非常豐盛。-King of Beef Platter ($348)牛魔王拼盤豐富愛牛之選，包括牛脷托、牛臉頰肉、新鮮滑牛、本地手切牛、本地牛胸爽、爆汁牛筋丸、安格斯封門柳、安格斯牛小排。-Salt and Pepper Sweet Corn ($58)椒鹽粟米很邪惡但很香口，吃不停。-Fish Skin Dumplings ($38)魚皮餃-位於元朗雞地隱蔽小巷的雞煲、烤魚、魚頭煲專門店。小店不大，裝修簡約，食物CP值高。

元朗雞地一向多野食，今日jo來到食街新開的再來一煲，這裡位置係巷仔不太起眼，係一間食雞煲小店點完餐就慣例提供俾蔥蒜醬油俾顧客，值得一讚係呢到的xo醬好香又唔會太辣，係廚師自家炒的好好食值得一讚招牌雞煲（半隻） $198呢到雞煲有5個辣度，也可以走辣，jo就叫了第二級小辣，真心小辣我都覺得好辣😂不過好好食，雞份量好多又嫩滑juicy，我幾欣賞入面有幾多其他配料（豆、雲耳、洋蔥、芫荽、豆卜），食落無咁油膩，值得一提係呢到用的香料幾特別，有八扣、魔鬼椒、檸檬葉，所以辣得來十分惹味又幾清新，好食！如果唔肯定叫幾辣，可以叫左bb辣或小辣，唔夠辣店員好好人會幫你加辣的👍🏻 椒鹽粟米 $58這碟真的好特別第一次食，粟米本身係甜，而椒鹽味道係鹹同辣，但全部夾在一起又好好食！推介👍🏻即炸響鈴 $38最特別的地方係可以點泰式辣醬即食！第一次咁食滿不錯！當然平時打邊爐食法當然好食牛魔王拼盤 $348勁多不同款式的牛滿足哂貪心的jo，jo最喜歡新鮮滑牛，用鮮雞蛋撈，食落肉質爽口得來又嫩滑，正！牛丸jo也大愛十分濃厚牛味和彈牙魚皮餃 $38皮好煙韌魚肉又唔腥，不錯.整體來講相當不錯，好好食價錢又合理，值得一讚呢

今日約咗朋友去元朗嘅「再來一煲」，食雞煲，再打邊爐！見到隔離枱嘅《椒鹽粟米》好吸引，我哋又叫碟， 味道清甜， 又甜又多汁，仲有加上椒鹽， 增添不少香辣味道， 好掂，必食！ 之後我哋揀咗招牌雞煲半隻， 由於我唔食得辣，所以我揀BB辣， 嘩， 配料十足， 唔怪得知咁香啦！ 有蒜頭、芹菜、洋蔥、芫荽、木耳、豆角& 豆卜，豆卜吸晒啲精華，超正！ 雞件又香又嫩滑，雞味濃郁，雞肉勁惹味，辣椒份量味啱啱好，唔太辣，啱晒我，好食！ 不得不提大大份嘅《炸響鈴》，響鈴十分酥脆，應該係新鮮即炸，食到舔舔脷， 超好味！ 朋友係牛魔王， 一定要叫份《牛魔王拼盤》， $348 一份，有唔同部位嘅牛， 一次過可以試晒，正，正，正！樣樣有齊，好豐富， 包括有封門柳、牛吊龍、牛面頰、牛小排、牛筋丸、滑牛蛋上， 仲有少見嘅牛胸油&牛脷， 總共八款， 係咪好吸引呢？牛小排牛味十足， 正， 脂肪比例均勻，超好食，牛筋丸又係超好食， 勁juicy, 牛汁爆曬出嚟，仲有我第一次試牛胸油， 好爽口，幾特別！ 餃子味道OK，鄙薄餡靚！ 最後梗係要食下啲菜啦，叫番個蔬菜拼盤就最啱！

💖好耐冇成家人一齊去打邊爐🍲聽朋友講呢間嘅雞煲同火鍋唔錯，所以同屋企人嚟食晚餐。入到去好多檯客人gathering，不過唔會好嘈，氣氛幾好。嗌完嘢食，店員即刻上咗唔同嘅醬料，俾我哋自己fill up1⃣️魔鬼雞煲 (一隻)🐔 $288💖又香又辣超級惹味🔥我哋成家人都唔係太食得辣，但又鍾意食😂所以嗌左BB辣，辣度對我哋黎講啱啱好。💖雞煲用嘅係走地麻雞，一上黎已經聞到成浸麻辣香味，店員會黎幫手煮。雞肉夠晒嫩滑，仲唔係好多骨。煲入面仲有其他配菜，豆卜浸係湯汁入邊，比雞肉仲辣，惹味開胃🥰2⃣️牛拼盤 (大)🐂 $488💖夠晒排面同份量！好多唔同種類，一齊share最啱。鍾意佢嘅安格斯牛，厚切口感正，牛味鮮香。滑牛配上生蛋黃🥚肉質粉嫩，同蛋花一齊食口感更豐富。3⃣️黑椒蜜椒牛柳粒🐂 $68💖牛柳粒一口size，醬汁香甜，肉質嫩滑。薯仔🥔好似脆薯角嘅口感，表皮焦脆熱辣辣，入面粉粉地。仲有甜椒🫑，表面醬汁一樣香甜。4⃣️即叫即炸響鈴 $38💖可以生食或者落火鍋煮熟。個人鍾意就咁食，表皮夠晒脆身，咬落口感鬆軟，帶油香味。5⃣️花膠 $58💖我嘅至愛！口感滑溜，咬落滿滿嘅骨膠原，配埋麻辣嘅湯汁超正🔥6⃣️手工韭菜餃🥟 $38💖

夏天最爽就係嘆住冷氣打邊爐🍲 今晚就嚟元朗呢間小店試吓雞煲同埋打邊爐🤤 點完餐之後會有一大盤醬料任攞唔嬲☺️🐓 魔鬼雞煲（BB辣）$288/隻大大煲，隔住口罩都聞到好香！利申我哋唔太食得辣，嗌左BB辣都覺得好辣，又麻又辣，幾爽😂 入面有雞肉、雲耳、豆卜，雞肉真係好好肉地，肉質嫩滑，唔會食到好多碎骨👍🏻 豆卜索晒啲湯汁，所以會辣上加辣🌶️🐂 蜜椒薯仔牛柳粒 $68牛柳粒表面甜甜地，肉質非常嫩口，一口一粒好開心🥳 薯仔外脆內軟，呢個大家都讚不絕口👍🏻 另外仲有三色椒🫑，感覺健康啲～即叫即炸脆響鈴 $38可以就咁食，或者打邊爐～ 果然係即叫即炸，就咁食嘅話口感鬆化香脆，邪惡但好食😋 如果打邊爐就會軟腍，幾有咬口～ 花膠 $58口感滑嘟嘟又彈牙，每一啖都係滿滿嘅骨膠原，索埋雞煲嘅辣汁，更加入味🤤🐂 瀑布芝心牛丸 $68/份牛味香濃，口感好彈牙，咬落入邊係爆漿芝士，仲做到拉絲嘅效果，芝士味濃郁👍🏻🥟 手工韭菜餃 $38做到皮薄餡靚，外層嘅皮唔會覺得好似食緊麵粉嘅感覺，入邊嘅韭菜餡好足，而且調味唔錯😊🐂 牛魔王拼盤（大）$488上台都幾震撼😲 有好多唔同種類嘅牛，雪花靚，唔會好薄切無肉地，當中最鍾意啲

好高質素嘅雞煲！樣樣野都好好食而且見到好多好有心思嘅位置雞煲嘅辣味香濃而且啲雞都好入味同嫩滑我都要讚佢嘅牛筋丸真係多汁彈牙一咬開feel到有啲牛肉汁必出嚟非常之好食一定要試佢嘅響鈴真係即叫即炸非常之脆老細俾咗啲泰式酸辣醬我哋點，正之後浸浴雞煲啲湯度又係好正又係一定要試我未食過咁好食嘅響鈴🤯😨仲有就係個蒜烤粟米切得啱啱好可以令人揸住筷子好輕鬆咁食到而且又甜又有蒜香非常香口入味！佢啲牛肉都係精心挑選感覺新鮮而且好高質素老細叫我哋加隻生蛋入去食令到肉質更加滑見到老細嘅心思呀！另外蔬菜亦都一盤有四種一次過滿足晒我哋嘅願望分量特大飽到傻咗但真係幾高質素！好有心思令人想再嚟食多次🤪

呢間雞煲位於元朗，位置都幾偏僻，好彩有元朗朋友帶路！一去到店員就非常熱情有禮，態度友善，值得一讚！等咗無幾耐雞煲就黎咗，店員主動幫我地炒雞🐔好細心～擺上檯就見到分量好多，色澤誘人，皮薄肉厚，店家話用咗自家秘製辣醬🌶️所以唔同出面坊間嘅辣，唔怪得咁香口啦🤤仲要用咗指天椒，所以辣度都好夠，真係愈食愈想食呀！雞煲食得七七八八店家就會幫我地加湯打邊爐，邊爐配料非常豐富，有現切牛肉🥩、手打牛丸、響鈴、腐皮卷等等，牛肉種類超多！牛胸油、滑牛、肥牛都有，我最鐘意滑牛，碌熟之後都係好滑，入口順滑，牛香味重，不知不覺就食咗好多😆腐皮卷都令我好驚喜，之前都未見過，店家話厚度只有0.03cm，係台灣進口，香港無得賣架，超薄放落湯度一兩秒已經食得，入口豆香味勁重而且好滑！值得encore！整體而言牛肉都好鮮甜，而且種類好多😍好多以前都未見過，真係大開眼界呀！最後再食少少蔬菜清清腸胃，食到好滿足😋有機會會再去～

山長水遠去到元朗就係為咗試呢間雞煲∼佢有好多辣度揀，仲有變態辣😂我地揀咗小辣，但辣度都好夠，唔食得辣嘅人嗌bb辣或者原味就好啦🤣呢度嘅店員非常細心，不時問我地有咩需要，雞煲上咗之後仲叫我地唔洗急，佢會幫手炒，雖然客人好多好忙但服務態度仍然特別好👍🏻一打開蓋就聞到好香！雞件好多而且非常嫩滑，四個人食都食唔曬🤭仲有好多配料，四季豆、洋蔥、牛筋等等，因為一開始係放喺底部，所以煮咗一陣已經索曬啲汁超惹味😝我最鐘意牛筋，煮到軟鯰好易咬，成煲分量真係好足！食完雞就可以打邊爐啦！店員又主動加湯，不時仲幫我地撈起浮沫，非常細心❤不得不提佢嘅鮮切牛肉拼盤，種類繁多，有牛胸油、牛胸腹、滑牛等等，牛香味非常重，薄切嘅淥一淥就食得！牛胸油味道一啲都唔油膩，反而好爽口，半透明唔講仲以為係牛筋添∼可惜掛住食忘記影相啦！另外佢嘅餃子及牛丸應該都係自家製，牛丸彈牙牛味重，仲有大大粒，好食過街市賣的好好多👍🏻仲有芝心牛丸添，我都係第一次見，又出奇地夾，芝士味濃郁，但又唔會同牛味相撞。還有響鈴飲品……總而言之係一次好好嘅邊爐體驗😆希望有機會可以再去啦！